樂天冰室 (香港紗廠工業大廈)

营业中

休息中

男侍應A安排了一個卡位我們坐，但枱面是寫上留座。坐低後，非常熱！因為近門口，我先生把餐廳玻璃門關上，那男侍應A老遠走過來，邊行邊鬧：「邊個關門㗎？」並很兇狠的對著我們說：「邊個叫你地座呢度㗎？」我哋異口同聲說：「你叫我哋坐呢度㗎！」我還說：「我响呢度食嘢，唔係要來受你氣的！！」他才收口。呢個侍應態度極差！一定不會再光顧！反正附近有咁多餐廳！今時今日咁嘅態度真係不得了！

每次經過都要會一會佢，今次同阿仔去附近拎學生相，於時去光顧下午茶。呢度星期六都人來人往，不乏人流。地方尚算大，今次坐了卡位，四人唔肥應該剛好。服務尚可，點餐、食物都嚟得快。脆皮生炸雞脾配薯條皮脆肉嫩，熱辣辣送上，肉質既嫩又多汁，皮簿又脆，每次必食。薯條如果多少少鹽同粗身d更好。乾炒豬扒公仔麵多鑊氣，豬扒算多，肉質夠厚又唔硬，啖啖肉。公仔麵唔淋夠彈牙，加埋蛋絲同葱，配合不錯，不過整體有d鹹。整體不錯，還是會再來光顧。

今早去了茘枝角地鉄站旁的樂天冰室，前舖是巳結業的「將軍堡」懐念它的粥餐才想著去吃。轉手了，已沒有粥餐，隨便選了C餐(雪菜肉絲餐)，有別于其它餐廳或快餐店同類的早餐，我竟然一試難忘，甚至寫下食評。首先，他們的懷舊雪菜肉絲米粉非常好吃。雪菜嫩綠，味道鮮美，搭配著蕃茄絲和香滑肉絲，讓人回味無窮。除此之外，他們的香酥丹麥多士也非常值得一試。外皮香脆，口感十分棒，讓我一口接一口(这种多士比較油膩，只可偶爾吃)。另外，亦喜歡它伪西煎雙蛋。疍白疍黃層次分明，口感豐富，疍黃還有少許流心，非常美味。最後，樂天冰室的香滑奶茶也讓我印象深刻。名符其實，奶茶既香且滑，喝起來非常舒服。總的來說，樂天冰室的美食讓我留下了深刻的印象。如果你想品嚐一些美味的早餐，這是一個非常好的選擇。

這間位置在荔枝角地鐵站附近的冰室，平日午餐時間排隊，餐廳環境很大，服務就一般，食物種類都很多，點了一個午餐，有餐湯，羅宋湯忌廉湯中湯。今次叫了香煎厚切豬扒拼法克福香腸，意粉，但食物真係好一般，意粉太淋，豬扒味道一段，香腸更加普通，$60+$3凍飲，凍檸茶已經叫小甜但是還是很甜，另外叫了個北海道鮮奶球，蛋麵包是凍的兼沒有口感裏面冇奶油。朋友點了茄汁焗豬扒飯，味道很合適亦不錯，豬扒有質感，但是這是散點所以建議不要點套餐，如果要去消費建議散點。

今日同太太又去咗樂天茶餐廳食下午茶，我哋點左：香煎豬扒湯鳥冬（常餐） 配火腿煎蛋丶牛角包 這個常餐份量非常大份，豬扒煎到微香微脆，湯底好濃，牛角包熱辣辣，吃得非常滿足！芝士安格斯牛肉漢堡拼薯條～漢堡包材料除咗芝士、牛肉，仲有番茄和生菜，牛肉味好濃，配上蔬菜配料，好fresh! 另外，新鮮即炸的薯條都好好味，完全滿分！能夠成為我和太太最喜愛的茶餐廳，茶底香是最大的功勞，最愛飲凍奶茶！另外，紅豆冰也是我們的最愛😋！

一早去食..早餐.第一去..要求要熟蛋..點知來兩次都係..太陽蛋今朝又去.諗住佢來食物快..點知又係上次個啊婆待应.邦手落單..我都心知不妙.等左15分鐘..咩都無來到.單又無來到..咁問下有無落到單...點知呢個啊婆待应.無落單.....其他待应係完全無呢個問題.係呢一個啊婆..佢係响.收銀果邉做野..有D咁既待应..祝呢間餐廳老板好.運......

🍴All Day Breakfast ($60) <奉送咖啡或茶 凍飲加$3 特飲加$6>全部早餐有煎煙肉、炒蛋、香草豬肉腸、茄汁豆、薯餅、沙律菜、牛角包煙肉同豬肉腸都各有兩件 煎得幾香薯餅都係大路果種味道 略嫌炸得有少少過油牛角包唔錯 幾香牛油味👍🏻沙律菜出乎意料竟然無用普通茶餐廳選用既麻醬 而係用紅酒醋 有驚喜🤣🍴明太子海蝦球意粉 ($72) <加配熱飲加$3 凍飲加$6 特飲加$9>賣相就普普通通 隻碟邊仲有唔少唔知邊度黎既水跡😥但係其實味道我覺得同出面cafe食既差得唔太遠海蝦球有三舊 每隻都大大粒 而且幾彈牙明太子醬既份量好足 每條意粉都沾到明太子醬 意粉既份量亦都唔少

荔枝角樂天餐廳，可算是我和太太的飯堂，尤其是最愛它的咖喱汁！今日又去咗食咖喱豬扒飯，豬扒份量非常多 ，椰汁咖喱非常香濃，但味道一點也不咸，每次來到必吃！另外，我哋仲叫咗一個lunch set~洋蔥豬扒飯配中湯，連兩杯飲品，都係$130，真係平靚正😋👍

鄰近地鐵站幾個冰室的而且確係一個方便嘅不錯的選擇午餐來講價錢唔算好貴，但一定唔係平試咗佢個冬陰功海南雞金邊粉湯底唔辣，味道可以，值得一讚係佢哋可能雞10分嫩整體嚟講係一個好有下次嘅的冰室

同事突然萬歲，於是便叫了樂天冰室嘅下午茶。優閒下午茶餐～～脆皮生炸雞脾配薯仔蛋沙律 $42雞脾大大隻，金黃香脆脆炸雞中翼配薯仔蛋沙律 $42雞翼同樣炸得香脆可口跟餐送咖啡或茶，凍飲加$3，特飲加$6，如果轉招牌紅豆冰都係加$3咋

未入去食就先喺門口受氣！有位扮ceo 嘅伙記，以為自己做堂堂大西餐廳，又高姿態又惡態度，真係不知所謂。咁離譜嘅態度已經唔係一次兩次，我已經忍咗多時先落 comment，大家小心！

今時今日，要數開到一街都是的非茶記冰室莫屬！每一間都標榜著沙牛丁麵、港式奶茶之類，其實都是萬變不離其中，大同小異的東西。要從當中找到一間真正好食又抵食的亦非易事一宗！搵食期間，更少不免有中伏的慘痛經歷，剛剛正好就中了一次⋯⋯聽同事說這裡的食物不錯，服務就不敢恭維，因此在一次眾人叫外賣的日子，小人特意搭單，順道叫了一客XO醬豬頸肉炒河。打開盒子，喜見勁大碟，第一印象是上佳的。豬頸肉啖啖肉理應好爽口，同時用XO醬炒應該是非常之惹味的！無奈的是現實中豬頸肉一片大一片小、一條長一條短，肉質過軟、好像下了很多鬆肉粉，卻竟然又帶點靭，用XO醬來炒的結論是極度的鹹！河粉算是有鑊氣，以豉油調味，但是超級無敵油到無朋友！可以用好滑來形容，但每食一口都好像食了幾口油一樣，真是油得好有誠意。不出所料，食完之後，整個盒底是泛著一層的油⋯⋯

之前有同事和朋友也推薦過這間冰室不錯這次叫了他們的外賣叫了個泰式無骨海南雞🫰雞很不錯很嫩 最愛無骨了🩷外賣也比想像中快 因為是星期日 下午時間我想大約等了25分鐘

我很遺憾地要說，我們在這家餐廳的體驗非常糟糕。首先，收銀員的態度非常惡劣，他們拒收了我們手中的5亳子硬幣(只有兩個，其他都是紙幣)，這使我們非常不滿。根據硬幣條例，商戶應該接受所有法定貨幣，而這家餐廳的做法已經違反了這一法律。當我們終於收到點的外賣柚子骨時，卻發現裡面只有麵粉皮，基本上沒有肉！這讓我們感到非常失望。作為一家餐廳，提供高質量的食品和良好的服務是至關重要的，但這家餐廳卻沒有做到。綜上所述，我們對這家餐廳的體驗非常失望。收銀員的態度讓我們感到非常不滿，而菜品的質量也完全不符合我們的期望。我們不會再來這家餐廳了，並建議其他消費者在去之前謹慎考慮。不會再去！

今早一行4人嚟食早餐，安排坐卡位，同行友人都曾經幫襯過，對呢間餐廳意見兩極化，一個話服務無咩問題唔太差，一個就曾經問收銀順便唱散紙而遭到不禮貌對待。但我聽到兩位意見之前，已經領教到樓面侍應嘅不禮貌對待😒話說我哋4個人坐卡位，而我郁咗個大背囊🎒所以問其中一個女侍應可唔可以比張凳我放背囊，我講咗兩次但呢個中年女侍應唔知係唔想理定抑或理解唔到，好唔耐煩咁叫咗另一個較年輕嘅女侍應「招呼」我。我再重複一次我嘅訴求，第二個女侍應又係串串共咁話走廊窄，加上有手推車出入，唔可以擺凳喺度放袋。佢咁講，我仲可以點吖？！🤷🏻‍♀️為咗比各位了解條走廊有幾咁窄，所以我影低咗。如圖所示，目測條走廊闊度連唧車、卡板都過到，但竟然擺張凳喺度會影響手推車出入，我真係長知識🤔茶記嚟講，呢間都係我食過樓面侍應態度最惡劣嘅一間，裝修幾好、食物幾好、價錢幾平都無用！呢個價錢同食物質素大把選擇！無謂食個茶餐都要貼錢買難受！