樂天皇朝 (將軍澳中心)

营业中

休息中

將軍澳中心個場成日都唔多人，啱晒我呢啲唔想同人迫的人🤭今日想食小籠包，去左將軍澳中心間樂天皇朝食，先講服務，侍應生哥哥服務態度好好，不停幫我地換乾淨碗碟。我哋點左一籠原味小籠包、生煎包、醉雞、蒜炸排骨、一碗擔擔麵及一個上海炒飯🤭🤭小籠包個皮夠薄又少少煙韌感覺，唔係一夾就爛嗰啲，非常好丫！生煎包個包好香好軟熟，無油膩感，又係好鐘意！仲有個醉雞，雖然係冷盤，加上酒味濃，但完全無蓋過雞味，因為雞味好濃，一咬落去勁香雞味👍🏻仲有碗擔擔麵，夠辣又重花生味，但唔係漿口嗰只，好怕啲擔擔麵個花生湯底濃到好似食花生醬咁，漿住喉嚨！基本上樣樣我都好喜愛，一定會返轉頭，下次要食糖水🤣🤣

樂天皇朝岩岩進駐香港果時食過一次,  試左個特色皇朝小籠包, 因為幾個人分食得幾隻味ONLY,  但其實當時係食唔出咩味打咩味, 好似都差唔多味咁, 所以一直印象都嘛嘛既然好似都差唔多味所以今次試原味個皮薄得黎幾有韌性, 好輕鬆就夾得起, 仲要無一個夾穿, 又多湯, 好味。生煎包湯量正常唔算太多, 但個皮幾有彈性,  原來樂天最叻既係整皮, 如果煎耐少少等個底脆多少少就完美。脆蒜排骨就正正常常, 唔算突出醉雞D 酒味好濃, 雞味都OK 四川擔擔麵- 花生都夠又辣辣地幾好食, D麵夠彈牙抵讚, 出面好多D 麵都太林。上海炒飯 -  醬油炒麵都算乾爽  唔錯員工服務好有禮貎, 態度語氣好好。

來到將軍澳和朋友食晚飯，朋友帶我到這間樂天皇朝 ，可以一邊傾計，一邊飲杯茶，一邊食晚飯。最好的是，樂天皇朝除了有小炒之外，還有最受歡迎的小籠包、南北點心、涼菜、熱食、甜品等等。一般酒樓或者中餐館都未必有這麼豐富的食物選擇吧。餐廳環境都坐得相當舒服，起碼沒有酒樓的那種喧鬧聲。➛ 1. 原味小籠包樂天皇朝，又稱小籠包傳奇，相信來得的每一桌食客都幾乎會點一份小籠包。而餐館的小籠包卻有8款口味，我和朋友就比較傳統，喜歡食原味的感覺，原因是可以真正嚐到小籠包的原汁原味，特別是它的湯汁，點一下醋再成個放進口中，湯汁在口中爆出的感覺正正衝擊了味蕾，就是喜歡這個感覺。不過，我下次都會嘗試一下樂天的其他口味，比較一下。➛ 2. 龍華素鴨涼菜就要一款龍華素鴨。素鴨就如由千層豆腐皮製成，食落非常爽口，而且非常清新，食後非常醒胃。➛ 3. 四川辣子雞之後就當然要一個較為重口味的小炒，看到樂天的四川辣子雞是餐館推介，就特別想嚐試一下。首先，辣子雞的味道並不是非常辣的，而是那種愈食愈爽愈開胃的辣度，兼且雞肉弄得非常惹味亦很滑口，令我很想另外再加一碗白飯。➛ 4. 香煎豆沙鍋餅食得上海滬菜，甜點首選絕對是豆沙鍋餅。

喺弱弱的颱風離開前食一籠彩虹小籠包🌪🌈多謝天文台🥹特色皇朝小籠包（八色）$138勁岩打卡嘅彩色小籠包🥰 八隻色分別係原味、蒜香、絲瓜、鵝肝、川味、芝士，蟹粉、黑松露🌈 每隻味都同描述幾似同有驚喜，粒粒都爆哂汁🤤 每款得一粒係友誼嘅考驗😂😂竹炭流沙包 $45一搣開就流哂啲蛋黃出嚟🤤 蛋黃香包身鬆軟，又係要趁熱食🥳無錫鮮肉鍋貼 $38又係勁多肉汁～～～ 鍋貼煎香脆，鍋貼皮煙韌，一咬開入面一大舊肉好足料又香肉汁，好抵食！香煎豆沙鍋餅 $58外皮炸得香脆，中間帶煙韌，紅豆蓉唔會太甜，食完呢個甜品勁滿足🥰 檸檬菊花蜜 $22菊花香味中帶少少檸檬嘅酸味，好清新！可以一試～～由於想試多啲嘢食冇叫主食，但兩個人食完以上食物表示非常飽🤣🤣最重要係好滿足🥰🌈

前幾日去將軍澳中心買野，之後就同朋友食呢間中菜。皇朝小籠包 $138呢度似乎最出名嘅係小籠包，所以我哋冇理由唔叫小籠包食呀。但小籠包有成八款口味，我哋都好選擇困難唔知點解好，於是就叫咗呢個有齊八款口味嘅皇朝小籠包。佢建議呢八款口味跟次序食嘅，依次為原味、糟溜絲瓜、鵝肝、黑松露、芝士、蟹粉、蒜香、川味。真係每款都唔同味嘅，味道好突出，最重要嘅係每件都皮薄餡靚，咬落去爆汁。我個人最鍾意嘅係蟹粉，香濃嘅蟹味同小籠包真係好夾，好想食多幾件。另外鵝肝都好特別，從來冇諗過鵝肝同小籠包可以扯上關係。開陽蔥油拌麵$53呢個蔥油拌麵意想不到地好食，麵質彈牙，蔥油味亦都好香好惹味，另外配埋濃郁嘅湯汁，點一點又可以去一去蔥油嘅油膩感，相當唔錯。上海炒飯$93炒飯都幾大份，每粒飯粒粒分明，炒得有鑊氣。

將軍澳近年多了食肆進駐，有時間也會去逛逛的😆。這次想吃小籠包，看到將軍澳中心有分店，就去吃點東西吧🙈。下午茶時間指定菜單有半價優惠，可以便宜一點吃感覺挺好的。店舖環境裝修時尚，環境舒適涼快。-▪︎新鮮豆漿 HKD$22 | 凍蘋果荔枝茶 HKD$28飲品價格不貴，點杯飲品來解渴一下吧。新鮮豆漿豆味香濃，口感順滑甜度適中。蘋果荔枝茶茶底濃郁，味道酸酸甜甜挺開胃。-▪︎特色皇朝小籠包 HKS$138這個是店家招牌菜式，顏色吸引味道很香，共有八款不同口味，包括：原味、川味、蒜香、芝士、糟溜絲瓜、蟹粉、鵝肝及黑松露。小籠包皮薄多鮮味，咬一口湯汁一湧而出，肉質嫰滑湯汁鮮甜。每一款口味各具特色，可以再來多一籠吃😎。-▪︎皇朝擔擔拉麵 HKD$65這個味道挺香的，聞到花生的香味😚。湯底味道濃郁，味道微辣感覺惹味。擔擔麵麵質煙韌，吸入湯汁挺入味的，裡面有花生粒口感較豐富。-▪︎香煎豆沙鍋餅 HKD$58鍋餅一份有八件，賣相金黃色外皮酥脆。豆沙味道香甜口感軟滑，有外脆內軟的口感，熱辣辣吃的口感較好。-

呢一間位於將軍澳嘅中式料理之前食過好正😎，今日午市就再黎食多次啦🥳.蘿蔔絲酥餅 $45呢一個點心我一直都好鍾意食😆，呢度都做得好好食，外皮唔會太厚又有鬆化嘅感覺❤️.薺菜黃魚春卷 $53呢一個餡料嘅春卷我都係第一次食😋，外皮炸得好香脆，再配上裡面黃魚嘅香味都好正😛.竹炭流沙包 $45流沙包嘅賣相已經好靚🤩，而且裡面嘅蛋黃汁真係多到會流出黎🤤.上海炒飯 $93炒飯粒粒分明😎，豉油皇嘅香氣都特別惹味🔥.宮廷驢打滾 $48呢一款傳統甜品我都係第一次食😍，外皮好煙韌，裡面有紅豆餡料，食完都唔會覺得膩😝

放工同朋友到將軍澳中心食飯突然想食小籠包😆前菜有青瓜飲品叫咗青島啤酒同蘋果荔枝茶上海風味鴨肉唔多勝在夠滋味好適合朋友飲酒配食😋無錫鮮肉鍋貼底部煎到金黃色三件大大件，咬落多汁蔥油餅熱辣辣嘅蔥油餅🥰咬落去酥軟陣陣蔥香撲鼻😋原味小籠包(6PCS)熱辣辣咁蒸出嚟😍皮薄餡靚，肉質鮮美😙皇朝擔拉麵擔擔麵湯底非常出色香濃花生味，叫咗小辣，朋友話好好食😋最後黎個甜品，香煎豆沙鍋餅鬆脆可口，紅豆香甜😋滿足第二個胃

食物質素不錯，上菜速度快，環境衛生不錯。不過酸辣湯麵味道略嫌清淡。八色小龍包中，蟹粉小籠包最美味！但付款時，收銀員把我的信用卡收在自己的口袋，而且態度差，大家要小心！

朋友想吃小籠包，所以我們想起這中菜館。這裡最著名的應該是八色小籠包，我本打算跟朋友每人一籠小籠包，但朋友說想吃雲吞及生煎包，所以我只好點一份小的…這裡的小籠包皮薄餡靚！它們裡頭充滿湯汁，是非常出色、美味的小籠包。我覺得小籠包本身的味道濃淡適中，因此配搭薑絲及醋並不是必要的。下一道菜是鮮蝦雲吞豬肉湯。雲吞很結實足料，味道很傳統，口感亦很彈牙。這是我喜歡的口味。豬肉湯味道偏淡，但配搭著雲吞品嚐，我覺得是合適的配搭。最後一道菜是生煎包。包子外皮很軟熟，不會很黏牙；底部煎得香脆；而肉餡則很水潤。整體來說，這是一家很優秀的中餐館，這裡的食物讓我很滿意！

紅、橙、黃、綠、啡、灰、黑、白，係八色小籠包呀❤️皇朝小籠包$138原味、糟溜絲瓜、鵝肝、黑松露、芝士、蟹粉、蒜香、川味。順序品嚐，味道由淡到濃，每一隻味都有特色，而家賣相仲好「打卡able 」竹炭流沙包 $45上枱熱辣辣，搣開流出香甜奶黃餡。一款唔可以襯熱食嘅點心。😂鮮蝦抄手伴麵 $73抄手嘅蝦肉彈牙，而麵質亦軟硬適中。微辣口味幾開胃，如果鍾意辣嘅就可能要再加豆瓣醬。餐廳座位舒適，員工態度友善，幾適合一家大細用膳。

樂天皇朝以八色小籠包聞名，想當年新開嗰時仲喺銅鑼灣街頭派買一送一嘅優惠吸引咗我同個朋友上去🤪佢嘅下午茶五折真係高質又抵食！佢做緊小籠包、點心、涼菜、湯、拉麵五折。但我喺app訂座就全部食物五折(飲品茶芥除外)，真係超值！🔸招牌原味小籠包6隻(原價💰68)(8/10)以前食過八色小籠包啦，都係覺得原味嘅小籠包最好食。小籠包黎講，佢真係做到皮薄餡靚，又多湯汁，而且個皮真係唔會爛。👍🏻🔸上海生煎包3個(原價💰45)(8/10)上面係軟熟嘅包，個底煎得好脆，入面又係面一大舊好多汁嘅肉。🔸京醬肉絲(原價💰93)(7.5/10)面啲皮包住啲肉絲，幾夠味，不過如果多啲京蔥就好。🔸上海炒年糕(原價💰93)(7/10)好足料嘅年糕，好多菜、肉、少少菇。不過唔係幾夠味，可以鹹多啲啲。招呼可以，地方舒適，食物都算有水準👍🏻Overall評分: 7.5/10

想食上海野，第一時間一定係諗起呢間連鎖店，質素有保證👍 仲有佢哋自創招牌八色小籠包，除咗有噱頭之外仲真材實料🫶🏻🫶🏻 將軍澳分店，裝修高雅別緻，座位闊落舒服，襯托出上海菜嘅精緻👏 🌟原味小籠包$68賣相精緻，皮薄餡靚，師傅功力可見一斑，點下浙醋，咬開好爆汁，好香醋味，感覺好開胃👍🌟上海生煎包$45本身係包點愛好者，食上海菜每次必點，皮脆肉滑爆汁，好完美😋🌟皇朝話梅骨$108酸酸甜甜好開胃又醒神，似鎮江排骨又多咗話梅香👍👍 🌟蒜蓉清炒菠菜$68用嘅係菠菜苗，食落唔嚡口，好清甜滑溜，仲有炸蒜點綴，誠意十足👏🌟宮廷驢打滾$48呢個必點，值得推介，甜度適中，口感煙韌，仲有黃豆粉香，一啲都唔膩，真心好味🫶🏻

邊個話中菜一定傳統又古板，呢間靚靚裝修嘅中菜，有大家爭相打卡嘅七彩小籠包💕唔少後生仔同年輕家庭都會嚟食☺️態度仲非常好‼️今次無嗌大家成日嗌嘅小籠包，等我試下其他菜式😈☺️成都口水雞髀 $98雞髀肉好滑溜🌶醬料辛辣而帶果仁香氣。溫度冰涼，夏日之選。京醬肉絲配薄餅 $98肉絲同薄餅分開上，薄餅喺個籠度好適合打卡☺️肉絲沾滿濃濃嘅醬油味，好食。雪菜鹹肉炒年糕 $93年糕好軟糯😚雪菜好香好香，有啲好似茶葉嘅香味，調味充足，我最愛💕每枱除咗有茶仲會有個收費嘅小食，我地嗰日係栗子同豆🌰甜甜地食都唔停得口。

-樂天皇朝 🍽- 之前八色小籠包非常出名個個都要去打卡！小編都好耐冇食要去過下口癮🥹-皇朝小籠包 $138八色小籠包顏色十分吸睛😍要跟住餐廳建議食法由淡到濃當然窮窮既小編唔可以一人一籠兩Share啦🤣原味/絲瓜/鵝肝/黑松露/芝士/蟹粉/蒜香/川味😍個人認為最突出係蟹粉蒜香同川味其他個味冇咁出但係好juicy既 😂-葱油餅 $40呢個必點佢唔係一塊又鞋又硬個d葱油餅！佢係酥脆外層入面包住勁多葱油超香😋-鮑魚炒飯 $128本身掙扎緊要蟹粉炒飯定呢個俾佢個鮑魚吸引左😂個飯係幾入味但如果多d配料炒就冇咁單調因為只係得一舊鮑魚🤣-豆沙鍋餅 $58豆沙鍋餅呢d就算飽死都要叫因為冇食呢個唔覺食左上海野😂-🌟評分:🏅🏅🏅🏅🏅📍地址: 將軍澳唐德街9號將軍澳中心地下G31號舖-#foodieluveat#foodisluveat_hk#foodieluveat_將軍澳#foodieluveat_上海菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfood