樓下冰室

营业中

休息中

今晚唔想煮飯，又要去我哋個飯堂食飯，上次食完覺得佢嘅份量幾大碟，仲要我哋幾鍾意食冰室，尤其是佢杯奶茶，所以今晚特登再嚟食飯。今次係第二次嚟食，食物款式好多，同埋懷舊嘅美食先係最吸引人嘅地方，叫咗一個飯同一個麵，兩個人食啱啱好。叫咗個豬骨湯底，菠菜煎蛋配芝士，另外叫咗兩條腸仔，想試吓佢哋嘅豬膶，豬膶入口彈牙，唔會好鞋，雞蛋入口好嫩，另外仲有香濃嘅芝士，好味。之後叫咗個焗豬扒飯，個焗豬扒飯同大集團絕對有得揮，先講份量，入邊有成兩至三大塊豬扒，豬扒好鬆軟，個蕃茄汁好濃郁，同埋都幾多汁，另外個炒飯底不得了，入邊見到好多雞蛋，一啲都唔馬虎。佢呢度有紅豆冰奶茶，梗係要試吓，紅豆起沙，奶茶唔太甜，好味。