樓下冰室 (已結業)

不嬲都好鍾意蕃茄湯通粉，但要搵真正蕃茄味而唔係茄汁味唔易架，但樓下呢個真係好味。仲有隻瑞士汁雞脾，入味，瑞士汁味剛剛好。有機會想試下個咖哩牛腩飯，賣相吸引，見好多人食。

與男孩共進晚餐，有時晚餐唔一定要食太貴，貴有貴食，平有平食。做人一定要取得平衡，所以我是完全不介意吃平嘢的。最近有間平民冰室入選了開飯熱店，叫做樓下冰室，就在譚仔旁，當然選擇冰室，反正譚仔到處都有。蕃茄炒蛋牛肉通粉$40這是我最喜愛的菜式，包括我愛的番茄、炒蛋和牛肉。蕃茄湯底比較濃郁，咸中帶甜，特別是炒蛋用了3.6牛乳，味道特別香滑。牛肉普普通通，不過不失，但整體實在吸引，特別是不需要等很久已經可以吃了！奶醬多$16表面好香脆，煉奶和花生醬的配搭也不錯，表面有些花生粒。焗芝士肉醬薯角＄36芝士肉醬其實就是肉醬意粉那些，調味也是差不多的，薯角竟然能夠保持本身的香脆實屬難得。話梅金桔蜜＋$11 跟通粉裏面有一件話梅，味道酸酸甜甜，又不會過於澀喉，很易入口。菠蘿冰＄22這段時期我不方便喝凍飲，果然是新鮮菠蘿冰，味道甜甜的適中。菠蘿也非常爽口，下次可以叫小冰就不錯！

今日同同事一齊落左去樓下冰室食飯我就叫左個煙肉煎蛋腸仔飯，呢個唔係一般既腸仔，係德國腸仔，好好食而我朋友就叫左個沙律餐配雞翼再加多隻油脾，隻油脾望落去好靚，食落去好正！佢賣既野同茶餐廳差唔多，但個樣同味道都好唔同～到最後我地抱住個肚出黎！！！推介！

見都幾多好評,所以來試下。都幾多人, RUSH HOUR要搭台。叫左蕃茄通粉餐, 另加瑞士雞翼+ 雞脾蕃茄通粉餐: 蕃茄湯底好香蕃茄味, 濃淡適中, 睇得出用蕃茄煲, 通粉都好大碗, 上面仲有一PAT 炒蛋, 半生熟唔錯~ 呢個餐仲可配多樣小食, 我地揀左瑞士雞翼, 總共有2大隻全翼, 幾抵!瑞士雞脾: 單點左一隻雞脾, 瑞士汁甜甜的, 好味, 但雞脾煮得熟得滯, 上脾D 肉較鞋, 大大隻, OK LA~

荃灣路德圍有一間出名既冰室，佢招牌係茄通，所以黎開荃灣都要食下「樓下冰室」平時要排曬隊等入座，今次同朋友打完波一齊去食，而且佢地都好鐘意黎尼度食，因為時間唔早，所以唔洗點等位，但冰室裡面都仍然座無虛席佢既招牌菜茄通真係街知巷聞，差不多大部分客人都有Order！而佢既套餐簡直係抵食，茄通套餐$48，除左有茄通(可以轉飯、麵、米粉、意粉)，仲可以跟多一樣小食！今次我選擇叫套餐之外，仲將個茄通轉左意粉(個人鐘意食意粉😂)，再跟一隻招牌瑞士汁雞脾！「瑞士汁雞脾」，色香味俱全，香濃瑞士汁，而且仲要係大大隻脾，好滋味，食完都想再食「蕃茄通粉」(轉左做意粉)，蕃茄味濃郁，而且仲有蕃茄肉，絕對唔求其，加配上炒蛋，就更加豐富！蕃茄湯底仲可以選擇唔辣、小辣、中辣或者大辣，唔食得辣既都可以試下小辣，會更加好味，而且唔會太辣！

荃灣路德圍有一間出名既冰室，佢招牌係茄通，同埋瑞士汁雞脾，所以黎開荃灣都要食下「樓下冰室」平時要排曬隊等入座，今次同朋友睇完戲一齊去食，而且佢地都好鐘意黎尼度食，因為正值食飯時候，所以都等左一陣位，不過都好快入座今次Order左一個「雞排蓮藕餅飯」，再配一杯招牌特飲「菠蘿冰」雞扒煎得香口，而且絕對唔細塊，加上蓮藕餅同樣煎得香口，所以除左茄通外，我同朋友都好鐘意叫尼個黎食招牌特飲「菠蘿冰」，就值得重點一題，差不多每次都會叫 ，原因佢用嘅菠蘿唔係罐頭，而係新鮮菠蘿肉製成

去親茶餐廳食雞髀都係炸雞髀比較多，想食豉油/滷水汁/瑞士汁雞髀好難搵。最失敗的應該係瑞士咖啡室，omfg，又乾又細隻又冇味D肉重要「梅」; 完全唔明白點解用瑞士咖啡室呢一個名。想食雞翼，新記芝士麵滷水雞翼非常好食（好似冇寫過添🤔)，但係雞髀一定係樓下莫屬。一個月起碼去一次，每次叫返同一樣野：- 瑞士汁雞髀豬骨湯公仔麵，凍奶茶少甜- 瑞士汁雞髀小辣番茄湯螺絲粉，茶走雞髀大大隻脹卜卜，煮得非常入味。個人不太喜歡番茄湯，但見老婆食得津津有味應該非常唔錯-- 比起尖沙咀那家非常出名的星座冰室還要好。四川麻辣辣椒油加上重薑味的豬骨湯，非常治療。奶茶水準之作但未算非常出色。唯一美中不足是他的雞髀出貨非常快但是粉面上枱速度有待改進。呢樣都改埋就真係perfecto!

只叫左焗豬扒飯，焗豬扒飯嚟到熱辣辣係幾好味既，茄汁個味調較得唔錯，但無蕃茄，大家樂比較多返d蕃茄食吓。個炒飯底幾有蛋香，豬扒好大塊，唔硬，易切易咬，不過係雪藏豬，無咩肉味，$53都無得要求新鮮豬吧。份量夠大，可惜食到底原來超多油，起碼佔左焗盤 1/4 高度， 我未食過咁油既焗飯，好難接受，有1/3 既飯太油食唔到。呢度裝修都幾可愛，迫左少少但可接受。佢嘅瑞士雞翼講到好出名咁，下次會去試吓，但豬扒飯就免了。

港式冰室風味餐廳試左招牌既蕃茄通粉同瑞士雞脾-炒蛋蕃茄通粉炒蛋蛋味濃郁，質地好滑蕃茄湯超濃，有真蕃茄又軟稔，天然蕃茄味酸酸甜甜又開胃又想繼續食叫通粉好處係可以飲到個蕃茄湯一個字: 正!-瑞士雞脾厚肉都完全入哂豉油味同滷水味，又夠甜果然冇失去香港著名「豉油西餐」的代表性肉質又唔鞋又好大隻-蕃茄濃湯通粉配牛乳炒蛋 + 瑞士雞脾 HK$487.5/10😋😋😋😋😋😋😋🌜

31-12-2016 (Sat)同老公瞓晏o左起身落荃灣食o野,我o地決定o黎好耐冇o黎o既呢間,原來成兩年(上次食評: https://www.openrice.com/zh/hongkong/review/%E8%B6%B3%E6%96%99-e2412452)時間係11點半後,未滿座,我o地坐二人卡位,叫o左兩個set lunch, $42.00o既台式肉燥煎蛋飯同$44.00o既瑞士雞翼配蒜蓉牛油脆豬仔包及沙律,兩個都飲熱檸水.落完單冇耐,兩杯熱檸水都到o黎,7分鐘後,老公o既台式肉燥煎蛋飯都到,份量正常,我試試,肉燥o既鹵水汁味好濃,我唔多鍾意,試食o左一啖就俾返老公自己食晒佢.而我o既瑞士雞翼配蒜蓉牛油脆豬仔包及沙律呢?等好耐好耐,成11分鐘至到,呢個熱騰騰,先食沙律菜,黑醋同30-12-2016o係美國餐廳食到o既一樣酸ｏ左啲.蒜蓉牛油脆豬仔包調味o岩o岩好,豬仔包都脆,OK.瑞士雞翼有兩隻,味道好濃,煮到好腍,唔差.而沙律係雜果沙律,味道唔太酸,OK.而兩杯熱檸水都正常冇問題.

樓下冰室，一間係荃灣 area well known 既茶餐廳，出名食瑞士雞肶同蕃茄通粉。以前一早已食過，新年假期未開工，今晚一個人去 encore 一下。晚餐時段餐廳好逼要搭枱，講唔上任何舒適可言。 Typical 茶餐廳服務。今次叫左瑞士雞肶同冰室炒意粉。瑞士雞肶: tendered, juicy with deep flavour sweat sauce。 大大隻，非常好食。水準保持無變！冰室炒意粉: 雖然賣相非常一般但分量好多，茄汁味濃！有火腿，雞肉，腸仔，加上蒜粒，熱辣辣，意粉硬度適中，非常好味！呢間冰室嘅食物水準真係唔錯，雖然環境同服務一般，但值得推薦大家去試試！

這間冰室以蕃茄濃湯為主打，跟坊間一般的蕃茄濃湯不同，這個湯底非常濃稠，仿如把蕃茄攪碎，再熬成湯，不錯！不過通粉沒有很特別（通粉也難以驚為天人吧）。紅豆冰這類飲品要加10多元，不過也不算貴呢！整體不錯，經過值得吃吃。我個人比較喜歡吃麵，但通粉跟湯底比較夾，通粉中空的部分灌滿濃湯，好吃。麵沒甚麼特別，就是一般的樣子。雞髀沒有很大，但瑞士汁香味撲鼻，頗入味呢，肉質還好半價加飲品，這個加$11一杯。整體還算不錯，經過可來吃吃。

見到openrice推介咁就放工去試試先講食物喇我叫咗個應該係招牌菜番茄炒蛋通粉配咗瑞士雞髀同埋加咗杯綠椰冰蛋同番茄一向都係絕配所以呢個組合點都唔會衰㗎啦特別嘅係呢個蕃茄湯底頗濃所以好夠味雞脾 肉質好嫩滑汁就唔會太甜或者太鹹啱啱好然後我最鍾意就係呢個綠椰冰佢用綠豆造成粒咁樣加落椰汁冰我第一次飲覺得好好(綠豆控)雖然食物唔錯但食客太多就算我一個人食都要坐喺廚房側邊走廊嘅位置搭枱我坐得非常唔舒服所以除非下一次餐廳有好多空位我唔想再泥間餐廳逼多一次

Today is a good day to go for a hike. After hiking for nearly 4 hours, we came back down to the town. Originally, we wanted to try the amazing ShanXi noodles. Unfortunately, it wasn't open because of Chinese New Year. We decided to try this high rated restaurant. Even though it was already 3pm, there was still a long queue waiting outside. Luckily, the turn-over rate was fast. We were able to sit down after around 10 ,imutes. Coming to here we definitely going to try their signature tomato soup

荃灣食肆林立，要搵間好食既餐應該唔難，要搵間有特色又好食既餐廳，今次我揀左呢間非常有懷舊感覺既餐廳，由餐廳設計以至地下牆身都好有懷舊色彩，而餐廳亦有池名食品，就試下奶油豬瑞士雞肶沙律餐，瑞士汁不會太濃，亦不會過咸，味道剛剛好亦沒有加味精 ，非常好，雞肶亦不太硬，又滑嫩又有口感，再叫左杯椰汁綠豆冰 ，椰汁紅豆冰就飲得多，椰汁綠豆就比較小，這配搭也很不錯，椰汁夠香，綠豆夠林，簡直非常清涼可口，正到不得了。