樂天冰室 (香港紗廠工業大廈)

营业中

休息中

每次出黎都會食呢間，皆因每次食都滿意，性價比高，野食夠味，超正我今日中午同夜晚都係呢頭，所以2餐都幫襯中午：咖哩吉列厚豬扒飯 $67味道❤️❤️❤️❤️❤️價錢❤️❤️❤️❤️❤️速度❤️❤️❤️服務❤️❤️12點食飯時間都未開始，坐低冇5分鐘，就已經問左3次落得單未，d店員又黑口黑面，我睇到個午餐顯示屏咁岩壞左睇唔到，問佢午餐係咩，語氣勁差指住張枱面，呢度囉～R哂頭，我都唔係講個餐牌野食呢～真係冇得彈，塊豬扒勁大塊，個底我以為係薯仔頂起d豬扒，點知仲有豬扒係底，汁又夠多，有少少辣好惹味，又有椰香，大大碗飯都夠撈有多，如果唔係我咁大食既人，2個加多碗飯share個餸都綽綽有餘晚餐：咖哩牛肉飯$65 西蘭花蝦球$88 蜜椒薯仔一口牛$78（冇keep單，大概係咁價錢）味道❤️❤️❤️❤️❤️價錢❤️❤️❤️❤️❤️速度❤️❤️❤️❤️服務味道都係個句，我超愛，仲成日介紹人去食，一口牛唔韌，蜜汁緊貼牛肉，又有肉汁，薯仔脆口。西蘭花蝦球，蝦好咬口，彈牙，味道恰到好處，西蘭花爽脆岩岩熟。咖哩中午已食過好食所以轉牛肉試，都差唔多既感覺，正但服務真係超級差，我記錯5點有得叫小菜，個女收銀態度勁差話未有，趕客咁，到5點半叫得個陣，同我落單又勁唔耐煩，我

街坊， 之前成日食。 食物係不錯而且有幾位哥哥仔嘅服務態度係非常好。 會有人企門口安排你入座（即使好多人）， 亦都好少出錯。 近呢幾個月唔見哂舊嗰批伙記， 多左幾個女人。 態度十分之差， 錯單漏單乜都出齊。 人多排隊係冇人理你邊個入先。 以前係非常有效率。 有位女侍應呼喝形式問你食乜（嗰位短髪矮嘅呀姐） ， 隔一輪喺後面張枱 拋/掉張單黎我張枱到。 食物質素變差， 叫左個午市頹飯五香肉丁粟米炒飯58 元， 肉丁得兩三粒😅。。。 食住個頹飯明白點解香港人都北上食野….

行到付近見未食過打算試下一入去就搭枱（4人枱有1個人食緊）之後坐低叫野食先來一個牛角包炒蛋隔離果位食完走人之後來豬扒烏冬同熱零檬茶當我食緊之際有2位年青人行過揾位，但職員叫他們等一下突然有位戴眼鏡口罩職員一手拿起我未食既豬扒烏冬同熱零檬茶放隔離枱，之後就同我講坐隔離你一個人（隔離係6人枱坐一個人）我話你唔洗問我就搬左過去，你唔洗問左我先呀佢只講，得喇你一個人坐過去喇。點解問都唔問就移動食客的食物，最基本禮貌都冇。平時其他食店客人多就先問客人可唔可以讓位，唔會不問就移客人食物。呢間永遠黑名單

今日帶完小朋友去長沙灣廣場玩玩完playhouse 就出嚟搵食見到呢間冰室又大又多嘢食又入去試吓啦😆Lunch time時間好多人要排隊等咗一陣餐廳內都多卡位，爆滿常餐B香煎豬扒湯烏冬+火腿炒蛋配牛角包 $55牛角包🥐超大個，又酥脆，小朋友勁鐘意食豬扒大大件，好香口泰式滷水豬手飯 $60推介😋豬手又淋又軟吸哂汁好好食，肉質嫩滑汁帶甜味，送飯一流👍🏻蜜糖芥末烤雞漢堡拼薯條 $62熱辣辣上枱，份量勁大雞扒好juicy, 煙肉又唔會乾爭爭漢堡包軟熟，好好食再配上粗薯條🍟，完全係大人小朋友至愛整體：食物質素好，樣樣都好好食，價錢唔貴，唯獨餐廳太繁忙，好趕客，係米收野催你走

服務態度差到一個點！差到從此唔會再幫襯！唔介意貼錢受氣嘅就去食啦，去買個外賣，個收銀已經西聲西氣都算 到拎個外賣 個肥女人叫我幫佢掉張紙(你幫我掉去果到)我都未反應到 佢就西聲話(唔洗喇走啦走啦走啦)咩料呀大佬！買個幾十蚊外賣要受氣？！我唔需要免費供應笑容，亦都唔需要多謝前多謝後，但都唔係咁樣下嘛！九唔搭八！堂食仲衰，叫人落單可以扮睇唔到🙄忙都唔怪佢 最慘係睇住佢見到有人舉手嗌落單 個女人即刻扮執枱！係扮呀！呢間嘢咩料呀！啲嘢好食都無用啦 請埋啲咁嘅人！

之前都食過幾次呢間餐廳，食嚟食去，基本上都係為左個海南雞湯河而嚟。呢間餐廳晚市時候都比較爆，但老實食左幾次，都覺得海南雞湯河以外嘅菜式其實整得唔係咁好食，可以話係冇乜特別，比3粒星咁啦。但個海南雞湯河就真心我會比5星。咁嚟講下個海南雞湯河有乜咁特別啦，咁我一般會轉金邊粉，因為自己本身鍾意食幼啲嘅粉。個湯好香，但香得嚟又唔係果種好多味精添加嘅味，有啲似越南河果種由唔同香料整出嚟嘅好天然嘅香。之後啲雞，我食咁多次，冇一次係un嘅，都係熟得啱啱好，冇過熟。服務態度個人覺得唔可以要求太多，始終佢都算平平地嘅茶餐廳，人又多，做野要快，侍應態度未必好好，基本上消費範圍都係50至120左右，食小菜可能貴啲要一舊幾水，但個海南雞湯河就五十幾六十左右，唔飲野＄55，飲埋野就六十左右

這家茶餐廳的焗豬扒飯很不錯，值得推薦。豬扒肉質鮮嫩多汁，焗得恰到好處，外層酥脆，內裡保持著豬扒的嫩滑口感。份量也相當慷慨，足夠滿足飢腸轆轆的胃口。它是以炒飯作焗飯的基礎，炒飯粒粒飽滿包含蛋漿，加上多種蔬菜和厚厚的一層芝士，整體非常完美。套餐跟上檸檬茶，但可惜凍檸檬茶太甜，就算已點了減少甜度也是很甜，需要改進。另外，就算是茶餐廳也應該重視服務態度（機本只需要不是惡劣便可以… 希望他們能夠提供更友善和專業的服務。

午市時間想落單，有位女侍應發住脾氣咁大聲呼喝：「要咩啊？😡」，俾佢咁喝一喝我都呆咗。我自問去過唔少港式餐廳，亦明白午市比較繁忙，我都唔係要求好有禮貌，但我完全唔能夠接受侍應呢個態度。做咗幾個鐘野，諗住借午飯時間抖一抖，點知遇到呢位無禮貌兼粗魯既侍應，全日心情即刻好差。⭐️更何況食物無特別，附近亦有大把選擇，以後更加唔會幫襯。

下午茶時間叫返兩個下午茶餐先～前後落咗三次單先成功叫到嘅下午茶餐～浪費我等嘅時間焗芝士肉醬意粉配熱奶茶～焗餐一向都要D時間等～好香嘅芝士味～肉醬份量都算可以～不過撈完意粉都好咸～食完好口渴奶茶滑香茶味焗美式蘑菇汁牛肉飯+$3轉招牌紅豆冰～紅豆冰份量多～多椰奶多紅豆焗美式蘑菇汁牛肉飯～蘑菇汁多好鹹～蘑菇份量多～牛肉好淋但味道麻麻日日新鮮出爐嘅菠蘿包～大大個熱辣辣手掌咁大菠蘿包皮脆包軟唔會好甜～即時食最正

服務態度超好, 特別是輝哥及慧姐, 介紹詳盡,有求必應, 靈活體貼, 關心顧客需求, 食物水準一流, 地點方便, 地方寬敞, 又有廳房, 沒有最低消費, 套餐轉紅豆冰只需加三元, 不試是你的損失!

哩度嘅員工專職係嚇死你，想叫人落單，我又無催你，突然一個背脊出事發你面前就係喝你“要咩？講啦！你講啦！”大佬，你又唔係向住我，我點知你同邊個講？唔住上檸水嘅，上通粉嘅，全部嘭嘭聲突然掉低枱面，大佬我有俾錢，唔係乞㗎！最大鑊你杯凍檸水，飲一啖就成口清潔劑味，你洗碗唔過水㗎？真係一肚氣嘅早餐

今日下午去呢間食左個豬扒湯米常餐。HK55. 因為知道呢間只收現金，我又有硬幣，埋單時便拿了9個5蚊硬幣同一張10蚊纸幣。走到埋單枱前，我一邊預備把錢放枱面，一邊客氣地問:"收硬幣㗎呵？",短曲髮收銀姐一邊口含牙簽，一邊兇住大聲講"你都攞晒出黎，可以話吾收嘛？!", 。。重點系兇同大聲!. 餐廳既没有方便客人埋單，又請埋呢d收數阿姐。吾知系咪餐廳經常比人走數，所以要呢d阿姐去收錢

一直到好鐘意食佢哋嘅焗飯。點知頭先去食，飲嗰杯冰咖啡入面有隻曱甴，同個侍應講，佢一d反應都會，只係話換過杯俾我就算。我覺得好離譜囉！道歉都無。仲要受氣睇啲侍應面色。吓到我都無哂胃口。

又是星期六，睇早場時間，今次看名偵探柯南：黑鐵的魚影習慣入場前見吃個早餐，戲院附近有間樂天冰室 (香港紗廠大廈地舖)，之前經過，星期一至五9點前，門口有幾條人龍 (堂食、外賣分開排隊，堂食又按人數分隊)，今日星期六，門口沒人排隊，就進去吃早餐。生意仍是很好，差不多所有枱都坐滿，有3、4張卡位客人走了但未收拾，走到最裏面，才有位。點了早餐B，包括以下的：#沙嗲牛肉湯米粉：沙嗲湯底夠惹味濃郁，但吃了不會口渴；牛肉份量算多；米粉是我喜歡的幼身，加分！#炒滑蛋配丹麥多士：炒蛋不夠熱，味道打了折扣；丹麥多士微甜、香脆，好吃！#熱咖啡：夠濃，沒有酸味，不錯。

作為麻甩系女仔，探索唔同嘅茶記／冰廳都係一種樂趣😼今次放假就去咗荔枝角呢間樂天冰室，正正係地鐵站出口後面，超方便👏🏻.一去到見到有條小人龍係門口，以為要等好耐，但店員好快就安排到個卡位俾我地坐🫶🏻餐廳嘅選擇好多，有常餐，焗飯，就連all day breakfast 都有🤩🤩常餐A - 瑞士汁雞翼撈麵 因為第一次嚟，所以最後都係揀咗佢嘅招牌常餐，雞翼醃得好入味，而且啲肉好嫩滑，配埋撈公仔麵呢啲邪惡之物😈公仔麵煮得啱啱好，仲係好彈牙🍝平時食開重口味嘅必試✅🤗火腿炒蛋 及 牛角包我鍾意嗌常餐其中一個原因就係除咗有個麵仲會有炒蛋多士，成張枱擺滿哂食物咁🤭蛋炒得好滑，超鬆軟🥚最驚喜係呢度嘅麵包係配牛角包🥐焗得外脆內軟，而且仲好重牛油香味🧈一啖牛角包，一啖炒蛋，一啖火腿，正呀😋常餐D - 沙嗲豬頸肉公仔麵沙嗲牛就食得多，沙嗲豬頸肉真係第一次見，豬頸肉個邊邊烘到脆脆地，入面肉質依然好淋，而且佢嘅沙嗲汁唔會整得太濃太鹹，適合啲食唔慣太重口味嘢嘅人😚.今次試咗常餐，等我下次再嚟試下佢其他餐點先🍔🍲🍛