樸生•素食 (已結業)

韓式素食自助餐168蚊起一款主食加沙律，甜品，飲品等自助吧。主食只有3款選擇，炸魚腐漢堡，白靈菇石頭鍋飯，芝士漢堡扒。魚腐漢堡魚腐實際係豆腐，類似百頁豆腐，冇咩味，皮唔太脆，靠醬黎調味。配紫薯薯片，都係冇咩味。芝士漢堡扒入面係有芝士，但其中一件漢堡扒溶唔晒入面芝士，明顯睇到芝士條係裏面。不過都算香口。凍盤拌飯diy我加左紫菜，紅菜頭，杏仁片，加埋飯，但飯偏硬。泡菜湯同南瓜粥兩個可以講係無味，湯冇泡菜味，只有蕃茄味，粥冇南瓜味。飲品都係淡味為主。部隊鍋料依到仲有少少配料比你diy部隊鍋，不過就冇午餐肉喇。甜品區侍應服務態度幾好，主動介紹主食。坐位都舒服，只係枱與枱之間偏近。整體來說，一次就夠，味道偏淡，但叫做多種類 ，而且特別既韓式素菜自助餐。