樂川 (已結業)

今日去土瓜灣朋友屋企之前喺佢附近食肆買一啲食物外賣上去，行到崇潔街發現呢度有唔少餐廳小店選擇喎，價錢仲好親民！行行下見到呢間主打四川菜的餐廳睇落唔錯！入面仲差唔多九成滿，好受歡迎👏睇下餐牌，食物款式都好豐富，有各式米線、麵類、涼拌撈、炸物涼拌小食同串燒等！😀我地好肚餓🤤叫咗麻辣蓮藕片$28- 好好味！真係好麻！好過癮！仲有份量好足，我地每人平均都食咗唔少！香脆雞中翼$30 - 新鮮炸起！ 調味唔錯！一打開蓋就覺得好香好吸引！紅糖糍粑$25- 正！ 有六件！係熱騰騰既，好岩而家乍暖還寒既天氣食！酸湯魚片米線+洛神花茶$56- 湯底唔錯！有唔少芽菜和魚塊！米線煮得好煙韌，唔會過諗！- 飲咗好少飲既洛神花茶，飲完寧舍精神😻😻手撕雞涼皮+洛神花茶$58- 呢客正呀！ 初初仲以為好細碟，打開先發現可以做正餐，又好味好多雞絲！可以encore! 😻😻羊肉面+豆漿 $56- 羊肉係一片片既，好似肥牛片咁，唔會好鞋！朋友食過讚不絕口！餐廳仲有好多涼拌小食和炸物，我地未試過！黎緊再有機會過黎呢頭可以再為大家試下🤡🤡樂川 (紅磡)紅磡崇潔街22C號地舖

日常喺土瓜灣附近返工， 成日都會捐窿捐隙搵野食最近喺崇潔街（即出名嘅日本街嗰頭）新開間川菜小店，要試一試呢度有串燒食，但要需時， 所一坐底就即刻叫左先， 再繼續揀主食川菜比人感覺會食到慶烚烚熱辣辣， 但呢度有手工涼拌粉，而家開始回暖嘅天氣，大家都想食返啲涼快嘅野食，叫左2碗涼拌粉，自選配菜、辣度、麻度、配料，絕對可以啱自己口味🍜涼拌紅薯粉+ 麻辣蓮藕+紅油豬耳仔薯粉係幼薯粉，有彈性有口感👍🏾蓮藕同豬耳仔都好爽口，調味剛好， 唔會勁麻辣搞到無晒感覺😹🍜涼拌涼粉（即係粉皮）+滷水牛展+麻辣豆腐皮（即係百頁）第一次食粉皮撈，配搭新鮮😎滷水牛展軟稔易咬，味道不錯👍🏾 麻辣豆腐皮亦都爽口🌟小食芥末魚皮：而家唔係好多地方有魚皮食，呢度啲魚皮厚身爽脆，配上芥末，配搭新鮮又好味😙🍡串燒🍴豬頸肉係店長推介，果然無介紹錯，外脆內軟😋🍴多春魚燒得剛好， 唔係乾淨淨，亦無苦澀味🍴雞腎片唔in易咬，少有燒得咁好👍🏾🍴雞軟骨粒粒都算大粒，唔係食左等於無食咁😂🍴翠肉瓜juicy ～好味🍴燒菠蘿香甜，當然亦都係juicy 漏汁😝

今日睇傢俬去咗土瓜灣嗰邊，結果意外發現一間隱世高質川菜小店😍真係唔行過去，都唔知道原來嗰度有間咁抵食嘅小店👍🏼羊肉麵 $58(包飲品)用一個好中國風嘅碗上菜，仲要都幾大碗！麵質係上海擔擔麵個種(超鐘意)，雖然湯底睇起上嚟好似好清但係夠哂味道👍🏼店主一啲都唔孤寒，俾咗接近一棵生菜落去😝平時多數得2片咁咋嘛！羊肉有羊騷，但個味唔算重嘅！飲品，我哋叫咗洛神花茶❤️推薦呀!!!!入面唔只得洛神花，仲有啲有味陳皮，咸咸地又消膩！麻辣湯紅薯粉 $26我哋叫咗肥牛同豆干！肥牛唔係平時打邊爐個啲美國肥牛勁肥，反而細細塊，半肥瘦好食！個豆干吸哂個湯好正！！手撕雞 $48性價比極高！！勁多雞肉，下面仲有好多大豆芽😍好健康！雞肉勁嫩，而且好入味，我一度懷疑佢落咗師傅🤣因為太好食！但之後我又無覺得口渴！太高質了！！雞皮晶凝通透，好似jelly咁，唔會食落好肥👍🏼👍🏼會encore!!!紅糖糍粑 $25係食過最有質素嘅糍粑👍🏼👍🏼👍🏼非常之推薦👍🏼佢用足料!!糍粑煙煙銀銀，外脆內軟!!紅糖同黃豆粉係有味㗎，之前係外面食啲紅糖得個色🙈今次係甜㗎，仲要多到呢，可以浸住成個糍粑都得呀！！黃豆粉原來係有味，我平時都唔覺🤣

多年冇去土瓜灣 今日有事去土瓜灣發現真係改變左唔少 有唔少新商場同新樓 做完野 發現有條小巷有好多野食 好有風味咁見到樂川 有串燒就入左去試下除左串燒,仲有米線、涼拌麵、麻辣燙同小食款式都幾多酸菜魚片米線 賣相好吸引 鮮魚片份量都唔少魚片好滑 夾起黎唔容易散 d骨都片得好乾淨 配菜有大豆芽同芫茜湯底做得幾香又唔會好油米線係我鍾意既口感 彈牙帶點煙韌仲送埋飲品 真心唔錯輪到串燒部份豬頸肉切得四四方方 食起上黎好爽口又juicy 燒既時候可能迫左d油出黎 一d都唔覺得油膩雞腎片雞腎同樣都係厚切 爽口唔會韌 平時已經好鍾意食 滿足!!五花腩肥瘦比例大約係一半半 有肉香又惹味雞軟骨串燒次次必點 香口👍🏻佢地主要調味係用孜然粉 調味恰到好處唔會話好咸 辣度我地食小辣岩岩好😋

◾️◾️◾️ 【 ✨紅磡抵食惹味川菜館✨ 】 ◾️◾️◾️▎用心製作 巷仔中的美食👍👍紅磡一向多美食選擇今晚我就嚟到呢一間位於紅磡後巷既川菜館😋提供多款串燒選擇 價錢便宜亦提供多款粉麵✨整體上性價比高餐廳亦都用心製作👍所以都值得推介俾大家😋◾️◾️◾️◾️◾️ 【 General Info 】 ◾️◾️◾️◾️◾️▎Overall rating：8 out of 10▎Will Revisit?：Yes▎菜式分類：#mayfoodie_川菜 ▎人均消費：Ard HKD 150▎地區分類：#mayfoodie_hunghom ▎前往方法：土瓜灣地鐵站D1出口步行8分鐘▎餐廳位置：📍 樂川 (紅磡)📍紅磡崇潔街22C號地舖◾️◾️◾️◾️◾️【 環境方面 】 ◾️◾️◾️◾️◾️餐廳雖然麻雀雖小但五臟俱全👍星期日晚市嚟到發現餐廳幾乎滿座🤓可見佢嘅受歡迎程度✨◾️◾️◾️◾️◾️【 精選菜式 】 ◾️◾️◾️◾️◾️餐廳提供多款串燒選擇亦有可以飽肚嘅粉麵提供我今次就嗌咗佢哋嘅涼粉撈以及幾款串燒嚟食- (1) ✨涼粉撈✨呢個涼粉撈份量十足👍👍而我亦都揀咗兩款小食做配料包括鴨血，同埋牛柏葉涼粉咬落去爽口彈牙配合小辣嘅醬汁至下 非常開胃(2) ✨鮮蝦✨鮮蝦食落非常香脆

本來約咗朋友去燒嘢食，點知佢哋突然有事唔去得，女兒即時話帶我去紅磡崇潔街食串燒，佢話果度有間樂川，主打串燒和四川菜，味道唔錯，價錢便宜，所以帶我過嚟食串燒補返數！店內地方不大，但整體乾淨衛生，店員招呼週到。芥末魚皮：係店員介紹，魚皮厚身，食落真係超爽口，調較嘅味道又好食！串燒叫咗：五花腩：豬腩肉肥瘦適中，入口即覺味道香濃，不會過份油膩，啖啖肉香極之惹味，更帶有嚼勁。墨魚丸：經過燒烤既墨魚丸，有一股特別既香氣，有彈牙口感。芝士腸：皮薄脆，肉鬆軟，一咬肉汁和芝士湧出，層次豐富。 雞中翼：皮脆肉滑，味道以孜然香料為主，再加上少許辣粉，十分惹味！茄子：剛烤好的茄子外皮焦脆，瓜肉吸收醬汁後，軟糯味濃，加上北方口味大多好辣，那種既麻且辣又香及烈的刺激，為淡口的茄子添上色彩和味道。酸湯魚片麵：魚片鮮味嫩滑，湯底鮮甜帶少少辣，麵條掛湯後彈牙惹味。加埋芫茜更添香味！手撕雞土豆絲飯：將蒸熟的雞肉撕成肉絲，再拌入香濃的醬汁，雞肉無骨夠滑，土豆絲清爽可口，伴飯食好滋味！

自從土瓜灣有左地鐵之後方便左好多，亦都多左好多餐廳選擇，約左朋友睇戲，所以就搵下有咩好食，去到附近見到有條好熱鬧既餐廳街，有間好香孜然味既串燒店吸引睇睇有咩食，門口既價錢牌一啲都唔貴，所以就決定入去試試。係一間街坊小店位置唔多，但好乾淨唔算太迫，唔好以為店少少菜單就唔多野揀，涼拌粉 / 麻辣燙有成頁既配料可以選擇，串燒、小食、米線都有好多揀，所以我地問左店員都咩推介，的確係好介紹~．泡椒牛腩米線 $56 (包飲品)上枱時分量好足夠，牛腩好多而且切成一口一粒好方便配米線，一啖麵配一粒牛腩可以慢慢食。個湯顏色好清但食落就知好足料，無味精既死咸而且泡椒唔好講笑，越食越辣但又唔係接受唔到既麻辣，食得好過癮；米線麵質同朋友一致同意時間啱啱好，唔會太淋唔會太硬麵身彈牙，朋友傻到話想偷睇用咩牌子．涼拌撈麵配薯粉(滷水牛展+鴨血)BB辣 $58成碗料多到就快滿出碗，青瓜絲/莞茜/花生/菜甫份量都好多，本身加既鴨血同牛展都各4大片，CP值超高，薯粉Q彈入味，牛展都有好似水晶果凍既口感，鴨血方面唔係一夾就散既鴨血，無腥味，厚厚一片，不得不提個菜莆微辣超爽脆，令食麵期間增加左脆脆既口感。．酸辣土豆絲 $26

因為土瓜灣仲係舊區， 所以更容易搵到特色小店👶🏻 生活用品，傢俬，食店都係行過圈可以尋到寶ge 地方👶🏻TGIF, 今次土瓜灣崇齡街，見到依間串燒屋，價錢好親民就食到好多款燒物，當然要試下🐰重點係佢有主打川味但都有唔完全唔辣ge 菜式👶🏻👍🏻望到點餐紙又出現選擇困難症， 店員好親切，好快問我食唔食得辣同埋推介其他客人叫邊啲食物💗於是試左依d💗👉🏻雪花肥牛手撕雞撈四川小麵有驚喜， 花生青瓜絲香蔥莞茜， 配料滿滿💗雪花肥牛手撕雞都唔老，小麵用雞絲粉皮的麻醬汁撈起，好味👶🏻👉🏻燒菠蘿好大塊，多汁🐶🐶🐶👉🏻燒羊肉/雞軟骨/ 豬頸肉羊肉完全唔蘇，雞軟骨脆脆好有口感，不過最好食係豬頸肉🤪因為肉厚多汁🐰🐰🐰👉🏻套餐豆漿雖然係樽裝但一d 都唔會太甜👶🏻小店仲有whatsapp 點餐，欣賞👍🏻

行開土瓜灣紅磡感受舊區氣息，想食啲惹味辣嘢😋就發現呢間小店！麻辣燙紅薯粉+魷魚鬚+鴨血🦑一人可以KO嘅份量手工紅薯粉大大條好滿足一啲都唔hea鴨血份量足好Juicy CP值高魷魚鬚新鮮且彈牙手工涼拌粉+豬大腸+麻辣蓮藕片+特色手撕雞絲 建議同朋友share 份量為1-2人份涼拌粉好入味，亦唔會好多油 調味恰到好處辣度黎講涼拌粉相對麻辣燙會辣啲豬大腸滷水滷過先涼拌滷得入味好乾淨不會有異味店家特製嘅麻辣菜脯好脆，整體表現好出色！樂川嘅涼拌粉相對坊間嘅涼拌粉皮更加窄但厚啲反而更易入口，晶瑩剔透順滑、辣而不膩串燒多春魚+豬頸肉+五花腩多春魚少少酥脆，多多滋味 豬頸肉爆汁，辣粉好開胃入味 送酒一流！ 五花腩少少油脂肥瘦肉均勻油香味好特別！串燒茄子🍆惹味且juicy，絕對唔會好乾好鹹好油，蒜香十足又有適當辣味配搭味道十分豐富每一啖都有爆炸茄子肉汁紅糖糍粑+黃豆粉黃豆粉微甜糍粑有嚼勁 但又唔會癡牙 啱啱好非常balance