檀島咖啡餅店 (軒尼詩道)

营业中

休息中

食物没冇什麼特别之處，很普通的茶餐廳，不知道出名在那裏？或者是出名服務態度差，由火記到收銀個個都唔願做野，說話粗聲粗氣，手指插入水不用說，食物大力放抬上，去完一次之後不会再想去

出名嘅蛋撻我無食到，因為太肚餓要食多啲嘢宜家真係樣樣貴，一個公仔麵餐要五十幾蚊。講返食物質素，個奄列係油泡咁滯，每一口都係油，除咗哩樣，佢本身應該都唔錯的，中間有流心，火腿同蛋都足。豬扒炸得不錯，唔會話好乾，但真係食唔到豬味。公仔麵同湯就普普通通啦

由於今日中午我們要喺灣仔附近做嘢，但因時間仲早，所以我們就喺軒尼詩道嘅「檀島咖啡餅店」食咗個午飯先！我們叫咗幾個常餐：沙嗲牛肉公仔麵拼腸仔煎太陽蛋嘅牛肉都算軟滑，但沙嗲醬嘅味道就超級鹹，至於腸仔煎太陽蛋就不過不失！鷄絲湯通粉拼炒雙蛋嘅鷄絲肉質比較「粗嚡」，而且再淋上咗啲忌廉汁喺面，令到食落覺得好膩同好滯，至於炒雙蛋亦炒到過咗火，所以質感比較「老」同唔嫩滑！豬扒湯公仔麵拼吞拿魚奄列嘅豬扒肉質都幾鬆軟，而且有兩塊咁多，至於吞拿魚奄列就感覺怪怪地咁，鷄蛋亦唔嫩滑，吞拿魚嘅味道就極之腥，再夾埋一齊食，感覺真係超級錯配呀！另外！喺食到一半嘅時間，突然有隻超大兼且係會飛嘅「小強」飛喺我手上，之後再飛去其他人客身上，嚇到我們個個當場成個跳起同大叫出嚟，本來我們已經覺得極之不滿㗎，但最令我們更加反感嘅係，其中幾個店員竟然話：「駛唔駛咁誇張咁大反應呀，祇係飛曱甴之嘛！」！聽到他們咁講之後，我們真係覺得超級唔滿意同埋決定以後都唔會再嚟！

Food was oily, not very flavourful. You can definitely find better HK cafes around (Kam Fung is much better). The service is absolutely awful. The waiter spilt hot water all over me and did not apologize. My shirt and lap was soaked in water, and when I asked for more napkins to clean it, he scoffed at me instead. I will never be coming back.

公眾假期既灣仔....度度都多人所以求奇揀左間貴貴既茶餐廳。最想食既吉列豬扒賣哂，焗住叫魚柳。留意番，呢塊係一塊魚柳，有少少驚喜。因為食親魚柳都唔夠飽，今次就有啲飽😂Ummm...50蚊有啲貴，但都值既。典型既奶茶，兩個字~~~~好味!

平時喺灣仔經過檀島多數都係喺門口買個蛋撻食今天約咗人喺灣仔食lunch，喺四圍都搵唔到位嘅時況之下走咗入檀島，竟然啱啱好有兩個位一坐低就見到有喇沙套餐$55蚊包野飲，仲有得揀配咩麵底，諗都唔諗就叫咗肥牛喇沙檬粉！呢個喇沙有驚喜，湯底濃味，椰漿有奶香，仲帶少少海鮮味，微辣醒胃，仲有三舊豆卜，索晒湯汁好惹味肥牛一比之下就絕對失色喇，煮得過熟有啲韌，但都接受到，始終主角都係喇沙湯底，肥牛只係配角喺灣仔來講，＄55有嘢飲都算係咁，下次可再encore！

因為去美食展，所以選了這間老字號食早餐，老字號當然不能期望有服務，可惜一個＄44元的早餐居然只有雞蛋可吃，多士很乾硬，似肉乾，難吞嚥，可幸凍檸茶是不錯的，但下次去灣仔一定不會光顧了。

甚少寫食評既我, 都要寫幾隻字讚一下.呢間舊式咖啡店, 我已經食過幾次, 出品都ok. 今次工作原因一早到灣仔, 就試下個早餐, 出乎意料 : 勁正!! 正確啲講, 應該係杯飲品勁正!!只係簡單叫左個早餐配凍檸茶, 無咩特別, 但係杯凍檸茶真係好好飲, 唔似以前咁無乜味, 好好多, 有水準, 有進步, 值得一讚.

看完書展後，時間較夜，見到名字較老字號的茶餐㕔，諗住醫完肚回家！坐下已經叫了一個常餐，和干燒伊麵！我叫的常餐已經到了，沙爹牛肉意粉，但意粉超難食，太硬,之後我其餘的蛋腸麵包飲品都到齊！但我太太的干燒伊麵一直無影，等了十幾分鐘後，我開始幫太太追單，伙記只講要等下，之後差不多追了三次，都係話抄嘢係要等下！我眼看其他食客都等緊他們點的餸菜都未到！當我等到二十五分鐘後，我叫干燒伊麵無就cut單！伙記只會同我講就到！最後隔了一陣，真的到了！但超難食和凍冰冰，加上似晚餐的雜菌伊麵，有點被騙的感覺！發誓以後絕不會再入去食難食！如果你喜歡食難食便入去啦

去開灣仔，當然要去檀島食蛋撻啦！檀島嘅蛋撻貴過平時普通餅店嘅蛋撻一倍有多，但事實上真係幾好味。蛋漿十分嫩滑，甜度適中，不會過甜。酥皮撻底，又香又酥脆，配合軟滑嘅餡料，十分匹配，口感上亦顯得特別豐富。熱騰騰的蛋撻十分出色。我另外仲買咗一個甜餐包，甜餐包就比較普通啦。麵包痴牙，又唔夠鬆軟。但係沿路都有好多人排隊，我見佢哋都係買包食，可能係我咁啱揀嘅甜餐包比較差啦。有機會都可以再試吓其他包嘅。不過，如果只係諗住買來當下午茶，都係買返蛋撻啦。

在灣仔區約了朋友，想說已經很久沒去過檀島坐坐了。這次下班時間來到，人也不多，兩個人坐在卡位也萬舒服的。食物方面，檀島餐廳最岀名的就是咖啡和蛋撻，水準其實也不用多說。這次想說的是他們家的麵食。我和友人今次嘗試了他們家的叻沙，你都是意想不到的好吃。他們家的叻沙可以選擇不同的配料，我們選了肥牛叻沙和豬頸肉叻沙。豬頸肉煮得煙韌有咬口，肥牛味道也不錯。最喜歡的是他們叻沙的湯頭，夠入味。而且真材實料，下了相當的椰汁，椰香十足。沒想到茶餐廳的麵食水準也不錯，下次也會再來。

晚上竟然點咩都話要等半個鐘, 好啦我同老婆話等, 結果等左半個鐘只來了一半, 追問下才知另一半還未做~只好取消未來的餸, 焗住食一半~ 食物味道一般, 隨便找一間路邊茶餐廳都有咁嘅水準, 等埥個鐘仲要受氣,…以後都不會再幫襯。

不愉快經歷，好耐無去食檀島蛋撻，去左灣仔分店買左3個蛋撻外賣，門外負責麵包部大嬸話買4個先有盒，但我地衹打算一人食一個，所以我都衹係買3個算，但完全無諗過就算放膠袋都可以專登放到D蛋撻反轉曬，請問係咪唔憂做，所以零專重D客呢，定大嬸睇唔起人呢，講真味道右唔係真係好好食，成8蚊1個，重要受氣，我響其他餅店買蛋撻，職員都識分兩個響底，中間放張卡紙，上層再放一個啦，買多買少都應該要尊重，衹此一次，無下次！

日前睇新聞，話檀島中環店結業，老實講，無乜感覺。不管你是甚麼老字號、賣甚麼情懷，甚至是以本土、小店為賣點；如果基本野，包括食物質素、服務，同價錢都做得唔好的話，被市場淘汰，自是必然。中環店好耐無食過，但灣仔店日前才食過無耐，呢個講法放上去，絕對用得著。當日因為要到灣仔開會，開完會都成十點，諗住食早餐，有人提議去「瑞士架啡室」，但人在地鐵站附近，近近地，就去檀島，姑且試下，話晒奶茶出名。一坐低，睇餐牌，一個全世界的茶餐廳都係做33~35蚊左右的火腿通煎雙蛋早餐，佢賣$40，唔通真係好食 d？都無其他選擇，唯有照叫。由始至終，侍應站在一旁，唔好話我主觀，我覺得佢有少少不耐煩，可能心想：點解在無乜選擇的情況下，都可以諗咁耐？Order完無耐，真係無耐，一分鐘內，所有食物到齊；如果以此來評為效率，不諱言是超高的。但食物，全是冷的！牛油餐包，凍；煎雙蛋，凍；火腿通，微暖；連杯奶茶，都係微暖！唔係我一份係咁，全檯3個人，exactly一樣同等對待！味道呢？求其找間茶餐廳食，唔好話一定好食過佢，但真係好難會再差！連最出名的奶茶，都只能講： OK 啦！至於其他出名的「名物」如蛋撻，當日無試；而當日之後

放假前夕公司請食下午茶, 平時飲開咖啡, 今次叫埋食物又飲又食慶祝聖誕 由於要滿二百蚊先送外賣, 唯有打電話落單再落去外賣自取. 先講蛋撻, 未食已經見到佢個酥皮好厚, 咬落去原來非常之鬆脆, 好多層酥皮好豐富, 每一啖都好滋味, 蛋就甜左少少, 有蛋香,頂呱呱熱奶茶, 茶香奶滑, 不過奶味會比較重, 偶然飲一杯就好了西多士, 選擇加練奶,餐廳已分好一開四件, 中間搽左花生醬, 不過味道一般般, 可能已經凍左的關係, 有d整體來說, 蛋撻一定會再encore