樂川 (已結業)

日常喺土瓜灣附近返工， 成日都會捐窿捐隙搵野食最近喺崇潔街（即出名嘅日本街嗰頭）新開間川菜小店，要試一試呢度有串燒食，但要需時， 所一坐底就即刻叫左先， 再繼續揀主食川菜比人感覺會食到慶烚烚熱辣辣， 但呢度有手工涼拌粉，而家開始回暖嘅天氣，大家都想食返啲涼快嘅野食，叫左2碗涼拌粉，自選配菜、辣度、麻度、配料，絕對可以啱自己口味🍜涼拌紅薯粉+ 麻辣蓮藕+紅油豬耳仔薯粉係幼薯粉，有彈性有口感👍🏾蓮藕同豬耳仔都好爽口，調味剛好， 唔會勁麻辣搞到無晒感覺😹🍜涼拌涼粉（即係粉皮）+滷水牛展+麻辣豆腐皮（即係百頁）第一次食粉皮撈，配搭新鮮😎滷水牛展軟稔易咬，味道不錯👍🏾 麻辣豆腐皮亦都爽口🌟小食芥末魚皮：而家唔係好多地方有魚皮食，呢度啲魚皮厚身爽脆，配上芥末，配搭新鮮又好味😙🍡串燒🍴豬頸肉係店長推介，果然無介紹錯，外脆內軟😋🍴多春魚燒得剛好， 唔係乾淨淨，亦無苦澀味🍴雞腎片唔in易咬，少有燒得咁好👍🏾🍴雞軟骨粒粒都算大粒，唔係食左等於無食咁😂🍴翠肉瓜juicy ～好味🍴燒菠蘿香甜，當然亦都係juicy 漏汁😝