樓下冰室 (已結業)

同個同事點完野食，點左杯熱奶茶同埋熱檸水，侍應落錯單來左杯熱檸茶和熱檸水，我問我同事我係唔係點熱奶茶，同事好肯定答我系，我好聲好氣同另一個侍應要求更正，佢攞左收據板(夾左收據)去改，改完大大力將收據板拍在枱面，話幫我改左，我個心嚇到離一離

今日放左工因為LUNCH 太晏食野既原故, 所以dinner 諗住食少少野就算, 於是就去左衣間樓下冰室叫左個瑞士雞脾餐食啦! 衣個瑞士雞脾餐包有瑞士雞脾一隻, 牛油餐包一個同埋一個少少既沙律~ 隻瑞士雞脾係整得幾入味既, 個瑞士汁又唔會太鹹, 而個沙律就一般般, 始終都係為食試佢個瑞士雞脾~ 成個餐56蚊, 唔包野飲, 價錢黎講就覺得貴左少少, 雖然隻脾係唔錯既~但係就好似唔太抵食了, 下次應該會試下佢其他野食~

荃灣太多好食餐廳，令每次經過呢間餐廳都會見到排隊排左好多人，今次終於病機會入座了，一於試一試佢地招牌菜式啦點了蕃茄湯加豬肝飯蕃茄湯味真係好濃，由於蕃茄湯真係由蕃茄慢慢煲出泥嘅，所以絕對好有蕃茄味另外加埋豬肝，豬肝非常厚，而且都好大塊，另外，碗湯本身會有滑蛋嘅塊蛋真係好滑，第一啖食果時仲有少少蛋王汁流出來的真心好正之後當然要配埋招牌嘅瑞士雞翼啦雖說其實又唔係太特別，但又好似香港冰室應該係要食返香港特色嘅食物如果下次可以試埋個意粉就正啦

番茄濃湯通粉配炒蛋+瑞士雞脾 Macaroni in Tomato Soup with Scrambled Eggs 🍳🍅$48; 7.5/10🍴去荃灣係要食下冰室😛味道ok嘅不過實在鹹得誇張究竟係咪落左成樽鹽落去😂😂雞脾多肉，肉質鬆軟嫰滑而且入味，唯獨越食越鹹🍗🙈番茄湯通粉都有好多番茄喺入面嘅🍅🍅炒蛋都幾滑唔會浸到淋灑🍳🍳

小弟已不是第一次到這家餐室, 每次都是蕃茄通粉, 炒蛋, 豬扒 加凍檸茶. 最近再光顧時, 看見餐牌上寫著 '菠蘿冰', 突然想來一客, 就放棄了凍檸茶.一飲, 眼睛如上了電般... 菠蘿沒有欺場, 不是罐頭內整齊一片片扇型的, 而是有大有細不規則的, 大概是新鮮菠蘿吧; 而且喝下去沒有太酸或太甜的糖水味.  朋友因為我的眼神而點了一杯, 他的意見是地們罐頭菠蘿內的原汁開少量水, 只是菠蘿也很鮮甜. 跟餐加8蚊可以食十幾粒大菠蘿, 我覺得比凍檸茶抵, 就算其他餐室也是罐頭菠蘿內的汁加糖加水, 都調不出這般恰到好處的菠蘿冰.

因工作關係，晚上帶著很疲倦的身軀與拍擋在下班地點附近找一間餐廳吃一個簡單晚餐之後就回家休息。估不到因此找到一間價廉物美的餐廳~樓下冰室。蕃茄濃湯通粉配牛乳炒蛋首先，配料有我最愛的百頁豆腐，不論街上及其他餐廳都很難吃到，像魚蛋一樣很爽口彈牙。湯底味道濃郁，這個配搭充滿驚喜。蛋治份量十足蛋香濃郁 ，很滑，一點也不膩，份量很大胡麻招牌雞肉沙律 手撕雞，味道欵似用滷水葉製作，味道很特別，底部生菜非常新鮮加上芝麻醬之後攪拌，雞肉和生菜味道好均勻。如果不喜歡多芝麻醬的朋友們記得吩咐(少醬)瑞士雞翼烹調時間適中，很軟熟！味道很甜，果然是餐廳的招牌菜。飲品方面點了這款綠椰冰，綠豆蓉的味道非常清甜，三扒兩撥就將綠豆蓉吃清光。差點想再來一杯總結:感到非常驚喜，每一款食品水準都很高，價錢又非常合理!值得推薦給朋友

因朋友推介哩間既雞脾同蕃茄通粉好滋味所以就一齊去試下啦唔洗排隊 但入面都幾多人 坐位都多 但坐得幾迫開始叫野食啦我地叫左兩份蕃茄通粉餐配瑞士雞脾不過就唔包餐飲如果要叫野飲佢都會有個優惠就係半價(Eg.凍檸茶$18 跟餐+$9)小狗公主就覺得有d貴⋯⋯哩度既擺設好得意我一入黎就比哩個可口可樂樽仔吸引左好得意雞脾好入味 不過我朋友個隻就無我哩隻咁入味可能太多人食整唔切掛哩個炸薯角係我最推介既佢一d都唔油 仲好脆 一定要試朋友食的蕃茄螺絲粉我地食的蕃茄通粉小狗老細最欣賞哩度既蕃茄通粉可以揀辣度同埋佢既濃湯都整得好好 蛋都炒得好滑大家都去試下啦

樓下冰室位於荃灣路德圍，主打蕃茄湯底，連餐廳logo都有個蕃茄同入面牆身都寫住I love tomatoes～另一主打食物嘅係瑞士雞脾，所以我最後就叫左蕃茄湯底通粉配瑞士雞脾，仲以半價加左紅豆冰飲品㖭～ 朋友就揀左配瑞士雞翼同新鮮菠蘿冰，好邪惡丫!蕃茄湯底濃度我覺得10分有7分左右，都幾多蕃茄料係入面。個蕃茄湯底通粉仲有份牛乳炒滑蛋係面，個蛋都真係幾滑，有D同個通粉溶為一體嘅感覺。輪到瑞士雞脾同瑞士雞翼，真係好濃嘅瑞士汁，濃度黎講10分有10分。唔止表皮濃，你會食得出佢入面D肉都入哂味! 個汁係幾甜，不過鹹左DD～紅豆冰係正嘅，紅豆夠"林"～另外菠蘿冰聞落勁似地門牌，不過D菠蘿食落唔算好甜。不過依個組合每個餐每人食左$59，茶記黎講都唔平～環境氣氛： ★★★☆☆食物質素： ★★★☆☆服務態度： ★★★☆☆

          行完山突然興起想食間港式冰室，嘉樂冰廳星期五唔開所以就近近地黎左係路德圍既樓下冰室，去到既時候6點仲係下午茶時段，所有湯粉麵飯都有飲品送，真係幾抵😚👍🏻           黎到呢到見到好多人都叫蕃茄濃湯通粉，我地當然就試試啦！店家有好多唔同既配料可以選擇一樣，包括左鮮牛肉、豬潤、肥牛、叉燒等等，都幾岩食肉獸黎食。我地叫左茄牛通，好快就已經送到。一上枱就已經聞到好大陣蕃茄味，就咁望到碗湯已經流曬口水，因為可以睇得出店家係蕃茄湯底方面落好重本，而且牛既份量都唔少添！牛食落比想像中滑，不過味道就唔算好入味。另外入面都有滑蛋，都幾滑同幾多！          好快厚切牛脆炒蛋治都黎左，雞蛋大概有5cm咁厚，真係好吸引，不過如果冇煮得咁熟，有少少蛋汁就是更好更特別，可以做得更好😁          而且奶茶茶味比較濃，同行既朋友就試左茶走，味道都唔差嫁～

聖誕前的最後一個工作天，公司依舊很忙，OT後同同事吃個晚飯先回去吧，走著走著見前方有人龍，唔執輸嘅心態黎到排埋一份，外觀只是一間平平無奇的茶記，何以要排隊等位咁誇張。等了一陣就有枱，店內很迫，基本上能放得下桌子的空間全都放了，路只夠一人通過，作為一間茶餐廳冰室之類，你又能expect幾多？食物好食就夠了。枱上只有一張餐牌，食物選擇不算多，不像一般茶記般大包圍，就點了最多人叫的蕃茄濃湯系列。枱上還有簡單的調味格，仲有紙巾，感覺幾衞生。既然係聖誕前夕，豪一豪佢叫杯特飲，嘩，原來跟餐要加十四蚊，哈哈哈，真係食飯都唔知米貴，不過成餐加埋先155，算係幾平喎。特飲先到，自己點左杯凍利賓納，朋友點左忌廉紅豆冰。利賓納係汽水機個種，唔再係開水個隻，有汽又夠凍，正。紅豆冰的豆煮得軟腍，不過甜，加了忌廉更香更滑，好大杯，抵飲。朋友的蕃茄餐選了跟瑞士汁雞脾，隻脾好大隻，上枱時熱辣辣，好香呀。試了一口，滷得相當入味，甜甜地，雞肉嫩滑，勁正。跟住上枱嘅係芝士西蘭花，芝士香噴噴，加上白汁，西蘭花爽脆，滿滿一碟還不錯。自己的蕃茄餐選了跟厚蛋治，個蛋真係好厚呀，又嫩又滑，塊包塗了牛油，遇上熱辣辣的炒蛋，瀜掉的牛油加

繼續荃灣食好東西最近好想食雞脾所以決定黎食招牌瑞士脾自己叫左個蕃茄濃螺絲粉配滑蛋個湯係茄醬再加少少新鮮蕃茄煲出黎，茄醬味太濃啦 個蛋好滑好好味 螺絲粉亦煮得岩岩好跟粉配招牌脾個汁好好味 雞脾因為要鹵既關係，所以煮得耐而唔彈牙 如果中意食滑雞既人就唔太岩口味朋友個咖喱雞飯分量都好足又有少許菜不過好多油😂 紅豆冰身為豆迷，見佢餐牌有佢，忍唔住想食。但好失望…因為佢啲豆係煲到起哂沙…完全食唔到一粒粒既紅豆

今日第一次來食，lunch唔洗點等位，環境一般。坐底後叫左佢出名ge瑞士汁雞脾同蕃茄濃湯通粉等左大約十分鐘到，份量好多。雞脾熱辣辣好大隻，好入味，雞肉不會鞋，好食蕃茄濃湯通粉有蕃茄碎，炒蛋幾滑身，湯底好有蕃茄味，而且好大碗，好飽。埋單$48，值呢個價錢，會再來試下其他嘢

吾好被欺騙左，價錢貴又難食！絕無第二次！記得個晚因為吾知食咩好就open rise . 見到噤多好評就去試下，食左個蕃茄通，加招牌瑞士雞翼，雞翼苦既，通粉硬既！真心吾推介去浪費錢！

食物冇問題，只是當日遇上超差態度之服務員。話說當晚兩人去食飯，因身形不算嬌小及有隨行袋，服務員不顧及客人需要，用極差態度硬要我們二人坐一架位。當時店內所有人是一人一架位，眼見情況並不公平，所以亦離開此店！之後亦唔會再去！

見有荃灣同事讚到天上有地下無，就試吓$48招牌茄蛋通再自選一樣餸，可選招牌瑞士汁雞脾，無餐飲。茄湯唔夠中環嗰間濃，無茄蓉。滑蛋又唔夠老麥滑蛋香滑，無咩味。雞脾size都大隻，好冧身好易切。雞皮偏薄，不會過肥。瑞士汁甜味不足，像一般豉油雞脾。雞脾飯$45，同樣不包嘢飲。卡位對面搭枱，餐枱過窄，與對家距離令人不安。枱也過矮，座位太近枱，坐得不舒服。