樂天經典 (奧海城二期)

营业中

休息中

之前有朋友喺度食過，話佢地蟹性價比好高！所以今次就捉埋媽咪一齊嚟試啦八點鐘半嚟到仲係人頭湧湧！好彩呢度個場大，等一陣就入到黎啦坐低之後就送上一壺熱茶！每台一壺，唔使下下叫人加茶～呢下我幾鍾意餐前小食有栗子同花生！兩款都軟腍入味，食落幾開胃！唔錯 打開餐牌嘅第一版，已經係講緊隻蟹啦三百零蚊就食到，的確唔貴！所以我地二話不說就叫咗隻黑胡椒蟹$368試吓啦黑胡椒蟹大大隻！蟹肉鮮甜而且份量多配埋個惹味嘅黑椒醬汁一齊食，yummy之後再叫咗一碗叻沙海鮮米線$78！ 湯底濃郁重椰香，而且微微帶辣，媽咪好鍾意食咗兩款比較濃味嘅菜，所以最後一道菜我地決定揀個清啲嘅金銀蛋時蔬$85！唔好講笑，雖然係細份，但份量都幾多而且味道較得啱啱好，送飯一流～成餐飯食得好滿足，值得encore !

今曰老友記話加左人工，想同我食個lunch 😂不過要我就佢返工地點囉，所以就去左奧海城食個靚靚lunch喇😁樂天經典係佢飯堂，坐得又幾舒服啵，最啱傾下計呀。先黎壺茶一呷先有幾款必點小菜有-酸辣素羹酸辣湯內配料足，酸度夠，先令我地開左個胃口-老鼠粉煲～即銀針粉內有鮮蝦，青蔥，椰菜花，菜脯，肉粒同冬菇粒，再落雞蛋拌混，加入類似酸梅汁味醬，令成煲麵更惹味。大大煲兩人食十分夠，而且湯底夠清甜。-西蘭花扣海參海參十分爽口，大大粒鮮冬菇加調配醬汁十分入味，仲有西蘭花在內。-黃金咸蛋蝦球十分邪惡既一碟餸菜咸蛋乜乜乜 整咩我都十分喜愛，香噴噴既表面，內裏蝦肉爽口彈牙-三色桂花班蘭糕必試，三層口感，一啖享受必試推介

今日同屋企人來咗奧海城樂天經典食晚飯。呢間野環境都唔錯，啲位都尚算闊落，啱一班人食。今日叫咗好多野，先來個手工海鮮白玉磚，原來是豆腐來的，好味呀，幾香口！跟住就係招牌扣肉包，好靚，啲肥膏一層一層咁，入口即溶，唔錯，不過食完會有啲濟😅我地又叫左條黃花魚，條魚好滑，清清哋ok嘅！然後叫了兩個菜，一個叫四大天王，有秋葵，甜豆，四季豆同茄子，幾好味喎又，啲豆都好甜，個味道好好👍🏼 另一個是經常叫嘅金銀蛋莧菜，金銀蛋好多呀，正！估唔到呢兩個菜會有驚喜！跟住係我最期待的砂煲花菇西蘭花扣海參，海參好味，唔會太腍或太硬，不過就稍嫌味太濃，可以淡味返少少。另一個我期待的是花雕蒸蟹，個樣好靚，不過有啲失望，因為唔夠甜... 我地5個人食，食到捧住個肚走，好飽呀！總結來說，係唔錯嘅真係！

新加坡過江龍「樂天飲食集團」進駐香港都已好一段日子了，其下多個不同「樂天」品牌主打不同路線，而位於大角咀奧海城的「樂天經典」則以東南亞風味的家常小菜為主。餐廳位於奧海城二期商場內，是晚光顧時雖然已七點有多，但餐廳竟然差唔多全滿，以「閒日」黎講做到咁既成績真係非常厲害！另一方面，餐廳於大部份餸菜中均設有大、中、小三個不同份量的價錢，非常flexible可以滿足晒不同客人的需要！蒜香紅海蜇頭 ($75)︰半透明、軟硬度適中的海蜇頭，浸透在辣得黎卻帶點酸味的醬汁之中份外開胃醒神，加埋裏面的青瓜作為餐前的點綴實在最適合不過！馬來風光 ($75)︰由於用上南洋香料，入口時感覺有點辣，不過通菜炒得鑊氣非常夠！美中不足的係辣油會隨時間慢慢從裏面滲出，雖然唔影響口感，但見到自己食晒「成碟油」落肚感覺有點內疚。荔枝咕嚕肉 ($88)︰咕嚕肉使用的炸粉份量剛好，唔會食到成口粉之餘入口時亦唔會太腍，師傅功架十足！醬汁方面酸酸甜，配埋青椒、紅椒同埋荔枝等等既配菜寧舍開胃！黃金蝦球 ($138)︰蝦球用上沾了鹹蛋黃的炸粉泡製，入口時感覺就好似近期大熱的「鹹蛋炸魚皮」咁，非常香口惹味！菜香鐵板豆腐 ($98)︰絕

南洋風味中菜, 夠哂有特色!一行六人, 有老有嫩, 中菜又滿足到大人同時又滿足到老人家同小朋友，餸菜款式多選擇, 最正係佢大部分餸菜都有得揀SIZE!大中細, 就返人數揀份量, 避免左叫得太多食唔哂嘅問題,唔做大哂鬼hahaha~蝦醬雞中翅(M) 有成12隻雞翼, 望到都流晒口水呀!雞翼炸到金黃色, 外皮脆口有淡淡蝦醬咸香味,因為炸到剛剛好熟嘅關係, 裡面係充滿肉汁,大人小朋友都會鐘意食呀!招牌扣肉包($22/個)扣肉、包、生菜加芫茜, 三樣嘢分開上將包打開, 先後放入扣肉、生菜、芫茜,我就覺得佢似中式Burger喇~咬一啖, 首先係食到個包非常鬆軟, 有中式麵包香,扣肉大約1CM厚, 非常入味, 但肉質略嫌偏硬,再到生菜同芫茜, 生菜爽脆鮮甜, 中和扣肉嘅油膩感, 再加上芫茜香味, 話係招牌菜絕對一啲都唔失禮!蒜香排骨(S) 個名叫排骨, 但事實上我覺得似豬扒多啲~炸到金黃色嘅排骨鋪上炸蒜, 排骨味道剛好唔會太咸,排骨喺炸蒜嘅襯托下夠晒惹味, 排骨亦唔會炸到太乾,肉質啱啱好!麥皮蝦球(S)第一次見到有呢個菜式, 覺得好創新, 一於嗌黎試下~麥皮就好似平時人地避風塘XX啲炸蒜咁鋪滿曬係

平時行開奧海城，好似冇咩特別好食，今次經過呢間樂天經典，門面裝修簡單，唔算顯眼。但每次經過都好多人入，今次見到入面幾多人就去試下啦。入面地方寬敞，座位完全唔會擠迫，而且環境都好衛生，如果帶小朋友同老人家就啱晒。我今次係平日去，入面完全滿座。入到去佢地就準備左一份餐前小食就係花生炆栗子，兩者都炆得好入味。打開佢餐牌，選擇非常多，有主力既海鮮，星洲米線及肉類等，如果有老人家或者食素既朋友，佢地都好貼心地提供素菜食物。另外，餐廳部份菜式都設有大中細，三個份量俾客人選擇，咁就唔怕食唔晒。餐廳的服務質素亦係另一個抵讚之處，職員服務態度好，而且主動。候餐時間大約10分鐘，都算幾快。青芥末蝦球(小) $138今次選擇左S size，適合2至3人食用。外表好色彩繽紛，炸熟既蝦球配合奇亞籽、芒果肉粒、日本芥辣同蟹籽，味道酸酸甜甜，非常開胃，味道似沙津醬一樣，芥辣味完全唔重，小朋友都可食食。蝦球非常紮實又彈牙，值得讚既係炸粉唔會厚，口質十足，呢款菜色岩晒夏天食。星洲黑胡椒螃蟹 $368呢款亦都係餐廳主打菜色，係新加坡好出名既胡椒蟹，我之前去新加坡食過好出名個間，真係食過翻尋味，所以今次都好期待試下香港呢間

旺角鬧市地帶，一直都知道逢中午或晚上繁忙時間，要搵位泊車真的難過登天。原本約了朋友晚上去吃餐好的，而且幸運地今天不用遲收工，但偏偏就在最繁忙的晚餐時段，大概7點至7點半左右的時間在旺角真的很難幸運地泊到車。所以轉戰去了奧海城覓食。逛逛商場，看到了一間中式菜餚的餐廳「樂天經典」，心想是不是就是「樂天皇朝」的分支呢？在門口望多兩望餐牌，朋友又網上查查，原來真係樂天王朝集團旗下的一間南洋風味中菜。那...一定有保證吧！而我倆對南洋菜同食材產生好奇所以就決定一試侍應先安排我們坐卡位，闊落又舒服，圓枱方枱齊備,眼望人流都挺多的，裝潢跟「樂天皇朝」有所出入，因為「樂天經典」感覺氣派一點，沒有「樂天皇朝」那種時尚風。餐廳面積亦比想像中大，為什麼是想像中呢？因為相對性門口其實挺細的！侍應先給我們端來愛喝的普洱，用了閃亮亮的懷舊銅壼，非常耀眼！而且同時送上糖漬栗子及憫煮過既花生作為開胃小吃...喜歡栗子那種少甜的味道👀前菜$15而茶芥每位是$7餐牌款式真的非常豐富，正如「樂天經典」的名字一樣，樣樣夠經典，平時好少見到！菜品烹飪方式就包含了一些泰國、印尼、馬來西亞和新加坡的特色再演變做中式菜。可見每一道菜

記得呢間餐廳之前叫做樂天客棧。改咗名之後主打懷舊南洋菜式。今日咁啱約咗朋友喺呢個商場。擇日不如撞日。一於試下。蒜香紅海蜇頭 $75其實我哋唔知道咩叫做紅海蜇頭。店長講解下先知道，原來白海蜇價格便宜脆度不夠，紅蜇頭屬於比較老的，脆度很好。一食之下，果然冇錯。口感脆卜卜的。淮山杞子螺頭湯 $178湯夠哂火喉。全部湯渣煲至軟腍。跟據媽媽級友人經驗，呢個湯補而不燥，響螺肉養肝明目，適合脾胃虛弱或視物不清的人士食用。淮山是常見的湯料，益氣養陰，補脾肺腎。古早魚香老鼠粉煲 $108老鼠粉煲以瓦鍋盛上，面層可看到生雞蛋、鮮蝦、青蔥和椰菜花等食材。最特別的是配搭咸魚檸檬汁，清新跟咸魚香味混為一體。三杯鴕鳥肉煲 $118鴕鳥肉係 ”三低+三高” 營養食材 (低脂、低熱量、低膽固醇 + 高蛋白質、高鐵、高鈣)。呢個菜式肉質軟嫩，帶筋部位Ｑ彈，味道很濃郁，吃來也不油膩。

閒來無事去奧海城行下，先搵食，本來是想食點心的，但好大雨又多人等位，係openrice見到這間中菜館好似幾好。仲做緊5折，好抵食茶可以選普洱或香片，我們選了普洱，個壺金色的，好大壼，有個木板放在下面的。小食是鹵水花生同粟子，好淋身好入味好香。好好味的。環境都好靚，仲望海，好光猛開揚。普洱好味，滑身，個杯都好大。哈哈！！涼瓜炒蛋，涼瓜切到好薄身，少少甘甘地，蛋切成薄塊，我覺得幾好味，感覺健康，份量也不少的。楊州炒飯，小的，有分大中小。份量也唔少呀，飯炒到乾身，有叉燒粒，蝦粒，葱花，蛋絲，幾好味喎。好香的，飯粒粒分明。半價糖水，叫了一碗蕃薯糖水，好清的樣子，有三舊蕃薯，初初以為賣相好淡，飲一啖，嘩！！好味呀好薑，夠辣，估唔到咁正！！蕃薯好甜好淋，糖心的味道！！

剛剛完左世界盃, 可以多d時間同老婆去撐枱腳食返d好野, 今晚趁係奧運站附近收早, 約埋老婆去呢間奧海城入面嘅樂天經典食返餐。😙樂天經典剛開業時我地都有黎過, 食物有質素而且價錢合理, 當中嘅扣肉包更係老婆最愛, 今次黎都要食兩件先夠。😆我地6點半已經到餐廳, 雖然天仲未黑, 不過客人都已經好多。餐廳樓底高, 落地玻璃令採光度高, 而且空間大, 整體環境好舒適。我地兩個點左扣肉包, 皮蛋, 豬頸肉, 蝦球同菜, 雖然冇叫飯, 不過都應該好夠食。😁招牌扣肉包 $23×4老婆最愛嘅扣肉包水準依然保持到, 扣肉非常軟腍入味, 用鬆軟包夾住食, 惹味得黎亦唔膩, 每人兩件非常滿足。👍特選溏心皮蛋 $22×2溏心皮蛋味道香濃, 唔會太咸, 好啱我地口味。泰式炭燒豬頸肉 $88豬頸肉外層帶有炭燒香味, 肉質軟腍多汁, 沾上泰式醬汁, 非常美味。😋金銀蛋浸時蔬 $128老婆指定每餐都要點蔬菜, 呢款金銀蛋浸時蔬份量都幾多, 加上皮蛋咸蛋, 味道唔錯。👍黃金蝦球 $138用牛油同咸蛋黃醬混上蝦球嘅呢款黃金蝦球, 味道香濃, 蝦肉爽口彈牙, 大大隻, 一口一隻, 食得好滋味。😋埋單每位200幾, 性價比

一家人都係食中餐 o岩 D每樣都好好食, 家人非常滿意呢菜式仲有分 portion 不同價錢, 人少都一樣食得!有時拍拖得兩個人食都 OK招牌扣肉包有得逐件 orderD 包熱騰騰用個蒸籠上雖然係肥, 但係小食多滋味 ma有咩魚好食得過冇骨? 蒸鱸魚片片好哂, 超級滑嫩! 而且一 D 骨都冇 gao岩哂懶人, 老人家同小朋友食麥片蝦球係禾桿冚珍珠麥片下有好多蝦球, 好大隻同彈牙呢~脆得 o黎唔油膩 食埋新加坡名物黑胡椒蟹, 就魚蝦蟹都齊 la haha唔止隻蟹鉗大, 連 D 腳都好多肉黑胡椒唔係勁辣, 所以惹味之餘都食到蟹 ge 鮮味酥炸豬肉蝦棗實物仲靚過 menu 外面好酥脆, 一咬開好多肉汁!老鼠粉其實就係銀針粉細個成日食, 依家都比較少見依個老鼠粉煲好足粉D 粉整得好好味 三色桂花斑蘭糕, 分別有桂花糕, 斑蘭糕同椰汁糕賣相好特別同吸引

今日夜收工，乾脆和羊媽媽吃個晚飯再回家。羊媽媽揀了奧海城的樂天經典。天氣悶熱，我們先點飲品。飲品選擇不少，每款都似乎好非常消暑！我們決定點南北杏羅漢果茶和蘋果荔枝凍茶。大大杯，夠冰涼！我杯荔枝茶好清甜，食埋粒荔枝食物選擇又是超多的！我們點了滿滿的一枱食物！那個胡椒豬肚湯很不錯真材實料，有豬肚，玉竹，排骨，雞腳，有胡椒味但不太重，menu寫for 3-5人，一上枱以為得好少，最後原來都真係有5碗這碟脆醬美人魚是很特別的小食，好鬼脆！星洲泰式鳳爪，無乜辣 有啲甜，幾開胃的這碟蔬菜叫四大天王，有四款菜，最正是有科葵！味道少少辣同甜，我們覺得個底有啲糖漿！阿婆苦瓜炒蛋是必食推介，一啲都唔苦，我諗小朋友都食老鼠粉好大煲，面頭本來有隻蛋，專人走嚟搞勻佢！老鼠粉口感好滑，味道又咸又香，好好味！甜品揀左三色桂花班蘭糕有班蘭味椰汁味無咩桂花味，我覺得我下次都會嗌，羊媽媽話食完個口仲有香味

樂天皇朝就食過，樂天經典都係第一次食，南洋菜更加係第一次食，所以抱住一個好奇心過嚟試過究竟。呢間餐廳主打係南洋菜式，門口已經見到唔少人都有嗌蟹食，所以我決定試一試南洋風味整出嚟嘅蟹係點樣。星期四晚過嚟都幾多人，只剩低一兩張空枱，所以都唔駛等就可以直接入座，座位好寬敞，一啲都唔擠迫，裝修簡約又帶點豪華，侍應服務態度都唔錯。前菜係啲花生同埋栗子，可以頂一頂肚先。我哋點咗個黑胡椒蟹($338)，碟蟹上枱嗰陣時，第一個反應係「嘩，好大呀！」隻蟹真係好吸睛，放滿咗整個碟，好似一件藝術品。餐廳好貼心，會有圍巾、手套 、濕紙巾提供。 蟹鉗超大，超多肉，真材實料，絕無欺場，肉質彈牙鮮嫩。蟹殼外面好重胡椒味，蛋蟹肉則鮮甜味美，唔會過份遮蓋咗蟹肉既鮮味，唔錯！不過胡椒味可能有啲重，唔食得辣嘅朋友可能要注意一下。 個蟹鉗真係啖啖肉，超正！跟住我哋嗌咗另一款南洋菜—古早魚香老鼠粉煲-小($108)，老鼠粉都係第一次食，質感好特別，有少少似長條型湯圓， 魚香好惹味， 配料有蝦有菜，湯底都好鮮甜，但好快畀老鼠粉索曬，所以要盡快食。 都食到好飽，但係甜品係第二個胃，我叫咗三色桂花斑蘭糕($38)，佢係桂花糕同埋班蘭

媽媽生日指定想食中餐但又想食特式野！我真係r 爆頭應該食邊間 最後搵到呢間又有中菜 又有新加坡菜餐廳非常之寛闊 坐得好舒服餐牌食物種類非常多 選左好耐終於選了幾款蒜蓉炒西蘭花-好有住家菜感覺 無加味精既 西蘭花配蒜蓉香真係無敵菜香鐵板豆腐-賣相好別緻 係用平時steak 既鐵板上 保持熱辣辣 係一磚豆腐 有略炸 金黃表面配上調味醬 好好食令人食完再食乾貝菜膽燉竹湯-好足料 有住家湯水滋潤感覺黑胡椒蟹-呢個餸大推 做到新加坡9成功力 胡椒味好香 同蟹係絕配揚州炒飯-老人家要食飯 叫左個最classic 既揚州炒飯 d 人話要知一間餐廳好唔好食 就係要試佢最基本既食物 果然無令人失望 好多配料有叉燒粒呀旦呀令個飯唔洗落味精已經好好食苦瓜排骨-炒得好有獲氣 排骨半肥瘦 苦瓜爽脆唔算苦 檸檬薏米水-夏天要消消暑 誠意推介真係好多薏米nc小甜已經好好飲好消暑楊枝甘露-最後來到甜品 呢個甜品略帶酸 但都幾開胃消滯 証明係天然唔加大量糖份媽媽對呢餐飯極度滿意 好開心

今日放工去咗奧運站附近，就去左奧海城搵好野食！ 今日就決定試下樂天經典，之前一直都想試下。食之前我已經做足準備，就係上openrice 睇下有咩好食haha 。 我見到喱到個星州胡椒螃蟹好多人叫，都有好評，我梗係要試下喱道招牌菜。我地仲叫左老鼠粉煲（中） 同一個小食脆炸美人魚。一坐低就有default 小食食，有花生栗子豆，應該係用滷水滷過，都幾好味！（但係都要俾錢嫁，$15一份，價錢都合理）等左一陣就上左小食炸美人魚，醬汁甜甜地，個美人魚真係炸到好脆，好香口。我男朋友好鍾意食，但我個人就怕熱氣，所以食左少少。佢嘅份量都算大，所以我建議大家如果多人食叫會扺啲，因為二個人食有啲多。 但如果你好鍾意食喱類型嘅小食，都推介你地試下。之後就上左主食老鼠粉，上黎真係哇左一聲，因為好大鍋（我地叫左個中size ）但原來中size 都好大，我覺得有3-4人分量。一上黎職員好細心咁同我地講解，叫我地一陣落果個汁(有D咸魚香味)，然後撈勻佢先食。職員本身想幫我地落，但係因為我要影相先>w<。我勁鍾意喱個狗仔粉，佢個汁好香，有淡淡咸魚味，又唔會太重口味，佢加左蛋，好滑好正。好推介大家去食。