橫綱

营业中

休息中

最近係油麻地附近返工，咁食遲少少，費事咁多人啦見好耐無食日本拉麵，記得好耐之前食過呢間，仍然好掛住久違的叉燒拉麵叉燒大片，起碼2，3塊，唔會好薄湯底濃郁，葱好香口，粟米香甜只係坐得迫左少少啫

每次來<橫網>，必定試不同的菜色。今次也不例外，約了朋友下午6點15到左右，已經要開始排隊等，大約15分鐘後便到我們。我們便立刻下單 魚豚骨拉麵 和 牛肉拉麵!!牛肉拉麵之前試過牛骨味濃，今次特意介紹給朋友試，拉麵軟𥒏適中，質感亦不錯，朋友說很好吃，但本人喜歡吃硬身拉麵，所以只能說可以。牛肉是用肥牛薄切，口感不錯，適合喜歡吃拉麵的朋友們。魚豚骨拉麵第一次試，我喜歡吃硬身拉麵，所以特意叫硬身少少!濃濃的湯水浸入魚豚骨和拉麵。魚豚骨很大塊好像吃東坡肉的感覺，上層脆脆中間有點脂肪肉下層口感少少硬身又鬆軟，好好味的菜式。麵是硬身，口感一流，有點似在日本九州時吃的感覺。湯味不錯，而且有半隻蛋來配合，感覺不錯也滿足。這間店舖已經多年，所以定時來品嚐不同的味道，坐位雖少，但人流不絕。是我喜歡來的原因，因為師傅咁多年都保持水準~~但今次由落單到菜色來都有30分鐘以上時間，希望大家留意考慮清楚~才決定來試試~!

自從去過日本之後，都好少食拉麵，今次係第一次食橫綱，夜晚八九點去到，都要排隊，差唔多九點半先有得食，不過都係值得既，因為湯底濃得尼但食完唔口渴，而且份量大，就咁食一本都飽晒，抵食！

經常見到好多人排隊今日咁啱肚餓又經過又無人排真係好好彩！食咗味玉拉麵，個蛋做得好好！整個湯麵都好正！我無嘢可以挑剔！我係反傳統嘅，我鍾意有熱茶多過凍水😆其實去到日本食拉麵要request熱茶還是會有的😄感謝拉麵師傅細心地問我需唔需要橡筋紥起頭髮真心細心的服務感動到我！覺得必須要上嚟讚下！我一定會再幫櫬不過要等無乜人排隊先😆

多年前已經聽過朋友話過呢間拉麵好食~最後我前兩日先第一次去試, 閒日嘅下午3-6點仲有8折添~ 揀咗魚豚骨拉麵(豬骨鰹魚湯底), 原價$85不用加一, 8折後$68.  個豬骨鰹魚湯底真係夠香濃, 濃厚豬骨湯再加上一陣陣鰹魚香, 又唔會過鹹! 麵底就冇乜特別, 勝在軟硬適中, 口感都算煙韌~除咗個湯底, 另一亮點係用火微微烤過嘅一大條豬腩肉, 肥瘦適中, 聞落香香地, 肉質軟腍, 可以話入口即溶, 我覺得比叉燒更更更吸引了(當然都會肥膩好多!)~仲有我最愛嘅味蛋都整得好味道, 有流心效果~服務就一般啦, 聽到有個瘦瘦地既後生男仔侍應同其他食客講嘢既口吻都唔太友善..

繼續拉麵系列🍜以下呢一間係小女子極度推薦長期都有人排隊嘅橫綱今次都係大概等左10分鐘到...必食叉燒拉麵 我揀左辣味湯底湯底夠濃 辣味係無得輸而呢碗有足足5塊炙燒過的叉燒配上煙靭而份量足夠嘅拉麵👍🏼另外 必要食餃子啊 好juicy ga😋_________________________裝修環境：✨✨✨✨服務態度：✨✨✨✨食物質素：✨✨✨✨✨(5個✨為滿分)價錢：$79+36________________________唔信我嘅可以自己去試試😂地址：油麻地彌敦道466-472號恩佳大廈地下

一早路經旺角，想起很久沒有食過橫綱拉麵，便專誠從旺角步行去油麻地一食，11點半到達已有6-7個人在排隊，等到12點正式開門，仍有部份食客未能入座，證明仍有很多人慕名而來。餐牌上的選擇比以前豐富了很多，以往都是吃豬骨湯拉麵，今次作出新嘗試，點了櫻花蝦拉麵，可惜滿心期待換來重重失望。湯底很淡，沒有什麼蝦味，整個麵吃下去是沒有味的，最好吃是半熟蛋，可能選傳統豬骨湯會好味一點。這是第一次有衝動要寫食評，我不是食家，只是分享一下味蕾的感受，吃到一半已經有不想再吃的感覺。

咩先叫一碗好拉麵？湯底何其多，麵款何其多，叉燒何其多哩碗魚豚骨拉麵，豬骨鰹魚湯底以為佢應該係好濃杰，現實係中等濃厚豬骨味道唔出，鰹魚味不錯，但感覺有啲唔均勻整體無驚喜，亦唔係我歡喜的味道麵條我只識講爽口彈牙，鹼水味唔重，係我鐘意嘅口感仲有塊叉燒，應該叫燒五花腩，肥同瘦比例剛好，瘦肉位唔會鞋，不過調味也不是我杯茶味蛋就超級驚喜，係食過咁多間嘅最愛！蛋黃香濃稠密，蛋白非常軟嫩仲散發住忌廉花奶香氣，好好食，特登嚟食蛋我都會加嗰碗鰻魚飯普普通通，個人覺得不用加也可以。反而隔離枱嗰雞串好似好正

其實都已經很久沒有來過吃拉麵，有一次，因為在油麻地有些活動，於是可以再次來吃拉麵。本來看餐牌，發現有一個沾麵，看來不錯，但是原來落單的時候，店員才說， 沾麵11月才會有供應，於是我只好臨時臨急，轉叫了一個醬油湯拉麵。其實先前一向不太喜好醬油湯，但是臨時臨急，沒有什麼想法，之前吃過魚介湯，味道的確不錯，但是再叫，恐怕太悶，結果就後悔了。醬油湯，比較淡味，就像是有沖淡了的那種味道，湯裏邊有少許蔥、菜、蘿蔔絲等等。幼麵條的確非常普通，雖然不算軟林，因為我叫了硬麵，但是味道確實沒有什麼特別，幸好還算是爽口彈牙。這次的醬油湯，已經比較好了，因為平日在其他地方吃到的醬油湯，很多時候都有少少酸味，這個沒有酸味，後來學多兩口湯，越學越濃，味道就有點兒改善。總括來說，這拉麵店以往覺得還好，近來還是偏好較濃湯底，及較硬麵條。如果橫綱要等，下次不會再吃。

上次嚟橫綱又係同呢個友人食自從日式拉麵店如雨後春筍，橫綱人龍就大大減少有別於以往等成晚先有得食，我哋只係排咗四枱就有位今次坐bar枱，可以同拉麵師父近距離接觸仍舊係果個重重嘅拉麵碗我仍然係食我最愛嘅味玉拉麵味玉仍舊出色，但湯底比以往淡口，叉燒粒冇咩味我轉咗粗面，因為以往橫綱嘅粗面比幼面掛湯能力高，但今次食有d令人失望友人本身想食沾麵，但要11月先開始有得食轉咗食醬油拉麵試了一兩口，同以往黃金時期嘅橫綱比起真係差太遠，可惜

好耐以前食過呢度嘅九州豬骨湯拉麵，湯頭已經唔記得咩味。及後，香港開滿日本同本地薑嘅拉麵店，一街都係豬骨湯同豬骨湯嘅選擇。由中環食到灣仔再到銅鑼灣，好似主打全部都係豬骨同濃湯底，開始有d悶。走左轉日本，食左個上等醬油拉麵唔多夠喉，於是返香港又搵下。試過幾間都冇，一係就硬係整色整水變左其他濃味。銅鑼灣有間上晒報都OK，但太多人等。今次路過再訪，門口仍然一樣咁多人等，見有醬油味就等佢一下睇下湯如何。醬油拉麵講求個豉油、湯底同油，佢做到日本食到嘅八成到，清香嘅醬油加左香蔥油，幫個湯提味。面質有點軟，下次價叫硬d就會再好d。食得多九州、味噌或者沾麵嘅特濃鏗魚味，呢次清新之旅不錯。地方有點窄，服務和配料還好。

下午茶時間 唔使等 等美食其間 後來入坐 背住坐的大叔 中肥身材常 批背 ,貼背 好尷尬！ 最好睇服務員的態度 ， 愛理不理，顧客投訴沒給九月優惠 ，用背部回答 ：唔好意思！顧客走之後 ，跟其他同事議論紛紛執位執咗5分鐘 才叫客人入坐 ，幸好未執枱，客人被呼喝 出去等的時候已被嚇跑了，知道3位 客走了 還覺得慶幸吧！美食當前 可惜找不到歷史的美味 ，食唔出當年一試難忘的日本拉麵味道 ，拉麵質感好 湯的魚味鮮，加咗蒜蓉後另一番風味，加咗少少試味之後⋯⋯服務員無問就收回了 ⋯ 可能要保持低温吧！食物 整體來說是好的 貴了一點吧

又到了我逢星期日必食的「日本拉麵時間」，真的不知不覺間，我已經品嚐大約十多至二十間拉麵店，或者是有拉麵提供的日本料理餐廳。既然我是口口聲聲，說部分食店是「有拉麵提供的日本料理餐廳」，即是那些日本菜食店，拉麵與非拉麵的比例頗為接近，有拉麵提供之餘，也同時有很多日本丼飯、烏冬、燒物和炸物提供。就例如今次，我在油麻地彌敦道「恩佳大廈」樓下的日本料理餐廳「橫綱」，就屬於這種的日本菜食店。晚上去到油麻地「恩佳大廈」時，「橫綱」店外已經聚集了一定數目的輪候食客。不過，本着「有位入座用膳比搭檯更重要」很黃金法則，我不用等候太久，就立刻有一人搭檯座位，因為我是信奉「我獨自開飯」的忠實信徒。不過講還講，有些餐廳的搭檯場面，絕對不會是你或我願意看到。有時我遇到搭檯的食客，有些比較感到嘔心的行為，譬如是挖鼻孔、吐痰、進食時製造太大的聲浪，還有以很大聲浪跟同伴聊天。幸好，我這次遇到的「三對一」場面，那三位搭檯的食客的食相，還未至於出現太大，影響我食慾的行為。說油麻地「橫綱」的拉麵，很有遵從日本傳統原汁原味，其實有點值得商榷。因為「橫綱」的餐牌裡面，竟然還有「牛肉拉麵」和「咖喱牛肉拉麵」提供。我到現在才發現，原

第一次去食係年幾前，頭幾次去，店員好細心，提醒佢地有橡筋提供俾女仔，態度好好，湯底好香，櫻花蝦拉麵好好食，最近一次去換咗人，湯底唔熱又無咩味，煎餃子又唔熱，食落無煎嘅感覺，好似啱啱叮完咁，櫻花蝦唔再係櫻花蝦，完全無蝦嘅香味，雖然menu有得揀麵嘅軟硬程度，揀咗軟身，但係到最後都係硬麵然後，成碗嘢食左一半都無，已經唔想食，之前明明成碗食曬一邊食一邊俾後面撞到我（有背對背坐嘅位）好失望⋯⋯已經無咗想再去食意欲

九洲豚肉拉麵＄78 6.5/10有少少辛辣味，湯底就比較鹹，拉麵口感幾好，但食拉麵最重要係個湯底，所以整體來說麻麻哋。價錢方面係可接受嘅範圍，下午茶去食會有八折優惠。