樓下冰室

营业中

休息中

📍樓下冰室 (荃灣)荃灣荃華街16號荃薈商場地下G45-G54號舖一入商場 呢間餐廳就吸引左我 咁多人食 應該唔伏 好 我就試呢間😏霓虹燈招牌 港式裝修食物種類繁 花多眼亂 掃QR code落單 方便快捷-吉列魚柳珍寶腸炒蛋配牛油多士足料香港經典早餐配搭魚柳大大塊 外皮炸至金黃色 好食😋-經典沙嗲牛肉公仔麵配雙太陽蛋+丹麥多士 麵質可自選淋啲/爽啲 幾貼心丹麥多士 牛油味香 層層鬆軟酥皮 😋多款特色小食 忍唔住嗌咗兩個試下-瑞士雞翼(3隻)瑞士雞翼相信大家都唔會覺得陌生 呢個瑞士雞翼精華在於自家製醬汁 味道甜甜 雞翼肉質嫰滑😋👍🏾-西多士西多士內有粒粒花生嘅花生醬 口感一流😋-華田脆脆華田就飲得多 初嚐華田配上粒粒脆脆 口感獨特👍🏾抵食又好食 下次要再encore👍🏾🌟 整體用餐體驗🌟🌟餐廳環境( 5/5):具特色
🌟餐廳服務 ( 5/5):職員態度親切
🌟食物種類 ( 5/5):食物種類繁多 更有特色飲品🌟食物味道 ( 5/5):有水準 物有所值

此餐廳其他分店都去過二、三間，其他店食品及服務尚算唔錯，但這間間經驗真是要匯報一下。1）門口等位問了三次是不是要攞飛，路過的姐姐見到唔答，旁邊另一客都出聲講佢都無人理，想走之時有一個姐姐出嚟問有無2位，佢話有位就會出嚟問，話係排隊形式，但係似乎無人知係排隊，而姐姐們又唔知客人誰先誰後2）本人門外等而無人理嗰幾分鐘時間，見幾個外賣兵團哥哥可能等咗好耐，問咗幾次姐姐都係話整緊，叫外賣哥哥佢再等，如是者幾次，又唔見姐姐入去睇吓，見幾位外賣兵哥哥遭遇都係咁，乜唔係落車攞外賣有時間㗎咩，外賣哥送單分分鐘都係錢，姐姐仲要態度差鬧翻外賣哥轉頭，都要出吓聲為外賣哥抱不平。3）落單發現餐飲唔係跟餐落，要喺單飲項落單，問句姐姐係咪咁落，係我就拑掣，佢望都唔望吓仲要比佢話係自己電腦落囉單，我明自己落但無謂落錯嘛，咁叫佢搵嗰個嚟又唔搵，最終問可唔可以人手落（原來可以）都唔知咩服務態度。4）又係塘邊鶴抱不平，放低order 單後旁邊伯伯話唔係佢嘅單，講咗幾次先至有人嚟攞走張單，但係冇啱嘅單返番轉頭俾返佢；轉頭有人放低咗碗麵俾佢，但係唔係佢叫嘅食物，佢同路過嘅姐姐講咗幾次都冇人理佢，有叫佢等一陣，但係都係無返轉頭

今日下午同家人有事到荃灣，跟住順便於悅來坊附近下午茶。家人對悅來坊商場內的餐廳無咩興趣，咁就試下位置對面的樓下冰室。大家叫咗一份下午茶餐加飲品：瑞士雞髀配丹麥多士，紅豆冰雞髀夠大隻及都算入味，紅豆冰少冰多豆，多士脆口好味。蔥油雞扒撈上海麵雞扒夠大件，蔥油及豉油撈上海麵好味，雖然係茶餐，麵的份量都唔少。整體食物美味又大件，滿意！職員的服務一般茶記的水準，不過上菜都算幾快，呢頭用電話點完，跟住個紅豆冰就送到。餐廳座位間就較為擠迫，行出行入要小心啲。提提大家只收現金。

室內裝修利用街頭燈牌作設計 充滿香港特色🇭🇰普通茶餐廳嘅樣 但呢間茶餐廳將味道做到了極致😋.🐈.𝙎𝙪𝙢𝙢𝙖𝙧𝙮大份夾抵食 簡簡單單都很美味💗地道香港茶餐廳風格 值得帶外國友人黎try try.🐈.🌟芝士焗肉醬意粉🍝 - $56賣相普通 但經濟好食表面塊芝士焗得啱啱好 有少少燶邊同埋脆脆地嘅口感令成碗意粉味道更加豐富 會不斷Encore.🌟咸檸七 - $13 (跟餐)超級好飲 每次黎都會叫唔似出面鋪頭隨便加幾塊檸檬就算 呢間會加埋醃過嘅金桔 提升“咸”嘅味道 配上汽水 炸一聲～ 正！💯‼️.另外 雖然以上冇介紹 不過招牌瑞士雞髀都係必食 Juicy 多汁 嫩滑 完全唔嚡🤩🤩🤩

今晚唔想煮飯，又要去我哋個飯堂食飯，上次食完覺得佢嘅份量幾大碟，仲要我哋幾鍾意食冰室，尤其是佢杯奶茶，所以今晚特登再嚟食飯。今次係第二次嚟食，食物款式好多，同埋懷舊嘅美食先係最吸引人嘅地方，叫咗一個飯同一個麵，兩個人食啱啱好。叫咗個豬骨湯底，菠菜煎蛋配芝士，另外叫咗兩條腸仔，想試吓佢哋嘅豬膶，豬膶入口彈牙，唔會好鞋，雞蛋入口好嫩，另外仲有香濃嘅芝士，好味。之後叫咗個焗豬扒飯，個焗豬扒飯同大集團絕對有得揮，先講份量，入邊有成兩至三大塊豬扒，豬扒好鬆軟，個蕃茄汁好濃郁，同埋都幾多汁，另外個炒飯底不得了，入邊見到好多雞蛋，一啲都唔馬虎。佢呢度有紅豆冰奶茶，梗係要試吓，紅豆起沙，奶茶唔太甜，好味。

其實香港真係有好多特色茶餐廳，今日去到荃灣呢間樓下冰室，係openrice見到好多好評推介佢地既番茄薯仔湯，一於同朋友過黎試下先番茄薯仔爽脆墨魚鬚鮮牛肉泡飯 $52湯底好足料，拍得住屋企煲既住家靚湯，加入墨魚鬚同鮮牛肉等配料，泡飯吸收哂湯底既精華，非常開胃招牌胡椒豬肚滑雞泡飯 $56另一款就揀左佢地既胡椒豬肚湯，豬肚爽口有嚼勁，加埋胡椒調味好惹味，飲個頭啖湯先食泡飯，雞件嫩滑又多汁，推介招牌瑞士雞脾 $30見到隔離枱叫左瑞士汁雞髀好吸引，我地又叫返隻，超大隻既雞髀好入味，啖啖肉唔會好鹹，下午茶首選

同媽媽睇完醫生，係附近見呢日間餐室，有朋友介紹話佢幾好味，於是入去試下先！由於好肚餓，叫左意粉，通粉，又想食埋佢出名既瑞士雞翼同埋薯角，咁就叫埋啦野食都比想像中大份，食飽飽，差點吃不完！😊😊環境都好有特式華田脆脆，真係有脆脆係面，仲要幾多喎，飲左兩啖，原先個面都鋪晒架，華田味好濃，唔錯跟住係紅綠豆椰汁冰，味道清清地媽媽話ok鮮牛滑蛋墨丸通，好欣賞個茄底同個滑蛋😀蕃茄炒意粉媽媽叫的，燴意粉都合格，賣相都唔錯！薯角好好味，熱辣辣，好大碟！正😋最後，我最鍾意食食雞翼，好嫩滑，瑞士汁濃，仲要雞全翼，正😄原來仲跟埋個多士同沙律，好豐富呢！總括而言，食物唔錯，夠大份，唔貴喎，夠抵食，menu. 有圖清楚易叫.，食得飽飽，唔錯！

本身中午黎到荃灣諗住搵間茶餐廳食個lunch，見到間叫做樓下冰室既餐廳，加上呢排食過類似呢d冰室，餐室都幾好印象，所以今次都想試下。食個簡單快捷方便既lunch，佢個menu都好多選擇，見到有飯有面，但今日想食濕濕地既，所以就叫咗最經典嘅「樓下精選」，蕃茄濃湯叉燒通粉。首先佢個湯底真係好濃，而且仲有蕃茄粒，都算係真材實料。叉燒嘅份量都好多，通粉都夠煙靭，唔會煮到林哂。另外仲有加配牛乳炒蛋同埋牛油多士，牛乳炒蛋真係好滑，同埋都幾多份量。多士就得半塊不過都夠脆口。飲品叫咗凍咖啡，都幾好飲，唔係即溶嘅咖啡，應該係即磨咖啡。中午嚟到都幾full house，始終食物多選擇，食物質素又唔差，所以多人都好合理。

這間樓下冰室位於荃灣荃薈商場地下店舖，係一間好有過去年代的影子相當之有懷舊feel🤔，尤其是店面以同嘅特色招牌做裝置😮，坐嘅枱椅都好有七八十年代影子，同時食嘅嘢同飲品好有舊式茶餐廳風味😙，我覺得真係唔錯，以平價錢食到有水準嘅食物👍!.鮮濃茄牛肉燴意粉$51呢一碟牛肉燴意粉賣相色香味都有😙，係用咗濃濃鮮茄汁燴意粉😋色。澤味道都唔錯唔會只得酸味，配埋佢嘅意粉軟硬適中🤔，同時牛肉都好多夠哂豐富😮，牛肉厚度適中又有口感掛滿D醬汁更加好食😋，整碟嚟講相當之有水準!.火腿奄列配丹蜜多士 $33呢一款火腿奄列望著覺得冇乜得別🤔，食到入口口感軟綿而滑口😋帶點濕潤，而火腿又唔會乾身，整塊丹蜜多士帶點牛油香😙，外香脆口內軟而帶有幾層口感，比起以往冇更乾身之如好食好多!.招牌瑞士雞翼配粟米什果沙律 $40 呢款下午茶套餐都幾好🤔，係餐廳招牌瑞士雞翼，色澤味道香而帶點甜口，外皮嫰滑肉質嫰腍完全入哂味😋，配埋呢份粟米什果沙律酸甜味道夠哂開胃!.西多士 $30呢一份西多士金黃香口嘅賣相🤔，望著都好想食🤤，外面帶點脆口裹面口感鬆軟😋，而西多中間夾住香甜花生醬，淋上甜甜嘅煉奶令到西多咸咸甜甜口感相當之正，好有過去年

呢間既瑞士雞髀真係只能夠用神級黎形容你唔食過佢都唔好話食話瑞士雞髀招牌瑞士雞髀配丹麥多士及粟米什果沙律首先介紹既當然係瑞士雞髀先啦呢到既瑞士雞髀既香港十分之有層次你係會食到有八角、桂皮等等多種既香料但係每種香料之間既平衡都掌握得恰到好處唔會互搶之餘，仲會帶出豉油既咸香真心超高質而且隻瑞士雞髀入味黎得，依然保持到嫩滑唔似好多鋪頭炆到Ｄ肉變晒柴皮咁，真係超高質，超難得丹麥多士亦好有驚喜佢脆得黎唔會硬而且多士心起晒酥，食落仲有陣陣牛油香，食多幾塊都唔會厭沙律亦好足料，食完都好飽足火腿奄列配丹麥多士結果因為個丹麥多士太正，追加左份火腿奄列配丹麥多士而個火腿奄列亦都唔輸蝕用料十分之足，應該有用到起碼兩三隻蛋而且入面仲有勁多火腿個奄列入面仲保留到有少少蛋汁，口感非常好麻辣炸雞件呢到既炸雞亦都係我至愛之一味道食落有Ｄ似全盛時期既Ｍ記脆香雞翼（有Ｄ年紀既朋友就會明白有幾正）而且口感好香脆德國什腸有好多款式既什腸拼盤雞湯浸什菇娃娃菜用雞湯黎浸，令佢味道唔會寡，菜亦又新鮮爽口，份量又多西多士勁厚既西多士，食完包你好滿足華田脆脆誠意之作，華田味勁香，脆脆落得勁足咸檸七依家好多冰室都只係掛住冰室名既茶記都冇保

時下物價，好多茶記午餐都要60-70元一個餐，樓下冰室的價錢真是非常相宜，50元左右一個午餐，而且份量足，味道正，相當吸引。看看我們吃了什麼四川風味的米線料變成拌飯，味道好夾。把辣椒🌶️味料放在雞扒上，可以根據自己口味調節辣度。飯有汁，少許辣。蕃茄肉醬意粉，爆多肉醬，還有鮮茄，小朋友最愛煎蛋免冶牛肉飯，加有台灣肉腸和肉鬆，配料真心大方今日一餐，無得彈呀！

去完日式超市每星期一次嘅特價日，行到攰就想搵間餐廳坐下抖下。一過馬路就見到呢間冰室，好似都唔錯，拎住咁多戰利品之下，都唔想行咁遠，即刻坐低啦。餐廳設計幾有香港特色，好似見到好多街頭嘅燈牌咁。餐牌都幾多選擇，朋友同我血拼完之後，胃口特別大，而且價錢唔貴，要食多啲嘢食補充體力先。蕃茄薯仔爽脆墨魚鬚鮮牛肉泡飯，份量比我地想像中多，蕃茄非常濃郁，食到新鮮嘅蕃茄肉。泡飯吸哂蕃茄湯味，非常易入口。牛肉嫰滑唔過老。心急嘅我以為泡飯溫度啱啦，點知一放入口，原來係好熱㗎，食嘅時候記得要吹下呀。招牌胡椒豬肚滑雞米線，胡椒湯味突出，又夠辣，飲左一啖湯之後，個人都精神左。配料嘅支竹同娃娃菜非常吸味，粉紅色滑滑雞肉有肉汁，好味。美中不足嘅係新鮮豬肚煮得未夠淋，較硬身。瑞士汁雞翼，汁多，雞翼滑。炸韭菜餃子，即叫即炸，熱辣辣，又唔會油膩膩，重點係一咬開，韭菜餡料好飽滿，而且唔係平時食嘅豬肉溝韭菜，而係十足嘅韭菜，好香，啱哂韭菜控。飲品揀左鮮菠蘿冰同華田脆脆，鮮菠蘿冰係其他地方比較少見，新鮮菠蘿微酸，唔係罐頭菠蘿嘅死甜，仲夠哂冰涼，好襯夏天天氣。華田脆脆更正，香濃華田味，仲有脆脆，非常啱朋友口味。我地食到捧住個肚，都

Tea set 超級抵食，雞髀大大件，好入味，但係同時間又好Juicy，又唔會太老。HKD40 配菜叫咗薯角，包一杯飲品，熱檸水另外，叫咗個芝士焗西蘭花。HKD40芝士焗西蘭花，就正正常常冇乜特別朋友叫咗炸雞配牛油多士 🧈雞髀2件，炸得夠脆卜卜，入面又唔會太老，好味道。

之前已經食過樓下冰室，今次帶埋朋友仔黎試下😋🌟🌟必點系列蕃茄濃湯通粉配牛乳滑蛋 $52份量多多，通粉煙靭彈牙，湯底勁濃蕃茄味👍🏻👍🏻牛乳滑蛋極滑嫩。配招牌瑞士雞髀每一次都會點雞髀🍗滷得十分入味，雞髀肉質滑嫩。公司三文治 $52份量足料，有厚滑蛋、厚切雞件、菜、蕃茄和火腿。麵包烤得很脆，剛剛好可以一口吃的三文治。菠蘿油 $13🌟🌟🌟邪惡之選熱辣辣好味道😋菠蘿包的上層特別酥香，摻雜著濃厚的奶油香氣，底層的麵包口感又很紮實，當奶油融入麵包中，真的很好吃。忌廉紅豆冰 $32更加邪惡之選，必點忌廉紅豆冰😍夏天喝一流，喝完馬上覺得超冰涼舒服，真的非常好喝，甜度適中，椰味、奶味跟紅豆非常搭！ 餐廳裝潢懷舊。餐牌如下

今日同朋友去左這間冰室吃晚餐。番茄濃湯配牛乳炒蛋+瑞士雞翼（$52）番茄湯甜甜的，通粉索哂d味，幾好飲。炒蛋夠滑，唔錯。瑞士雞翼好入味，甜甜咸咸的，好好食所以呢間冰室一向最出名就係食番茄湯麵系列，果然係好食，值得一吃。自家製蔥花叉燒滑蛋飯（$54）：滑蛋好滑，叉燒切得薄片幾好食，唔會韌。份量好多，又抵食。唔錯。焗芝士肉醬薯角（$38）：芝士味幾香濃，肉醬夠味，然後薯角好脆好香口，好好食。麻辣炸雞件（$40）：又唔算太辣，係小小辣咁，平時唔太食得辣的朋友都可以試下挑戰一下。跟餐點了杯熱話梅柑桔蜜：咸咸甜甜的又幾好飲，開胃。朋友則點了杯凍奶茶，都好飲。兩個人點了這麼多，食到飽都只係$208，非常抵食。