樂天經典 (奧海城二期)

营业中

休息中

記得呢間餐廳之前叫做樂天客棧。改咗名之後主打懷舊南洋菜式。今日咁啱約咗朋友喺呢個商場。擇日不如撞日。一於試下。蒜香紅海蜇頭 $75其實我哋唔知道咩叫做紅海蜇頭。店長講解下先知道，原來白海蜇價格便宜脆度不夠，紅蜇頭屬於比較老的，脆度很好。一食之下，果然冇錯。口感脆卜卜的。淮山杞子螺頭湯 $178湯夠哂火喉。全部湯渣煲至軟腍。跟據媽媽級友人經驗，呢個湯補而不燥，響螺肉養肝明目，適合脾胃虛弱或視物不清的人士食用。淮山是常見的湯料，益氣養陰，補脾肺腎。古早魚香老鼠粉煲 $108老鼠粉煲以瓦鍋盛上，面層可看到生雞蛋、鮮蝦、青蔥和椰菜花等食材。最特別的是配搭咸魚檸檬汁，清新跟咸魚香味混為一體。三杯鴕鳥肉煲 $118鴕鳥肉係 ”三低+三高” 營養食材 (低脂、低熱量、低膽固醇 + 高蛋白質、高鐵、高鈣)。呢個菜式肉質軟嫩，帶筋部位Ｑ彈，味道很濃郁，吃來也不油膩。