影片
更多
2018-07-23
99 浏览
南洋風味中菜, 夠哂有特色!一行六人, 有老有嫩, 中菜又滿足到大人同時又滿足到老人家同小朋友，餸菜款式多選擇, 最正係佢大部分餸菜都有得揀SIZE!大中細, 就返人數揀份量, 避免左叫得太多食唔哂嘅問題,唔做大哂鬼hahaha~蝦醬雞中翅(M) 有成12隻雞翼, 望到都流晒口水呀!雞翼炸到金黃色, 外皮脆口有淡淡蝦醬咸香味,因為炸到剛剛好熟嘅關係, 裡面係充滿肉汁,大人小朋友都會鐘意食呀!招牌扣肉包($22/個)扣肉、包、生菜加芫茜, 三樣嘢分開上將包打開, 先後放入扣肉、生菜、芫茜,我就覺得佢似中式Burger喇~咬一啖, 首先係食到個包非常鬆軟, 有中式麵包香,扣肉大約1CM厚, 非常入味, 但肉質略嫌偏硬,再到生菜同芫茜, 生菜爽脆鮮甜, 中和扣肉嘅油膩感, 再加上芫茜香味, 話係招牌菜絕對一啲都唔失禮!蒜香排骨(S) 個名叫排骨, 但事實上我覺得似豬扒多啲~炸到金黃色嘅排骨鋪上炸蒜, 排骨味道剛好唔會太咸,排骨喺炸蒜嘅襯托下夠晒惹味, 排骨亦唔會炸到太乾,肉質啱啱好!麥皮蝦球(S)第一次見到有呢個菜式, 覺得好創新, 一於嗌黎試下~麥皮就好似平時人地避風塘XX啲炸蒜咁鋪滿曬係
一行六人, 有老有嫩, 中菜又滿足到大人同時又滿足到老人家同小朋友，
餸菜款式多選擇, 最正係佢大部分餸菜都有得揀SIZE!
大中細, 就返人數揀份量, 避免左叫得太多食唔哂嘅問題,
唔做大哂鬼hahaha~
蝦醬雞中翅(M)
有成12隻雞翼, 望到都流晒口水呀!
雞翼炸到金黃色, 外皮脆口有淡淡蝦醬咸香味,
因為炸到剛剛好熟嘅關係, 裡面係充滿肉汁,
大人小朋友都會鐘意食呀!
招牌扣肉包($22/個)
扣肉、包、生菜加芫茜, 三樣嘢分開上
將包打開, 先後放入扣肉、生菜、芫茜,
我就覺得佢似中式Burger喇~
咬一啖, 首先係食到個包非常鬆軟, 有中式麵包香,
扣肉大約1CM厚, 非常入味, 但肉質略嫌偏硬,
再到生菜同芫茜, 生菜爽脆鮮甜, 中和扣肉嘅油膩感,
再加上芫茜香味, 話係招牌菜絕對一啲都唔失禮!
蒜香排骨(S)
個名叫排骨, 但事實上我覺得似豬扒多啲~
炸到金黃色嘅排骨鋪上炸蒜, 排骨味道剛好唔會太咸,
排骨喺炸蒜嘅襯托下夠晒惹味, 排骨亦唔會炸到太乾,
肉質啱啱好!
麥皮蝦球(S)
第一次見到有呢個菜式, 覺得好創新, 一於嗌黎試下~
麥皮就好似平時人地避風塘XX啲炸蒜咁鋪滿曬係碟上面。
第一啖食落, 甜嘅! 可能個人口味偏向喜歡咸食~
所以覺得帶甜嘅麥皮配上炸蝦球有啲奇怪!
但同枱嘅小朋友十分喜歡呢道咁創新又特別嘅麥皮蝦球!
各有各口味~~~~~~
扣肉米線
老人家想有啲麵落肚, 就揀左呢款扣肉米線。
扣肉米線可以揀辣同唔辣, 適合唔同口味嘅朋友
扣肉同扣肉包嘅扣肉係一樣嘅!
米線軟硬適中, 加上紫菜、木耳、豆腐呢啲配菜,
成碗米線生色不小。
參巴空心菜
通菜嘅特別之處當然係空心, 煮得好唔好食都係基於兩個因素~
就係獲氣同味道, 講獲氣, 呢個通菜的確遜色!
但講味道, 就有驚喜喎~
通菜嘅醬汁分別有甜咸酸微辣呢幾種味道,
有啲似泰色辣醬嘅味道!惹味到呢~
我就覺得好特別, 係其他餐廳未試過食到咁嘅味道~
豉椒涼瓜排骨
涼瓜大小剛好, 唔會太林, 掛上豉汁, 完全冇得輸!
但排骨醃得太咸, 可能配白飯食會較好
张贴
