樸生•素食 (已結業)

員工們很親切，好有笑容，還樂意為我們講解menu, 但主要問題係啲嘢食好無heart, 我們叫了兩個Semi-buffet餐，1個168，其實都只不過係一個飯底面頭再加啲配菜，另外主角雞脾菇切成三大粒三角形狀的，基本上是沒有味道可言。另1個188嘅主菜，素芝士豬肉漢堡扒(唔sure個名)，首先佢個dish presentation好似好勁，跟咗一碗三小塊嘅菜，一碟年糕醬汁，碟上有兩件插住一支寫住"新豬肉"嘅旗(已覺很奇怪)，有兩塊仔泡菜同一小堆黄色蘿蔔絲墊底。一嚟到無跟飯或其他麵或薯菜等等已經覺得奇怪，188蚊得兩舊嘢? 碟嘢仲跟咗一把刀嘅，但我又無叉用咁點 切呢? 唔緊要，我有隻長湯匙可以將佢開(即係根本唔需要把刀)，我懊惱咗一輪應該點食，我最終試吓好似食燒肉咁，用一塊好細同梅梅地嘅菜，點啲醬再加一小塊泡菜，然後包住舊素芝士漢堡扒一齊食，一咬，幾樣嘢係完全唔多夾的，同埋係唔熱嘅。佢下面墊底嗰塊好似米紙嘅"雀巢"，好似好勁但好硬唔食得，應該也不是用來食的😅Anyway...。沙律吧都算，就當我唔啱食，3個沙律都無醬的，都唔緊要，健康啲係唔應該落dressing我明嘅, 但可以onsi

跟朋友到青衣吃樸生•素食Bobsang Green，原來吃素食很好而且特別呢。真是一個好消息～素吃生活可以令吃肉的朋友清清平日的油油感，平日吃肉的朋友，現在也可以一試吃素的感覺，清清腸胃。餐廳設計很舒適，氣氛casual 輕鬆。吃素的地方來說很新穎。朋友不需「節食」得辛苦了。一進入食店分有兩個門口，一個門口是吃素的地方，整個感覺很純樸氣氛casual 輕鬆；另一門口是吃韓國食物的。兩個地方於進入後有一個共用地方。感覺非常的新鲜！這店的burger漢堡包的，很令人驚歎～這漢堡包和真的一樣，比真的好吃。這裏的漢堡肉，是素食，以豆仿造肉，口感上如真牛肉，加上烘烤出來的漢堡麵包和新鮮蔬菜，真的跟正常餐廳的漢堡包有得一比喔。食店的選擇很好，先是有主食，自助甜品也恰到好處，素吃生活充滿新鮮感，平日吃肉的朋友，也可以一試吃素，清清腸胃。這店能改變素食給人不夠好吃、不夠營養、不夠選擇、不夠方便、不夠潮等想法了。

韓式素食自助餐168蚊起一款主食加沙律，甜品，飲品等自助吧。主食只有3款選擇，炸魚腐漢堡，白靈菇石頭鍋飯，芝士漢堡扒。魚腐漢堡魚腐實際係豆腐，類似百頁豆腐，冇咩味，皮唔太脆，靠醬黎調味。配紫薯薯片，都係冇咩味。芝士漢堡扒入面係有芝士，但其中一件漢堡扒溶唔晒入面芝士，明顯睇到芝士條係裏面。不過都算香口。凍盤拌飯diy我加左紫菜，紅菜頭，杏仁片，加埋飯，但飯偏硬。泡菜湯同南瓜粥兩個可以講係無味，湯冇泡菜味，只有蕃茄味，粥冇南瓜味。飲品都係淡味為主。部隊鍋料依到仲有少少配料比你diy部隊鍋，不過就冇午餐肉喇。甜品區侍應服務態度幾好，主動介紹主食。坐位都舒服，只係枱與枱之間偏近。整體來說，一次就夠，味道偏淡，但叫做多種類 ，而且特別既韓式素菜自助餐。

平日成日食韓國菜就食得多，韓國🇰🇷素食仲要自助餐就真係第一次最近好熱氣又夜訓想食番清淡d又吾想食得咁悶見到尼間店素食得黎又有其他野任食，所以就黎食下尼間店分左兩邊，一邊素食，一邊不是素的，而尼間素色晚市係半自助餐既形式先揀一個主菜之後其他就係出面自助任飲任食今日大概六多半左右剛開始晚市不久就來了。店內設計以簡約、樸素為主，食物、飲品整齊分類排列。因為未黎食過，店員非常細心介紹各區食物既種類同區域。素食尼邊區比想像中細間，不過都可以坐到廿幾個人左右。店員安排坐位之後就介紹左今日主菜定時主菜都借更新，最近都係尼三款為主。我同老公各素揀左一款吾同可以試下不一樣既主菜。主菜第一款揀左《揀芝士炸素魚腐漢堡》漢堡比想像中大個，配埋炸紫薯薯片漢堡包🍔皮初初望落好乾身，點知食落去非常鬆軟，魚腐炸完無乾身之餘又吾油膩，亦非常彈牙有質感，配埋生菜番茄🍅芝士粒食落非常清新的感覺。紫薯薯片炸得脆脆可口，仲有醬汁配埋，更加惹味。另一個主菜揀左《香煎素豬肉流心芝士漢堡扒》漢堡扒有兩塊仲配埋生菜方便自己不同既食法。漢堡扒同真既一樣樣吾食真係吾知佢不是豬肉漢堡扒煎得非常香口咬落口感同平日食既漢堡扒相似，而入面係香菇再

好耐冇食素食朋友係素食人士住青衣區剛好開左呢間分為兩部分既餐廳韓料家庭料理和素食自助餐為主既店我地選擇素食為主題環境優雅闊落而且食物味道唔錯唔會淡而無味反而好香口有唔同既自選配料食物揀好配料之後再揀醬汁攪拌食為韓式伴飯仲有韓式素部隊鍋、沙律、甜品、湯、粥任飲飲品先點左呢兩款純素主菜素芝士炸素魚腐漢堡素芝士白靈菇石頭鍋飯素芝士炸素魚腐漢堡 $168素魚腐外皮酥脆咬落去陣陣豆香味又腍又軟加有素芝士、蕃茄同生菜餡料伴有據說是自家製既紫薯片香脆好味！素芝士白靈菇石頭鍋飯 $168賣相好靚！色彩繽紛！配料亦相當豐富！有菠菜、粟米、南瓜芽菜、青瓜、豆腐粒同白靈菇有芽菜、菠菜、同黑松茸再加埋辣醬一齊撈熱辣辣超暖身！口感豐富！非常惹味！另外沙律吧有好多選擇有羽衣甘藍、羅馬生菜糖蓮藕、黑豆、泡菜杞子同杏仁片等全部都好新鮮爽口加埋柚子醬汁 開胃一流！第一次食素部隊鍋有素麵、素午餐肉、豆卜金菇、秋葵同年糕等再加湯底有素清湯同年糕湯選擇岩哂秋冬食 熱辣辣 暖意滿足！仲有韓式伴飯有粟米、青瓜、胡蘿蔔菠菜、泡菜等加上飯再加入麻油飯素同甜素酸辣醬好香口惹味！甜品豆腐花暖暖的好滑芋圓Q彈煙韌！芝麻糊

自助拌飯區有十款配菜及多種汁料供選擇。甜點區有豆花，芝麻，手工芋圓地瓜圓，有口感，有濃濃薯味。部隊鍋區可以選韓式辣湯或唔辣清湯。自煮年糕。飲品區有冷熱韓式飲料自助區仲有不同冷盤小菜仲有一款主菜，這是拌飯

近年素食自助餐開始普及，但主打韓式自助餐都比較少見。而且平時同家人都係食中式，今次就帶佢黎食依間韓式素食！餐廳劃分兩邊，一邊係韓式家常菜料理，而另一邊就係韓式素食半自助餐每位$168加一。入坐前每人自選一款主菜，今晚主菜有三款，分別係漢堡包，串燒及石鍋飯。剛好我地可以各叫一款。自助餐桌上的食物都頗多選擇，有四大類食物：自選韓式拌飯、沙津、素甜品及素部隊鍋。沙律上面有幾款都幾值得推介，例如羽衣甘藍紫薯沙律、燒南瓜配合核醬，他們的做法都各具特色。如果是韓式素食的話，最中意就是他的前菜，因為每當我們去食韓國菜時最開心就是食八小碟前菜。這裏的選擇亦十分多，最正係你可任意做出你最鍾意的韓國拌飯。另外依到仲有韓式素粥及素湯。如果喜歡吃粥的朋友誠意介紹他的南瓜粥，它是跟南瓜湯般綿滑。蠔仔紫菜湯亦做得十分不錯，湯入面真的有「蠔」嫁最好玩就係自己弄個素火鍋，湯底在自助餐枱上邊，有辣有唔辣任君選擇。當中最特別的就是素香腸，入面是有芝心的。主菜方面：其實係韓式石頭鍋拌飯，最特別係飯上面被炙燒過的芝士非常香，加埋甜辣醬撈埋配料一齊食，簡單而好味漢堡包亦做得很出色，以半溶的素芝士、入味彈牙的大醬百頁豆腐、蕃茄

在店內的食具，大部分是有污積，清潔得沒有徹底。敬請店員多加留意。食物不評，連基本的衛生問題做唔好，幾好食都無用。火煱爐的設計有問題，隔旁我小姐台，火煱爐成日熄火，原來電制是在腳下，成日整鬆電制，店員又忙，根本分身不暇回應，好阻礙進食。

呢間鋪係分左兩邊 一邊係素食 一邊係肉食韓式嘅素食真係第一次試 一次過滿足左好多願望🔹素芝士炸素魚腐漢堡 $168🔹香煎素豬肉流心芝士漢堡扒 $188除左主菜 出面自助區有 部隊鍋（泡菜湯底），甜品有豆腐花 芋圓，自助韓式飯團，沙律，粥品有南瓜粥，飲品有柚子蜜/青梅汁 熱飲有薑蜜/蘋果蜜等咁岩果日有d唔舒服 飲杯薑蜜好好多 好濃薑味但唔辣 蜜糖又唔會太多 味道岩岩好每樣食小小已經好飽 完全唔覺無食肉 間中清下真係唔錯分數: 7.5/10

帶住老媽子去食晚餐，啊媽都比較鐘意食素，所以黎試下啲素buffet laaa價錢~$168 ，係一個semi buffet,有一個主菜同任食自助bar既食物。主菜：炸魚腐漢堡芝士味濃，賣相又靚。魚腐係豆腐調味製成，好特別！另外有紫薯薯片，夠哂有新鮮感，可惜個包好硬，唔太食到。石頭鍋飯整體正常質素，不過不失，食物份量好夠。各種材料調配岩自己口味既沙律！都有好多揀，同埋有唔同沙律汁，可慢慢試~火鍋配料好多，任君選擇，可以瘋狂食菜。可惜菜既種類少，而且湯底味道一般。泡菜湯，南瓜粥。好似食緊南瓜蓉咁😂味道清淡自然~各種沙律任食☺芝麻糊，夠熱同濃郁！整體main course唔錯，吧台都有唔同食物揀，幾有新鮮感，但可以再增加更多蔬菜類同湯底。店員耐心服務，亦很友善。碗筷上因使用金屬易有水跡，應多加留意。

朋友知道我鍾意食素食所以介紹咗一間好特別嘅素食店就係韓式風味😂😂😂真係估唔到🤣係半自助餐有主菜同埋任食蔬菜打邊爐👍🏻✨都幾特別！主菜：漁腐漢堡非常大份，漁腐好重豆味👍🏻✨主菜：百靈菇石頭鍋飯都夠熱，落埋辣醬就更加好味主菜：流心芝士漢堡味道最好味，亦都夠特別！除咗主菜就係好多蔬菜沙律可以任打邊爐及整拌飯！👍🏻✨鍾意食素嘅人，都應該覺得好抵食和健康！仲有任飲韓式飲品及粥品區！餐廳都好細心有埋圖片教你點樣整拌飯同打邊爐！鍾意食素嘅人，都係一個好嘅選擇👍🏻✨

第二次嚟樸生啦，上次主題係散水(我)今次係同阿媽做牛一今次特別想講下芝麻糊真係好食，冇吹水食完個芝麻糊我就自製咗泡菜飯，成件事係好韓式當然啦！樸生係主打韓式素食的餐廳，如果大家想在屋企都食到泡菜可以用78蚊買1樽返去食

第一次食這間樸生素食，感到驚訝原來素食都可以有咁多選擇，講解下收費先例如5個人食要一人叫一個主菜，主菜有3個比你選擇第一同第二個餐都係168蚊第3個餐係188多廿蚊多廿蚊都好呀，因為最好食係佢豬肉芝士漢堡扒聽起嚟好邪惡，但係因為素食請放心，叫咗主菜之後可以試下泡菜豆腐湯給你開胃，或者可以食沙律唔講太多你哋自己試下啦

位於青衣城一期1樓119B號的樸生素食，主打新派素食。餐廳主打半自助餐形式，包一客主菜，及任食沙津、小吃、甜品等，適合女生和閏蜜來吃晚餐。等主菜來時，可以在自助吧枱拿小吃，有各款各樣的沙津菜和前菜。個人最喜愛吃椰汁核桃烤南瓜，南瓜烤得軟軟的，味道清甜，一口一件。左邊還可自由製作紫菜拌飯，還會有說明書，但記得要預留胃口吃主菜。素芝士白靈菇石頭鍋飯 (King Oyster Mushroom Pot Rice)來到了，Daiya純素芝士烤得微焦，十分誘人。個人喜歡把甜辣醬全澆到飯中，再攪拌，想令味道更豐富，可以在吧枱拿少許飯素，加到飯中。素芝士的味道鹹鹹香香，而且白靈菇的質感充滿咬口，醬油味香濃。香煎素豬肉流心芝士漢堡扒 (Pan-fried Molten Cheese Vegan Omnipork Patty) 來到了。漢堡扒的份量十分慷慨，可以和朋友分享主菜。一切開，中心的芝士慢慢留出來，素豬肉的口感十分像真，而且廚師煎得十分香口。用一塊生菜包著漢堡扒來吃，能平衡一下。吃過主菜後，可以去自助吧拿取南瓜粥和泡菜湯。朋友特別喜愛質感濃厚的南瓜粥，整個口腔也充滿著南瓜的甜味。

近年素食比之前流行，青衣城呢間素食餐廳賣點在於香港比較少見既韓式素食，同埋semi buffet，每人一款素食main course，包埋任食既buffet bar，食物款式都幾多元化主菜：香煎素豬肉流心芝士漢堡扒望落同一般煎肉餅真係無分別😆連個味都好似，幾可亂真！雖說流心，但其實似拉絲芝心多d（芝士都係素），個餡一d都唔膩，一個人食哂三塊都得😎成塊漢堡口感做到好結實，食落口唔會好油淋淋，素漢堡做到咁既味道同質素都非常抵讚了～主菜：素芝士炸素魚腐漢堡超大份！食呢個個胃都飽左一半😆材料非常豐富，想一口咬落去都十分有難度，塊包有稍微烘過，所以微熱同幾香口魚腐好大塊，口感似白魚蛋，偏彈牙但因為配料都幾多，有芝士碎、蕃茄、生菜，同埋醬汁，所以如果塊魚腐唔係炸，而係普通煎煮，感覺會無咁heavy😛伴碟既紫薯片好味👍🏻脆口零油味，紫薯味都好足Buffet bar選擇都幾多，有湯有粥有伴飯有年糕有素部隊鍋我無攞飯，但就拎左d伴飯既材料，所有都好新鮮抵讚既地方係所有野食擺出黎既份量唔會好多，而係keep住refill，確保食物新鮮同唔會擺太耐又唔會有過多調味料，清清淡淡夠健康😌甜品方面拎左蛋撻、朱古力