樂天皇朝 (將軍澳中心)

营业中

休息中

如果話"樂天皇朝"嘅名牌係“8色小籠包”肯定冇錯，但其實佢仲有“川味涼皮”和“李白醉雞”等等都係好有質素嘅食品。睇吓個涼皮幾咁晶瑩剔透，一條條，一片片都好掛汁，帶出辣辣的鮮味，辣得來好吸引，好想繼續食，伴碟嘅青瓜絲有平衡辣味的功効。醉雞好滑酒味够，食過幾次都keep住水準👍“開揚蔥油拌麵”，真係好香口，一個濃香白色带有葱粒嘅湯汁睇落好吸引，加啲啲落麵上邊好好味吖；“雪菜咸肉炒年糕”係個正宗上海嘢，亦係今日的主食之一，佢嘅口感柔软、嫩滑，有着独特的弹性和嚼劲，年糕也能很好地吸收雪菜和咸肉的味道，让人吃得好開懷。

今日同家姐去咗將軍澳到行街，順便係將軍澳中心搵野食，決定試下食依間嘅小籠包都有驚喜。原味小籠包 小籠包即叫即蒸皮薄而且有好多汁一啖一口啖啖肉薄皮得黎又唔會好影爆開蟹粉味小籠包 $148 啖啖蟹粉味 而都會有一口湯汁炸饅頭 即叫即炸炸到內脆內軟配上煉奶食真係完美配搭酸辣湯十分出色嘅酸辣湯酸辣適中不過啲配料有啲不足如果可以多啲配料會更好口水雞髀我地加咗$10轉雞髀口水雞相對黎講比較辣雞肉肉質鮮嫩總括嚟講，依間餐廳啲職員好有禮貌，服務質素亦都十分高，上菜速度都好快。

🔸皇朝小籠包🔸 $142來到樂天皇朝，一定要叫皇朝小籠包。這道小籠包有8個味道，餐廳建議根據濃厚程序順住次序食： 原味、芝士、川味、黑松露、鵝肝、蒜香、蟹粉和糟滑絲瓜小籠包，皮薄餡多，肉汁鮮美，一口咬下去，滋味濃郁！🔸皇朝擔擔拉麵🔸 $68皇朝擔擔拉麵麻醬味偏重， 比想像中辣，麵嘅份量算多，湯底鮮美豐富比較杰，必試！🔸沙拉排骨🔸 $118排骨裹著酥脆的外皮，口感十分香脆，肉質也非常鮮嫩多汁，配上清爽的沙律醬，不過油炸食物都係小食比較好！🔸肉碎乾煸四季豆🔸 $88肉碎的鮮味和四季豆的清甜結合埋豆豉，撈飯食一流！如果您想品嚐中國美食，樂天皇朝絕對是一個不容錯過的好選擇。

一講起八色小籠包就知道係樂天皇朝嘅招牌菜，其實我係第一次食。不嬲都好鍾意食川滬菜，所以兩個人都嗌咗咁多嘢食餐廳係用點餐紙落單✨皇朝小籠包 $142想試晒咁多個味道嗌呢個就啱，由淡味開始食到濃味。原味>糟溜絲瓜>鵝肝>黑松露>芝士>蟹粉>蒜香>川味。個人最鍾意鵝肝、黑松露同川味。小籠包皮薄唔易穿，而且有完美褶紋，咬開裡面有鮮甜湯汁流出除咗賣相靚之外，味道都好好✨四川辣子雞丁 $108平時食辣子雞係有骨又碎濕濕，但呢度係無骨雞丁，炸得乾身唔油膩花椒辣椒香味十足，辣度係大部分人都接受到嘅小辣。✨蟹粉餡餅 $68餡餅煎得表面帶點酥脆，肉餡充滿肉汁，蟹粉鮮味。✨上海炒飯 $95睇顔色就知係傳統嘅上海醬油炒飯，珍珠米飯炒得粒粉分明有鑊氣✨上海炒年糕 $93年糕大片口感軟糯煙韌，嚼勁十足唔黏牙。配料有肉絲、黃芽白同冬菇絲，只加醬油一齊炒，簡單但好味。總括嚟講食物質素好高，選擇多而且價錢合理。餐廳座位闊落坐得舒服，適合同朋友或屋企人一齊嚟，下次會再嚟幫襯。

好耐之前已經想食呢間嘅彩色小籠包 呢日同朋友喺將軍澳行完街 唔知食咩好 閒逛之下經過樂天就即興入去食🤣入面座位都幾多 座位舒服 入座後職員會送上熱茶及花生 等大家食住等正餐到🥟八色皇朝小籠包 💰142 第一次嚟冇理由唔叫晒八色試吓 餐廳會有溫馨提示小卡 等大家由淡至濃味順序品嚐 全部都好薄皮 我最鍾意鵝肝味 朋友就鍾意黑松露味 下次嚟可以單點自己喜歡嘅口味☺️⚪️原味 咬落去會爆汁 啲湯好甜🟢絲瓜 感覺好健康嘅菜味 又唔會好青🟤鵝肝 油香感重⚫️黑松露 超香而且入面真係有黑松露🥰🟡芝士 味道較淡 有微微咸味🟠蟹粉 好香蟹味🔘蒜味 好濃蒜味 重口味人士必選🔴川味 辣辣哋 味道有啲似紅油抄手🍜重朝擔擔拉麵 💰68好香麻醬同花生味 微辣 麵條唔會太硬而且掛汁力強 份量都幾多🥟紅油抄手 💰68一份六粒 大大粒好飽滿 酸辣好味🫔薺菜黃魚春卷 💰55春卷皮好脆 魚肉好滑 薺菜味道不太突出🥙上海生煎包 💰48包好軟熟 包底脆脆哋又唔會好硬 餡料充滿肉汁 香而不膩🥜小食 💰15🫖茶 💰20🔔另設加一

我地去左將軍澳中心行街,之後朋友帶左我黎呢間餐廳度食上海菜,呢度座位舒適闊落,梳化位置好多,仲有前菜花生同栗子食,呢間食物款式多,上海小籠包都有好多種味道同款式,我地叫左原味小籠包,皮薄涵足,味道唔錯,即叫即整仲可以睇到廚房既師傅即包即蒸小籠包,另外我地叫左一碟榨菜五花腩炒年糕,年糕軟熟,唔會好硬,花雕醉雞整成一個圓型碗狀咁,雞肉都幾多同埋有雞脾位,仲有叫左一碗五香牛肉拉麵,牛肉好厚切入味,拉麵大大碗。

來到這間餐廳，七彩小籠包可以話係必食之點心！既可以打咭，又係餐廳既招牌菜，七彩小籠包其實有八粒，當中包括有原味，糟溜絲瓜，鵝肝，罴松露，芝士，蟹粉，蒜香，川味原味！每一款各具特色！當然其他的小菜，點心，也同樣出色的

樂天皇朝既小籠包雖然食過好多次 但總系令人回味 間吾中就要去encore😋🥢特色皇朝小籠包 $142正所謂 小朋友先要做選擇 我全部都要！呢個可以一次過食曬所有味嘅小籠包 滿足曬貪心嘅我地🤪 賣相仲好靚 色彩繽紛🌈一共8款包括1️⃣原味 2️⃣糟溜絲瓜 3️⃣鵝肝 4️⃣黑松露 5️⃣芝士 6️⃣蟹粉 7️⃣蒜香 8️⃣川味蟹粉香氣撲鼻 啲油滲曬出黎黑松露配搭新穎 好惹味鵝肝味都好濃郁 芝士味啲芝士溶溶地 流心狀 好creamy 正🤤🐥宮保腰果雞 $98炒得幾干身 椒香味都幾出 啲辣味系曬雞粒 腰果 洋蔥到 食落有啲麻麻辣辣既感覺 好過引😚🍖風味沙拉排骨 $118外層炸得酥脆 內裡肉質嫩滑 加埋個沙律醬 送飯一流👍🏻🍜皇朝擔擔拉麵 $68四川風味 湯底辣辣地撈埋花生醬 好滋味麵既份量都多 好飽肚💭每次食既水準都保持到 小籠包堅系招牌菜 必食🥰另外又有多款上海菜選擇 味道都吾錯❤

餐廳名稱得上皇朝，裝修雅緻高尚、座位寬敞、坐得舒適！staff服務態度亦超好，好有禮貌。估佢唔到，餐廳原來來自新加坡，係屬於新加坡既樂天餐飲集團，但上海菜實在做得好出色！✨️🥢特色皇朝小籠包(八色）$142/8粒👍呢度最出名嘅應該就係佢嘅8色小籠包！完全係佢首創！咁多年都能夠保持到水準，其他地方亦copy唔到,喺出面食唔返！8粒都係唔同味道、唔同顏色，色彩繽紛，令人大增食慾🤩🤤食嘅時候有個次序講究：招牌原味➡️糟溜絲瓜➡️鵝肝➡️黑松露➡️芝士➡️蟹粉➡️蒜香➡️川味跟住呢個次序，就可以更好地體驗每種味道😋小籠包全部都係18摺，皮薄;由於以棉布墊底，都好易夾上黎，冇咁易黐底/穿底。每張枱面已經準備好薑絲同醋，自助使用，自己想落幾多都得。每種味道都濃郁，味道濃烈分明，而且湯汁飽滿清甜、不油膩。絕對係上乘嘅小籠包！難怪長期都係必食小籠包推介榜上有名👍🥢上海風味醬鴨 $65蚊廚師推介之一，例牌size 細細，每人分少少試下最啱😋鴨肉經過醬醃後入味，色澤呈啡亮，醬香濃郁。鴨肉結實而不肥膩，配獨有嘅醬汁好滋味🥢上海生煎包 $48/3個外皮酥脆，內餡鮮嫩多汁，湯汁豐富。🥢竹炭流沙包 $46/3個流沙餡比一般急凍買

🤔呢排去多左將軍澳 就緊係要揾揾有咩好野食發現原來都有樂天皇朝嘅出現其實樂天皇朝講左3次話食都食唔成😞難得今次去到😎點都要叫啲好野食盡去-❣️上海生煎包 $45/3粒3隻包包都大大粒包底煎到好脆脆🥰🥰同小籠包一樣餡多雖然肉汁唔夠小籠包多 不過都係好香口🫶🏻❣️皇朝擔擔拉麵 $68勁耐無食擔擔麵🥺整返個先得花生味勁濃郁 夠曬重🥜🥜帶有少辣🌶️花生味再加上少辣好惹味而麵質又夠爽口 完全入味索曬湯汁❣️招牌原味小籠包 $72/6粒佢地嘅小籠包都算出名唔差所以點都要試試 仲好新穎嘅唔同味道🫣小籠包皮薄餡多 湯汁好清甜先咬一啖飲湯再飲 食6粒真係唔夠喉😎🔥❣️糖醋魚片 $98外皮炸得勁香脆 魚肉厚身🐟醬汁食落有種生炒排骨嘅酸甜😍👀呢種酸甜酸甜配白飯真係一流所以到最後我地都係不敵呢份香味 叫左碗😂

夜晚同屋企人嚟到將軍澳食晚餐，今次去樂天皇朝食上海菜。大約七點去到都已經坐咗唔少客人，都幾熱鬧。座位之間都有足夠嘅空間，餐廳環境亦擺放左一啲中式嘅畫，再加上暖色系嘅燈光同裝修，感覺幾有氣派。食物款式幾多，有涼菜、點心、湯類、熱炒、主食同甜品等等，提供多個選擇。入座會先比一碟前菜，係花生同栗子，夠腍夠入味。原味小籠包($72/6隻)小籠包外皮厚薄適中，幾煙韌，唔會好易穿，鮮肉餡料鮮嫩，湯汁幾清甜💦唔錯~蘿蔔絲酥餅($48)炸得幾酥脆，蘿蔔食到一絲絲，幾清甜👅食落唔會油膩。無錫鮮肉鍋貼($45)鍋貼皮唔會好厚，底部煎到金黃色，夠脆，肉餡調味適中👍🏻有少少肉汁。四川抄手拌麵($75)抄手一共有四隻，皮夠薄，肉質飽滿，菜肉比例均勻，食落幾清爽。拌麵質感腍身少少，幾掛汁，香椒麻味，好易入口👄唔會覺得過濃過膩，會一口接一口咁食😋桃膠桂圓湯($43)可以揀熱或者凍，我就揀咗熱食，桂圓湯清甜，除咗有桃膠同桂圓肉之外，仲有雪耳、杞子同紅棗，幾滋潤👅

原味小籠包（6隻） $72呢間小籠包出名真係有原因！小籠包嘅皮真係非常薄，薄得黎又唔會輕易夾爛。一咬落去，入面啲湯汁就湧出黎，食得出佢好鮮甜。入面啲豬肉緊緻鮮嫩，真係好好食！特色皇朝小籠包（8色）$142呢間小籠包出名嘅其中一個原因就係佢花臣多，有8隻味，個人心目中嘅排名係咁：黑松露>蟹粉>=蒜香>鵝肝>芝士=原味>川味>絲瓜黑松露真係香到爆，就算未咬開都聞到佢嘅黑松露味蟹粉都唔錯，有蟹嘅鮮味蒜香嘅蒜味真係好重，但個人覺得稍微有啲太濃，有啲鹹鵝肝有驚喜，我本身驚佢腥，但食落一啲都唔腥，反而有啲油脂嘅香味芝士我覺得同原味差唔多，比原味多咗陣芝士味川味都真係幾辣，食落有譚仔嘅感覺，佢排後面嘅原因唔係唔好食，只係前面個啲太好食至於絲瓜味就真係唔好食，好唔夾，有陣草味，個人唔太喜歡聞香蔥油餅同普通蔥油餅唔一樣！佢有啲似蘿蔔酥，但唔係蘿蔔，係蔥油，咬落真係好酥脆！好鬆化

晚上去左將軍澳中心搵食， 呢度有間#樂天皇朝 ，都好耐冇食上海野，於是乎便進入開餐囉。餐前小吃是花生🥜加栗子🌰，炆得軟淋入味，食住慢慢選擇食物☺️。芝麻醬油麥菜，第一次食生的麥菜，用青瓜🥒包住，點上芝麻醬一齊食，咬落清脆爽口的很開胃。無錫鮮肉鍋貼 🥟 ，比起小籠包，我地更喜歡食鍋貼，底部煎得香脆，咬落肉質鮮嫩又多汁。鮮蝦抄手伴麵，抄手皮薄料足，拌麵🍜帶有麻香味，撈勻酸酸辣辣，令人食得好開胃。雪菜黃魚燴麵，湯為奶白色，入口有些微魚香味，魚肉滑嫩無骨啖啖肉，拉麵爽口順滑好食😋。

同母親大人去左將軍澳中心撐枱腳，最後決定到樂天皇朝嘆下午茶，原來下午茶而家做緊6折，正呀。上海生煎包：呢個有驚喜，熱辣辣，第一啖咬落去肉汁係爆出嚟，第二口仲有肉汁流出嚟，而且肉嫩多汁。皇朝小籠包：有8種唔同嘅味道，包括原味、糟溜絲瓜、鵝肝、黑松露、芝士、蟹粉、蒜香、川味。我地由原味食到去最濃味嘅川味，每一啖嘅小籠包入面肉汁都好豐滿。鮮蝦雲吞豬骨湯：睇落清清地，其實湯底味道好足夠。鮮蝦雲吞拉麵：雲吞入面嘅鮮蝦味好出，湯底好鮮味。香煎豆沙鍋餅：豆沙餡唔會太甜，味到做得幾好。🔎樂天皇朝 (將軍澳中心) (將軍澳)📍將軍澳唐德街9號將軍澳中心G樓G31號舖

最近同新識嘅朋友出街，言談間透露佢好鍾意食小籠包，所以靈機一觸，帶左佢黎樂天皇朝食八色小籠包！因為呢間嘅小籠包唔止皮薄餡靚好好食之外，重要賣相吸引色彩豐富，令人食指大動！特色皇朝小籠包有齊原味、川味、鵝肝、蟹粉、黑松露、芝士、絲瓜、蒜香嘅口味。品賞每一粒都有不同嘅味覺享受，有傳統的、清淡的、濃味的、有新意嘅味道，非常滿足。令到我比較驚喜嘅係黑松露同埋鵝肝，兩樣都唔會太過濃郁，反而食到淡淡的香味，基本上每一粒小籠包到非常爆汁，而且餐廳有個教學指南，建議我哋由淡味食到濃味，非常細心。李白醉雞之前係網上見到已經好想試，估唔到今日有機會食到佢，雞肉非常嫩滑，而且酒味調配剛剛好，每一啖都食到酒香味。蒜香排骨炸到非常香脆，而且份量非常多，排骨個味道醃得好好，食嘅時候肉質非常鬆軟，而且食嘅時候又唔會感覺好油膩，如果加埋白飯就更加好啦！