樂天皇朝 (利舞臺廣場)

营业中

休息中

一直都好喜愛食小籠包，熱辣辣蒸完出黎，沾上醋汁入口，啲湯汁係口腔內嘅獨特口感徘徊真係好正㗎！樂天皇朝一向我都有食開，由其欣賞佢哋最特色嘅八色小籠包，當然佢哋其他嘅特色食物都好啱我口味！今日約朋友下午茶，就去咗食大家都好喜愛嘅小籠包！八色小籠包🥟一共有8款口味，店員好細心講解仲會比張紙仔，根據紙仔咁食，由最基本的食到最濃烈的味道，原味、糟溜絲瓜、鵝肝、黑松露、芝士、蟹粉、蒜香、川味！招牌原味小籠包🥟其實我哋真係好鍾意食，覺得8色都未夠喉，再order多籠原味，湯汁飽滿皮薄餡鮮，亦都都樂天皇朝最鮮肉味的！醋醬海蜇頭🪼海蜇頭要處理得好而且入味都好考功夫，呢度嘅海蜇頭好爽脆入味，酸酸口感好開胃！@paradisegrouphk#樂天皇朝 #八色小籠包 #銅鑼灣 #銅鑼灣美食 #香港美食 #抵食 #美食推薦 #欣賞美食 #我愛美食 #香港美食推介 #chinesefood #hkfood #hkfoodie #hkig #foodie #foodstagram #foodphotography #eatlove #foodiehkg

好耐冇嚟銅鑼灣行街，媽媽話想食上海菜，選擇利舞臺嘅樂天皇朝，貪佢位置方便，座位仲好舒適闊落❤️我哋食咗呢啲嘢：特式皇朝小籠包：有八款味道，順序食： - 原色~招牌原味、綠色~糟溜絲瓜、淺啡色~鵝肝、黑色～黑松露、黃色~芝士、橙色~蟹粉、灰色~蒜香、紅色~川味。隻隻皮薄、多汁，記得趁熱食啊！香辣水煮魚：份量大！魚片嫩滑，配料豐富，有大豆芽、豆皮、木耳、細粉，細粉索晒個湯底，好濃郁。可選辣度！我哋揀咗少辣，辣味剛剛好。芝麻醬油麥菜：呢個菜係生食，油麥菜用青瓜皮包住再蘸芝麻醬食。食落好爽脆，解膩。蘿蔔絲酥餅：即整熱辣辣，好鬆脆，咬落去索索聲，蘿蔔絲切得夠幼細。竹炭流沙包：滿滿嘅流心奶黃餡，一咬就流心，記得要用匙羹食！最後食返個甜品，宮廷驢打滾：煙煙韌韌，紅豆餡甜度適中

又唔係冇枱6:30去到五人食飯畀張四人枱我，放食物都唔夠放。食物出咗嚟又唔夠位擺， 又要將啲食物而嚟而去，都唔夠位擺。叫啲員工冇出咁快啲食物佢又話唔係佢負責，搞到我都冇心機食，訂枱嚟都唔知做乜

最近“破地獄”勢如破竹，大家對生死似乎有了更多的見解，最值得留意的是別樹一幟的中國儀式！其實中華文化源遠流長，美食更是世世代代都在國際上舉足輕重，忽然間令我想起一間良久沒有去過的中式餐廳 - 樂天皇朝。單單是舖頭名稱已經是份外架勢，當中的八色小籠包更是店舖的生招牌，不吃不可！店員教我們順序去吃每一個小籠包，先來原味的，糟溜絲瓜，鵝肝，黑松露，芝士，蟹粉，蒜香，川味；一個接一個，就好像走過一場人生，當中的甜酸苦辣，只是必經階段的其中一個部分，但卻是滋味在心頭。嘗盡了人生八味，便要吃吃其他小菜了！朋友知我吃不了辣，特意將水煮魚改為酸菜魚，配上美味魚湯，這個我喜歡！此外，更有蘿蔔絲酥餅，芝麻醬油麥菜和竹炭流沙包，最後還有宮廷驢打滾作甜品呢！

銅鑼灣樂天皇朝👀蟹粉白玉盅一盅盅白淨的豆腐裡藏著鮮美的蟹粉，一口咬下，鮮美迸發，豐富的口感讓人無法抵擋！樂天皇朝的特色小籠包系列外皮松軟，內餡鮮美，簡單卻滿足。而「原味小籠包」則是經典中的經典，熱氣騰騰的出籠，咬一口，滿口的麵香和餡料香滷汁交融，回味無窮。如果你愛吃辣，那麼「川味小籠包」絕對是你的菜！麻、辣、鮮、香四味俱全，吃起來超過癮！再來是「蒜香小籠包」，蒜香四溢，外皮酥脆內裡松軟，一口咬下，滿口的蒜香和麵香在口中爆開，超級滿足！「糟溜絲瓜小籠包」則是將絲瓜與小籠包完美結合，清爽不膩，口感豐富。當然還有「芝士小籠包」和「蟹粉小籠包」，一個是濃郁的芝士香氣，一個是鮮美的蟹粉味道，都是不可錯過的美味！最後來說說「鵝肝小籠包」和「黑松露小籠包」，這兩款則是將高級食材融入小籠包中，讓你每一口都能吃出驚喜。鵝肝的柔滑與小籠包的酥脆完美結合，而黑松露的特殊香氣更是讓人一吃就上癮！蒜香青瓜清爽解膩，為這一餐畫上圓滿的句號。樂天皇朝的小食系列真的是應有盡有，每一款都讓你愛不釋手！快来試試吧！

今日放假同媽咪去食小籠包，呢間樂天皇朝新裝修之後環境大左，坐得舒服左，中午時間都唔少人惠顧。特式皇朝小籠包每次黎食都會叫呢個，因為佢集齊八隻顏色八種口味，口味有招牌原味，川味，蒜香，芝士，糟溜絲瓜，蟹粉，鵝肝，黑松露。店員會比張紙我地跟住個口味次序去食，由淡至濃，小籠包皮薄餡料豐富，肉質嫩滑，一咬落去好爆汁，媽媽就中意絲瓜和蟹鮮味清甜，我就中意濃味，鵝肝同黑松露係我最愛。淮揚三絲春卷春卷炸到外脆內軟，餡料豐富，味道鮮甜。蒸刀切小饅頭小饅頭入口鬆軟，沾上練奶好香甜。宮廷驢打滾口感軟軟糯糯，紅豆味道適中，不會過甜。

呢間新店喺正我公司附近，環境唔錯，同同事黎食飯，今次都係第一次食呢度最出名嘅皇朝小籠包。每粒都真係有相應嘅料喺入面。八種色八種味道：原味、糟溜絲瓜、鵝肝、黑松露、芝士、蟹粉、蒜香、川味。芝士仲可以拉絲真係好過癮。而我認為蟹粉、蒜香同川味係特別得黎又好味嘅。主食我地仲叫左酸菜魚，滑魚片同咸酸菜份量幾多；仲有花椒、豆腐、蒿荀、粗粉絲等等，岩哂唔食得太辣但又想食酸麻菜式嘅同事A，有麻有酸少少辣，唔嗆喉。另外order 嘅嘢都幾好食，清清地嘅芝麻醬油麥菜，清爽得黎有少少麻醬香；李白醉雞雞皮爽滑，肉質好嫩，酒味濃郁；豆沙窩餅個餡調得好好。有豆味唔算好甜都ok。一致好評仲有個蘿蔔絲酥餅，真係整得好好，外層酥脆，蘿蔔絲清甜。

今晚約咗朋友在銅鑼灣利舞台食晚飯，知道她喜歡食上海菜，特登帶她來到呢間位於16樓嘅「樂天皇朝」。店內面積唔算大，但座位夠晒寬敞，而且燈光柔和，餐廳職員服務態度極為積極，而且對待客人又有禮貌。🥢 招牌原味小籠包湯汁非常香濃，搭配上皮薄餡嫩嘅口感，小籠包鮮香可口，令人回味無窮。🥢 鮮肉鍋貼鍋貼外皮煎到金黃酥脆，裡面嘅餡料鮮嫩多汁，還有香醋調料嘅鮮美味道，口感非常豐富。🥢 醋醬海蜇頭海蜇頭夠晒爽口脆嫩，青瓜片又夠爽脆，而醋醬亦酸甜適中，既開胃又能解膩。🥢 肉碎欖菜乾煸四季豆經過乾煸嘅四季豆表皮微微起皺，但裡面仍脆嫩爽口，欖菜係呢道菜嘅靈魂，欖菜嘅甘香濃郁能滲入到四季豆和肉碎中，增添咗獨特嘅香氣和風味。🥢 雲吞雞 （半隻）我哋兩個人選咗半隻雞，打開個湯煲蓋已經聞到非常濃郁嘅雞香味，湯底非常濃香，而6粒大雲吞夠晒皮薄餡靚，口感鮮嫩，半隻雞肉非常嫩滑，入口即化。🥢 桃膠紅棗桂圓湯秋冬季最滋潤嘅甜品莫過於桃膠紅棗桂圓湯。桃膠夠Q彈潤滑，配埋紅棗桂圓嘅香甜，非常美味又夠潤喉。

呢一間位於銅鑼灣嘅中菜館上次食過好高質🌟，所以今日就再嚟食多次佢地招牌小籠包啦🥳特式皇朝小籠包 $148呢款八色小籠包係樂天皇朝招牌一定要食👏，食嘅次序可以由比較淡少少嘅原味開始食😛，我個人就最鍾意蒜香味道同埋鵝肝味都好特別🤩芝麻醬油麥菜 $72呢款前菜係講油麥菜凍食😎，口感方面好爽口，配上芝麻醬都好搭配😙宮廷驢打滾 $50呢個甜品外面包住一層薄薄嘅餅皮😍，裡面係香甜嘅豆沙，再加上花生碎，口感層次分明，甜而不膩😋

最近去咗銅鑼灣一間專食小籠包嘅高級餐廳，呢度真係好靚，裝潢時尚，高雅，燈光柔和。**特色小籠包**：呢間餐廳嘅小籠包真係不得了，有多種唔同口味，包括芝士、蟹粉、蒜香、川味、糟溜絲瓜、鵝肝同黑松露。每一款小籠包湯汁豐富，餡料鮮美，口感滑溜，每一口都係味蕾嘅享受。芝士小籠包帶有濃郁嘅芝士香，蟹粉小籠包鮮甜，蒜香小籠包味道濃郁，川味小籠包微辣，糟溜絲瓜小籠包清新，鵝肝小籠包濃郁香滑，黑松露小籠包香氣四溢。**蘿蔔絲酥餅**：外皮金黃酥脆，內裏嘅蘿蔔絲鮮甜爽口，餅嘅口感層次豐富香味。**芝麻醬油麥菜**：麥菜鮮嫩，配上香濃嘅芝麻醬油，味道簡單但係非常美味，口感清爽。**李白醉雞**：雞肉嫩滑多汁，帶有淡淡嘅酒香，同時又唔會過濃**魚湯酸菜魚**：魚湯濃郁，酸菜嘅酸爽同魚片嘅鮮嫩完美結合，口感層次分明，非常開胃。**甜品**：**香煎豆沙鍋餅**：外皮金黃香脆，內裏嘅豆沙香甜滑溜，口感一流**桃膠紅棗桂圓湯**：呢款甜品味道甜美，桃膠嘅滑溜同紅棗桂圓嘅香氣完美結合，滋補養顏，口感清甜非常滿足。

其實我好鍾意食上海菜，尤其係小籠包同埋鍋貼呢類上海嘅特色食物，今日同朋友仔去開銅鑼灣，突然之間又好想食上海菜喎，咁啱見到我嘅最愛樂天皇朝就喺利舞臺嗰度有一間，梗係要去回味吓啦！雲吞雞呢個雲吞雞真係超級大煲，一打開個蓋香氣四溢，裏便亦都好足料，裏邊有雲吞，半隻雞，生菜，同埋金華火腿等等嘅配料！個湯好滋補，最適合就係呢一啲凍冰冰嘅季節去食！雞肉好腍，雲吞皮薄。肉餡大嚿，生菜仍然係翠綠色嘅，咬落好清爽！好正！小籠包佢哋呢間餐廳嘅小籠包遠近馳名，我食過好多次，水準仍然有保證！小籠包個皮好薄，小籠包裏面嘅汁好多，一啖咬落去真係有爆汁嘅程度！肉餡亦都好大粒，超級滿足！無錫鮮肉鍋貼鍋貼嘅皮就相對比較厚身啲，煎到表面金黃色，咬落好香脆可口！裏便嘅鮮肉餡亦都係好大粒，而且入邊亦都係有汁嘅！不錯！醋醬海蜇頭呢個海蜇咬落去爽口彈牙，啲青瓜又好新鮮，作為開胃嘅小菜都好出色！桃膠紅棗桂圓湯飽餐一頓之後，當然要食返個甜品呢一餐畫上完美。好啦！我哋叫咗呢一個桃膠紅棗桂圓湯，真係好適合女士嘅糖水，而且佢哋亦都唔會太甜，補氣血一流！

最近突然之間好想食小籠包，所以就去咗呢一間出名做小籠包嘅餐廳，佢哋嘅小籠包質素保持得好好，一樣係咁好味！小籠包皮好薄，裏面嘅湯汁暖笠笠，最啱就係降溫呢一啲時候食！裏面嘅肉餡都好足料，唔會太鹹，好鮮味另外我哋揀咗個乾煸四季豆，呢度菜炒得好有鑊氣，四季豆同埋肉碎嘅味道夾得啱啱好，鹹鹹地嘅肉碎又可以中和到四季豆嘅草青味，惹味！操將海舌頭就係我朋友最愛，幾乎性疊都係佢食晒哈哈哈！呢個海蜇頭新鮮，咬落去有爽脆嘅口感，下便啲青瓜超級清爽，呢度菜解膩一流！最後重頭戲係呢煲雲吞雞，上枱嘅時候見到咁大煲都嚇親，裏面有半隻雞，青菜，雲吞同埋金華火腿，個湯係鹹香嘅味道，好滋補！呢間餐廳食過幾次，仍然保持一貫水準，果然冇令我失望！

🔆特色皇朝小籠包（八色）繽紛八色由天然食材提煉而成最推薦蟹粉🫶🏻最好味🔆蘿蔔絲酥餅炸得好香口蘿蔔絲酥餅 蘿蔔好幼細切得 外脆內軟🔆竹炭流沙包必汁嘅奶皇包好友鹹蛋香味 包軟熟香🔆香辣水煮魚魚片用秘製湯汁滾出香氣 再喺下面鋪上細粉鋪上一層厚厚的花椒和乾辣椒 一股濃濃的麻辣香氣即刻彌散開來🔆芝麻醬油麥菜點咗芝麻醬嘅油麥菜 好爽脆新鮮 好特別嘅食法 呢個都係第一次食 又幾好食 👍🏻🔆甜品 宮廷驢打滾清朝嘅著名宮廷食品 現成為北京著名小吃 原來係凍嘅 好香嘅紅豆配上糯米卷沾上黃豆粉

雅緻的上海菜與舒適的餐廳氛圍完美融合。餐廳門口放有精緻的花藝品，整體色調柔和，讓人感到放鬆，為整個空間增添了幾分唯美氣息。餐廳內部裝潢簡約而不失典雅，適合與朋友聚會或家庭聚餐。特式皇朝小籠包這道招牌小籠包有8種不同口味，以薄皮包裹著鮮美的肉餡，湯汁豐富，口感滑嫩。每一口都讓人感受到濃郁的肉香，搭配醋和薑絲，更能提升其風味。蘿蔔絲酥餅這道小吃是完美的開胃前菜，外皮金黃酥脆，內含清香的蘿蔔絲，口感層次分明，令人回味無窮。李白醉雞這道菜以其獨特的醃製技術，雞肉嫩滑，酒香四溢，是一道極具風味的佳餚，讓人忍不住一口接一口。芝麻醬油麥菜麥菜的脆嫩搭配香濃的芝麻醬，清新的口感讓人感到舒適，仿佛在餐桌上增添了一抹清新的氣息。皇朝魚湯酸菜魚魚片鮮嫩，湯底酸香濃郁，酸菜的添加讓整道菜更加開胃，適合喜愛重口味的食客。香煎豆沙鍋餅這道甜品外脆內軟，豆沙餡滑順不膩甜，作為餐後甜點，恰到好處地為一餐劃上完美的句號。每一道菜品都如同藝術品，讓人不僅滿足於味覺，更感受到一場視覺色彩繽紛的盛宴。在這樣舒適雅致的環境中享用美食，無疑是一種享受。

樂天皇朝最經典一定係佢個八色小籠包，8種唔同顏色代表8種唔同既味道，可以一次過滿足每隻味都想試既我😈八色小籠包有原味👉🏻絲瓜👉🏻鵝肝👉🏻黑松露👉🏻芝士👉🏻蟹粉👉🏻蒜香👉🏻川味，由淡味食到濃味，全部都皮薄又多湯汁，一定要趁熱食蘿蔔絲酥餅外層炸得好酥脆，內面既蘿蔔絲仍然好多汁好香甜竹炭流沙包外表平平無奇，但一咬落去熱辣辣既流心奶皇流哂出黎，又唔會太甜生煎包個底煎完好脆，入面個肉餡有啲湯汁，食落無咁dry