樂心冰室

营业中

休息中

老銅想揾人頭計$50有找食到飽嘅晚餐真係難過登天，渣甸街算係銅鑼灣區嘅窮人因物，至少個價錢係正常合理呢間茶記雖然鋪面唔吸引，但價錢唔貴，地方乾乾淨淨，又多卡位坐，眼見都有唔少後生嘅打工仔，收工黎食。坐得近水吧見到有2部咖啡機唔怪得咖啡個味唔似一般茶記嗰種味我就叫左常餐-叉通火腿炒蛋多士，同桌就轉做叉意半肥瘦叉燒有意想唔到嘅好味，通粉唔係一pat粉嗰種質感除咗係有坑紋嘅通粉，出面大部分茶記煮通粉煮係煮到爛晒，好難食，反而呢個又唔爛，又幾好味。不過湯底就無乜特別，都係雞湯炒蛋係滑滑地但無乜蛋香，多士就牛油太多，夾蛋火腿一齊食非常油膩，可能下次走油會好好多總括黎講$4x算係咁，坐得舒服，有電視睇下新聞。伙記同一般茶記咁上下無乜特別，如果要服侍周到就唔會揀去茶記啦

無啦啦打八號。。真係估佢唔到。。屋企雪櫃咩都冇，唯有落街食早餐啦。打風關係條街冇咩人，連平時食開ge茶記都冇開，行下行下見到呢間茶餐廳有開咁就試下啦。其實佢早餐得一款，义燒同火腿，咁我當然揀义燒啦，再配搭湯意粉。個餐仲有牛油厚多士同鮮奶炒滑蛋。落完單五分鐘都唔夠就有野食，果然係茶記。炒滑蛋好普通，同大快活個d好似。厚多士唔係好厚身，唔明點解會叫厚多士。。XD佢地標榜义燒係即焗，唔知係咪打風關係，感覺d义燒唔太新鮮，但味道係比一般茶記好ge。成個早餐三十六蚊，ok啦。

玩懷舊復刻，是好多好多擺明是賣香港本土味道的店子的主題。而最容易令人引起共鳴的，就是茶餐廳/冰室，因為無論什麼年紀的人，都會對茶餐廳/冰室有情意結，是任何世代的香港人集體回憶。在銅鑼灣，大玩懷舊 feel 的茶餐廳多的是，而在一眾大玩家當中，有一個細細地玩玩而又玩到幾好 feel 的表表者，她的名字就叫《樂心冰室》。 門面並沒有過份地，刻意的標榜其懷舊風，只是用上了當年流行的簡約門面。但美中不足的是，門口沒有麵包部及汽水凍櫃。雖有不足，但餐廳內的卡位，餐廳的紙皮石地板，都造得好到位。 一打開餐牌，發現叉燒蛋飯是店子的其中一個名物。於是，我就來一個豐富的飯餐。叉燒，是很可愛，很腍的梅頭肉，很滑的炒蛋，很甜美的瑞士汁，也就是甜醬油，帶出了叉燒的香味同甜味，帶起了蛋的香滑口感，當然可愛的豉油，可愛的炒蛋蛋漿，配合了又熱又軟的飯，更是超級惹味。 《樂心冰室》的另一招牌，是瑞士汁牛河。不過我可以說，家下間間自稱老字號，自稱懷舊復刻的食肆，都有推出所謂的瑞士汁牛河，也就是干炒牛河。這牛河來得味道濃，也比較甜口。原因好簡單，用甜豉油炒嘛。 奶茶，雖沒有老冰室老手沖出來的那一種味道同感覺，但真心可以說

今日7月23號係四姨媽生日，原本我們一早約好咗去食晚飯，但因一個掛咗好短時間嘅颱風就取消咗！喺下午嗰陣知道有個親友因身體不適入咗院做手術，所以喺夜晚嗰陣我們就去咗銅鑼灣嘅聖保祿醫院探望佢，之後我們就同其他親友一齊去咗渣甸坊嘅「樂心冰室」食晚飯！我們叫咗魚湯手打墨魚丸米線嘅墨魚丸都幾爽口彈牙，但墨魚嘅味道就唔係好濃郁，而米線嘅麵質就比較腍身，唔係好煙韌！公司湯通粉嘅材料有火腿、牛肉、叉燒同煎蛋，牛肉嘅肉質都幾鬆軟，但肉味就唔係好濃郁，叉燒嘅肉質就比較硬實，而通粉嘅質感好煙韌彈牙！至尊三寶湯通粉嘅三寶係魚腐、手打牛丸同手打墨魚丸，魚腐嘅質感一咬落就覺得好似食緊一「嚿」「發水麵包」咁，極之諗身，而且味道係淡而無味，而手打牛丸就好爽口彈牙，而牛肉味都算鮮味，唔會有好「騷」嘅味道！蕃茄牛肉濃湯意粉由於有好多新鮮蕃茄粒舖滿表面，所以賣相好色彩繽紛，牛肉嘅肉質亦好鬆軟同份量都幾多，而意粉嘅粉質都幾煙煙韌韌！跟餐有火腿煎蛋或火腿炒蛋，我們分別都有叫，煎蛋可以做到我們要求嘅太陽蛋效果，炒蛋炒得好滑溜，唔會炒到過熟！多士烘得都幾香脆，而且都幾大件厚身！

正所謂「沒有醜女人 只有懶女人」 所以當然要去扮靚靚做facial啦♥️但足足早了45分鐘到銅鑼灣🤦🏻‍♀️於是便隨意走入一家茶餐廳來一個速食晚餐💪🏻時間尚早所以有很多位置可以選擇一張餐牌分門別類除了快餐、常餐、營養餐外還有晚餐等等等等可供選擇✌🏻而我最愛試茶餐廳的All day breakfast - 常餐👍🏻因為往往越簡單的其實就越難精益求精💪🏻等了不到5分鐘我的茶記All day breakfast便全到了🍳🍞🍲🍹叉燒有4片份量還可以的只是叉燒太瘦了☹️要讚的是通粉裡送了你一條珍貴的生菜😅蛋和火腿也沒甚麼特別的但多士！！！多士是厚多士可惜是冷冰冰的而且麵包十分硬☹️(難怪我的all day breakfast來得這麼快!!!)

放工之後係渣甸街搵食，見到呢間樂心冰室門幾事正，就決定試一試。餐廳為左營造懷舊感覺，特意放老香港房子既擺設。店內環境亦算光猛整潔。同其他冰室一樣，食物選擇無茶記咁五花八門，主打既都係常餐、快餐等，務求專門化。筆者見「黃袍瑞士雞脾飯」個名幾得意，又想食飽d，所以就點左黎食。原來所謂「黃袍」者係雞蛋，配上雞脾令人諗起日式既親子丼個飯勝在熱辣辣，雞脾皮滑肉嫩，整體感覺都唔錯。但價錢始終偏貴，飯跟熱飲盛惠65蚊。相比之下，入黎食個快餐或者常餐，價錢會比較易接受。

平時去樂心冰室都係買外賣食佢地個常餐，都幾得不錯，今次堂食，望到個黃袍燒飯幅相，有幾吸引，所以就叫咗碗試吓，實物嚟到同幅相有超級大分別，非常失望，＄60有點貴，味道好一般，超普通我覺得對面街嗰個叉燒飯仲好食都唔使＄60下次嚟食嘅話都係食飯佢哋嘅常餐最穩陣又抵食。

唔會再食呢間餐廳，一入到門口坐低咗叫嘢食個陣個侍應態度差到爆黑哂臉咁，其實成間餐廳啲侍應態度已經好差嘢食個方面，我同男朋友嗌咗芝士焗班塊飯同鮮茄豬排飯，班塊唔熟仲有陣''宿''味，鮮茄豬排飯就尚可。環境都唔差嘅，燈光夠光猛，衛生都正常但總概而言，態度同食物好差唔推薦呢間餐廳

服務態度差！已經唔係第一次啦！入到去零招呼個大陸呀姐講野已經唔知佢講咩小小要求佢又多多籍口，仲要比佢黑面鬧反轉頭，完全零禮貌食個飯都要受人氣！唔會再去食！零推薦呢間！

我的外賣之選食店有3條件:1出貨快，15分鐘內2價錢合理3侍者，收銀員服務差，不宜堂食此店已在銅鑼灣有一段歲月，水準一般，茶餐款式似澳洲牛奶，質素則差很遠。上述系列出品還可以，包飲品，外賣有8折。最大賣點是芝味濃，如焗海鮮飯，雖無標示有芝士，但一樣邪惡，值得推介。

星期日去哩到食午餐。冇咩選擇，可能出名叉燒，咩都係叉燒，例如叉燒通、意、飯。我叫左叉燒飯，要肥叉。張單都寫明肥叉，但叉燒來到是廋叉，是但照食。因地方太迫，空間感太迫人，所以想快吃快走。飯來到美觀幾好，因有好大的炒蛋在飯上，炒蛋濕濕地，好吃。叉燒味OK,不un,但非常瘦。共4件叉燒，切得大件厚身的。飯和蛋份量足夠，叉燒份量少了一点。包一杯熱飲，不加一。共$60

每次喺銅鑼灣唔知食咩好，就會諗起樂心。只因快靚正，又夠晒平。是日因為趕住返工，所以又走左黎樂心。次次黎樂心都係叫常餐。樂心常餐同一般茶記一樣，都係有多士+蛋+火腿+叉燒通，我幾乎都係叫通粉同炒蛋，但今日覺得要轉一轉，叫意粉同煎蛋。多士要趁熱食，不過有時會太多牛油，要“撩”走啲，多士夠哂大塊，好飽肚。火腿無咩特別。煎蛋原來得一隻，炒蛋份量會大啲。叉燒意有4-5塊叉燒，一啲都唔孤寒，湯底應該係雞湯，意粉份量都唔少，意粉唔會過淋又唔會過硬，以呢個價錢黎講算非常抵食。除左常餐，樂心仲有其他炒嘢食，下次可以試下。

銅鑼灣如果要快食，可以吃常餐，這裏吃的常餐，就像是牛奶公司，華星冰室一樣，既簡單又好味；他的好味程度，讓我印象深刻，而且店內佈置也有茶餐廳懷舊風味，有特色。多士是舊式的，大大件那種，而且有很强的麵包味，也很香脆，吃了讓我讚不絕口。炒蛋也好，不會很熟。通粉不會很硬，是我喜愛吃的那一種；叉燒中上質素。咖啡味道也是茶餐廳味道，很滿意；絕不是即沖，味道也濃。下次來到渣甸坊，不妨一試，物值甚高，必然好吃過希慎廣場的北海道。比起牛奶公司則差了一點點，但也讓我滿意。中午想不到吃甚麼東西，吃常餐最好，這種多士，炒蛋，火腿，叉燒通粉，再加一杯咖啡，何時也是最好最簡單的選擇。

由於看到網上銅鑼灣 Forever 21進行大減價便約了朋友一起逛逛，但原來發現只開放第一和第二層然後我們很快逛了一會便走了出來。大約9點左右我們肚子餓，便到最接近 Forever 21的餐廳食晚餐。我曾經有吃過樂心冰室的極厚超級好食的西多士，對其印象不錯便去那邊食晚餐。9點左右餐廳的確很少顧客很快速能坐下來點餐。我和朋友要了一個咖哩焗雞扒飯和一個鮮茄焗豬扒飯。兩個焗飯都有很多芝士在飯面芝士還有少少焦，十分邪惡! 厚厚的雞扒和豬扒也不錯很入味，每吃一口飯都充滿濃郁的醬汁，總結整個焗飯賣相，香味和口感都很吸引，價格合理，份量剛剛好可以吃得很飽飽和很滿足，如果心血來潮想吃焗飯不妨到此試一試!吃完了焗飯，我們分吃再要了一杯檸蜜和一碗龍眼涼粉。龍眼涼粉配搭新奇，龍眼肉很新鮮，涼粉也很有彈性再加淡奶，整個晚餐都很滿意。如果下次我再來一定要試多次西多士!以下還影下了餐單給大家參考一下。

雖然銅鑼灣係一個比較繁華嘅一個地區，🤗🤗但係有唔少嘅人就係小食都係銅鑼灣裏面架😌😌😌今日就嚟到呢一間樂心冰室你試吓呢一個經典下午茶啦巡例叫左個常餐👍🏻咁就叫左呢個叉燒湯通粉😍😍配牛奶炒蛋加多士🎉🎉味道唔錯既，炒蛋好嫩滑，多士烘得啱啱好，配呢個牛油係好好食既，好香跟住都呢叉燒湯通，湯味濃郁👍🏻👍🏻仲有條生菜tim👍🏻👍🏻叉燒唔會太肥，我自己本身鍾意食瘦叉，呢個啱曬我口味😍😍最後呢個就係馳名既熱奶茶啦😍😍果然名不虛傳👍🏻好滑，好香👍🏻👍🏻讚呀