樂天皇朝 (將軍澳中心)

营业中

休息中

🥟🍜樂天皇朝🫓🥢好耐好耐無食小籠包，今日得十度，好想揀啲熱野食🤭搵下小籠包店，見到最近有呢間分店就去食啦！🔸 招牌原味小籠包 $68 - 一上枱，熱辣新鮮出哂煙最正！店員好好配番個薑絲醋俾我地。蒸籠用布底值得一讚，好怕用錫紙放住小籠包，一定爛哂穿哂，肉味鮮甜，多汁，一口size，好正！🔸蟹粉豆腐 $138 - 呢個有驚喜，蟹粉味未到好出，不過個茨汁有魚介海鮮味，再有少少醋味，好惹味，提鮮。豆腐好滑，配埋蔥花好香🔸刀切小饅頭 3件（炸）$30 - 炸得香脆，薄薄一層脆面，唔會吸哂油，入面仲係軟熟，配煉奶食好正😆🔸上海炒年糕 $93 - 年糕處理得好恰當，唔係太韌，上海式年糕濕炒，配菜同京醬肉絲，整體好好味！好耐無食樂天皇朝，以前食過佢八色小籠包，都好出色，多人食嗌兩籠都唔過份。環境保持到乾淨整潔，坐位闊落，水準高☺️

(自費食評) 賣相吸引的八色小籠包😍今天我們來到樂天皇朝吃晚餐，今天來這裡吃晚餐的原因是來吃他們的招牌菜八色小籠包樂天皇朝八色小籠包，這是必食推薦給大家網友們一定要吃的相信你們已經被它們的美味賣相吸引了他們八色小籠包的味道其中分別是共有原味、絲瓜、鵝肝、黑松露、芝士、蟹粉、蒜香及麻辣八種不同的口味和香味。其中我覺得，芝士，黑松露是最好吃五香牛肉拉麵，牛肉不夠多不過幾OK皇朝擔擔麵，不夠辣，麻麻地鍋貼，普通

上海菜在香港越來越流行同普及，現代化裝潢，令上海菜唔再係老一輩先會食，年輕人偶然都會想食，加上餐廳不時推廣特色菜式，非常吸引上海生煎包($45)💕熱辣辣生煎包有3個，麵包鬆軟，包底部煎過非常香口，肉餡非常juicy，食完一個都已經好滿足無錫鮮肉鍋貼🥟($38)💕鮮肉鍋貼係上海嗰種，唔係平時台式鍋貼，餃子皮比較有質感，肉質鮮嫩多汁，要趁熱食香辣蒜泥白肉($83)💕 蒜泥白肉擺盤好精緻，一件一件白肉包住青瓜絲🥒放好加上辣醬，口感極佳，配上辣醬非常惹味蝦仁🦐酸辣湯拉麵🍜($75)酸辣湯拉麵加埋蝦仁呢個配搭幾特別，一次過試到酸辣湯又食到拉麵，加埋蝦仁又不會太單調。麵質唔錯，酸辣湯偏辣，冬天食真係一流上海風味醬鴨($63)醬鴨算是醃製小食，每一絲鴨肉都好入味，感覺食緊上海傳統風味小食

百吃不厭的餐廳 樂天皇朝，極鍾意食粥粉麵飯小籠包包點嘅我，呢間餐廳係我最常吃的。價錢唔會好貴，食物種類味道適合我，而且唔使等位地方寬躺，服務態度都不錯。必食推介 小籠包 （但個醋有d唔夠濃）炸饅頭 蒜蓉菠菜 咕嚕魚塊、鮮蝦抄手拌麵 ，上海炒年糕，幾乎全部都鍾意食咁😂 非常適合一家大細黎食。 好過食酒樓。下次要試吓個素鴨。可以試吓下午茶時段，幾抵。味道: 8/10環境: 8/10服務: 8/10人均消費：150-200

✨將軍澳港鐵站出口, 連貫咗幾個商場, 各類商舖應有盡有, 真係可以逛足一日🛍️商場內好多新派食店進駐, 到咗醫肚仔嘅時間, 真係揀到眼花繚亂😆😍見到“樂天皇朝“就會想起佢哋嘅“特色“小籠包, 之前在旺角分店試過下午茶, 感覺良好🥰 咁啱路經這裏有分店, 趁機再回味一下😋💫店內新派嘅裝修, 燈明几淨, 座位舒適闊落, 超有喜感🥰✨特色皇朝小籠包（8色）$138🌈顏色吸引, 熱辣辣上枱, 見到令胃口大開😋8款味道包括：招牌原味、蒜香、糟溜絲瓜、鵝肝、川味、芝士、蟹粉、黑松露😍小籠包皮薄肉味鮮, 湯汁鮮甜, 味道分明各有特色, 一次過滿足晒唔同嘅口味, 味覺爆燈👍🌟雪菜鹹肉炒年糕 $93鹹肉配口感煙韌嘅年糕, 味道絕配唔油膩😋🥟無錫鮮肉鍋貼（3件）$38肉質餡料鮮甜夠肉香, 皮底煎得香脆可口🌟宮廷驢打滾 （3件）$48上面灑滿花生碎粉, 糯米卷捲著紅豆蓉在內, 口感似係食擂沙湯圓嘅感覺, 味道清甜💕

5大1小佢每碟餸嘅份量岩岩好唔會太多太小1）上海炒年糕 覺得最好食😆 雖然好多油但塊年糕 唔會硬 2）素鵝個人覺得太甜 3）醉雞味道幾好 雞都滑 4）蘿蔔絲酥餅由細到大都鍾意食， 多啲蘿蔔仲好價錢正常 但見佢下午茶好抵下次可以2:30-5:00食

新年快樂💝 今日到屋企附近一直都好想試既上海菜餐館樂天皇朝。尤其是係招牌八色小籠包，睇落好吸引。⭐招牌八色小籠包（$138）⭐ 小籠包來頭唔少，曾經仲攞過獎。餐廳好貼心預備咗一張小紙條，介紹班八隻嘅小籠包，唔同顏色有唔同嘅味道。 蒸籠底舖左濕布，令小籠包更保濕冇咁容易變乾。今日一試大跌眼鏡。外貌而言， 只係唔同顏色嘅包子，冇吸引之處。 味道尼講，竟然冇一隻好食。 芝士味道有啲似原味，唔係好食到芝士味道。 另外聽落去好吸引嘅蟹粉小籠包，味道都好普通， 沒有鮮甜味。黑松露味道怪怪，同平時食開嘅黑松露味有少少出入。而且個皮又韌又厚，夠膽講普通茶樓都比佢整得好食。⭐酸辣湯麵⭐冇諗過都幾抵叫，有塊面咁大碗，賣相都幾吸引， 個碗好靚。味道中規中矩， 酸味不夠，但辣味有勁。 碗麵好足料， 裡面有木耳絲，笋 ，蝦仁，豆腐等等。個麵幾爽口，麵條幾好食。⭐生煎包（$45/3）⭐呢個算係最失望的，比起唐記嘅生煎包更加難食。首先生煎包完全唔脆口，沒有香煎味道。合上隻眼食覺得自己食緊普通嘅菜肉包咁。而且餡料比得好吝嗇。⭐豆沙鍋餅⭐完全沒有酥皮香味，皮厚到咬又唔開，唔夠爽脆。但個紅豆餡整得幾香滑。

秋冬限定嘅蟹粉餐單蟹粉炒飯$138滿滿金黃色嘅蟹粉同蟹肉飯底用咗蛋炒飯 份量都好夠撈埋個飯 真係啖啖香濃蟹粉紅油抄手$65/6粒絕對係必點小食之一!!!紅油唔會好辣 再加上甜甜地嘅醬油超惹味 最上層配有炸蒜同香蔥 食落好香口同男朋友每人三隻其實真係唔夠喉(⊃｡•́‿•̀｡)⊃刀切小饅頭(炸)$30/3pcs饅頭炸得香脆 內裡鬆軟食落唔會油膩 點埋煉奶一齊食 甜甜地更好味京味炸醬麵 男友最愛嘅麵 佢鐘意食嘅程度係要直頭加個淨麵底落去撈醬料調得剛好 帶有一點點微辣 香香甜甜 配有蔥同肉碎粒粒所以每次嚟就成為必點嘅麵啦 ♡´･ᴗ･`♡📍樂天皇朝 (將軍澳中心) (將軍澳)將軍澳唐德街9號將軍澳中心地下G31號舖

講起中菜的惹味小炒😋仲有南北點心甜品🍮還想食埋小籠包‼️我第一時間就會諗起新加坡樂天皇朝😎係青衣都食過幾次，估唔到將軍澳中心都有🥰🥢川味小籠包 $88之前食開原味小籠包，今日我哋叫咗川味顏色鮮艷😋花山椒麻辣口感 皮薄多汁 一樣沒有令人失望🥢沙拉排骨$108 這個份量可以3人共享😂係超值之選👍每一舊肉外面撈上沙律醬，入面肉質厚薄均勻，鮮嫩鬆軟，炸到外皮脆脆地🙀實在太好味🫶🏻🥢京味炸醬拉麵🍜 $70搭上京蔥嘅炸醬拉麵，上面林上大量嘅炸醬+香口微辣🤘🏽加上花生粒 食落好有口感😮‍💨🥢蝦仁酸辣湯拉麵🍜 $75個人鍾意飲酸辣湯，所以呢一個麵一定要食😍材料豐富 酸辣開胃！🥢香煎豆沙窩餅 $58呢個甜品能夠做到皮薄外脆內軟，而且豆沙香甜適中😍加上熱辣辣的口感⋯ 不是任何地方都可以做到👍

樂天皇朝 📍將軍澳唐德街9號將軍澳中心G31號舖樂天皇朝最出名8色小籠包♥️打卡一流今日同屋企人Encore🤭原味小籠包～夠哂原汁原味～👍🏻。原味小籠包 $68 / 6粒皮薄餡靚🤭爆多肉汁~食落好juicy 從透明玻璃睇到廚師～即叫即蒸上碟熱辣辣🔥配埋薑絲同香醋食一流。蟹粉鍋貼 $55 / 3隻外皮煎到好香脆～食落有蟹油🦀香味同小籠包一樣～爆多肉汁店員好細心～提醒係岩岩煎起～要小心辣口♥️值得一讚👍🏻。聞香蔥油餅 $40 /2件 呢個超好味🤤～外皮鬆化～非常酥香～食落蔥油味濃～。揚州炒飯 $93雞肉、蝦仁、叉燒、炒蛋、蔥飯粒🍚粒粒分明～食落唔會太乾身炒飯乾濕度到恰到好處～夠鑊氣👍🏻。香煎豆沙鍋餅 $58即叫即煎～外皮香脆～豆沙餡幼滑。茶位 $8/位。小食 $15 ～環境舒適～座位闊落包點水準非常高👍🏻值得再次encore

2022-12-13同女朋友去咗將軍澳食晚飯🍚去咗主打食粵菜樂天皇朝👑來自新加坡嘅中菜館🇸🇬第一次試吓依間過江龍🐉餐廳裝修得好典雅輝煌😃有少份聖誕嘅裝飾🎄🎄店員安排坐四人座位4️⃣我哋點了，皇朝八色小籠包，138蚊籠（八款口味），餐廳嘅招牌菜式，外皮採用純天然色素製作，由淡味到濃味，味道都各有不同，每款小籠包色澤都鮮明😋原味：白色皮簿又多汁，肉肥瘦均，湯汁勁多🥰糟溜絲瓜：抹茶綠色皮，嫩順口嘅絲瓜，有種清新醇厚口感🧼😊鵝肝：棕色皮，食到鵝肝少量油香味🦢😗黑松露：黑色外皮包住黑松露，松露帶出香濃嘅味道♟☺️芝士: 黃色皮，鹹香嘅芝士味，唔會太膩🧀☺️蟹粉：橙色皮，蟹粉味都幾濃郁🦀🥰蒜香：灰色皮，蒜泥超重蒜香嘅味道🧄🥰川味：淡紅色皮麻辣惹味，花山椒麻辣口感，最後作結尾好滿足🌶🥰京味炸醬拉麵，70蚊碗，勁大碗炸醬拉麵，淋上大量炸醬，京蔥絲，拌勻嚟食，炸醬嘅香濃，搭上京蔥嘅清爽，滋味無窮🥰沙拉排骨，108蚊份，沙拉骨份量都好多，大約有十多嚿，每一嚿肉排都有薄薄嘅沙律醬，肉質細嫩，炸得好鬆軟，好好食🍖😋擂沙湯丸，45蚊份，擂沙湯丸內藏黑芝麻流心餡料，食到花生粉同黑芝麻嘅香味，口感軟腍腍，飯後甜品唔錯嘅選擇

星期一唔想煮飯決定帶阿媽去食小籠包😋 其實間唔中都會掛住呢間啲小籠包 同埋小菜 已經食過幾次🥟特色皇朝小籠包 $138嚟到呢間一定要叫最出名嘅八色小籠包啦因為有齊八款口味 而且會有張紙仔 建議你由邊款口味開始食起最好招牌原味 ，糟溜絲瓜，鵝肝，黑松露，芝士，蟹粉，蒜香，川味個人最喜歡當然係蟹粉小籠包！因為真係啖啖蟹粉香 而且充滿湯汁 好Juicy😋🥩京醬肉絲 $98一共有六塊皮俾你包住 然後肉量都算合理 因為可以每片包到脹卜卜味道偏甜 都算濃味 果然係上海菜 比較甜 適合鍾意食甜嘅人🍞刀切炸饅頭 $30食上海菜點心 點會少得炸饅頭！呢個真係最愛炸饅頭炸到金黃色 外脆內軟 真係叫多一碟我都可以食得晒🤣🥞香煎豆沙鍋餅 $58最後甜品係媽咪喜歡嘅豆沙口味豆沙餡唔會太甜啱啱好 不過略嫌個外皮硬咗少少 有少少黐牙最後見到隔籬枱叫咗個燉雞湯 可惜今次太飽如果唔係下次有機會都想試吓

這天跟朋友品嚐上海菜。我們比較早吃飯，所以餐廳人流不多，環境很幽靜。飲品方面，餐廳提供熱茶，但因為冬天乾燥，所以我們額外點了菊花蜜。這個菊花蜜非常滋潤，非常適合驟冷的季節！雖說這裡的八色小籠包非常有特色，但我還是最喜歡原味小籠包。小籠包皮薄，餡料多，真的很美味！揚州炒飯很乾身，蝦子數量不算少，味道不錯，整體是很出色的炒飯！最後是京醬肉絲配薄餅。我覺得這個配搭是美味的，大概透薄的餅皮與香濃的醬汁永遠都是動人的組合吧！

樂天皇朝喺香港有幾間分店，而將軍澳依間分店開咗一段時間我成日路過但都未入去幫襯過。早幾日放工後同屋企人想搵間坐得舒服啲嘅餐廳食飯又想食中餐，於是就入去試吓！將軍澳分店坐得幾舒適，座位與座位之間距離寬闊唔會好逼夾！而且光線夠光猛！(之前去利舞臺分店覺得燈光好暗🫢)提起樂天皇朝，相信大家都會諗起佢個招牌菜八式小籠包！但我今次就冇食八式小籠包，因為同媽咪都想食蟹粉同原味所以嗌左每樣半打唔洗爭~熱辣辣即叫即蒸小籠包真係好好食！個皮都比較薄裏面有好多湯汁！好彩我好屎嘅「筷子功」都冇整穿成功地一啖食晒😆生煎包都煎得幾好食，入面都幾多肉汁！雪菜黃魚煨麵我就覺得份量有啲少！個碗就好大😂不過味道唔錯，魚片好滑👍🏻湯底都有魚味! 夠清淡!最後想讚下依間分店嘅員工服務很好很有禮貌👍🏻一間舖頭就算幾好食，但係服務態度唔好都唔會再回訪！有好嘅服務態度真係好重要😌。。❤️多謝大家支持 Eyefoodfood喜歡呢個post就記得要like同收藏啦💛

喺將軍澳想食好味小籠包樂天皇朝係不二之選餐前小食一樣美味花生同栗子炆得非常軟淋入味樂天皇朝每粒小籠包都經過精雕細琢粒粒重量一致外皮巧手十八摺皮薄但不易穿內饀清甜湯汁豐富即使只係原味小籠包都已令人留下深刻印象除左小籠包樂天皇朝嘅拉麵都好好味紅燒扣肉拉麵豬骨濃湯湯底清甜扣肉入味肥而不膩入口啖啖肉😋拉麵有嚼勁四川抄手拌麵四川抄手唔辣肉餡豐富拌麵用上陳醋又香又酸好過癮！見天氣稍涼食多個滋潤糖水桃膠圓肉湯糖水濃稠桃膠滑溜再加上圓肉紅棗等等滋補溫暖😊入秋嘅蟹味菜式下次試～