樂麵

营业中

休息中

胡椒豚肚湯拉麵🫶🏻原來拉麵湯底都可以係胡椒豬肚湯，一飲就飲到好濃既嘅胡椒味，成個人都暖晒，湯底都真係有啲豬肚，豬肚整得好好，煙煙韌韌，好有咬口，材料既豚肉都好軟嫩，醬油溏心蛋亦好濃香，好食到爆！真熬雞白湯拉麵🫰🏻一個依家多佐香港既拉麵店會做既湯底，雞白湯好濃，好重雞味，奶白色既湯底唔會好油膩反而係好香，肉有豚肉，鴨肉，雞肉，每款都好新鮮好好味，醬油溏心蛋又夠咸香，值得一試既拉麵！秋葵釀蝦膠炸串👏🏻其中一個小食，整得好靚，滿滿既蝦膠釀係秋葵入面，蝦膠好彈牙，秋葵都好爽甜，炸到脆晒一齊食口感豐富！椒鹽唐揚日本池魚👍🏻池魚本身就好新鮮，又唔細條，炸到脆晒成條就咁食，成口都係魚香甘香，仲可以點少少汁去食，味道仲好！

❤️‍🔥樂麵真係好食唔錯💕忍唔住係度留言，下面就先逐樣介紹下☪️🖤首先講的是秋葵釀蝦膠炸串，呢個炸串的秋葵非常新鮮，蝦膠也非常鮮美，經過炸製後外酥內嫩💕口感十分爽脆，讓我回味無窮，想再吃多一串💜跟住是胡椒豚肚湯，豚肉和豚肚都好鮮嫩阿，湯汁濃郁香濃，最鍾意係湯汁，佢配上一半溏心蛋，口感更加豐富💕佢用胡椒做湯底，係營養價值上都係比較高❤️再簡單講花雕醉雞湯，佢既雞肉和鴨肉都煮得非常入味💕加上適量的花雕酒可以話係提升了湯底的口感，糖心蛋也一樣好好食💛最後係椒鹽唐揚日本池魚，就咁睇既池魚已經非常吸引，口感亦係非常鮮美，淋上椒鹽調味，炸製得非常酥脆，口感係好爽脆，值得推薦既一道小吃💘

🉐今日無人煮飯，全日係葵芳買野又行街，順便搵到專門食日本拉麵既小店，裝潢上好整齊又企理，有日本既特式餐廳感，坐位上好舒適，服務店員態度良好💯💯♨️♨️忌廉汽水♨️♨️〽️行到累一累，飲返一支汽水，爽快人心，夠凍夠多汽，見佢有一大個雪櫃都放滿汽水，感覺整整齊齊，入面仲有多款唔同既汽水任均選擇 ♨️♨️真熬雞白湯♨️♨️〽️豚肉，鴨肉，雞肉，醬油溏心蛋呢度既拉麵份量十足，完全可以食到飽，拉麵既硬度適中，成碗湯都唔會過油，做得好到位仲有好勁既雞香味，上面放有好多配料，醬油溏心蛋幾好食唔差，食到有三種肉，肉質都係好柔嫩，唔會有太多脂肪，肉質部位靚，試過呢度既拉麵做得出色，值得介紹朋友

🥢椒鹽唐揚日本池魚出餐速度都挺快，試試日本池魚，好有魚香鮮甜美味，一點點鹹又能帶動魚既鮮味，跟日本做法一樣！🥢日式餃子份量好多，每一件既餃子都包得好靚，炸得好有油香，外皮又香又惹味，加一點醋更有風味！🥣胡椒豚肚湯主要材料：豚肉，豚肚，醬油溏心蛋男朋友今日就係同我一齊食拉麵啦，拉麵中佢既湯底味道好濃郁，有好濃烈既胡椒豚肚既味道，豚肉同豚肚都比足料好大塊，食完之後可以話係超級飽肚！🥣真熬雞白湯主要材料：豚肉，鴨肉，雞肉，醬油溏心蛋呢個雞白湯要長時間去熬出來先有咁白既雞湯味，雞湯底之中又唔會有好多油份，製作過程好有心機，而且完全無加其他味精，係原汁原味精心製作，能夠做到湯底同拉麵既融入，真係少之有少！男朋友話要食拉麵，所以專程有心地陪佢，舖面好大，裡面都好大，枱上都有餐牌，餐牌好易睇，店員好細心，送餐速度有效率，日後有時間會黎食多次！

🌈食物質素🏆🏆🏆🏆🏆🌈店內環境🏆🏆🏆🏆🏆✨秋葵釀蝦膠炸串✨平時只食過秋葵，見咁特別既炸串所以要一試，秋葵再加埋蝦肉，味道原來都咁夾，清得黎又惹味 ✨真熬雞白湯✨前排實在食太多濃味嘢，今日專登地點了一碗清清地既雞湯拉麵，佢既麵興感好柔軟又滑身，裡面有三款唔同既肉，唔洗靜係食一款肉咁悶，中間既溏心蛋做得好有心機，佢醃製既味道好入味，同埋中間既蛋黃能夠做到完全半生熟狀態，真係好高質 🌈下午時份要醫醫肚，見到有一間拉麵店好吸睛，入面既環境好舒服，坐到唔捨得走，價錢好便宜，適合大眾市民，咁高既食物質素有咁大眾合理價錢，好抵食🌈

我同男朋友一人叫一款麵，我就叫佐真熬雞白湯拉麵，入面有豚肉，鴨肉，雞肉，醬油溏心蛋。呢個都係傳統啲嘅日本拉麵，湯底真係用原隻雞去煮出嚟，所以有好濃香嘅雞味，但又唔會太肥，材料亦都有好多，豚肉雞肉都係好腍好嫩，鴨肉相對有啲質感，但都同樣好食，仲有溏心蛋都係超級流心，麵質又好，好好食！男朋友就試佐花雕醉雞湯拉麵，同樣有雞肉，鴨肉，醬油糖心蛋。呢個拉麵比較特別，用咗花雕醉雞湯黎做湯底；真係飲到有酒味，好似食緊醉雞咁，亦都好濃雞嘅香味，啲材料都係煮得啱啱熟，非常入味，溏心蛋亦都整得好出色，成個拉麵配合得好好！我地仲叫佐小食，椒鹽唐揚日本池魚，呢個小食只係$38，但份量絕對唔會少，啲炸魚條條都好大條，炸得好脆，又飽滿，係一個好上口既小食！呢度叫汽水飲好好，鋪頭會好貼心咁俾一隻放滿冰既杯客人，保證汽水夠晒冰凍，正呀！

呢間樂麵係新都會商場，裝修幾有日本風格，用上紅黑裝修，有幾分風采，店面亦都幾大間，幾好坐。👅花雕醉雞湯拉麵呢個拉麵有雞肉，鴨肉，醬油溏心蛋，材料豐富，啲肉都應該係慢煮，雞肉好嫩，一啲都唔鞋，鴨肉都好有嚼勁，又無騷味，溏心蛋都好流心，整得好好，湯底就真係好似飲緊花雕雞湯咁，有啲酒味，亦有香濃雞味，同拉麵又原來好夾，拉麵新嘗試！💋日式餃子餃子煎得好脆，皮薄餡靚，外皮夠晒脆，餡料就飽滿豐富，唔會太濃，有啲焦香，點啲餃子汁食就非常好味道！

聽講呢間主打fusion拉麵，第一次見有花雕雞白湯拉麵，本身我好鍾意食醉雞又好鍾意雞白湯，不過上網睇一係話好好食一係話伏到爆，冇乜中間cm😂唯有自己親身去試下。因為自己好鍾意酒味濃，就叫咗「參重」花雕酒，應該係3倍咁解？上菜時原來本身係就咁雞白湯拉麵，酒另上要自己淋落去咁樣，仲以為係成個湯都係用酒煮添，不過咁就可以試咗原味先再加酒，一次試勻兩隻味。先飲啖湯底，其實都算濃郁，係幾香嘅雞白湯嚟，都忍唔住飲多兩啖先落酒。落完酒頭個幾啖唔知點解唔太覺酒味，本身仲嫌唔夠酒味，點知越食到底酒味越濃，好彩冇再問有冇得加酒；麵都係正正常常，配搭嘅雞叉燒同鴨叉燒就驚喜得多，一碗入面有3塊雞1塊鴨，雞胸肉叉燒煮得幾嫩，但味道嚟講鴨叉燒出色好多，可惜唔係兩塊雞兩塊鴨整體嚟講呢個拉麵幾啱我口味，唔覺有人哋講到咁伏。不過成個拉麵計埋加一要成$130，啲服務又未算好好，啲侍應唔算醒目，點餐埋單都等咗好耐先有人嚟，你話係咪抵食就真係唔算，偶然食下過下口癮就ok

我成日放工都會去葵芳食野，有大部份都食過，想食下啲從來都未食過既餐廳，就去左新都會廣場搵間野食，誤打誤撞去左呢間拉麵店，入到去坐，我地個位係對正個廚師，一路食一路睇住佢點樣煮拉麵，我點左個胡椒湯，一開始食覺得好好味因為好濃又好入味，去到食左一陣就頂唔順覺得太咸了，真係好咸，忍唔住加啲水入去，加上啲面其實食得耐已經索哂佢啲湯，最尾2個人食左270幾蚊，我覺得唔算太好食，加上有啲貴，呢間拉麵應該唔會再食了

食過三次 水準有維持到第一次係試雞白湯拉麵 貪佢每款肉都有🤣湯底一般 麵質偏冧 耐咗會一pat pat所以下次就揀咗硬身餃子正常發揮 煎得幾脆麻油炒筍偏鹹第二同第三次叫了胡椒豬肚拉麵加一份肉Fusion得嚟又幾好食 胡椒味十足 豬肚亦十分入味👍🏻肉方面 因為係慢煮 所以唔會韌但豬肉要儘早食完 唔係喺最後先食會因為浸得太耐而影響到肉質🫣見到都多人叫個荽口荽麵 只可惜本人欣賞唔到芫荽下次想試埋個花雕雞麵

喜愛芫茜嘅人，真係可以試一試每日限量30個嘅芫荽拉麵，今日終於試一試超級多芫茜 自己就好鐘意食 嗰半隻糖心蛋就因為太多芫荽遮住好難搵，我差唔多食到最尾先食到佢 但果陣已飽左啦不過再加叫埋餃子，包你食到肚脹脹！

今日收工過新都會眼鏡88拎眼鏡，咁就突然興起想食番個拉麵啦，記得上次黎「樂麵」係試招牌果個豚肉拉麵，咁我就覺得一般，唔算話頂級好食，算合格啦。咁我當然唔會話食一次唔特出就黑名單人既，給終一間餐廳都有其他款式可以試下，咁第二次黎就朋友推薦試胡椒豚肚拉麵，呢個一試有驚喜喎，湯又無話特別咸，湯連麵一齊入口，味道又夾到喎，少少胡椒味+少少類豬骨湯味，岩岩好，跟著+點左一份餃子，煎到岩岩好，個底又唔會好燶，點少少喼汁唔錯。唯一要彈既就係飲品選擇比較少，如果可以多幾款選擇就好，第時經開呢度，我都會試埋其他兩款既， 總結：唔算伏既地步，我會俾75分呢間餐廳。

樂麵同本地品牌悅和&永樂麵合作，推出香港風味既拉麵，無理由唔黎試下🤭🍜茜口茜麵 $118 身為芫茜控既我其實本身對呢個無太大期望，因為都只係噱頭野，點！知！佢個特製芫茜拉麵真係連個湯同拉麵都有濃濃既芫茜味，估佢唔到🥲仲要拉麵份量好多，多到食唔曬🤰🍜真熬雞白湯 $118雞白湯好香濃得黎唔會太咸，好好飲～呢個麵加左$20 配永樂伊麵，食落去就係龍蝦伊麵個啲伊麵既質地，感覺上呢個配搭有少少奇怪🤏🥟日式煎餃 (套餐+$25)比想像中份量多呢，略嫌餃子皮太油，但整體上還是可以的🆗

見到有日式拉麵， 我鍾意食日本嘢，就入去試下， 想柯打嘅時候， 啲侍應已經做到燶口燶面， 啲眼神但有殺氣㖭， 都唔緊要喇。 都係想食好嘢啫， 都唔計較服務喇。現場得三四個客， 好多都已經食緊拉麵， 我地一行兩人， 拉麵煮兩個字三個字， 賣相都唔錯，非常期待， 我叫鰹魚湯底， 朋友叫胡椒豬肚湯底， 加多一客餃子。胡椒豬肚湯底唔差， 但係個湯底 胡椒味太重， 湯汁比較傑， 唉， 個半生熟蛋我哋兩個食完個肚都唔係好舒服， 最搞笑嘅就係一百零蚊嘅拉麵， 我哋以為係日本拉麵，但佢係用香港製造嘅xx 蕎麥麵底或伊麵底做。 好食就話無乜所謂， 但其實真係好難食， 完全無日本嘅拉麵咁嘅感覺， 點解裝修要做到好似日本拉麵咁呢。 重點係嗰兩片肉， 完全係凍冰冰， 啱啱喺雪櫃攞出嚟就畀人食。好啦， 講返鰹魚湯底拉麵， 個湯底極少， 水位唔過個面底，又結又難食， 雪藏 豬肉味仲要好犀利， 後尾我真係食唔落。講埋個餃子簡直就係 好唔掂， 雪藏肉淋bet bet， 一啲都唔香口， 一啲都唔似食緊餃子，完全冇乜味嘅。埋單要二百九十幾蚊， 真係寧願食隔離pepper lunch好過。

人生第一次食咁難食既拉麵😅😅拉麵一上，我同男朋友飲左啖湯之後大家為今次碗麵作出評分🥶🥶🥶我(濃口胡椒豬肚湯)：3分男朋友(真熬雞白湯)：4分濃口胡椒豬肚湯真係得浸若隱若現嘅胡椒味，其後得陣死咸(呢啲就係所謂嘅濃口)！真熬雞白湯飲第一啖湯就係一浸洗碗布嘅味，用好熱嘅滾水淥緊嗰啲洗碗布陣味(呢啲就係所謂嘅真熬)！比較可取嘅就係佢係用玻璃樽可樂，可惜係唔凍嘅😅成班員工就好似暑期工咁樣，又講晒粗口 同埋周杰倫越播越大聲😂