樂天皇朝 (將軍澳中心)

营业中

休息中

將軍澳中心裝修左甘耐都係第一次黎，成個環境改左好多，地方光猛左，又多左好多鋪頭，尤其係餐廳！今次試呢間樂天皇朝係小籠包專門店，但係都有好多中菜菜式，也有川菜，主要係滬菜（上海菜）🥰🥰仲有得飲茶🫖，茶🍵種類係普洱茶。水滾茶靚，濃淡適中。八色小籠包係主角，吾叫就好似無左靈魂😄八種色係八種吾同既味道：紅色-川味 （吾算辣，但係有椒麻味道）白色-原味（沾點醋一齊食，味道係最原始，也是最好味道既，先可以成為主打。）黑色-黑松露味（味道係濃烈的黑松露味道，鐘意既話好鐘意個gas味，吾鐘意既話就會覺得太濃烈味道。）黃色-芝士味（真係好芝士，諗住會係芝士湯汁甘樣，但係食落好似係一塊芝士放落去甘樣，味道可以😌）啡色-鵝肝味（聽講有好濃烈鵝肝味）綠色-糟溜絲瓜橙色-蟹粉灰色-蒜香一籠八色的確好吸引，但係每個都係得一個🥲同朋友分享食，所以無法試曬所有味道，我覺得大家想要一個人食曬所有味道既話，建議自私食一籠🥲🥲我都想自己食曬八種味道😄😄😄旁邊的係吾小心比肚餓既我撩左幾下既四川抄手拌麵，呢個有少少辣少少酸，上檯果下有幫你基本撈好左麵，麵好彈牙，色香味俱全，四隻抄手皮簿餡靚，真係好好味😋朋友想食紅燒肉，所以我地

星期五13:30 食午市，大半舖都係吉嘅。叫咗小籠包、口水雞、酸辣湯拉麵、蟹粉小食等六項。點菜時講明湯麵要剪麵一下。最快到係口水雞，一個碗仔份量，賣相唔錯。然後係酸辣湯拉麵到。咁傳菜人員上菜時，我問了一句：「剪咗麵呵？」對方回：「咁你都睇唔到？！」嘩！原來唔問得嘅！其實，答一句「剪咗喇」或者「係呀」唔係更簡單咩？仲咩要語帶挑釁咁回應？好，有麵食就開始食雞。撩開見到少少粉紅色，我明蒸雞有時近骨的肉會啲啲粉紅。但睇清楚…原來血水都响碟底，唔係紅油。🫣😱又係頭先嗰位服務員，我話：「好唔熟喎⋯⋯睇下」佢話：「係咁㗎」有另一位員工問咩事，我話：「好唔熟，有血水喎」咁呢個服務員話：「不如同你取消啦，因為再整一份都可能係咁上下」好啦，取消啦，可惜啲，仲一心想食口水雞。再點咕嚕肉，但等了十五分鐘先知漏單，咁算數喇，埋單走人！發現漏單嘅服務員不停道歉，其實唔係佢嘅錯，佢冇接我order, 會一都好有禮貌咁道歉。埋單又多謝多謝。如果另一位服務員可以有呢位一半咁好態度，我回頭再食嘅機會都高啲。蟹粉小食過得去，都係平常菜式小籠包同四季豆水準高啲。

同好友去將軍澳中心聚舊, 見到個好吸睛既彩色小籠飽宣傳海報, 於是便入內試下。餐廳樓底好高好寬敞，感覺貴氣，初步印象已經不錯。打開餐牌, 嘩好多野食都好吸引! 首選緊係皇朝小籠飽, 果然係signature, 共8粒, 每粒都唔同味，亦好好味, 值得推薦! 我特別鍾情鵝肝小籠飽, 淡淡的鵝肝味混入豬肉湯內, 食到味覺的層次感. 朋友就鐘意黑松露味, 佢話味道唔會太搶亦好夾另外試左個皇朝擔擔拉麵, 麵算彈牙，微辣, 可惜湯底唔夠熱。 蔥花皮蛋豆腐， 亦值得推介， 豆腐切片好刀法亦好滑, 加埋蔥花皮蛋好香好好食。貪新鮮試左個上海風味醬鴨， 原來好乾身唔肥膩，但偏鹹， 好友試左一件就無再食啦😅 除了皇朝小籠飽， 最讚係甜品: 擂沙湯丸同埋桂花酒釀丸子。擂沙湯丸的花生碎好香， 入口混和湯丸的黑芝麻糊，好滿足。桂花酒釀丸子亦係好好味， 細細粒的丸子口感煙韌， 伴隨陣陣桂花酒香，令人回味。 餐前小食係栗子加花生， 栗子同花生都炆得好腍， 食得出餐廳對食客的盛意。

又到一年一度大閘蟹當造季節🦀，行過見到呢度新出左大閘蟹餐牌，即刻入黎試下，仲有蟹粉小籠包Tim～最後特地叫左呢個蟹粉雙黃面，黎到都無失望，蟹粉好足料，有好多金黃色既膏同蟹肉，好有蟹鮮味，店員教我地將蟹粉淋上面，啖啖都食到蟹粉，面係脆口，口感既得意同特別，淋上蟹粉之後會索晒汁勁濃味，另外仲叫左最出名既原味小籠包，皮簿多汁，同新鮮蒸好，夠晒熱😋😋仲有酥炸排骨，唔油，入味惹味，次次黎到必點👏👏

🙋🏻‍♂️餓底探員今晚去咗將軍澳調查呢間八色小籠包，呢個小籠包係必食嘅，除咗小籠包仲有多款上海菜式選擇🍽 特色皇朝小籠包 $138📸表示呢個小籠包有8種色，色彩鮮艷奪目，睇見都相當吸睛🙋🏻‍♂️表示個小籠包有8種口味，建議食法係由淡到濃逐一品嚐，原味，糟溜絲瓜，鵝肝，黑松露，芝士，蟹粉，蒜香最後川味咁食，就可以 完全體會到8種獨特嘅口味，小籠包食落鮮甜多汁，咁多隻味入面餓底覺得最有印象係黑松露同蟹粉，黑松露味好香濃，蟹粉鮮味夠突出，令人一試難忘🍽上海生煎包 $45📸表示個生煎包好大嚿，底層煎到金黃色，同雪白嘅頂層形成一個對比，賣相好靚🙋🏻‍♂️表示個生煎包頂層鬆軟，底層煎到好香脆，一啖咬落去食到雙重口感，個生煎包食落充滿香濃肉汁，香口惹味🥟蟹粉鍋貼 $55📸表示個鍋貼漲卜卜好飽滿，同個生煎包一樣底層煎到金黃色，頂層蒸熟，賣相吸引🙋🏻‍♂️表示個鍋貼外皮煙韌，内裡多汁，蟹粉味道鮮甜濃厚，好味到停唔到口🍚鮑魚炒飯 $128📸表示個炒飯一上枱聞到好香，炒飯用砂鍋裝住，頂頭放咗隻鮑魚，睇見都興奮🙋🏻‍♂️表示個炒飯用雞蛋，肉碎等配料炒成，食落有鮑魚汁嘅味道，香口惹味，食完想再食多碗🍲肉絲年糕豬骨湯 $8

樂天皇朝有好多嘢食陳皮五香牛肉（$75）- 真係好考刀功，每片牛肉可以切得咁簿咁平均。雖則陳皮味唔太岀，但整體都好好味。成都口水雞（$88）- 本身問餐廳有無得走辣，但走咗辣又點會係口水雞呢？所以餐廳好好個辣醬另上，咁樣又唔會過鹹同辣，味道啱啱好。個雞肉都好滑好鮮嫩。龍華素鴨（$68）- 呢碟好精緻，個豆皮好有咬口。花素蒸餃（$63）- 一客六件算掋食，裡面菜餡好豐富，脹卜卜！鮮蝦抄手拌麵（$73）- 呢個麵好惹味，但都幾麻辣，唔太食得辣嘅要小心啲～個雲吞好味，鮮蝦大舊又彈牙，多啲就仲好🤣

特色皇朝小籠包 $138有8款唔同味道😍啱晒心大心細嘅我😍一次過可以試晒唔同口味🤤有原味、蒜香、絲瓜、鵝肝、川味、芝士、蟹粉同黑松露，粒粒都皮薄餡靚，鮮甜多汁，我就最鍾意蟹粉味，入口啖啖蟹鮮鹹香，香濃滋味蟹粉鍋貼 $55呢個係季節限定，蟹迷注意⚠️做到今個月尾咋，鍋貼煎得香脆，一口咬開伴隨蟹香，滿滿肉汁，香口惹味雪菜肉絲豬骨湯拉麵 $70湯底清甜，拉麵順滑彈牙又掛湯，加上雪菜肉絲，清淡爽口擂沙湯圓 $45口感煙韌軟糯，軟糯嘅糯米包住香甜可口嘅黑芝麻餡料，非常滿足

樂天皇朝 (將軍澳中心) (將軍澳).▪️醋醬海蜇頭▪️.呢個真係我黎食嘅原動力，海蜇頭爽脆，夠酸夠開胃，伴碟嘅仲要係青瓜.▪️京醬肉絲配薄餅 ▪️.想食薄餅包肉，但原來都有少少甜，肉絲份量勁多！.▪️原味小龍包 (6PCS) ▪️.黎呢到好多時必吃小籠包，十八摺皮薄，入面爆湯💜.▪️酸辣湯拉麵🍜▪️.酸辣湯麵係男朋友好喜歡，貪佢酸辣開胃.📌 樂天皇朝 (將軍澳中心) (將軍澳)將軍澳唐德街9號將軍澳中心地下G31號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

樂天皇朝最出名應該係佢個七彩色唔同味既小籠包。我耐唔耐都會帶呀媽去食下，啲野食幾好味得黎價錢又唔貴。蟹粉小籠包 $138小籠包必嗌架啦。食蟹季節，咁就試下個蟹粉小籠包。全部即叫即蒸，皮薄餡靚。成個擺入口一咬即爆汁，滿口蟹鮮味😋蟹粉鍋貼(3件) $55煎到個底金黃色，係脆架。呢個一咬泌左啲汁出黎彈到件衫🥲真係Juicy到呢😅麻醬油麥菜 $68呢個我每次都會嗌。油麥菜加青瓜。好新鮮，超爽脆。加埋麻醬好夾，簡單得黎好味😋重慶紅油鮮蝦抄手 $78每一粒抄手都好飽滿，蝦肉彈牙，紅油汁酸酸辣辣。皇朝擔擔拉麵 $65好濃厚好香既花生湯底，係幾”結”身，不過我鍾意。

今次去左#樂天皇朝 到食飯依到最出名嘅就係#八色小籠包 ，個我見八色小籠包有川味，驚辣嘅我就決定叫佢嘅蟹粉小籠包先($138)，畢竟依排好興食蟹蟹粉小籠包有紅色嘅外皮，都幾靚，食落都唔錯，小籠包點都係好食嘅然後我地仲叫左個京醬肉絲配薄餅($98)，佢就好似片皮鴨咁，用薄皮包住肉，再加埋佢嘅洋蔥絲，真心幾正。另外我地仲驚唔夠飽，所以我地叫左個雞湯拉麵($93)，湯同麵都好正，而雞湯都有雞，不過啲雞已經煲得太老，所以食嚟都無咩意思😂＊前菜要15蚊，每位茶水要8蚊

細個生日我一定提議食樂天皇朝，因為我好鐘意八種顏色既小籠包，每種顏色代表唔同味道😋。今年生日我老母提議食樂天皇朝，原來老母記得我以前鐘意食樂天皇朝，加上屋企附近有分店，我事隔多年終於再度食到樂天皇朝既小籠包！餐廳裝潢比較平民化，無左銅鑼灣嗰種置身古代宫廷既感覺，不過都坐得舒服。- 京醬肉絲配薄餅肉絲份量好多，同京醬一齊炒變得好惹味。上菜時候薄餅熱辣辣，不過好快放涼左。- 雪菜咸肉炒年糕年糕口感煙韌軟糯，面頭亦沾滿雪菜，不過略嫌唔夠入味。另外仲有鹹香十足既金華火腿。- 炸饅頭炸饅頭口感扎實酥脆，加上煉乳令饅頭無咁乾，同時味道好正😋- 皇朝小籠包皇朝小籠包一共有八種味道，分別係原味、鵝肝、蒜香、芝士，蟹粉、麻辣、人參同黑松露😍。外型細細粒，外皮好薄但好易夾起身，每一粒味道好突出，尤其係鵝肝同芝士。總結而言，皇朝小籠包絕對值💯，其他菜式質素中上。

蟹粉小籠包 $138嚟到樂天皇朝當然一定要試下佢嘅皇牌八色蟹粉小籠包🤩 一打呢籠熱辣辣嘅小籠包，色彩繽紛嘅模樣真係勁吸引，每隻顏色都代表唔同湯汁味道，包括白色原味、綠色人參、啡色鵝肝、黑色黑松露、黃色芝士、橙色蟹粉、灰色蒜香、紅色川味🥟 隻隻都皮薄多汁、款款都與別不同，真係好有新鮮感，岩哂各位中意傳統又創新嘅朋友仔呀🤤蟹粉炒飯 $138未食見到炒至金黃色嘅蟹粉炒飯，已經耀眼奪目🤩 炒飯炒到粒粒分明，配上由大閘蟹身上拆出嘅蟹肉、黃、膏，而製作成嘅香濃蟹粉，蟹粉完全將菜式嘅香氣同埋口感提升到另一層次☝🏻上海生煎包 $45呢碟生煎包雖然同平時食開嘅味道相同🤣 但肉汁上比街邊更為juicy，而且包包都十分之有彈性，新鮮出爐即食，真係好正呀😆淮揚三絲春卷 $45入口香脆嘅春卷，諗起都會令人垂涎三尺🤤 春卷外表炸成金黃色🤩🤩 食落好脆口，春卷餡料豐富又有正宗淮揚味，好味😜

樂天皇朝 (將軍澳中心)將軍澳唐德街9號將軍澳中心地下G31號舖🌍晏晝過開嚟將軍澳唔知食咩好，見到呢間餐廳之後都想食下上海嘢，裝修得幾靚，餐廳座位幾舒服，服務亦都唔錯，決定入去試吓。🔹肉碎乾煸四季豆炒得好有鑊氣，調味好惹味，肉碎一粒粒有咬口，整體份量雖然唔多但係超好味！🔸上海炒年糕上海嚟講，我就最鍾意食炒年糕，年糕加上黃芽白同埋肉絲，配搭得好好，調味唔會太鹹，年糕又唔會太難咬，好軟糯。🔹成都口水雞口水雞嘅賣相一流，就好似用個碗蓋好，每一嚿都好多肉，骨比較少，原來仲可以加$10轉脾位，味道方面口水汁唔會太辣，好頂癮！🔸宮廷驢打滾呢款甜品喺出邊比較少見，估唔到原來係凍食嘅，糯米入邊包住紅豆蓉，成件事好夾，好軟林林，口感味道都值得一讚。

上星期同屋企人行完將軍澳之後就去咗食上海菜，呢間上海菜嘅小籠包係我至愛，價錢合理，環境同服務態度都好好，食上海菜首選。😛🦀蟹粉小籠包 $138我同屋企人都好鍾意食佢哋嘅小籠包，今次就叫咗蟹粉(⁎⁍̴̛ᴗ⁍̴̛⁎) 一籠有六隻，蟹粉味好出好香。每一粒皮薄饀靚，夾走嘅時候要小心，輕輕一咬就爆汁。🤤 🐷上海外婆紅燒肉 $98紅燒肉係半肥瘦，一碟有六件，紅燒肉唔會好肥，肉質好淋，味道啱啱好。🥲🦀蟹粉炒飯 $138而家大閘蟹當造，佢哋嘅蟹粉炒飯都好多蟹粉，炒飯唔會太鹹，都幾多配料，好好食。😋

樂天皇朝一向出名皇朝八色小籠包，呢日終於試到啦！八款口味包括原味、蒜香、糟溜絲瓜、鵝肝、川味、芝士、蟹粉同黑松露，每個都有唔同顏色，味道亦各有特色！小籠包皮夠簿，夾起又唔易爛，食落充滿湯汁真係好正！另外亦點左五香牛肉拉麵，麵質彈牙硬度剛剛好，牛肉好香又夠稔！最後當然唔少得飯後甜品！宮廷驢打滾：糯米卷裡面包住紅豆餡，外面灑上花生碎，口感豐富，食落真係好煙韌，冰冰涼涼咬口十足。滋補薑茶湯圓：湯圓大大粒，外皮煙煙韌韌，再加上薑湯，暖胃又好味！