樂天經典 (奧海城二期)

营业中

休息中

對上一次黎食，覺得超好味，服務又貼心，野食水平又高！一直想返返去再食！叫返同上次差唔多嘅野食。不過今次加左酸辣湯....有陣好怪嘅藥材味，第一次飲咁嘅味嘅酸辣湯！今次都有叫海蔘！比上咸叫返老鼠粉，好彩上次有食，知道係乜，今次介都冇介紹，一野就落曬d柚子汁同咸魚落去！湯比上次少！成個銀針粉變得好難食。我一向接受，而家香港請好多中國人做waitress! 但佢真係講左3次，我都聽唔明！我強烈建議，搵返廣東話標準嘅人serve 香港人！免得有誤會！令外不得不提，有個身形比較龐大嘅女經理？應該係經理掛，態度極度惡劣！真心希望佢地可以keep返之前嘅水平！

去商場睇戲, 睇之前要醫下肚, 記得之前食過呢間唔錯, 份量有大中細揀, 而且款式多選擇.未夠7點已經坐左7成人, 算係商場之選頭幾位.唔想食飯, 所以要左魚香老鼠粉煲, 即係類似銀針粉既粉, 好有兒時既風味.除左粉, 內里仲有蝦, 肉碎, 冬菇粒等, 個汁定湯帶咸香味, 好開胃, 唔會太稔.老鼠粉煙韌彈牙, 唔會浸到腍晒, 而且細細條好易食, 不知不覺食左好多.蝦夠大隻好爽口, 材料絕不馬虎.另外仲有酸甜鱸魚(S), 外面微微炸至香脆, 但入面保持魚既嫩滑, 無腥味而且無骨, 啖啖肉. 酸甜醬唔會太酸, 好易入口, 而且好開胃, 賣相亦好吸引.炭燒豬頸肉好惹味, 肉唔會太肥, 咬落好軟嫩, 唔會燒到太乾太柴皮, 點埋個酸甜醬又係好開胃.鍾意呢度份量有選擇, 就算S都唔會太少, 兩個人可以叫多幾樣.

聽同試介紹過樂天經典唔錯，今日同朋友食飯，又想坐得舒服d傾下計，又想食好d，就揀左樂天經典，一嚐南洋風味！點左5款食物，款款都各有特色😋酥炸豬肉蝦棗 ($68): 以前逢過時過節，婆婆都會整呢個菜式俾我地嘆，唔使一陣就食晒！今日見到呢個菜，好心動又點左，果然無失望，而且係我食過相當唔錯的亞洲小食！外皮酥脆，外脆內軟，豬肉同蝦都好彈牙，而且加左唔少香料，再點上桔油更令呢碟小食錦上添花😋金絲麥片蝦球 ($135): 蝦球就食得多，麥片蝦球就真係第一次試喇！經典得黎又創意無限👍🏻係稍咸左少少，但配飯應該一流😋而且發覺原來麥片同蝦球可以好配😋😋😋大大隻蝦球沾上香脆的麥片，彈牙可口！三杯鴕鳥肉煲 ($116): 猶豫左一陣究竟點唔點鴕鳥肉好，擔心會唔會太創新自己唔敢食😂但食物一到就知道自己的擔心係多餘ge😆味道香，肉質嫩，而且一點都唔肥膩！原來無咩脂肪的肉都可以咁嫩滑，一點都唔韌！而且醬汁香香甜甜，撈埋d乾薑片真係非常惹味！值得一試👍🏻金銀蛋浸時蔬 ($83): 平時食完菠菜都會覺得好"鞋''口，今次難得食到鮮嫩ge菠菜，而且湯底清甜，唔錯！古早魚香老鼠粉煲 ($98): 古早魚香老鼠粉煲利用左

今晚去左奧海城做 Facial，做完打電話比朋友～原來佢已經幫我搵定位食晚飯，去左樂天經典！一坐低，職員先擺一碟花生～ 點左辣子蝦球，賣相唔錯！蝦肉唔算好辣，而且非常爽口、彈牙，讚！ 金銀蛋浸時蔬，鹹蛋同上湯味道有少少偏鹹，不過overall金銀蛋浸時蔬煮得好好食，鹹度適中，而且底下既波菜份量好多！ 另外，朋友點左 "古早魚香老鼠粉煲" ($98/ 小）～呢個真係好推介！！老鼠粉用瓦煲盛載，可以 keep 住熱度 ~ 右邊小碟既係鹹魚汁！當鹹魚汁 mix 入瓦煲既老鼠粉，散發香氣，正，即刻好想食 =]入面材料非常豐富，有生雞蛋、菜脯、肉、香菇等，食落老鼠粉好滑溜，其他材料配搭得好好！ 菜香鐵板豆腐～豆腐用鐵板呈上，但熱度好彩唔係燙口果種程度。杰身既醬汁有肉碎同榨菜，整體調味岩岩好，豆腐都好滑溜，唔錯！ 我想食多d 菜，因為平時少食～呢個腐乳通菜好乾而爽，而且翠綠得黎又惹味！ 最後仲點左個楊枝甘露～賣相又係勁ok，入口清甜，食完大家都好滿足 =] 最後埋單～OVERALL 小評：味道：★★★★★環境：★★★★★服務：★★★★★衛生：★★★★★抵食：★★★★☆

今晚有要事與朋友到大角咀去，回程經過奧運站，已覺肚餓就索性先吃飯才打道回府。真心說，由前菜開始，我和朋友都覺得很好味，前菜是栗子花生，很好味，上菜時還是暖的。更欣賞的是，大部分小菜也分大、中、細三個size，初時以為細碟會很少，眼闊肚窄的叫了很多，結果要打包😆此店主要是食中菜和富有東南亞特色的菜。餐牌上有「贊」的應該是推介，我點的大都是有「贊」的菜。脆炸美人魚超好味，脆脆的炸魚，有蜜糖和淡淡的辣味，極推介。朋友強烈要求吃通菜，點了的參巴通菜很娘惹，味道較濃，送飯很好。至於扣肉包，以每件為單位，我們一人一件，自己動手包，包蒸得軟熟，很配合扣肉的汁。咖啡雞也是有「贊」的菜色，炸雞加上咖啡汁，初時吃未覺有咖啡味，但慢慢咖啡味就滲出來，是屬於新派菜吧! 鐵板豆腐是店員推薦的，玉子豆腐加了些有炸菜冬菇等的調味汁，也很好味。友人還覺未夠就加了老鼠粉煲，原來老鼠粉即是狗仔粉，上菜時有一碟咸魚醬，店員提議襯熱加，我們怕味太濃只要求加一半，味道已很好。總的來說，店員友善，小菜碟碟也很好，讚！

一班朋友聚舊，想找地方易泊車，於是放棄大角咀地鋪食店，轉攻奧海城。朋友提議到樂天經典，吃新加坡菜。早早到達，包場，直入坐圓枱。服務好，侍應態度親切，有問必答，拜託影相還會提示朋友的眼鏡反光，主動影了六、七張！讚！食物特別，我們六人，連甜品點了八款。茶位每位七元，前菜我們退了，五人給我兩碟。寧可退了叫多款菜式。坐足兩小時才捨得離去。食物環境俱佳！值得再去。

是晚約左幾個朋友仔食晚飯，首選有停車場既地方，次選係靜靜地，因為其中有個人好怕嘈。我知道依間餐廳有5-6人既圓枱坐，地方大，座位都坐得舒服，加上裡面又靜靜地，於是約左佢地係度食。今晚叫左招牌扣肉包、喇沙海鮮米線、脆皮蝦醬雞、天麻藥膳豬肚湯、蝦米四季豆同青島啤酒。前菜﹕只記得係醃製過既花生，但唔係鹽烤焗果種。我食左2粒之後先知俾人食曬。招牌扣肉包﹕以夾包配扣肉，夾包甜甜的，扣肉厚度十足，啖啖有咬口，汁相當惹味，不覺得太油膩。喇沙海鮮米線﹕碗好大好靚，飲了第一啖湯，欣賞佢既湯底，湯底較為鮮甜，味道特別，可能海鮮與椰汁比例上海鮮為重，另有真正的魚片、豆卜、芽菜、海蝦、蛋等等。米線有少少腍，但我十分滿意。脆皮蝦醬雞﹕炸得非常香口，皮脆，很熱，帶有點點蝦醬味，惹味非常，配啤酒相當一流。天麻藥膳豬肚湯﹕此湯有助改善腦部血液循環之作用，飲了第一口，明顯有藥材之味道，清甜，飲完後個人即時暖起來，此煲可分到至少5-6小碗。櫻花蝦四季豆﹕櫻花蝦米炒得香口、比例上算多，四季豆清新夠爽。

三五知己想食中菜又要揀商場唔駛驚落大雨，最後決定黎呢間喺奧海城既樂天經典商場連住地鐵站，一入商場右手邊落一層自動電梯就見到大大招牌，好顯眼7點去到唔駛等，一入先發覺餐廳都好大間，裝修同環境都唔錯好多時酒樓hea俾既前菜我地多數都唔要，因為唔平之餘仲要唔好食，但見到佢大大粒栗子我真係抗拒唔到栗子同花生整得入味，加上要等齊人先可以叫餸，個人覺得呢$15好值得俾淮山杞子螺頭湯$168足料夠火喉，螺頭令到個湯好香甜，大愛海鮮白玉磚$62豆腐加埋海鮮餅連埋一齊煎有驚喜，香口唔油膩老鼠粉煲$98細個媽媽經常整既銀針粉，呢度叫老鼠粉上枱時有隻生蛋喺湯面，即刻攪攪佢啦微酸既湯底好特別，連埋粉食好開胃呢

同一家人食飯總係鐘意揀一D傳統D既餐廳因為有齊哂長輩鐘意食既野, 今次食既呢間我覺得係結合左傳統同創新既菜色, 一次過滿足到長輩同後生一輩既口味!!招牌扣肉包黎到呢度必點既一定係呢個扣肉包, 真係冇得頂!! 一定要襯佢仲係新鮮熱辣辣個陣就已經要食左佢!! 食法係將個扣肉放係包入面就食得, 一口咬落去, 肥肉既肥膩感會比包吸收左, 食到個口感但唔會有肥膩既感覺!! 超好味星泰鳳爪係去骨既鳳爪, 作為前菜真係好開胃, 酸酸meimei咁, 而且係無骨既好方便就食到!!脆皮蝦醬雞(小)原本想揀中SIZE的, 好彩只係揀細, 因為小SIZE已經係有7件雞, 仲要每一隻既SIZE都幾大下, 想試多D唔同菜色既朋友就應該叫細SIZE已經OK!! 皮脆肉嫩! 正老鼠粉煲不得不試就係佢呢個老鼠粉煲, 睇完OPENRICE D食評之後我點的, 估唔到又的確唔錯, 老鼠粉個名雖然係陌生一D, 但係個口感同埋個煲既味道其實都好岩我地香港人口味!! 值得一試

已經不是第一次食樂天經典, 由佢改名前食到而家質素仍能KEEP住, 所以我地一家都好鐘意食自從佢出左名之後, 開始要排隊拎位了好彩都算黎得早, 等左10分鐘左右就入得了今次叫左既有海鮮皇炒飯之前都食過呢個, 真係呢間店既皇牌, 我從來未食過海鮮炒飯係好食得過呢間, 第一好足料!! 中等SIZE其實已經可以分到4個人食, 今次我叫既係大SIZE因為我地每個人都想食多D哈哈, 目測係分到6-8份都冇問題, 超香口食極唔想停薑蔥爆鱸魚片鱸魚被切成片狀, 估唔到又幾嫩口, 一點都不會食到有腥味, 而且個味道比起就咁蒸別有一番風味!!黃金咸蝦球蝦球勁大粒, 清清楚楚食到有咸蛋既味道, 味道就偏咸, 我認為如果係餸飯的話真是很不錯的配菜!!金銀蛋浸時蔬呢度既金銀蛋同時蔬既比例係一比一, 超多金銀蛋, 而時蔬都煮得好到位, 味道同口感都唔差!! 好入味下

今日去左大角咀既奧海城行街,奧海城好多餐廳同food court 但好多之前已經食過..經過一樂天經典 見到好多人排隊等入座 心想應該吾會中伏! 之後我同姐姐就入左去了! 環境方面 地方好闊落 坐得好舒服店員態度同樣有禮!一坐低,就叫左香片黎飲! 味道果然好香 要推介比大家茶位 $7 一位! 另外 有小食 ($15), 小食當中有花生同栗子 兩者同樣比較林身又入味!古早魚香老鼠粉煲 (s) ($98):雖然SIZE揀左細Size 但系已經足以夠晒2個人食得好飽 份量大約4-4碗多少少..依個煲系其中一樣餐廳招牌菜粉為銀針粉 銀針粉吾會一夾起就爛 口感滑滑的而且入了味 ; 加了醋 可以調了味道 令到食落更開胃老鼠粉煲包有咸魚碎,雞蛋,碎肉而進食!黃金蝦球 (s) ($135):同樣揀左細Size 不畢我地系兩個人; 但份量大約6舊..蝦球有咸旦黃包圍住炸成黃金般既顏色 食落去有重重既咸旦黃味 蝦球十分爽口又彈牙砂煲花菇西蘭花扣海參 (s) ($198):細Size again! 海參,花姑同西蘭花數量刀好多..海參好林身 味道好入味! 而花姑 好大舊 同樣好林身同厚身又有口惑~西蘭花細細

今晚和老公約了兩位好友聚一聚，地點由他們安排，他們推介在奧海城二期的樂天經典，說之前午飯和同事試過好吃所以推薦我們一同品嚐新派南洋菜門口很有中式菜館感覺裝修簇新光潔, 內裡每張枱都很寬闊, 十分簡潔舒適還有海景有幾款燉湯選擇, 一煲己足夠三至五位享用了, 我們4人選了一煲湯有乾貝的咸香味, 配竹笙大白菜來煲很適合夏天飲小吃一碟, 栗子十分腍入味, 一點都不馬虎香脆有點微辣, 甜甜辣辣很醒胃扣肉肥瘦均勻而且切得厚薄適中, 炆得十分入味, 咬下去肥膏部份鬆化不會油膩, 配搭芫茜同吃更感清新蝦肉很結實彈牙, 每口都吃到咸蛋黃的香味四季豆本來很難入味, 平時多以濃味配料同煮, 今次配上櫻花蝦、大量蒜茸及少許辣椒同炒很惹味, 店主很大方落了很多配料, 為味蕾帶來新衝擊很脆口的銀雪魚銀針粉配上咸魚茸、冬菇、蝦仁、蛋等配料烹調出濃郁的味道, 吃下去很有住家菜的味道, 每條銀針粉都吸滿了濃濃的湯汁外面炸得很脆、內裡的豬肉饀料很豐富彈牙而且十分結實不會一咬鬆開, 配上甜甜的醬汁同吃更好味口感好滑, 有點像玉子豆腐, 醬汁有炸菜、肉碎等調配, 十分香濃最後侍應推介了一款甜品三層分別是椰汁糕、桂花糕及斑蘭糕

好耐都未試過係星期二晚去睇戲，為左我地心愛的Minions，今日同老婆約埋同樣喜愛Minions的老友兩夫婦收工係奧運集合，食個Early Dinner再睇八點場。😁 由於節目緊湊，我地預早上Openrice搵定奧海城的食店，最後揀左呢間近來屢獲好評的'樂天經典'。好彩大家今日都唔駛加班，我地4個未到7點已經集齊係奧運站，由於仍未到晚市繁忙時間，所以不需等位已經可以安排入座。我地入座時天仍未黑，餐廳裝修好有新式中菜店的風格，枱與枱之間空間十足坐得好舒服。👍餐牌好厚，菜式種類好多，而且於餐牌內亦有對南洋風格中菜的描述，所以我地先知呢度係食南洋中菜。😆餐牌設計精美。菜式種類好多，但由於兩位女士都好揀飲擇食，所以我地係點菜時用左好多時間，點好餐時發覺天已黑了。🙈好多款菜式都有分(大)、(中)、(小)三個價錢，原先我地4個人打算點(中)的份量，但店員解釋俾我地知，原來(小)已經足夠3至4人享用，所以我地全部菜式都點了(小)，結果原來(小)都好大份。有我超喜愛的黃金蝦球，雖然兩個女士都唔食，但我都決定點。🙈餐牌內面我地發現其中一樣有特別推介: 古早魚香老鼠粉煲，我地即時上Openrice睇睇，見

今日約左朋友出街shopping，行完街之後決定係奧海城食中菜，所以就黎左樂天經典食晚飯，依度既野種類選擇多，而且比較有特式。裝潢方面，店鋪入面都幾有特式，而且坐位非常寬敞，我覺得坐得好舒服，可以一邊食飯一邊傾計，完全無壓迫感，抵讚！招牌扣肉包：我其實都幾鐘意食扣肉，見到依度有得叫扣肉包，所以就叫黎試下。放低之後，我就將熱辣辣既扣肉夾係白色既包入面，而個包已經迅速咁樣索滿左扣肉既肉汁。本身個包非常軟熟，而扣肉亦煮得非常淋身，咬落非常juicy同埋啖啖肉添，個包完全唔洗加任何醬油都已經非常夠味，好味！阿婆苦瓜炒蛋：近排成日食熱氣野，所以叫左依道菜清下熱氣。炒蛋炒得啱啱好，苦瓜炒得好爽口同甘甜，苦瓜食落去左有少少蛋香味添。成個餸炒得好夠獲氣。臘味炒飯：臘味炒飯炒得色澤均勻，而且炒得粒粒分明，唔會痴埋一舊。食落去有陣陣既臘味香味同鹹香，咬落去仲好煙靭，真係忍唔住食多左碗添！

最近公司有新力軍加入，都要吃吃飯洗洗塵。 呢間有幾道菜係幾得，有時又會加入新菜做些綽頭。 冷盤「樂天營三彩」$48 用方型玻璃兜盛載，是酸番石榴、醃蕃茄、話梅浸南瓜，看上去幾refreshing，又綠又紅又橙，夏天菜也。 第一次在這兒食「蒜香紅海蜇頭」$68，水汪汪般，不合格啦 sorry。 沒有骨的「排骨王」$132，依舊做得好，似酸甜豬扒，肉不老的，蠻得我歡心： 令大家樂此不疲的「脆皮蝦醬雞」$82 是雞翼，特別大隻，蝦醬味夠出，呢味好得啊： 「阿婆苦瓜炒蛋」$58，係，新同事上班就請人食苦瓜，好食嘛 XDDD 真想不到當初我們也討厭吃苦瓜，我就是喜歡這裡苦瓜夠苦，記得吩咐廚房蛋不用全熟，蛋與苦瓜中會有蛋汁流出。若對苦瓜那睿智愈來愈記掛，可以來一試啊。 非常無感的「金銀蛋浸莧菜」$82： 特別一提粉麵是有半價，係幾扺食，「揚州炒飯」$82 (正價) 鑊氣足的「泰式海鮮炒米粉」$88 (正價)，辣辣鹹鹹，吃時記得加青檸汁，逍魂： 值得一提這𥚃座位及門面都令人舒服的，加一後價錢也不太貴，叫碟炒蛋或至強雞翼，加碟半價粉麵，有菜有肉，兩、三個人食也可以，糧尾之選擇！