樂天經典 (已結業)

今晚同幾個同事放工去了附近的樂天經典食晚飯，這間餐食以新加坡為主，最出名的一定是胡椒蟹。這裏的大部份食物都有分大中小，客人可因應自己的人數來決定要大還是小。星洲黑胡椒螃蟹這個胡椒蟹可說是鎮店之寶，以炒香的胡椒粒及新鮮大隻的肉蟹，兩者一起炒至蟹肉熟透，蟹肉的鮮甜惹味，有濃郁的黑椒香。客家豆醬蒸黃魚黃魚不算大條，但勝在新鮮有魚味，以豆醬蒸別有一番風味，咸香味道正好提鮮，魚肉嫩滑。金牌脆皮燒雞半隻燒雞外皮香脆，雞的脂肪不多，而且肉質嫩滑，配上特製酸辣汁，可減輕油膩感。蒜蓉炒西蘭花西蘭花顏色翠綠，以蒜蓉清炒簡簡單單。

小顏生日，她平時很愛吃的，所以我和平平找到尖沙咀加拿芬廣場的樂天經典，讓她吃過庸快!小吃我們選了溏心皮蛋，溏心皮蛋又香又軟，另外的冰鎮苦瓜很凊新加上伴碟的蜂蜜，令人更覺一点驚喜!准山杞子螺頭湯，這個湯這足料，小顏一邊喝又一邊吃湯料，她說煲得十分入味，而且一点味精也没有，真的很潤喉又健康，我們3個女孩子也喝得津津入味!樱花蝦四季豆很有層次及口感，而且感覺也十分有創意!黃立鹹蛋蝦球很有味道，而且也十分大，一点也没有欺場!最後我們叫了3杯檸檬薏米水，酸酸甜甜很解喝，環境又十分舒服，而且服務態度很好，我們這餐生日飯吃得十分稱心又滿意!

［樂天］是我近年很欣賞的飲食品牌，食物質素相當好，而家菜式亦很有特色，風格分明。黑胡椒炒蟹 (368/中) - 心心念念，每次黎都好想食，黑胡椒味好香濃，辣辣地，而蟹肉好嫩，好鮮甜，食起上黎好過癮！好爽！金絲麥皮蝦球 (138) - 蝦肉好彈牙，食得出好新鮮 ，人生第一次食麥皮蝦球，無得比較，但食落覺得好新奇，感覺不錯，下次仍想再食。臘味炒飯 (138/中) - 炒飯粒粒分明，炒得十分有鑊氣，係屋企一定煮唔到呢個效果！ 炒飯中加入了臘肉同臘腸，食上黎很有家的味道！十分推介。鐵板豆腐 (108/細) - 呢個豆腐is my all time favorite, 豆腐好嫩，而個醬加了菜莆，好岩黎下飯！非常美味! 招牌酸柑香茅凍 (28) - 每次黎食都必叫呢個果凍，果凍冰涼清甜，面頭灑上酸柑，配上亞麻籽，非常可口！

樣樣都好味.可以丫..！芥末蝦球...隻蝦細隻左d脆皮雞...唔得香口個皮唔夠脆古法蒸黃魚...尼隻算不錯👍🏻👍🏻元蹄...都真係正....可惜真係沒法再食咁多了👉🏻👈🏻蝦醬通菜..略喊佢叫野有分大中細..都幾好..咁多人或少人都岩環境食品都比一般水準好一點6個人食左$1300左右7樣加一甜品尖沙咀來講...算係咁...！招呼都唔差👍🏻👍🏻👍🏻...！茶水足

一心想食胡椒蟹，就在Openrice 和 Google 找到這間餐廳，胡椒蟹似乎是它的主打，今晚於是就跟老婆去試了。星期五晚人多熱鬧，環境變得很嘈雜，點了想吃的胡椒蟹，另外點了一碗喇沙及一碟菜，喇沙不是難吃但也不是好吃，菜是可以，終於到主打的胡椒蟹，首先，它炒得不算乾，胡椒成了一個汁，開了蟹肉，噢！肉是軟淋淋的，胡椒汁也咸，不好吃、失望！我倆匆匆食完就想走了，叫了牙籤，誰知那些牙籤也是劣質，又脆又淋，用了三四支都易斷，誰知好戲在後頭，結帳時店員說card 機壞了不能用，要付現金！噢！身上幸好有幾百蚊現金，否則要去提款才可能回來結帳。所以今餐由頭差到尾，正！話分兩頭，店員服務是正常的，算是Helpful，所以差的是餐廳本身。

今天和媽媽選了樂天經典的餐廳吃飯,我們被安排坐卡位,好舒服。招牌扣肉包包白雪雪, 軟熟。扣肉肥瘦適中。有幾多的醬汁在扣肉面上, 扣肉帶濕潤。把包夾著扣肉來吃,超夾,美味。 鯪魚炒油麥菜油麥菜翠綠。加上鯪魚來炒, 非常鹹香惹味。辣子蝦球上枱時, 辣子蝦球賣相吸引, 蝦球入口時爽口彈牙。配上辣子醬, 甜甜酸酸,又不太辣,正合我的味道。蝦醬雞中翼雞中翼大隻, 炸至金黃色, 漲卜卜, 都幾乾身。入口時有蝦醬的鹹香味。三色桂花斑蘭糕三色桂花斑蘭糕擺設精緻,是將班蘭,桂花和椰子混合在一起。入口時冰涼。

蒜香紅海蜇頭爽，滑，香。要落好爽脆，滑溜。芫茜，蒜頭和醋散發住香气，好夾。揚州炒飯飯炒得夠乾夠爽又有彈性，蝦好爽口，叉燒非常甘香好正。麥片蝦球蝦球彈牙爽口有蝦味，估唔到墊底的麥片更出色，鬆化，唔硬，有奶香味，兩者配合層次分明，全部食光快速毫無難度。苦瓜排骨看似普通，但要做得好也要功力，排骨經過紅燒，淰，入味，苦瓜火候控制得爽口，感覺新鮮，加上豆豉炒，非常惹味。三色桂花斑蘭糕口感清爽，椰汁味香濃，消暑解渴，清新可口甜品，很適合夏天進食。南洋菜以往食過不少，好似樂天經典這樣用心製作，是真的經典。

今日相約朋友食飯慶祝生日，朋友想食中菜，於是選了鼎鼎大名的樂天經典。樂天經典是中國傳統自家菜，配合南洋獨特香料，食材和煮法，打造出別樹一幟的南洋中菜。樂天經典裝潢簡潔，座位舒適，適合家庭和一大班人的聚會。本來想吃樂天出名的小籠包，但翻看餐牌才原來樂天經典並沒有，所以顧客要留意，不過店員很好，說可以幫我們到對面的樂天皇朝購買，然後在這邊吃，相當貼心。另外，就是每款食物都有得揀份量，分為大中小，我們二人當然揀小，但都覺得十分大碟！前菜淮山杞子螺頭湯首先，來個老火湯温暖滋潤一下，選了淮山杞子螺頭湯。螺頭湯以黑色砂鍋奉上，耐熱保温。店員幫我們盛起湯渣，盛出一碗碗金黃色的雞湯，前後總共每人喝了三碗！雞湯只有少許油，清甜鮮味，喝完不會口渴，唯就是螺頭太少。荔枝咕嚕肉咕嚕肉酸甜開胃，外脆內嫩，配上荔枝菠蘿和青椒，生津解膩。娘惹咖喱雞不同地方的咖喱各有特色，聽說娘惹咖喱着重香濃而不辣的風味，吃過樂天的娘惹咖喱雞認證到什麼是香濃而不辣，送飯佳品，另外雞肉十分嫩滑美味。馬來風光馬來風光是南洋的地道菜，即是辣炒通心菜，加入峇辣煎，又名馬拉盞，是馬來西亞的蝦膏。馬來風光香氣撲鼻，辣得過癮。

今日同朋友一行四人係尖沙咀附近搵食，今次到我負責諗餐廳！因為其中一個朋友唔食西餐，我諗起大約半年前食過一間中菜幾出色，就係樂天經典！我比較中意依到嗌餸可以分大細，有得揀s/m/L，配合唔同人數食，真貼心既首先，嗌個燉湯淮山杞子螺頭湯一盅既份量平均每人有1至2碗，個湯味道唔會覺得太咸同無味精味，飲落去好舒服星州黑椒螃蟹而蟹就一定要嗌，依間餐廳都幾出名蟹，今次就揀黑椒味，非常惹味入味，對於唔食得辣既我尼講都接受到既隻蟹唔會令人失望，蟹夾依然大大隻啖啖肉架！馬拉盞炒蜆炒蜆又係炒得好惹味，好香！油浸銀鱈魚第二次食依個，一樣咁讚，外皮脆，入面入口既溶！臘味炒飯炒飯炒得幾乾身，味道恰到腐乳空心菜菜就正正常常，依到食既菜唔會老總括，依間餐廳一直保持水準，抵讚

鍾情於中菜，好多時候如果冇特別約朋友是其他特別嘅菜，我就會選擇食中菜。樂天皇朝我食過，樂天經典我就第一次試。本身我自己都好鍾意去新加坡因為嗰度啲嘢食真係又平又好味，所以喺香港如果搵到新加坡菜我都會毫不猶豫咁去試！樂天經典最特別嘅地方係佢每一味餸都可以揀份量，有大中細3個size，大家可以按人數決定點邊個份量，絕對唔需要浪費食物，餐廳呢個安排真係好細心，最啱兩個人想去食中菜但又怕食唔到太多野嘅朋友！❤荔枝咕嚕肉 酸酸甜甜嘅咕嚕肉好啱夏天食，好開胃呢味菜入面仲加入左荔枝，如果你覺得咕嚕肉係炸嘢好肥膩嘅話，入面嘅水果就啱啱好可以平衡返個肥膩感。咕嚕肉做得好脆，但入面又唔會乾晒水，我同朋友都好鍾意食呢味餸🤤黃金蝦球我承認我係一個港女，好鍾意食黃金乜乜乜，而且我亦都好鍾意食海鮮，所以即刻決定點呢個蝦球試一試佢。蝦球啱晒啲懶人🍤，因為唔使剝殼又啖啖肉。每一隻大蝦都被滿滿嘅鹹蛋黃包住，但佢個鹹蛋黃又唔會做到好濕好膩，皆因小編h喺其他地方係有食過好濕好油膩嘅鹹蛋黃菜式，要知道雖然你味菜好普通，好似每間餐廳都有，但食落你就會知道有分別。喇沙湯滑雞米線 其實我好鍾意食米線，而且亦都好鍾意食喇沙，所以其實今

最近去尖沙咀食過呢間主打新架坡及廣東菜的餐廳，環境同食物質素都唔錯金牌脆皮燒雞燒雞炸得皮脆肉嫩，色澤金黃，蘸埋特製醬汁，有點像海南雞風味香酥南乳五花腩五花腩層肥層瘦用南乳醃製過後再酥炸而成，入口甘香酥脆蝦醬雞中翼雞翼炸得金黃酥脆，漿粉夠薄，無油膩感，入口帶點蝦醬的鹹鮮味菜香鐵板豆腐(微辣)豆腐經炸過後表皮金香但內裡仍滑嫩，再用香菜肉碎芡汁燴煮，味道微辛十分惹味古早魚香老鼠粉煲老鼠粉外型似港式的銀針粉，質感軟糯有嚼口；材料亦相當豐富，湯底用冬菇、蝦球、肉碎，鹹魚、椰菜花等熬製而成，味道鮮甜，最後加入雞蛋上枱時趁熱拌勻，亦可隨個人喜好加入鹹魚桔仔水，即時令鮮味提升，味道一流喇沙湯海鮮米線湯底香辣鮮甜充滿椰香，米線軟滑有米香，重點喺有豆卜盡吸湯汁，非常滋味臘味炒飯臘腸肥瘦均勻香甜帶酒香，飯粒油潤，粒粒分明，充滿豉油香味鑊氣十足三色桂花斑蘭糕由杞子桂花糕，斑蘭及椰汁糕組成，入口清甜而不膩楊枝甘露芒果味濃厚香甜，柚子甜中帶酸，加上椰汁及西米，是一道很好的飯後甜品

冰鎮苦瓜：這盤食物擺在我面前我，如果不看名字不會知道這是苦瓜，這裡面結合了廚師的刀工和冰鎮的技巧，當我夾起一片苦瓜放入口中的時候，是我喜歡的味道，當然為了照顧到有些人怕苦，所以店家特意準備好了桂花蜂蜜，沾著吃也別有一番風味。。。黑胡椒蟹：這是我們吃的主菜，第一感覺就是蟹很大隻，廚師很有心的幫忙敲開了蟹鉗的部分，黑椒汁的熬煮讓這隻蟹很開胃，很有食慾，點綴著幾棵香菜也很小清新，蟹肉吃起來肥美，推薦推薦，另外，蟹要趁熱吃喔！！！蒜蓉炒西蘭花：西蘭花是先用熱水趟過，去除了大量的青澀的味道，然後大火炒製而成，吃在嘴裡的口感很清甜，西蘭花作為健康的蔬菜，這樣簡單的製作也非常美味，個人很鍾意。。。海鮮皇炒飯：作為主食，首先份量足夠，飯也是粒粒分明，蝦也很多，每一口都可以吃到米飯和蝦還有雞蛋，裡面的蟹籽也是很細心撒的很均勻，吃起來也很鮮。。。菜品的分佈也是比較合理，葷素搭配更健康。。。最後做點總結：餐廳環境優美，服務質量也很好！

今日放假約左尖沙咀工作嘅朋友食晚飯，朋友知道我鍾意食中菜，話有好介紹，好啦！佢話晒都係地頭蟲，就信佢啦🤗🤗🤗樂天經典，位於尖沙咀加拿芬廣場二樓，門面光鮮亮麗，氣派非凡😍😍😍店內環境非常闊落舒適，寧靜整潔，店員安排我地坐四人卡座，傾計一流，我倆都非常滿意👍🏻👍🏻👍🏻食物方面有很多選擇，餐牌圖文並茂，清晰分類，我一見到有盅湯就已經心心眼😍，決定叫一盅試下，其餘就由朋友發板吧😊😊😊淮山杞子鮮螺頭湯，材料好足，好大盅，我地每人飲左三碗，味道好濃好甜但不會油膩，真係好清潤😋😋😋金銀蛋浸時菜，皮蛋、咸蛋、雞蛋、肉碎加上上湯嘅味道好鮮好有層次，調味恰當，嫩綠鮮嫩嘅菠菜更是一絶，令人回味無窮🤤🤤🤤福建雞丁燴飯，天氣咁熱食d濕濕地嘅燴飯就最開胃，嫩滑嘅雞丁加上惹味嘅香菇，令人食唔停口🤤🤤🤤調味剛剛好，味道好有層次，炒飯底亦非常出色，正👍🏻👍🏻👍🏻荔枝咕嚕肉，賣相吸引，色彩繽紛，令人食慾大增😋😋😋我地點左細size已經好大碟，味道酸酸甜甜，不會嗆喉，咕嚕肉無骨啖啖肉，荔枝肉超鮮甜多汁，真係非常滿足啊😬😬😬茉莉花薰衣草凍茶，冰凍🥶潤喉，味道清新，爽呀！椰子西米露湯圓，味道剛剛好，不會太甜，麻蓉湯圓大大粒，仲

約齊四隻腳並唔係打麻雀，而係去左九龍公園打羽毛球🏸，咁耐冇玩，打完場波餓到飛起，去到加拿芬廣場一見到樂天系列，馬上就決定食樂天經典喇 ，皆因我在其他分店食過，覺得佢好食囉呢間樂天經典裝修比較平實，熱茶銅壼、食物器具貫徹光潔閃亮，服務員招呼一樣好，集團經營果然質素有保證薄切涼瓜唔係新野，片片晶凝通透，以桂花蜜糖伴食，清甜芳香，冰鎮入口特別爽脆，透心涼呀另一涼伴又係妙極手工菜，星洲泰式鳳爪，鳳爪處理得真正爽皮，無骨狀態滲透酸酸甜甜嘅泰式風味醬料，好味胡椒豬肚湯非常惹味，湯頭除了豬肚豬骨，還有老雞、雞腳， 夠晒豐濃，豬肚軟腍入味，爽、滑、鮮甜，啖啖胡椒香飲得熱血沸騰💥，非常過㽼。招牌扣肉包，五花腩層次分明，甘香軟滑，饅頭夾包索埋汁料 ，我哋一人一件，久違了的美味 ，個個食過都讚賞手工海鮮白玉轉，豆腐加入了海鮮、冬菇、馬蹄等，雖然係煎炸野但係材料配搭非常清新，未食過嘅朋友都覺得簡單而有特色。呢碟金牌脆皮燒雞可以話係童年回憶，大大塊粉紅蝦片搶盡風頭，燒雞色澤誘人，雞皮焦脆，雞肉嫩滑多汁，有佢壓場，成餐飯生色不少啊🤩🤩🤩🤩🤩必食招牌老鼠粉，可以話係樂天嘅經典系列，名字鬼馬，砂鍋上枱，濕潤嘅老鼠粉，

來到尖咀，入科學館前，要先食飽飽。  看到六八折推廣，就被吸引過來。再向職員查詢，今天星期日都有六八折。如此著數, 馬上入座. 原來早就有多位客人到達了!  下單後, 先去洗手間, 迎接美食到來.  古早魚香老鼠粉煲  小米看到老鼠二字, 真的以為有老鼠。其實是＜師奶鹹濕疹＞鮮蝦銀針粉的新加坡版本 ~ 加了桔仔水和鹹魚。已經聯想到：這鍋老鼠粉應該有鹹味和酸味。職員將所有配料都放在鍋內攪呀攪, 攪到全部都混在一起.  小米表示這鍋澱粉質有微微的酸味. 就因為桔仔水囉!  一家三口點小鍋份量, 已經很足夠.家鄉滷元蹄  深啡色滷水料, 元蹄肉質似大滷肉. 豬皮煮得軟綿綿, 一篤即破. 豬肉容易分件, 無需太大手力, 就可以把每組肌肉拆下來. 豬腿肉要跟皮一同品嚐，以豬皮的油潤來潤澤肉質纖維的乾爭爭. 其實豬皮＝骨膠原，美容補品. 假如在家中煮豬手, 一定會加白蘿蔔來中和豬手的油膩. 金銀蛋浸時蔬  嚐過多款美食, 就要來一份青菜, 扮健康. 香酥南乳豬五花肉  橙色的南乳跟五花肉, 是真正的五花肉, 肉和脂肪相間, 真是邪惡之物. 散點小菜六八折, 再以原價加一 = 68% + 10% =