樓下冰室

营业中

休息中

今日想同大家分享一間荃灣區嘅地道茶餐廳，價錢便宜又好食，推介呢度嘅蕃茄湯底同瑞士汁雞翼❣️❣️首先，我哋叫咗西多士，外皮煎到酥脆金黃，內餡花生醬濃郁香甜。🍞🧈另外，瑞士汁雞翼非常入味，甜甜地好開胃，雞翼大隻肉又結實，食完好想再encore一碟。🍗🇨🇭食食吓有啲口渴就叫杯飲品，呢杯柯華田脆爆上面有好多脆卜卜嘅阿華田粒粒，加埋杯阿華田好濃郁，好快就飲晒成杯。😽🤤如果你鍾意蕃茄咁就一定要試下蕃茄湯叉燒米線，湯底以新鮮嘅蕃茄熬煮而成，配上香嫩嘅叉燒同Q彈嘅米線。🍅🍜食咗咁多嘢之後，我哋叫咗個芝士焗西蘭花，蔬菜好新鮮，加埋芝士焗完之後好香濃，又健康。🥦我哋最後重點咗炸餃子同口水雞，餃子外皮香脆內裏肉餡入味，雞肉嫩滑又辣得過癮。🐥🐔

之前已經吃過樓下冰室，是一間吃完會想再吃的冰室😍座位雖然比較迫，但食物質素不錯。番茄濃湯配牛乳滑蛋和鮮牛肉 $58‼️必點‼️小編點了小辣，濃濃的番茄香味帶少少辣，味道不會很酸，非常惹味。蛋很滑又多，鮮牛肉口感滑嫩。招牌瑞士雞髀 $58配丹麥多士及粟米什果沙律‼️必點‼️招牌瑞士雞髀大大隻雞髀，煮得非常入味，肉質不韌，易咬口。沙律份量多，水果大小適中，不像其他餐廳把水果切得很少。西多士 $27邪惡之選😍😍外層酥脆，𥚃面的花生醬多。口水雞 （例）$62例牌份量算多，雞件切很利落，沒有碎骨。配上惹味醬汁味道帶少少辣，很不錯。炸薯角 $30即叫即炸，炸很香脆而不油膩。菠蘿油 $15紅豆奶茶 $16

以前經常到訪的荃灣「樓下冰室」而家要走到荃薈先食到，最鍾意佢哋個番茄濃湯同招牌瑞士雞髀呈本土特式的裝修風格，掛上本地商店招牌，用上懷舊吊燈，出菜位被演繹成電影院的售票處及小賣部等==========🔹番茄濃湯米線配牛乳炒蛋 (三餸) $62揀咗鮮牛肉、自家製叉燒及特級墨魚丸番茄湯每日以200斤新鮮番茄、豬骨及雞骨，烹調10小時，不含味精先嚐一口偏稠的番茄湯，酸甜平衡，茄味濃郁牛乳炒蛋夠嫩滑；叉燒及牛肉切得薄薄的；墨魚丸含墨魚粒；意粉烹煮時間剛好==========🔹蔥油雞半隻 $112大量蔥花鋪面，新鮮香口雞皮嫩滑，雞肉雪白，脂肪比例不高；配以蔥油有提鮮效果==========🔹招牌瑞士雞髀 $32雞髀大隻肉厚，上色均勻，雞肉緊實瑞士汁味道調配有度，鹹甜平衡==========🔹瑞士雞翼 $423隻賣相得體的雞翼均非常飽滿，同樣上色均勻雞翼肉嫩入味，配以瑞士汁夠滋味==========🔹上湯灼時菜 $28選用鮮嫩娃娃菜，上湯鮮味==========🔹華田脆脆 $14 (點米線以半價加配)大量華田脆脆鋪面，華田味道突出而不過甜==========🔹熱檸水 $10 (點米線以半價加配)==

位置：📍樓下冰室 (荃灣)荃灣荃華街16號荃薈商場地下G45-G54號舖📍位置都好方便呀，係熊貓酒店附近。食後感：大件夾抵食，飲品又夠濃，份量又大碟，味道都唔錯。味道：焗芝士西蘭花（$42）芝士份量夠曬多，出街想食得健康D，叫個菜一定唔小得，即叫即焗，芝士又多重可以拉絲，西蘭花重係新鮮西蘭花，唔會淋曬，咬落好爽口，調味岩岩好，小小鹹味小小白汁，全部perfect.西多士（$27）即叫即炸西多士，皮夠脆入面又多花生醬，面包夠軟熟，當甜品食都得呀。蔥油雞比米線（$72）雞比份量都多，蔥油夠曬香，撈飯一定好鬼正，豉油係甜豉油，香香甜甜好惹味招牌瑞士雞比配丹麥多士及栗米什果沙律（$58）瑞士雞比好滑又入味，多士好夠脆，沙律甜甜酸酸配埋什果好清新特飲（+$14）華田脆脆，華田夠濃夠甜，好足料呀熱話梅柑桔蜜（+14）話梅夠曬味配埋柑桔蜜，酸酸甜甜好開胃。

去左歐遊成廿日咁耐，真係有d思鄉掛念香港的茶記🤣食到飽都係$100唔洗（即係10歐內🤣)———————————————— 👅菠蘿油($15)樓下冰室呢個菠蘿油真係世一😋厚牛油加脆菠蘿包皮👍🏻👍🏻👍🏻👅瑞士雞翼撈公仔麵配炒滑蛋加丹麥多士 ($62)瑞士汁味道濃厚，配公仔麵食一流🤤牛乳滑蛋一如其名咁滑，加埋鬆脆嘅丹麥多士，做晚餐都夠飽呀👅 西多士($27)雖然係外國食左好多麵包/多士，但始終無香港嘅西多咁好食🤣牛油、糖漿，咁邪惡都係$27，真係好抵玩！香港好在有茶記/冰室😆———————————————— ​味道：🌕🌕🌕🌗🌑抵食：🌕🌕🌕🌕🌑服務：🌕🌕🌕🌑🌑環境：🌕🌕🌕🌗🌑————————————————📍 樓下冰室: 荃灣荃華街16號荃薈商場地下G45-G54號舖

番茄湯飯整得好味真係要有樓下冰室一席位！環境闊落又有懷舊特色最中意每次必點一定係番茄湯飯，而且如果中意食辣真係要試下麻辣番茄湯，麻辣味特出又麻，但番茄味依然好夠出同男朋友都好中意食雞🤣所以嗌佐最出名嘅瑞士雞亦雞髀外，都再要加多個例牌口水雞口水雞椒麻味好香，雞肉都好入味😋特色係仲有脆脆同花生增加口感，正！瑞士汁雞髀入味得黎，雞肉多汁又滑，啖啖肉鍾意有汁味同骨嘅我就中意食雞亦以為淨係主打菜色出色，點知其他嘢食都好好味，厚切吉列炸豬扒即叫即炸，又脆又唔會乾，熱辣辣超好味連飲品都做得好有誠意，菠蘿特飲係超多新鮮菠蘿肉，絕對無罐頭味，唔太甜嗌佐咁多嘢食加特飲都只係$249，食到超飽，茶餐廳價錢，但誠意滿滿

我覺得個蕃茄通粉好有蕃茄味好好食 等咗15分鐘都唔使再有得入，入位都幾快，同埋店員Service都OK叫着蕃茄通粉等咗一陣都唔使都上晒反而炸吉列飯就要等至少等25分鐘

今次都係食常餐，質素好返少少，員工禮貌返少少，可能因為少客，冇咁忘，政府現金卷用唔到，八達通alipay乜都唔收，痳煩請update返，我旁邊客人又surprise冇八達通用，職員好無耐

簡直係我食過最嫩滑嘅滷水雞髀😍😍超入味，肉質炆得好淋，我叫咗蕃茄濃湯雞髀米線，加豬潤，豬潤都有好多塊，大大件，雞髀滷水汁亦都好濃郁，超入味雞髀肉，一啲都唔油膩，簡直可以食三隻😍😍😍另外仲叫咗個蠔仔粥，蠔仔粥都好大碗！男仔一定夠食！粒粒脹卜卜嘅蠔仔，配上魷魚乾，停唔到口！呢個價錢呢個質素，簡直性價比超高！！

今晚放工唔想煮飯，諗緊去邊食好，荃灣有好幾間冰室都常去既，但係都係始終鍾意樓下冰室，佢既質素好穩定，同埋真係好大碟。估唔到未到六點都咁多人食，估計係食下午茶，因為佢再平啲😂而家先進左，連樓下冰室都自己用qrcode落單，好方便。叫左個焗肉醬意粉同沙爹牛肉麵既常餐。先講過沙嗲牛肉麵，佢個湯底好濃郁，好重花生香味，麵質彈牙爽口，滑蛋炒得好嫩，都幾重牛油香味。另外叫咗個焗肉醬意粉，啲肉醬鋪得滿滿，茄汁味好香濃，芝士仲可以拉絲，兩個人食都已經好飽。

樓下冰室 個名好地道 有種街坊親切感Keep住有人流 裏面都係香港味道佢哋嘅奶茶同華田脆脆要試下坐下QR Code 慢慢揀！上菜速度都快希望開多幾間 呢種貼地茶室👍🏻價錢實惠，食物份量多，係一間性價比高嘅茶室番茄🍅麻辣湯底 配一份大吉列豬扒肉厚 抵食！脆 香 大大碗粉一定夠食🤣瑞士汁嘅味道好特別，有啲微微嘅甜味，令啲雞翼味道更加豐富。啲汁嘅質地都好好，唔會太稠或者太稀，雞翼大隻多肉 ：樓下冰室 ：荃灣荃華街16號荃薈商場地下G45-G54號舖．

晚市時段去左食招牌口水雞。餐廳晚市見到勁多客，好多人等位，好彩搵到卡位😂見到佢有招牌口水雞，勁耐冇食就一於試下個例牌口水雞中辣碗米線。😋😋😋餐牌上面亦有好多小食可以揀，見到有一個芝士焗西蘭花好似好特別，一於試一試😋再叫埋焗肉醬意粉。口水雞竟然有驚喜，上面除左有花生辣醬，亦擺上粟米脆片，幾特別既。另外，雖然點左中辣，但其實不太辣，唔食得辣既人都可以試下口水雞既美味啦～～～😋😂雖然佢斬左雞胸比我，但係肉質一啲都唔鞋，仲好滑嫰添，撈埋個辣汁非常之惹味呀！而米線亦都十分之彈牙，唔會太淋，好食！😋芝士焗西蘭花都好新鮮，但唔會有西蘭花既草青味，淋上唔會太結太濃既芝士汁，竟然出奇地有新鮮感！唔錯既！👍🏻👍🏻😋肉醬意粉焗得幾香既，意粉唔太硬，肉醬夠多夠濃郁, 非常之開胃！配埋咸檸七同忌廉紅豆冰一流！👍🏻👍🏻

荃薈*樓下冰室*一直都係我最愛既冰室之一💕餐廳座位闊落舒適～滿有打卡位裝橫既舊式招牌霓虹燈點解咁鍾意樓下冰室，因為真係好多菜式種類選擇諗食主食、小食、常餐都有排諗🤣叫到成枱都係🤭咖喱牛腩飯$58牛腩份量多～舊舊啖啖肉、咖喱香濃👍🏼樓下三寶飯$56重點係D蔥油超正🥳～加埋太陽蛋爆蛋汁可想而知個飯底幾好食瑞士雞翼滷得相當入味我冰室主打～招牌瑞士汁雞髀$32上枱仲出緊煙熱辣辣～雞髀滷得超入味啖啖肉芝士煎蛋菠蘿包$27個包大到成個漢堡咁～有蛋汁既關係食落好濕潤，菠蘿皮甜甜的紅豆冰多豆到呢🥰🥰心心眼😍

話說行行下熊貓酒店下面Aeon行完後同老婆就搵野食一出熊貓酒店對面正正就係荃薈嘅樓下冰室見到內裡佈置光猛 地方乾淨 餐牌亦吸引 就入去試吓啦😋餐廳內裡裝備係懷舊風格 非常特別👍🏻事不而遲 由於太肚餓 即叫一人一隻瑞士汁雞髀醫一醫肚先🤤一黎到 雞髀size非常對樣 同餐牌圖片一樣咁大隻😋切開雞肉 亦非常嫩滑 配上小小甜嘅瑞士汁簡直一絕 真係太好食啦😋👍🏻👍🏻除此之外 我地亦都叫咗個芝士肉醬熱狗🌭️一黎到又係非常之大份抵食🤤切開芝士仲有拉絲添呀🤤🤤🤤個麵包外皮亦有焗到 好似脆皮豬仔包咁脆😋👍🏻另外疏菜方面芝士焗西蘭花都唔孤寒西蘭花食落都好新鮮多汁👍🏻配上野味焗芝士都係非常吸引😋最後我就叫多個西多做我晚餐嘅結尾😋由於我食過好多地方嘅西多有啲個餡就好孤寒 只係搽好少花生醬樓下冰室就唔同啦 成塊都搽滿炸出黎色澤唔會好老黃👍🏻👍🏻而我老婆就叫咗佢最鍾意嘅韮菜餃不過係小見啲嘅炸餃開頭我都覺得陣韮菜味好鬼臭點知我試點沙律醬 食落口出奇地好食😂啲韮菜仲好新鮮翠綠 入口好飽滿 一啲都唔油👍🏻飲品方面華田脆脆有驚喜 啲脆脆浸耐咗都唔會淋👍🏻飲到尾都仲好濃😋另一杯話梅熱飲就好夠味 粒話梅仲好生津🤣👍🏻

諗住信openrice話佢有alipay ， 便冇帶現金走落去食，點知職員好串話只收現金，要拿拿林周圍找提款機，table n seat very wet n dirty ,食左個牛肉意粉，好一般，個汁超咸，職員冇禮貌，好趕客，食嘢好有一壓力