樂天皇朝 (將軍澳中心)

营业中

休息中

二訪呢間京滬菜，佢主打小籠包同上海點心，抵食而且好高質！佢嘅小籠包好講究，每粒都有18摺，皮薄多汁，夾起身都唔會咁易爛，每粒都有25克重，每粒都係店舖即場製作，有返咁上下水準！佢哋仲有個招牌特色皇朝小籠包，有齊原味、川味、蒜香、芝士、糟溜絲瓜、蟹粉、鵝肝、黑松露各一粒，可以一次過試晒八種口味！‼️佢下午茶時段小籠包、點心、涼菜、湯同拉麵有半價，真係勁抵食！------------------------------🦆◖上海風味醬鴨◗ $65一個禮拜咁細細份，啲醬料醃得好入味，香料味好濃郁；鴨肉嘅口感實淨，外皮煙煙韌韌咁，都幾惹味，但味道偏鹹，建議可以同佢嘅拉麵一齊食！🐖◖招牌原味小籠包◗ $72有六粒同埋十粒揀，今次叫咗六粒，每粒都大大粒，外皮超薄，夾起身都唔會穿！裏面嘅肉餡肥瘦均勻，食到有啲肉嘅粒粒感，肉味都幾濃郁，湯汁飽滿鮮甜又唔會油膩，推薦！🍄◖黑松露小籠包◗ $138叫咗八粒，黑松露味嘅小籠包真係勁吸引！咬落去，啲湯汁爆出嚟，黑松露香味好濃郁仲有淡淡的鮮肉味，食落去口感脆脆地，佢嘅餡裏面都有唔少黑松露混合，都幾足料，都係必試之選！🥠◖蘿蔔絲酥餅◗ $48一碟有三件，外表做得好精緻

依個$148嘅蔥爆, 份量少到如果唔係我親自去攞，真係會以為係速遞員偷食.....🤨 係咪搏外賣客唔會行番落去投訴? 有冇人可以分享下堂食係咪會多啲牛肉 無咁可憐?食物質素係高既，牛肉係好食，其他小菜亦唔錯，但普遍偏咸, 健身/健康控唔好試，high sodium, 會水腫. 尤其 蒜蓉炒菠菜食完會好口渴.

今日去開將軍澳,好想好想食小籠包,咁樂天皇朝就真係好出名同埋好好食,鐘意佢皮好薄,而且又夠肉汁,真係完全滿足我既願望~今次就點左原味小籠包,不過之前食八色都好正既,任君選擇。蒜香排骨豬骨湯拉麵佢炸得真係好好呀,而且肉汁仲保留左你度,咬入去一D都唔乾,你會令你想食多幾塊既,每塊豬上面都有蒜香,見到好細心既安排。春卷炸得好香脆,而且入面有魚同菜,又真係好健康同香口既春卷,值得推介。菠蘿咕嚕肉肉汁鮮甜,仲有新鮮菠蘿,係我最愛既小菜之一。仲叫左杯蘋果圓肉茶:香甜、足料,幾好味好滿足。

🍴皇朝小籠包 $72第一次試招牌小籠包，味道簡單但好驚艷！真係做到皮薄多汁嘅效果，枱面仲有薑絲同醋點嚟食，可以令到味道更加昇華，我唔鍾意薑就咁食原味已經好好味。🍴川味涼皮 $58 & 上海生煎包 $45叫咗一凍一熱小食，涼皮晶瑩通透帶少少彈牙，同平時街邊小店嘅涼皮店完全唔同口感🫶🏼生煎包唔會太油，包底仲有少少脆身，不過我自己就鍾意食薄皮嗰種多啲。🍴鮮蝦豬肉抄手拌麵 $75抄手除咗有菜肉餡，仲可以揀豬肉蝦，我哋揀咗豬肉蝦餡都好大粒，個拌麵加咗醋撈埋食唔太油膩都幾開胃😋🍴李白醉雞 $88本身醉雞要加$10先可以轉雞髀肉，但係無轉都有一層雞髀肉，另一層雞胸肉🤭都好香紹興酒味同埋仲保持到嫩滑🐤

👧🏻😋👅🍽✨小籠包專門店但其他野都好好食🥰-樂天皇朝 🇭🇰 將軍澳唐德街9號將軍澳中心地下G31號舖 🇭🇰-👑樂天皇朝最出名小籠包, 望一望個餐牌原來其他嘢都好吸引, 同埋果真好好食😍👑裝修金碧輝煌, 座位舒服, 服務周到👍🏻-🌈特色皇朝小籠包 $142💯餐牌同枱面有張紙仔指示由淡味到濃味食八隻小籠包💯原味, 青瓜, 鵝肝, 黑松露, 芝士, 蟹粉, 蒜香, 川味, 其實每款都係expect到既味道, 但每隻味都好突出, 鵝肝仲好少見☺️💯爆肉汁+嫩肉餡真係冇得輸😍-🫓京醬肉絲配薄餅 $108✨好似片皮鴨既食法但入面係肉絲, 啖啖肉唔使點醬, 本身已經用京醬炒過, 同中式薄餅都係好夾- 🥠蘿蔔絲酥餅 $58💯已經攤左一陣先食都係避唔到焫親條脷既命運🤣 岩岩炸起好新鮮💯蘿蔔絲超滑, 酥皮層層分明, 又薄又酥脆-🥟蟹粉鍋貼 $58✨又一個焫嘴代表🤣 佢既爆汁程度同小籠包有得揮✨蟹粉蟹汁超級濃郁, 煎脆既皮就係鍋貼既特色, 外脆內軟正-🍡宮廷驢打滾 $48💯一個凍既甜點作結岩岩好! 糯米皮包住紅豆蓉捲左好多層, 再沾上黃豆粉, 香甜軟糯-🥜小食 - 花生栗子 $20✨煮到超腍既花生同粟子, 個

是晚過左黎將軍澳，呢邊都幾多野食朋友話想食小籠包，便試了這間餐廳雖然幾多人等位，但係人流入得好快是自助拎飛的形式，拎飛等左一陣仔就有侍應帶位一入店，是一個很大的大廳，坐滿晒人侍應帶左我地入去較入既位置，原來仲有一個空間，是小廳的形式，容納的人數也不少餐廳的裝潢都算幾富麗堂皇天花裝了墜下的白色吊燈﹑餐廳的牆身掛了不少花花的畫畫整體是用了比較柔和的橙色﹑淡啡黃色為主色調，幾和諧舒服的感覺，當中也帶點懷舊味道坐位的安排也不錯，枱與枱之間也有適當的空間我同朋友兩個人可坐到一個４人的枱服務方面，侍應普遍都幾有禮貌舉手落單加水等等對應都快而且我見到部長都會特意望下客人有咩菜未黎，跟進力不錯食物味道方面，叫了４個菜，我和朋友都好滿意特別對上海風味醬鴨比較難忘朋友平常不太吃鴨鵝的，他也對這菜的味道讚賞不絕！價錢對比返味道﹑服務同環境，覺得性價比不錯一定會回頭的店！有menu 牌睇然後有一張黑白紙俾食客圈食物落單的形式坐低會有一小碟小食，同埋會開一壺茶➽小食 $15幾欣賞呢個小食有花生同栗子, 重點佢醃得好入味, 花生同栗子超腍身小食前菜黎講，都算做得有點誠意➽醋醬海蜇頭 $88用的是海蜇頭, 狀呈一片

香港有多上海菜館，而這間<樂天皇朝> 性價比亦很高，亦是我最常與家人到訪的一間餐廳-🔸招牌原味小籠包 $72外皮厚薄適中，承托著包內熱騰騰的湯汁！ 肉質鬆化及肉味香濃。 一口放進嘴裏滿是爆汁的滋味-🔸紅油抄手 $68最正就是微辣濃香的湯汁！ 外型類似餛飩，皮薄潤滑，豬肉豐富，十分滿足-🔸鮮蝦豬肉雲吞豬骨湯拉麵 $85雲吞粒粒飽滿，餡料有豬肉、鮮蝦及木耳碎，拉麵口感順滑-🔸皇朝擔擔拉麵 $68麻醬辣油，濃郁鮮香，還配上香蔥花生碎，添口感層次-🔸香煎豆沙鍋餅 $58外皮煎炸得又香又脆，豆沙餡香滑軟糯，即叫即整，夠熱夠香

好耐無食過了，今次叫左同平時唔一樣嘅食物，試下新菜式前菜粟子花生，夠淋，好入味1️⃣原味小籠包皮薄，多湯唔辣口，肉質滑2️⃣肉碎乾扁買季豆豆夠林，無青菜味，肉汁濃，配豆好味3️⃣蟹粉炒飯蟹粉味好香，一上枱蟹粉味撲鼻，入口香滑，飯軟身，蟹粉汁足夠成碟飯均勻有汁，仲有陣陣餘香4️⃣無錫鮮肉鍋貼底皮香脆，肉質鮮嫩又多汁 好味5️⃣檸檬薏米水淡淡嘅薏米水配上檸檬，感覺好清新舖頭樓底高，好有空感星期一都滿座，食物質素唔錯開心愉快開始新一週

突然間好想食上海菜，即刻諗起呢度❤️<刀切小饅頭(炸)>充滿左童年回憶🥰饅頭炸到脆卜卜，dip煉奶食係正！<芝麻醬油麥菜>推介！用青瓜包住油麥菜，咬落非常之爽口，一啲”草青”味都無，好refreshing，dip芝麻醬係perfect match!<京醬肉絲配薄餅>次次黎都必點佢！薄薄嘅crepe包住甜甜哋嘅肉絲，食幾多塊都覺得仲想encore😂肉絲亦唔會過油👍🏻<龍華素鴨>推介，味道帶少少甜，係好開胃嘅前菜👍🏻<桂花酒釀丸子><桃膠紅棗桂圓湯>最後點少得甜品🥰2款甜品都超足料

難得放假要獎勵下自己食好少少，呢個港島九龍新界都有既店，每次經過都比佢果8隻唔同色既小籠包吸引住，今次決定同屋企人一齊去食下順便食個點心嘆下茶。茶錢就$10位，價錢上都還好唔算好貴。特色皇朝小籠包 $142/8粒呢款係餐廳主打既特色小籠包，蒸好後熱辣辣放上檯面出晒煙，一籠有8粒，8粒唔同既口味，食法既次序亦都有分先後。味道由上而下原味：皮唔太厚，帶有煙韌既口感，肉汁好飽滿，咬開滴晒d湯汁出黎絲瓜：呢個幾特別，絲瓜好爽口好脆，味道幾清個口感幾有層次鵝肝：味道唔會特別腥，口感滑身，幾濃既肝既黑松露：呢個係食到中段一個小衝擊，因為個黑松露味直接係個口到爆發d香味出黎，好完呢粒會想回味一陣先再食下一粒芝士：直頭有芝士粒係入面，芝士既香味好濃，個感覺似係食緊芝士火鍋咁蟹粉：蟹粉濃香，鮮味而且黃油滲晒出黎蒜香：尾二既小爆發，滿滿既蒜香包圍住晒成個口腔川味：最後既大爆發，川味既辛同麻辣感完全係衝擊住味蕾，作為結尾既味道，味道同刺激感持續唔斷續，好食好特別薺菜黃魚春卷 $55/3件好特別既內餡，春卷炸得好脆好香口而且唔會炸得過份，黃金色一條既春卷炸既時間拿捏得非常好。春卷皮薄多層內外都夠脆身，內餡選用

若果想吃平民化的上海菜，我和家人經常都會到附近商場的樂天王朝吃晚餐，他的晚餐非常多元化選擇，大家都可以各自點自己喜歡的菜式，滿足所有人的口味！他的蝦仁酸辣湯拉麵，酸酸辣辣，非常開胃，喜歡吃酸辣湯麵的不妨一試，但這個是偏辣，要吃得辣才好點哦！另外他的鮮肉鍋貼，都是非常多汁，而且煎得熱騰騰，感覺不會很乾，非常美味！我也很喜歡吃他的刀切小饅頭，因為外面的皮脆卜卜，再加上煉奶一起吃，甜甜的我很喜歡！❤️❤️❤️

今日約左個好耐無見既朋友食lunch，始終太耐無見既關係，我地都想搵間坐得舒服少少既餐廳，朋友話之前試過呢間，覺得價錢、地點同環境都好適合。我地入到餐廳，職員好有禮貌地帶我地入座，好彩餐廳唔算太多人，環境同燈光都岩岩好。一打開個餐牌，見到勁多款食物，我同朋友都心大心細左好耐，因為好多我地都好想試下，最後我地都揀好左以下食物：糖醋魚片糖醋汁調配得岩岩好，酸酸甜甜，魚片好厚，完全係啖啖肉，配上鮮菠蘿同青椒，食落非常爽口同解濟，係一個好好的配搭。紅油抄手個人認為係必點既小食，有五大粒，食落非常爽口彈牙，面頭配上炸蒜同香蔥，配上特製香油汁，唔會覺得好油，反而重愈食愈開胃！風味沙拉排骨外皮炸得好香脆，食落肉質好嫩滑，食既時候重要係熱辣辣架，加上個沙律醬汁好好味，食落甜甜地，感覺上無咁熱氣，我同朋友都忍唔住叫左個飯食。

香港探店｜將軍澳｜上海菜｜樂天皇朝許久沒有回上海，之前認識的朋友介紹我來這一間 #樂天皇朝，說他們的 #上海菜真的很地道❤️皇朝#小籠包剛剛吃了一口好吃的小籠包，真的是讓我感到非常驚艷！外皮白皙薄脆，包裹著熱氣騰騰、鮮美汁液的肉餡，一咬下去就能夠感受到滿口的鮮美味道。而且，小籠包的造型也非常可愛，每一口都是一種小小的驚喜。我覺得，小籠包不僅僅是一種美食，更是一種文化和傳統。#上海生煎包吃過生煎包之後，我必須說，它們真的太好吃了！這種小小的包子，外脆里嫩，包裹著鮮美的肉汁和香味十足的蔥姜，簡直是一種完美的口感享受。每一口咬下去，都能感受到汁水的爆發，讓人垂涎欲滴。#上海炒飯是一道經典的上海美食，我吃完後感覺非常滿足。這道菜以米飯為主食，醬油和調味料，味道非常美味。炒飯的米飯口感軟糯，而且與其他配料完美融合在一起，讓人吃起來非常過癮。此外，醬油和其他調味料的味道也非常好，讓整道菜的味道更加豐富。#宮廷驢打滾這款甜品真的十分軟糯，感覺就像是麻薯一樣，中間加上了甜甜的紅豆餡料，外面灑上了花生碎，真是甜品界的 #天花板。——————為食分界線——————📍 樂天皇朝 (將軍澳中心) (將軍澳)將軍

午市套餐好抵食，有二人餐、四人餐及六人餐，我哋揀咗二人餐$198 。二人餐有涼菜、小炒、蔬菜、飯麵類各一。兩個人食相當豐富。坐低揀咗熱茶，另外仲有前菜係花生栗子。涼菜揀咗李白醉雞。醉雞份量夠多，賣相夠靚，而且雞非常嫩滑、有酒香。小炒揀咗京醬肉絲配薄餅。京醬肉絲夠晒惹味，肉絲仲有蔥香。用薄餅皮包住食，食法好似食片皮鴨咁。蔬菜揀咗清炒白菜苗，蒜蓉味好香。主食揀咗菜肉雲吞豬骨湯拉麵，雲吞大大粒，入邊充滿菜肉，有五隻。拉麵豬骨湯清清地，加啲辣椒醬好味啲。另外散叫咗小籠包，小籠包皮薄餡有肉汁。

樂天皇朝最出名係八色小籠包，岩岩開業既時候試過銅鑼灣店覺得唔錯，近年分店數目愈開愈多，今次約朋友去將軍澳再食招牌小籠包☺️餐前小食 - 滷水花生栗子 $15 茶 $10店員會先遞上茶同小食，花生栗子好入味，口感軟淋。原味小龍包(6件) $72 黎到樂天一定要食佢嘅招牌小籠包，今次叫左最經典既原味，小籠包皮薄，內裏滿滿鮮甜既肉汁，唔洗點醋都已經好好味！上海媽媽烤麩 $58見餐牌上有廚師推介就試一試，烤麩吸收晒醬汁，味道濃郁，口感鬆軟有彈性，配搭冬菇、金針乾、鮮筍同木耳，好豐富。蟹粉鍋貼(3件) $58估唔到過左秋天都仲食到蟹粉既菜式，鍋貼外皮煎得香脆，一咬開有滿滿既蟹粉同肉汁😍雪菜黄魚煨麵 $98湯底呈奶白色，味道鮮甜濃郁，帶有少少胡椒味，黃魚嫩滑無骨，麵條掛湯有口感，唔會過淋。香煎豆沙鍋餅 $58鍋餅上枱時仲係熱辣辣、外皮厚度適中，豆沙餡好足料，質感幼滑又唔會好甜。