樂心冰室

营业中

休息中

一早到銅鑼灣揾食為先，才去工作。銅鑼灣見有咁大間的茶餐室，入內見全是卡位式設計，乾乾淨淨，地方亦寬敞，坐得幾舒服。义燒湯意粉，义燒沒有過多的染色，肉質鬆軟，非一般的平價貨，意粉雖浸在湯中，也是做到靱度適中，沒有過度發脹。鮮奶炒滑蛋，蛋炒得剛好很滑，仍有流心狀。牛油多士，烘得香脆，牛油亦多。奶茶茶味唔錯，而且茶味較奶味香濃。平常飲奶茶會有胃脹，今次卻沒有的。早餐到12 時，如放早吃飯可能都可吃得到呢！

我同同事收工諗住搵間餐廳食晚餐 搵左一陣就搵到呢間茶記 一入到去第一件要講既事 就係要強調呢間餐廳環境真係好乾淨企理 無論係地面 桌面 餐廳櫃檯等都好乾淨 沒有食物殘渣殘留係桌面等地方 連D餐具都係整整齊齊都曬放係抽屜 係香港難得一見比較乾淨既茶記有乾淨企理既環境 食飯都食得舒服d啦 即該落單先 我叫左一份西蘭花炒花枝(即係魷魚) 同事就叫左皇袍叉燒飯 小菜套餐有中湯或者飲品可以選擇 叉燒飯既話就送野飲 我叫左中湯 朋友叫左涼粉紅豆冰一開始就黎左碗中湯先 湯入面有粟米紅蘿蔔雪耳 都幾足料 一D都唔油膩 清清淡淡好開胃 朋友杯紅豆 涼粉都好大杯 未食野飲左三分一杯都話已經有D飽 點知碗叉燒飯黎到果陣真係嚇親 塊炒蛋仲大過塊面 上面叉燒全部都係厚切大大舊 白飯量唔算太多 我個friend話食曬岩岩好因為杯紅豆冰好大杯 隔無幾耐我碟小菜就黎到 食果陣碟小菜都係熱辣辣 魷魚煮到好軟腍 西蘭花有鑊氣 食得出有係鑊入面快炒 殘留食物表面淡淡焦物及焦味 同埋西蘭花都好大份 所以食完個下都真係幾飽之後同同事坐係到吹左一陣水 坐下坐下又想食甜品 我地叫左一份蓮子奶凍 一份什果奶凍 奶凍有很濃既牛奶味 食

樂心冰室 at 銅鑼灣皇袍鰻魚飯 hk78 蕃茄牛肉意 hk40.期待左好耐要食呢塊皇袍睇相個時係好厚身好滑咁樣不過出到黎有少許失望塊蛋係散開黎嘅 而且唔係cover晒成個飯( ‾᷄꒫‾᷅ ).味道方面鰻魚係幾厚身嘅 以78元嘅價錢食到鰻魚飯我覺得都算幾抵食咬落去啖啖肉 鰻魚汁少少甜味 唔會過咸油脂加汁加蛋 好好送飯喔<3飯上面撈左d鼔油 唔係好食得出到底係咸定甜Xp不過整個飯唯一係略嫌蛋味不夠濃郁如果係focus係蛋嘅朋友應該會失望.而茄牛意蕃茄量都算多, 牛肉唔會韌湯係酸酸甜甜幾開胃 而且飲落無乜味精感覺 不過當然唔好飲晒啦XD茶餐廳黎講係正常水準.今餐皇袍對我黎講係有少許失望而餐廳lunch time有d打仗feel落單慢少少都俾人唔耐煩嘅感覺

今日係希慎廣場接朋友放工，順便係CWB食野，諗住係d小街巷仔覓食，就見到呢間冰室，我比佢貼係門口餐牌吸引左，望一望餐牌係銅鑼灣黎講算貼地，就試下。當晚7點半左右，可能因為落雨既關係，唔洗等又卡位坐，入去先發現餐廳好闊落，燈光簡潔明亮，比想像中乾淨。而且餐牌選擇好多，朋友選擇左咖哩牛筋腩煲配餐湯白飯，餐湯有中西式揀，而我本來想揀呢度推薦的滑蛋叉燒飯，但最後心思思都係揀左滑蛋瑞士雞脾飯😂。首先我要推薦羅宋湯！以為普普通通，但居然比到驚喜我地，我地兩個爭住飲😂 個湯屬於偏重口味，夠酸而且好足料，好飲過d西餐廳。好快朋友ge咖哩煲就上菜啦，咖哩味道偏甜，微辣，唔食得辣既人都可以一試，牛腩位偏瘦，但炆得都好淋👍。第二樣極度推薦既係滑蛋瑞士雞脾飯，份量係大食女仔先食得晒，下次我應該會叫少飯，蛋唔會過熟適中，做到滑蛋既效果✨，飯底有瑞士汁，就咁撈飯已經一流，而雞腿就小小滑，不過很入味。我另外加錢點左杯紅豆涼粉冰，超足料，唔會好甜，正。店員亦都有禮，餐廳內都唔會好嘈〜傾左好耐計先走😆。值得再來❤

今天相約朋友在銅鑼灣逛街，經過渣甸街，看見一間開業多年的樂心冰室，看見很多人排隊，於是和朋友一起進去享用午餐，進店後，看見不少人吃常餐，相信這裏一定最岀名是這樣，坐下後，我們就問店內職員是否岀名吃常餐，經過店員推薦後，決定吃這裏比較有名氣的皇袍系列的飯，分別是皇袍鰻魚及叉燒飯！ 上菜後，發現原來皇袍原來是炒蛋，整整填滿白飯上面，真的好像穿著皇衣一樣，單睇賣相已吸引至極。 炒蛋香滑，有微微的牛奶味，還可以一口飯一口炒蛋，十分滋味。炒蛋和飯的份量都很多！完全足夠兩人的份量！ 本以為鰻魚的份量十分少，因為外面的餐廳/日本店都係只有4份之一的份糧，但上菜後發覺此店十分落本，整整差不多是半條。($78)可以食到半條鰻魚，真是令人驚喜！鰻魚汁超多，鰻魚上有汁外，連飯底都有鰻魚汁，完全落重本！ 而叉燒就是自家製作的叉燒，肥脂以及肉的比例剛剛好，吃下去十分有口感。而叉燒的蜜汁滲滿在內外，味道香滑而膩，肉質更嫩滑鬆化，口感軟滑，果然是名不虛傳！ 最後配上什果奶凍作甜品，奶凍美味而不太甜，不愛吃甜吃都吃了幾口，還配上很多什果，難怪那麼多人排隊都來吃！ 還有店員服務態度有禮親切待人，店員還會

好耐之前都有經過呢間冰室，但一路都未試過..適逢今日經過銅鑼灣。今晚嘅晚餐就喺度解決，位於渣甸坊地理位置都好方便。而且店舖嘅門外有一張張好吸引嘅招牌菜式相片...行過都會被美食所吸引！我哋今晚就叫咗佢哋嘅二人餐$1882人餐係包兩個湯，兩個飯，兩個小菜同埋一個油菜！選擇而且都好多 我們選擇一個中湯同埋一個西湯，中湯我就冇試過但係男朋友話都唔錯，唔似好多味精。而我選嘅西湯羅宋湯，十分喜出望外，味道香濃如果你係鍾意重口味的話你喜歡他的！雜菜煲得又淋又甜😊黃金鳳尾蝦估唔到冰室都會到大排檔嗰種感覺！外層包滿鹹蛋黃，一定要連皮放進口食。外層的蝦殼惹味，內裏的蝦肉爽口彈牙，而且數數數量二人餐都超過有七隻大蝦😍菠蘿咕嚕肉上枱嘅時候仲有熱辣辣脆卜卜嘅感覺，不會過酸或過淡。外層的炸粉唔會太厚，充分吸收左醬汁之後更顯滋味。配料嘅份量都好足！可以簡單用色香味俱全來形容套餐仲包咗個油菜！正正常常飲品我們加錢換了特飲！菠蘿冰和紅豆涼粉冰我真係好喜歡這裏的涼粉冰一睇過外表就覺得好吸引....紅豆冰奶，紅豆和涼粉的比例剛剛好，甜甜的紅豆中夾離奶香味，三者非沒有搶去對方的鏡，反而是互補不足。而紅豆每粒飽滿得來，也煲得

Again, this restaurant has been on the to-eat list for a while...especially for egg lover like me, it’s definitely not a surprise one. We came here for dinner at night, quite a bit of a people and luckily we are still able to grab two seats! we ordered both of their popular dishes - eel with egg rice and cha siu with egg rice. The eel came first and tasted amazing, no bones and it just melted in our mouths, the egg was runny and nicely cooked. however, the cha siu was not as good as the eel...th

平日晚上七八時入座，可能因為當晚好大雨，餐廳不多人。單人可以坐晒成長卡位。地方算乾淨衛生。設計有懷舊味道，而且寛敞舒適。第一次來食，梗係食本店推介個個皇袍义燒蛋飯，配熱檸茶，$63。我見其他食客都叫哩個。聽聞個d义燒係自家製。义燒厚切好好味，有五六件，不過蛋配白飯加豉油就比較淡味，個豉油不夠香，食落好淡口，蛋應該沒有調味也很淡味。分量剛剛好，起碼唔會食剩太多飯。檸茶夠熱夠茶味。有機會會再試其他食物。

I went inside this cafe because I saw a lot of people going in. When I went, I looked around what the diners were mostly eating and it was BBQ pork omelette so I tried that with a red bean drink making it a set.Maybe it was just for me but it was on the dry side. The omelette was not as runny as I expected but overall the dish was nice. The drink was sweeter, had more milk and less red bean compared yo cafe de coral's. The staff were also attentive, with special mention to the middle-age male st

樂心冰室提供優質員工服務和良好的食物份量。我當時叫左一杯檸檬茶，但到後來先發現可以免費轉紅豆冰，我問佢地可唔可以轉，佢地就毫不猶豫咁幫我將檸檬茶轉左做紅豆冰，紅豆冰啲紅豆真係大大粒，好正！同時，食物份量良好。例如咖哩雞腿飯，咖哩雞嘅雞真係好好食，又滑又香，價錢便宜卻十分美味和足以令人飽肚。另外，我們品嘗了魚香茄子煲和燒味雙拼（切雞和叉燒），價錢合理，味道良好。魚香茄子煲帶有少少辣，個魚香茄子嘅魚香慢慢咁刺激我嘅嗅覺，真係未食落口已經知道好好食。燒味雙拼絕對勝於平日我們在街市燒味店買到的燒味質素 。除此之外，餐廳環境也十分不錯，不嘈吵而且涼快，非常舒適。之後我仲叫咗杯港式絲襪奶茶，好香好滑，茶同奶嘅比例都非常好，飲完會忍唔住叫多杯！加上有餐湯附送，啲湯好好飲，又夠火喉，羅宋湯同中湯都係咁正！地方又易搵，真心推薦呢間樂心冰室！！

放假同朋友係銅鑼灣希慎行完街，就係後面條細巷搵左間冰室食下，估唔到有驚喜，叫左個$188平地嘅二人餐加水煮魚再加個甜品好滿足。例湯係淮山豬骨湯，加左小小蕃茄落去煲，飲落味道好夠，見到淮山亦好多，味道好出，係一碗夠火喉既老火湯。油麥菜眼望已經好青綠色，落咗少少蠔油，已經好夠味，而且食落口好爽口，味道新鮮，食材好新鮮。涼瓜炆倉魚，涼瓜係非常有益，但唔係個個頂得順涼瓜個種苦澀，餐廳處理得涼瓜味道好好，連我唔鐘意食好苦既苦瓜都好易入口。而且倉魚蒸得好滑，時間控制得岩岩好，入面夠熟而外面肉質夠柔軟。水煮魚食開小辣既人會覺得都幾辣下，但係都有食哂，因為辣得來幾好食，夠味，而且入面有好多魚食，仲有芽菜等配料，撈到飯同幾開胃。生炒骨都炒得好夠鑊氣，而且食落新鮮同夠脆口，咬落內裡肉亦非常鬆軟。最後食了紅豆蓮子奶凍，奶凍食落好滑溜，紅豆數量亦很多，一餐豐富既飯加美味既甜品感覺很滿足。最後不得不讚既係餐廳服務都非常好，食完主動仲幫我地清理枱面然後再比過兩杯新既水我地。

樂心冰室都算係銅鑼灣一間老牌冰室，今日喺銅鑼灣行完街同朋友經過就坐低試吓。裝修嘅環境風格同埋燈光都偏向懷舊嘅冰室設計，座位都係模仿懷舊冰室嘅座椅設計，不過座位相對比懷舊冰室就闊落好多啦！坐落去亦都係舒服嘅。坐低當時其實都差唔多夜晚六點幾七點，睇睇餐牌，佢哋都有好多比較新式破格嘅食物：例如鰻魚蛋包飯，不過到咗冰室就梗係食返中式嘅食物啦～所以我哋就叫咗一個晚市套餐。食物就有呢個醬爆鵝腸同埋叫咗一個豉油蝦，飲品方面呢食叫咗涼粉紅豆冰同埋我最鍾意嘅懷舊飲品菠蘿冰！食物大概15分鐘左右就上枱即叫即整熱辣辣。首先要講講呢一個醬爆鵝腸，入口第一個感覺呢就係醬汁嘅香味，同埋獨有嘅味道係口裏面爆出黎一層層嘅衝擊！呢一道菜嘅火候非常到家！不過呢個鵝腸就非常之軟熟，一點都不乾身，你試諗下熱辣辣火候十足嘅醬爆鵝腸食落口軟熟無比，根本就係有水準嘅中菜質素！之後就到豉油蝦：基本上每隻豉油蝦都有一隻手掌嘅長度，條蝦粗過自己隻手指，分量上已經係非常之超班！上枱嘅時間都係熱辣辣啱啱炒起嘅，食落口豉油嘅香味非常之入味，仲會有非常濃郁蝦嘅甜味可以食得出。證明本身蝦嘅選料都好新鮮同埋講究，蝦頭充滿着蝦膏味道濃郁，食過返尋味！

呢間冰室最初係男朋友介紹，我地都一齊黎左好多次，我就最鐘意食呢到既焗飯。今日有機會黎到銅鑼灣，就又黎到樂心食焗雞扒飯咖哩味好濃，好滿足不過真係好大份，我自已一個都食唔晒，食左3/4到就好飽。其實兩個人食差唔多平時同男朋友黎佢就鐘意食晚飯小菜。其實份量都好足，不過近呢幾年好似價錢都貴左唔少，依家一個晚飯小菜套餐都要80-90蚊，我就覺得比較貴！反而其他套餐，如常餐，或我食的焗飯之類都平好多，60幾左右，感覺都ok!

係銅鑼灣食飯唔想捱貴野就梗係要走入橫街窄巷啦，而呢一間係橫街冰室食過一次之後，我差唔多每次黎銅鑼灣都介紹朋友一齊去食🤤今日都唔例外！同住係元朗既朋友遠赴黎到銅鑼灣百貨商場行完街就梗係要黎食埋飯先走😂6點左右去到門口仲未有人等位，夜少少真係會爆晒有人等位架🙈除左野食好味係我再番黎幫襯既原因之外，坐得舒服都係另一個重要原因！呢度9成都係卡位，唔會逼，又有電視睇。員工都好有禮貌，燈光充足令人食慾大開😂待應話我聽呢度啲水係經過過濾既鑽石礦泉水，真係要飲多幾杯，唔好淨係用黎洗餐具呀😂！餐牌仔細睇下呢度除左有懷舊野之外都會有啲新式菜式，例如係鰻魚呀米線呀。款式多變真係應有盡有，連甜品都有呀！有好多選擇所以每次黎都可以食唔同既野🤤🤤最後我地叫左黃袍叉燒飯同魚香茄子煲，魚香茄子煲仲有湯添！就叫左中湯，今日就係海底椰🤤中湯真係感覺好夠火喉，一碗都已經睇到好多料，味道非常住家，飲完唔會話好頸渴😯黃袍叉燒飯係呢度既廚師推薦，亦係我既最愛黎！淋左豉油既白飯，厚滑既一層滑蛋，上面堆砌住燒得啱啱好既叉燒🤤🤤！滑蛋應該加左奶非常嫩滑。叉燒色澤雖然唔係最好，但咪睇佢外表，其實食落好淋同juicy！燒味最怕就係好咸，但

黎過幾次都係食皇袍叉燒飯 每次都唔同質素 希望佢既叉燒做到同蛋一樣每次都咁穩定同好味就好啦而鰻魚一般 有少許腥同埋汁同鰻魚係分開食既感覺 福建帶子炒飯同一般茶餐廳差唔多 都好味既