樂天皇朝 (青衣城1)

营业中

休息中

是日和老公係青衣呢間粵菜餐廳食晚餐，算係好滿足ge 一餐dinner。餐廳員工既招呼很好很有禮貌，呢啲咪專業囉。菜式方面order 左主打8式小籠包，醬板鴨，夫妻肺片，欖菜肉鬆炒豆。主打小籠包真係食過番尋味，8款口味不一，皮薄肉質多，一流，首推。醬板鴨好好食，好香口好入味，曾幾係杭州食過一次勁好食，終於係香港呢間食得番類似既水準，好開心。夫妻肺片十好香，只係小小辣，所以唔食得辣ge人士都唔怕。欖菜肉鬆都做得好好食，餸飯好正！平時都食唔到多飯，今日食左碗半飯。唯一美中不足今日太飽試唔到飯後甜品。抵食好味之選！

呢間餐廳真係要俾好評，平民值錢但食得出啲出品大heart有水準。而且餐廳內有濃味菜式亦有比較清淡既菜式。下次一於帶埋屋企老人家黎食下。先講今日一場黎到當然要叫主打推介𠴱個雜錦小籠包，淨係個皮夾起重好實淨唔易爛就知有水準，食落口真係可以係唔同口味，原來平民餐廳都去到呢啲水準。very nice la👍. 另外小食都好有資素，價錢唔貴，份量尚可。唯獨有一碟賽旁蟹，賣相仍然係好靚，而食落去唔係話差，亦可以，只係我食過更好食既賽旁蟹。佢既蛋白係整得好嫩口，而呢間既就整得略為過熟左小小，但整體呢間餐廳係好評無得講！

今晚黎到呢間專食特色小籠包嘅樂天皇朝｡ 由於喺地鐵商場嘅關係, 未到夜晚 7 點就已經坐滿｡前菜小食比起其他餐廳嘅前菜小食, 呢度嘅比較特別, 係炆花生 & 栗子, 非常淋身, 而且黎到仲係熱辣辣｡蒜香小籠包今次只係揀左蒜香味嘅小籠包, 外皮淺灰色, 厚度適中, 一咬開超多湯汁, 有陣陣蒜香味, 即使唔加醋都已經好好味, 好啱蒜迷嘅胃口｡香辣蒜泥白肉有別於一般坊間嘅蒜泥白肉, 餐廳將 D 白肉捲住青瓜絲, 再喺上面淋上特製蒜泥醬｡ 口感較爽口, 味道唔算好辣, 個蒜泥醬非常惹味｡四川夫妻肺片有牛肚同牛展, 由於唔係厚切, 所以好容易咬開, 味道偏辣, 刺激得黎又好開胃｡蒜茸炒菠菜炒到夠晒乾身, 食完咁刺激嘅涼菜後食番啖炒菠菜, 絕對係清清味蕾嘅佳選｡蟹粉炒飯炒飯非常乾身, 上面淋滿金黃嘅蟹粉芡汁, 用上大量蟹粉蟹膏, 每一啖都食到鮮甜香濃嘅蟹味,  蟹粉 x 炒飯簡直係絕配｡宮廷驢打滾用左糯米做成嘅外皮, 捲起豆沙餡, 再喺表面沾上薄薄一層黃豆粉｡ 口味 QQ 煙韌, 黃豆粉同豆沙餡嘅甜味非常 Balance, 食落去唔會太甜, 大推大推 !!

放工後過嚟呢度食嘢，好耐冇食上海野lu.次次食親上海野都會叫個松子桂魚，呢間都整得唔錯喎，雖然成條魚炸咗，但係魚肉嘅部份都好多，而且都好滑，加埋最愛嘅甜酸醬，呢道菜係值得試嘅。然後就試埋京蔥美國肥牛肉，京蔥味好香，肥牛份量唔多，整體較濃味。另一個比較清淡嘅菜就係蒜蓉清炒菠菜啦，炒得幾好，可以平衡返食肉同食菜嘅比例。菠蘿咕嚕肉，個汁OK,但係個粉就厚咗啲。話梅元蹄，即係豬手，淋滿左好杰嘅話梅汁，不過我哋都係鍾意就咁食個豬手多啲，肉質好滑好味。我哋仲試咗啲小籠包同水餃等等，全部都整得唔錯，會再返嚟食。

今年母親節揀咗母親喜歡食嘅上海菜～平日嘅晚餐時間好多人排隊，相信食物質素應該唔錯。食上海野梗係要叫小籠包啦，我哋叫咗一籠原味，仲有一籠黑松露味。個小籠包有返咁上下質素喎，個皮厚薄適中，咬開有濃濃嘅湯汁，而黑松露嘅特別之處呢就係個皮係黑色嘅，認真試係有少少鹹味同埋好香黑松露味嘅，我哋都係鍾意食原味多啲。另外仲試咗雪菜鹹肉炒年糕，夠晒味，只係略嫌多咗啲油啫。三絲春卷，好香脆，唔會太肥膩。三鮮鮮肉水餃，呢個都唔錯，清清地。其餘仲叫咗幾個小菜，整體味道都OK,母親相當之滿意呀。

今年嘅母親節我地揀左黎樂天皇朝食晚飯。樂天皇朝係來自新加坡嘅過江龍，在香港有好多分店。而樂天皇朝就以小籠包同滬菜為主打菜，尤其係佢地獨創嘅八色小籠包，非常吸睛。八色小籠包色彩繽紛，而且由天然食材提煉而成，有原味，川味，蒜香，芝士，人參，蟹粉，鵝肝，黑松露8種味道。川味帶麻辣，蒜香好香，芝士好特別，人參味不算突出，蟹粉鮮甜，鵝肝味道不濃，黑松露味道好出好香。花蔬蒸餃外表厚薄適中，彈牙得黎唔會好靭，素菜清甜爽口，雖然沒有肉既惹味，但郤可口清新。XO醬爆涼瓜唔會好苦，涼瓜炒得好脆，唔會過火變軟，味帶甘甜，XO醬嘅惹味，令涼瓜格外清甜。三色瑪瑙蛋好靚，皮蛋粒，咸蛋粒混入蛋汁蒸成糕，真的好像瑪瑙一樣。蒸出來的糕好滑，皮蛋同咸蛋帶黎更好味嘅口味同味道。糖醋魚片炸得好脆，魚肉好厚身，味道酸甜適中，水準好高。

今天同屋企人一齊出去吃飯，好久沒有吃中菜，就提議了吃上海菜的樂天，過然沒有錯！一開始上的是兩款小菜，包括醉雞和牛展，雞肉好重酒味，雞皮底有啫哩，證明是真材實料；牛展爽，開胃！之後的是松子魚，做得到外脆內軟，甜酸醬做的很好，好開胃，值得一試！還有招牌菜樂天小龍包，皮薄，湯濃，肉不多不少，做為招牌菜，一點都不失禮！一定要試！之後還有蟹粉豆腐和鮑魚炒飯，儘管沒有之前的菜的出色，但也非常不錯。最後我們點了豆沙餅，大大的一份，吃到飽飽的！最後值得一讚的是餐廳裡的服務也是挺好，侍應殷勤，不時幫我們倒茶，很滿足的一餐！

今日放工老媽子唔想煮飯咪同一家人一齊出街食飯。屋企人當然想食中菜，咪陪下佢地，去間久仰大名嘅樂天皇朝食下上海野，結果完全冇失望。第一道招牌菜係皇朝小籠包，薄薄嘅皮，濃濃嘅湯汁，香香嘅肉質就係構成完美小籠包嘅材料，樂天皇朝作為主打上海菜嘅餐廳，果然冇令我失望！八種口味嘅小籠包， 原來食嘅時候都要從原味到麻辣味順序食， 先食原味、人參、鵝肝、黑松露、芝士、蟹粉、蒜香、麻辣。 食嘅時候呢要由小籠包最結實嘅頂部夾起， 用匙羹接住，咬少少汁出嚟飲咗先， 隨個人口味加少少醋同薑絲， 食小籠包都係一種飲食文化。之後上嘅松子桂魚都做得唔錯，味道夠之餘脆軟適中。李白醉雞好重酒味，好特別。鮑魚炒飯真係有一隻鮑魚喺上面，啲飯充滿鮑汁，正！夫妻肺就辣度足夠，都可以一試。甜品都幾正，豆沙鍋餅好大份，同一般好簿一塊既唔同。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地四個人食左大概一千蚊。以咁高質素嘅食物黎講算係物超所值。所以整體黎講我對今餐嘅評分係9分！

樂天皇朝係青衣城都開左一段時間係開業初期試過之後覺得性價比低所以好耐無再黎食今日朋友話想食8色小籠包！咁就再比次機會佢啦前菜方面我地點左撈拌海中寶有蝦 海哲 魷魚味道酸酸地 少少辣超級開胃！皇朝小籠包有8種唔同既味道款款都有佢既味道 淡淡地 唔會太假蒜蓉炒波菜炒得超夠火喉好香蒜蓉味菜肉雲吞豬骨湯好重豬骨味 飲完一啲都唔口乾皮薄 又夠土火雪菜黃魚煨麵啲魚好鮮湯底好好味鐘意食魚既朋友唔可以錯過呢餐真係食得好開心味道好好改變左對樂天皇朝既印象！以後要多多黎食！呢個優惠都好吸引！平日放假可以去食下！

外婆紅燒肉$92 紅燒肉是滬菜中的首本名菜，體現了上海菜「濃油赤醬」。脹卜卜、層次分明的紅燒肉，油亮的豬皮下，帶著一層滑溜的肥膏，入口軟腍鬆化，加上肥瘦適中的五花腩，肥而不膩，令人食指大動! 原味小籠包$98小籠包外皮簿嫰，我不理燙嘴，也要大口咬下去，再慢慢吸啜湯汁，甜甜的雞湯口中爆開呀，津津有味。蘿蔔絲酥餅$42蘿蔔絲酥餅，即叫即炸，酥皮油香酥脆，空氣感十足，包裹著一絲絲香甜的蘿蔔絲，十分出色!三鮮肉水餃$52水餃皮厚身，餃子脹卜卜、飽滿，入口鮮味，配埋陳醋薑絲，好搭配 。雷沙湯圓$42咬開煙韌、軟糯外皮，黑芝麻混合花生醬而做出流沙效果，沾滿花生粉的外皮，更加可口。檸檬蘆薈桂花蜜$28飯後甜品，檸檬蘆薈桂花蜜淡雅、清新，爽口的蘆薈浸泡在桂花糖水中，清甜解膩，輕柔的檸檬香點綴下，令味道更加清新。

原味小籠包$98小籠包皮薄餡靚 ， 大口咬下去， 湯汁洶湧而出，肉汁四濺 ， 做得 出色，加埋陳醋、薑絲， 絕對係最佳拍檔。李白醉雞$78肥美的雞肉冰涼嫰滑，冷泡在紹興酒裡，肉質柔滑，入口雞皮散發淡淡酒香。紹興酒香不會太濃烈，恰到好處的不會蓋過雞香，非常滋味! 雞汁的膠質凝結成啫喱狀，色香味俱全! ·.麻醬油麥菜$62油麥菜被青瓜片捆成一束， 爽脆又清新， 再點上胡麻醬吃，開胃的餐前小吃。四川酸辣湯$52原盅盛上， 賣相吸引，酸辣湯材料豐富， 有冬菇絲、瘦肉絲、木耳絲、竹筍絲和豆腐絲， 酸酸辣辣， 地道風味。陳皮五香牛肉$62五香牛肉切成薄片， 用陳皮及醬汁滷製而成， 好入味， 齒甲留香。椒鹽小黃魚$108小黃魚外皮炸得香脆, 熱呼呼, 魚肉 雪白, 入口好嫩滑, 配上椒鹽, 更加惹味。雪菜鹹肉炒年糕$82雪菜和鹹肉不鹹， 鹹肉肥瘦得宜 ，年糕入口煙靭靭， 味道很搭配。桂花酒釀丸子$35丸子細細粒煙煙靭靭， 浸泡在桂花酒裏，充滿陣陣桂花香味， 不太甜， 啖啖窩心， 不錯的飯後甜品 。 .

之前因朋友要介口，錯過了食八色小籠湯包，今次終於得償所願😆😆首先我要like 糸巨地既賣相，色彩繽紛，吸睛之餘還令人好想吃，而且重可以挑選自己喜歡的色彩食先，真開心🥳入口湯汁四溢，皮薄多汁，而各有特色，而黑松露和芝士更成為我地新favour 四季豆爽口鮮甜，火候剛剛好酸甜度適中，魚肉並不乾身，外皮酥脆而內裏有軟綿魚肉，口感豐富有層次感上次食過驢太滾，已經愛上了，所以今次甜點非此莫屬，哈哈😄，愛巨入口煙煙靭靭，而甜度適中，最有紅豆的味道

青衣城三樓開咗樂天皇朝，聞說小龍包好特色，愛好小籠包的我，確實要吃一吃咪睇佢門口細細，𥚃面地方好大下，環境光猛明亮，座椅坐得舒服我地book咗七點鐘，未係多人，店員安排我地坐最入，沿途有一開放式廚房，可看見師傅密密在摺小龍包～由小籠包丶精美小菜丶炒粉麵飯到湯品都有，亦有點心糖水可揀入座後會送上小食和茶水，而且有張紙教客人點食八色小籠包～我為咗佢而嚟，當然要叫，皇朝小籠包，其特色係一籠有八色八種口味，分別係原味丶人蔘丶鵝干丶黑松露丶芝士丶蟹粉丶蒜香同埋麻辣。店員講除原味同蟹粉要點醋外，其他口味可不用點，當然，喜歡吃醋的也是可以點的，每一件都有湯汁而且味道濃郁，肉質腍滑鮮蝦抄手拌麵，這個很不錯，麻辣味到位，抄手啖啖蝦肉，且包得好實在，帶有醋香，配上麻辣，刺激味蕾。松子鮮果桂魚，用桂花魚起骨炸起淋上甜酸醬和菠蘿及松子仁，用生果調配的甜酸醬有果香外亦令個汁的酸度更佳，淋上後仍能吃到脆卜卜，且不失其嫩滑多汁，仲要無骨蟹粉炒飯，好邪惡的一個炒飯，炒飯炒得夠乾身，配上澎湃嘅蟹粉蟹膏汁，鮮味出眾沙拉排骨，又一邪惡之選，排骨非常厚肉，沙律醬超級多，一定要下飯食，一塊已經可以送到一碗白飯，幾溜的一個餸甜品

同朋友一行4人去試， 雖然青衣分店對我嚟講有啲遠。 但食物真係出乎意料咁好食。 仲要係叫咗10樣嘢， 10樣都相當唔錯。 原味小籠包好食過台灣嗰啲， 海蜇頭好鬼脆口， 正， 蔥油餅非常酥香，酸辣湯又夠味好飲。其餘賽蟹， 紅燒肉， XO醬炒涼瓜， 蘿蔔絲酥餅，炒飯，同擂沙湯圓都好正😛，最衰掛住食同傾計， 完全唔記得影相最正係用滙豐咭有88折， 等於免加一， 而且環境都好ok, 服務都ok, 好好彩嘅係今個月我屋苑個商場都開“樂天皇朝”，我一定會再試的。

又到咗母親節嘅月份～因爲5月我返中班嘅關係，所以要提早食母親節飯。今次媽咪話想食小龍包，我哋就揀咗青衣城呢間樂天皇朝～Book咗夜晚7點，未算多人，環境大幾舒適幾靚～睇完Menu發現原來媽咪好多嘢都想食～不知不覺我哋都tick咗好多嘢食必點嘅就一定係特色皇朝小龍包(8色)分別係原味、人參、鵝肝、黑松露、芝士、蟹粉、蒜香同麻辣店員建議原味同蟹粉點醋食，其他都可以就咁食～我揀咗黑松露同麻辣味估唔到黑松露做小金龍包都幾夾喎，無論湯汁同內餡都好正好出色～而麻辣味都唔錯，其實唔辣，但又有麻辣嘅味道～炸饅頭外脆內軟，點煉奶是常識吧！唔好覺得一碟得三個咁小....一個都幾大舊，建議大家都係一舊分一半兩份食過吓癮好喇！我哋太高估自己，預咗每人一舊仲有多...其實食完一舊好似飽咗一半咁～鮮蝦抄手拌麵麻辣做得唔錯，係幾辣嘅，但又唔會辣到喪飲水～麵質幾好，抄手多餡好味，唔錯！沙拉排骨呢個係沙拉豬扒嗎？超級大塊啊～勁多沙拉汁喺面，超級邪惡啊～松子鮮果桂魚好鬼靚啊，原本我哋叫咗個蟹粉炒飯～不過我哋等唔切個炒飯嚟喇，叫咗白飯餸呢條魚～酸酸哋好開胃，魚肉多又食唔到有骨，好滑好正啊～京醬肉絲味道唔唔錯～醬汁好濃味，好