橋底辣蟹

营业中

休息中

今日一家人出去食飯緊係要食好D啦！屋企人比較傳統一家人食飯都係會鍾意食中菜！今次就帶屋企試下橋底辣蟹餐牌上面有D孖寶小菜，辣蟹加條蒸沙巴仔都係 $488， 都幾抵食一於叫呢個啦！餐廳上菜既速度都好快，話咁快主角炒辣蟹就黎到啦隻蟹啖啖肉，仲有好香又惹味既炸蒜，個炸蒜少少辣，幾正跟住就上左蒸沙巴仔，估唔到都幾大條魚肉幾嫩滑，用蒸魚既豉油黎撈飯最正除左呢個孖寶之外我地叫左個瑤柱肉鬆蒸水蛋火候啱啱好，唔會蒸到D蛋老哂最後餐廳仲會送埋糖水，整體性價比幾高

媽咪好鍾意食蟹，所以今次就帶佢黎試下橋底辣蟹！黎到當然要叫返隻炒辣蟹啦！ 一上菜好香，仲有好多炸蒜D炸蒜脆卜卜熱辣辣，用黎撈飯都好正另外隻蟹都有少少膏架！另外我哋就叫咗一個椒鹽九肚魚，即叫即炸，炸粉唔會好厚啖啖肉，沾少少喼汁食味道更佳原來呢度仲有燉湯飲，我同媽咪就叫咗猴頭菇螺頭燉湯好足料，味道好濃！除此之外我哋仲叫咗一個金銀蒜蓉蒸勝瓜，勝瓜煮得好腍個底仲有粉絲，上面既蒜容好香， 我哋今餐真係食咗好多蒜蓉啊最後餐廳仲會每位送 木瓜雪耳糖水，好滋潤呀！媽咪食完覺得好滿足

橋底辣蟹 網址: 地址: 銅鑼灣駱克道391號金禧大廈地下及一樓電話: 36197268===================行開鵝頸橋見到店落閘，心想老店難道因疫情做唔住？好彩見到張貼通告只係搬了新舖，即移玉步去新位置。小炒惹味抵食，好多時來都是為了食鑊氣$88 豉汁炒蜆確是抵食，豉汁味甚濃郁，蜆新解每隻都開口架$88 椒鹽九肚魚夠肥美，肉嫩連骨都可以食，外層粉漿香脆，點醋喼汁食又可以降低炸物油膩感。$85 蒜茸炒九菜花鴨舌，九菜花爽身，鴨舌是喜歡啜佢架過程，可作開胃下酒菜$110 半隻炸子雞，炸子雞在卡皮，滾油炸到香脆無比$55 涼伴青瓜$10菜芥同$8花生小炒每樣都做得出色，其實唔食蟹都可以當去酒樓一家人食飯架好地方。

老媽子經常同我講，老豆後生時帶過佢去某間餐廳食避風塘辣蟹後，味道至今仍未能忘記😂雖然已經記不清楚係邊間，今次就帶佢黎呢間超過20年歷史既「橋底辣蟹」，睇下搵吾搵得返果種「銷魂味」🤣.【2人套餐 $628】一行三人，雖然嗌左2人Set，但其實份量都足夠👍仲有一碟花生同雞腳送比我地添😂.【湯-金湯佛跳牆】原盅老火燉佛跳牆，經過多小時燉煮而成，湯濃色蝎，厚而不膩.【菜-招牌炒辣蟹】必食的招牌炒辣蟹，有大中小三種辣度，我地揀左中辣。一上枱，就聞到陣陣香氣，胃口即時大開🤣好多人一直認為，主角係隻大蟹，其實真正嘅精髓係蒜蓉😆粒粒蒜蓉要炒至恰到好處，甘口焦香，脆而不糊不油，呢種功夫吾係日日都做得到😎蒜蓉香同香辣味互相交融，將避風塘的風味發揮至極限🥰蟹肉肉厚嫩滑，配上酥脆炸蒜，一流😍【菜-豉椒炒蜆】鮮甜蜆肉加上惹味醬汁，炒得香口又夠鑊氣，豉油香濃郁，送飯一流，如果再辣少少更佳🙊.【菜-清炒時蔬】配埋炒清炒小菜，可以平衡下油膩感.【甜品-陳皮綠豆沙】老火綠豆沙，煮得好唸又入味，陳皮香仲好突出，甜度適中，好正🥰.【汽水】冰底可樂都只係$15，冰爽解渴！

要數香港的代表美食避風塘炒蟹必佔一席位以前有外國友人來香港都必定指定要吃避風塘炒蟹那個味道真的一試難忘這次就選了遊客最愛的橋底辣蟹超香 第一口非常惹味 愈吃愈辣 肉質飽滿果然吃避風塘蟹就要來專門店蒜蓉粉絲蒸扇貝很新鮮又大隻 薑蔥田雞煲田雞走油後再放煲裡跟薑蔥同煮上桌時還有「炸炸」聲 很吸引椒鹽豆腐粒外脆內軟 滑溜溜的 炸粉很薄涼瓜炒牛肉涼瓜加糖炒了 沒有苦味 好吃椒絲腐乳通菜份量有點少 但味道不錯吃了這麼多 又蟹又扇貝才830埋單價錢相當合理

©環境：已有20年歷史嘅「橋底辣蟹」最近由地鋪轉去隔離新鋪（其他分店暫時休業）行上一層樓梯即到鋪面更寬敞，亦設有大圓枱，廂房同卡座.©服務：店員都是做左好多年的老員工對餐牌瞭如指掌，亦多左一分親切感.©Highlight (影相/性價比/其他）：必食招牌避風塘炒辣蟹廿年嘅功夫，不能少看😈.©食物評價：2位用套餐 $628 © 招牌辣炒蟹原隻大螃蟹以大量嘅炸蒜覆蓋識食一定係佢地嘅炸蒜以蒜碎，洋蔥碎同辣椒碎炸香口感好鬆化，吾會有油膩感薘鬆口感，惹味之餘更帶勁辣嘅層次感配上嫩滑嘅鮮蟹肉，真係一流👍.©豉椒炒蜆豉辣炒蜆亦係佢地嘅拿手小菜～夠哂鑊氣，隻隻肉厚而無沙芡汁鋪滿每粒鮮蜆上，愈食愈停吾到口呀😎.©金湯佛跳牆由於係兩人份，所以係每人一碗佛跳牆材料好豐盛，有鮑魚，菌菇，花膠等超級滋補養顏😎.©清炒時蔬芥蘭綠油油，清甜爽脆👍.©甜品最後送上嘅甜品係陳皮綠豆沙，同樣都好足料綠豆綿密，陳皮香好突出兩者交融，質素好過好多糖水鋪呢😂

估唔到橋底辣蟹除左招牌菜既辣蟹，其他小炒都咁出色，全部都好夠鑊氣。叫左個椒鹽9肚魚，上菜既時候仲係好熱! 食個陣要小心~ 炸粉唔會太厚，入面既魚仲好滑，而且都食唔到有骨，唔驚要吐骨咁麻煩! 魚香茹子煲配飯一流! 茹子本身都好香，個汁好濃，加埋D肉碎，係咁撈飯食! 另外，仲叫左個蠔餅，呢個好足料，蠔都好大粒，差唔多每啖都食到D蠔! 蛋都煎得好香! 呢個餸都幾飽。腐乳通菜炒到岩岩好，D通菜仲係爽口! 食到最後，仲會有紅豆沙送架! 不過真係太飽啦，冇食到，下次黎食要留肚食埋先走!

中秋做節 揀左去橋底辣蟹度食飯呢間老字號真係細細個就聽過個名喇真係好多中外明星都去食過估唔到價錢都幾抵好多餸都係100有找對比依家嘅物價真係算平豉汁炒蜆吐沙做得好 個汁夠晒惹味豉椒炒鵝腸呢個平時啲酒樓好少見鵝腸洗得好乾淨又夠晒爽口 蒜蓉炒韮菜花夠晒鑊氣 係油左少少蒜蓉粉絲蒸蟶子好多蒜好好味 呢個真係好正平時出街叫蟶子都叫得多呢隻真係蟶子皇嘅king size 好大隻兩隻已經一碟滿橋底辣蟹嚟呢度嘅目標就係食避風塘炒蟹超香口 蟹又大隻又新鮮加埋啲炸蒜 香辣惹味 手指都lam埋睇下隻鉗就知幾大隻真係必叫孖寶兩隻蟶子加埋隻辣蟹先438抵到癲 一定要叫

Under Bridge Spicy Crab🌉🦀🌶🌶🌶🥢..橋底辣蟹🦀，一家以海鮮為主既中菜廳🥢，亦有港式大排檔風味。其中招牌菜之一 ，必定係避風塘炒蟹❤️，選用越南蟹 (蟹中極品)，肉蟹糕多肉多，肉質肥厚，鮮味十足，必定要試試呢。所以諗起食蟹🦀❓ 一定會諗起這家老字號。最近搬左去新舖，地方大亦光猛企理，趁有時間當然要跟家人來吃個飯。✨孖寶C (招牌炒辣蟹+秘製沙薑雞 半隻) $428✨蒜蓉炒菜心 $58✨豉油皇鵝腸 $78✨鐵板黑椒牛仔骨 $88✨節瓜蝦干粉絲煲 $78✨椒鹽鮮魷球 $98來到一定要食蟹🦀‼️ 餐廳先將蟹肉斬件炸香，再加入辣椒點鑊炒香，令蟹肉格外惹味。而且可因應口味選擇大、中、小辣。即叫即煮，鑊氣 & 鮮味同樣十足啊。沙薑雞🐥 肥美肉嫩，加上沙薑香味好惹味。其他中式小炒亦不過不失呢。最後既糖水：紅豆沙❤️ 亦做到起沙，好好飲。..一間經濟實惠既中菜館，來吃個避風塘炒蟹吧。..×××××ש銅鑼灣駱克道391號金禧大廈地下及一樓..

老字號「橋底辣蟹」是一間我和家人都常光顧的中菜餐廳。餐牌選擇多，小炒夠鑊氣，價錢亦十分老實合理，還有份人情味。餐廳位於銅鑼灣金禧大廈，今晚約左媽咪黎撐枱腳。 -餐廳座位寬敞，職員態度親切友善。我們點了幾道美味菜餚😋😋😋😋😋⭐️魚湯勝瓜浸蜆 夏天瓜果當造，特別愛好勝瓜，喜歡其特別清甜美味，又具消暑功效。 蜆肉份量多而無沙，一啖粉絲再一啖魚湯，份外鮮美。-⭐️薑蔥生蠔🦪煲 用上珍寶級的蠔，蠔身肥美飽滿，一口咬下蠔味濃郁。用薑蔥爆炒，非常惹味！-⭐️避風塘鱔球 避風塘炒鱔球十分有鑊氣！ 上菜時已香氣撲鼻😋 避風塘最大特點是脆口又乾身不油膩的蒜蓉粒，微辣香脆惹味。黃金色澤的鱔球去了骨，肥美厚身，肉質爽彈！ 十分回味-⭐️招牌方魚蠔仔🦪肉碎泡飯 每次來這間餐廳，都必點其招牌蠔仔粥。有咬口的泡飯粒，用上方魚、肉碎、蠔仔、香芹、冬菇、蝦乾，用料新鮮，湯底已經鮮甜到不得了！-仲有足料綠豆沙做甜品！ 勁滿足

食小炒，呢間一向都夠鑊氣，今日去開銅鑼灣，諗住食橋底辣蟹，去到舖頭，原來已經搬咗去新鋪，銅鑼灣金禧大廈，好在轉過彎就到，如果唔係真係熱死。新舖在2樓，地方都算大。朋友對蟹敏感，今日唯有唔食蟹。但四個人都叫了九個餸😂。酸菜魚，烤魚，炒鵝腸，酒煮東風螺，炒菜心，炒通菜，花枝片帶子西芹，豉椒炒蜆，最後一個鮑魚片雞粥。酸菜魚同烤魚，分量十足，性價比高，每個餸都係$100 有找逗號依個質素酸菜了值得一試，其他小炒，保持一貫質素，唯有豉椒炒蜆，差了少少。

朋友sd個openrice嘅cap圖畀我，上邊寫住地址同埋注明銅鑼灣地鐵D2出口行1分鐘就可到『橋底辣蟹』，諗住咁近地鐵，實好易搵到，誰不知一出D2就知中招，再認真睇個地址係駱克道391號，同呢度爭成100多號，約咗人但遲晒大到，你可能話10幾20分鐘唔算係咩，但我係個守時的人，真係唔好意思吖。來到呢度，正常都係為『蟹』而來，見呢個孖寶『招版炒辣蟹』1隻+『秘製沙薑雞』半隻，盛惠只需428蚊，就點咗呢個，2個人都唔大食，叫呢個啱啱好，連『靚仔』都唔需要。辣蟹有一隻，蟹身切開4件加埋大，細鉗，很多的炸蒜蓉鋪滿晒面，叫咗小辣，啱晒唔太食得辣嘅我哋，蟹肉新鮮嫩口，最重要食到最後見到個殼有好多好多金黄色嘅膏，超開心，好耐未試過。而秘製沙薑雞亦好味，點解呢，D沙薑醬汁調較得好，不『杰』不『稀』，啱好掛住喺雞身上邊，食埋呢两樣已飽肚亦好滿足。

Value for money seafood dinner set spotted in wanchai The restaurant has been renovated and looks all cozy nowOrdered the salt and pepper big mantis shrimp + clams + pork ribs setShrimp is in decent sizeWith the crispness just right And a hint of spiciness and prolonged aftertaste The sauce of the Clams looks rather dark but taste lightI love how it’s not over treated with salt and pepper The clams are cooked just right to keep its umami and chewinessThe yuzu sauce makes the pork ribs less hea

位於銅鑼灣的橋底辣蟹，是一間深受旅客歡迎的中菜館。餐廳已有20多年歷史，主打正宗香港風味的避風塘海鮮，不論是遊客，還是香港人，對它的名字也很熟悉唷~據說，老闆每朝清晨會到魚市場揀選新鮮海鮮，保持食材質素。除了在香港選購，亦會從海外進口高品質海鮮，所以多年來在餐飲界的聲譽都很良好哦。橋底辣蟹在高峰時期曾有三間分店，如今只有一家，不過人氣依舊旺盛。傳統的中菜館格局，環境寬敞，坐位舒適，適合一家人一同享用呀。 餐廳提供超多款不同種的菜式，當中當然不少得招牌炒辣蟹啦! 最近更有抵食的辣蟹孖寶，我們也點了一份哦。 招牌炒辣蟹配秘製沙薑雞 $428 滿避風塘碎的辣蟹，氣派十足，傳來香噴噴的味道! 辣蟹頗大隻，肉質鮮美，相當入味，帶點微辣，非常刺激，難怪是招牌菜啦~ 優惠價孖寶，我們選擇配秘製沙薑雞。沙薑雞鹹香美味，肉質不乾柴，質素不錯，很有驚喜呢。  粟米石斑球 $98用石斑做的粟米魚塊，感覺上相當矜貴。魚肉鮮甜，肉質結實白滑，味道不錯。 魚香茄子煲 $68海味粉絲雜菜煲 $68金菇肥牛煲 $72 超級惹味的金菇肥牛煲，肥牛大大片，肉質軟腍，配上大量粉絲和金菇，很下飯呢。

四個人食咗九道菜，分別點左豉汁炒鵝腸、豉椒炒蜆、辣酒煮東風螺、酸菜魚、明爐烤魚、花枝帶子炒西芹、鮑魚雞粥、腐乳炒通菜、蒜蓉炒菜心。橋底辣蟹一般印象係食蟹為主，但今次主要點左啲小炒，而且價錢同一般大排檔差唔多，兩款魚每款都係$98，幾平民化。見到佢有我平時好愛食嘅酸菜魚同辣烤魚，就決定點晒兩樣試一試。比較鍾意食佢哋嘅明路烤魚，因為條魚有煎香左再煮魚皮面比較脆口，酸菜魚就差緊個湯底未算特別吸引，但魚肉新鮮。