樂園 (已搬遷) 新店位置

we had a gather-up with my ex-colleagues and the experience was bad. Quick to sum up in below point form:1. Out of staff : 3-4 staff serving 4-5 tables (for waiters and kitchen staff)2. Ordered drinks but they were only delivered like after an hour3. Food is bad bad - definitely overpriced. Can't even handle a basic carbonara, as the pasta was over-cooked and even they didn't mix the egg yolk and white with the pasta well because you saw egg white distinctly; Steak or pork ribs were like chewing

愛貓嘅朋友一定會搜尋一 d 貓貓 cafe, 無諗過連尖沙咀都有喎.  就係 i square對面就有間樓上舖 cafe, 仲有2隻貓店長坐鎮。 可愛本身都幾鐘意係樓上 cafe食飯， 除咗環境清優舒服， 廚師用心製作， 最重要係可以坐得耐而唔會點催你走。 絕對慢慢傾心事都唔使驚俾人望住哂。 講返我地食咩啦， 老公最愛食雞翼， 所以叫咗一客泡菜雞翼， 泡菜唔算好辣， 但特別要讚個醬汁， 酸酸甜甜， 但唔係泰國嗰隻。 配雞翼好好味。 主菜係安格斯肉眼， 叫5成熟啱啱好。 牛味好足已經好腍， 份量好足。 讚呀！另一款主菜黑松露帶子意大利飯， Risotto係我暫時食過嘅最好味，軟硬適中， 連我老公唔太鐘意都食咗好多， 芝士加黑松露配合得好好， 仲要好 creamy.  大大粒我最鍾意食嘅帶子.  蜜桃綠茶同芒果綠茶都好好味， 有時好怕太甜嘅， 不過呢2杯味道都係啱啱好。 下次再食過

依家餐廳位置好方便,Isquare出口一出既對面街就係~地理位置揀得好~HAPPYLAND~個佈置好可愛個氣氛好WARM,CAFE內既坐位唔算好多不過一班朋友Gathering又一唔錯既選擇朋友之前都黎過幾次,不過就見唔到喵喵今次我好好彩見到,成餐飯都係KEEP住訓如果中意喵喵既朋友,可以碰一下運氣綠茶,不過不失薄荷朱古力,可以重DD薄荷味金莎特飲味道似HAZELNUT甜度正常~不過我朋友講唔太夠味我自己覺得岩岩好~分量好足戀之花煙三文魚意粉個味道好濃,入味,但口感比較軟身似煮耐左DD5成熟安格斯肉眼扒上菜個下好靚醬燒美國豬仔骨,好JUICY口感軟滑,燒烤入味,骨肉分離,好容易食分量可以夠4-5人食大概有10-12支骨啖啖肉雞軟骨餃子~不是我杯茶醬爆雞翼即叫即整,保留肉汁,唔洗醬汁配都好夠味*如果生日去永

奶油包一直都好鍾意小動物但係因為媽媽唔鍾意屋企一直都唔俾養咁岩奶油包有朋友推介『樂園』朋友話呢度既野食唔錯而且有貓玩所以奶油包就決定約埋其他朋友嚟『樂園』會一會D貓貓嚟到就覺得個室內設計好似一般既cafe而店入面2隻貓貓都唔怕人仲會係正你隔離瞓覺任你摸佢...非禮佢(冇錯...奶油包摸左貓貓好耐)講左咁耐..睇下menu先野食選擇都唔少加錢仲可以配野飲而家就睇下奶油包同朋友叫左咩先首先我地4個人都唔係好大食既就叫左3個Main Course肉眼扒，煙三文魚意粉同豬仔骨肉眼扒要左7成熟切開覺得係煮到差唔多肉眼既肉質幾好唔會太鞋仲有D肉汁但係本身個扒如果有多少少汁會好D煙三文魚意粉既煙三文魚唔少睇落以為份量唔多但其實食食下發現唔少燒豬仔骨真心唔錯本身奶油包好唔鍾意食有骨既野因為怕咬崩牙但個豬仔骨不單止係好香口D肉仲好軟肉一D都唔會『痴』骨份量係200%的足夠之後我地叫左3杯野飲有signature既金莎朱古力雪冰朋友話唔錯唔會太甜奶油包就要左薄荷朱古力奶油包嫌佢薄荷唔夠再重D薄荷味就好另外一位朋友就要左杯綠茶呢個冇咩特別...就係綠茶囉

這天再到「樂園」,本來是為了探望店內可愛的肥貓,可惜這天牠們都睡著了,我也不好打擾牠們休息,所以只在「樂園」吃個晚飯就好。重遊舊地,我一直都想念著當日那杯oreo朱古力沙冰,香濃的朱古力沙冰有一點點oreo的香味,讓冰慢慢地溶化再大啖大啖的把它喝掉,非常過癮。冰塔非常的高,一不小心就會像比剎斜塔一樣,令人遺憾的是正當我想吃掉冰上的餅乾的時候,不小心把它掉到地上去。鵝肝意大利飯的重點當然在於意大利飯上那一大舊香噴噴的鵝肝！或許麵粉和油都下得較多令鵝肝的表面炸得變得酥脆了點,也令充裕的油份鎖在鵝肝內,一切開,香噴噴的鵝肝揮發,可是油有點太多。黏稠的意大利飯帶著香濃的芝士味,再加上鵝肝的香味,味道變得有層次,而且黏稠的飯也令人很容易飽。樂園的泰式燒春雞也很大隻,可能人少少的關係反而顯得有點多,所以我們點了半隻。香烤的燒雞表皮燒得卜卜脆,加上泰式的香料,香氣四溢,雞肉量相當多,肉汁也很豐富,再加上泰式惹味香料,吃得我們津津有味,可是表皮上的辣味有點過重,我們只好放棄這香噴噴的了。燒春雞有著沙律作伴,也就能好好的吃一下菜,幫助消化。這間餐廳對於一群人聚會是不錯的選擇,氣氛相當熱鬧。

首先講下個環境装修田園feel，普通不算靚，但就勝在有好多game可以玩，仲有幾隻貓貓，岩晒一大班fd，同埋中意貓咪既人。咁我今日就嗌咗個豬肋骨， 加咗個鵝肝 38蚊， 😆 雖然薯角就比較少咗啲，但豬肋骨的份量就好大，好夠飽😆，口感方面就比較結實。呢個雞翼釀豬肉，雞翼拆左骨，係入面塞入咗豬肉，出面皮脆， 一啖咬落去,有d汁流出黎，juicy😍 上面仲滲咗啲芝士粉增加雞翼嘅風味， 加埋側邊嗰個甜酸醬，仲增添左泰式風味🤡tim。

一入店內發現有2隻唔怕人既貓！比人摸都唔會反抗架！好得意~大家放心貓無異味好乾淨的！有貓陪住食野幾正有好多特色飲品我就要左杯「我愛金莎」濃濃既朱古力雪冰夠透心涼仲要係好大杯，係度同 friend吹水玩下cafe供應既 game就岩哂啦流心芝士蛋~半熟既温泉蛋比塊香脆既煙肉包著，流出既蛋汁好香仲有配埋司華力腸，薯角，沙律！好一個配搭黑毛豬配薯角~好juciy既肉質，一點也不乾做得非常出色~份量都幾大塊！絕對夠食薯角香脆，即叫即整

見到Openrice咁多好評，放學近近地過黎試一試！巧遇有兩台人生日，店主突然熄燈送上巨無霸雪糕，然後大家一齊講生日快樂！感覺好warm~下次一定要試下呢個望落好邪惡好吸引嘅雪糕😂兩個人叫左個自選三款小食拼盤，小食選擇多不勝數到揀唔落手，而且每款都有好多件，份量足好抵食！順帶一提野菜配芝麻醬真係好夾。作為一個末期選擇困難症嘅患者，好艱難終於揀好左三樣小食：炸魚手指、醬爆雞翼同香草牛油焗特大帆立貝。推薦小食第一位！炸魚手指！推薦小食第二位！醬爆雞翼！推薦小食第三位！香草牛油焗特大帆立貝！價錢同一般樓上cafe相若，有好多boardgame可以借玩，有台唔識玩嘅店主仲會教添。有機會會試吓其他小食同甜品！！

係繁華嘅尖沙咀鬧市中 想搵一間寧靜又舒適嘅環境歇下腳有時候不是一件容易嘅事搵到一間樓上鋪 寫住＂樂園 ＂就禁不住想去2樓去一策究竟有幾咁樂園餐桌嘅佈置非常之乾淨簡潔令人覺得好舒服而且枱面清潔得非常之乾淨 餐具亦都好整齊咁擺放係個小籃子度伴有餐紙巾 令人覺得每一處都有着微小嘅心思值得讚許現場嘅氣氛亦都非常之歡樂 晚市嘅時間 亦都非常之多人 但係一啲都冇嘈吵嘅感覺 溫馨同埋有家嘅感覺一瓶子既小糖果 大概係諗住比等待緊餐點嘅客人解悶裏面嘅糖果令我充滿着童年嘅懷念感覺我愛金莎濃厚超高嘅朱古力沙冰上面點綴着一粒金莎 搬有一啲彩色嘅糖果同埋一啲忌廉呢款飲品非常之推介 佢個沙冰得好棉密唔會到一大粒未絞碎嘅冰入口非常之順滑而且充滿朱古力同奶既香味但佢唔會太甜 食得出係好重朱古力味而五係好重糖水味鍾意朱古力味嘅朋友一定好鍾意依款飲品流心芝士蛋擺盤真係擺得好靚薯條係岩岩炸起嘅 一咬落去仲係熱辣辣嘅 然後裏便嘅薯蓉就會爆出來口感超豐富而且外脆內軟 再點上甜甜嘅茄汁 真係襯都一流呀而腸仔就非常夠味 增添左成盤菜式嘅豐富感而到重頭戲 流心芝士蛋煙肉包住焗得啱啱好嘅流心蛋同埋芝士 將所有野融合得非常之完美一切落去

上次同朋友黎食過覺得唔錯，今次黎到尖沙咀再黎回味下，今次黎到唔見左猫猫🤔可能訓左覺，所以同男朋友一路食一路玩broad game。黑松露香煎鵝肝意大利飯鵝肝勁厚勁大舊，煎得好香好甘口，仲要煎到外皮小小脆，食落外脆內香嫩，好鬼正😋意大利飯方面配料十足，軟硬度適中，松露味都幾香，食起上嚟好入味，吾會太過咸。燒安格斯肉眼扒一黎到真係大塊到嚇左一跳, 牛扒燒得剛剛好, 肉香濃厚,充滿肉汁, 肉質富咬口無筋，唔錯！薯角炸得香脆不油膩,薯角大大件厚切，外脆內軟，加上茄醬，味道提升不少。青蘋果綠茶淡淡的綠茶，絲絲青蘋果既甜，飲落好清新

位於尖咀中心地帶嘅樓上cafe， 裝潢及枱椅一般， 卻有家的感覺，白貓很熱情的在cafe內走來走去。先來醬爆雞翼， 附有沙律伴碟， 點上甜酸醬， 令普通嘅炸雞翼， 賦予另外一種新的滋味，夾着沙津，原本油炸的雞翼，也清新起來。再來黑松露鮮菇義大利飯， 裝得滿滿的， 磨菇忌廉汁恰到好處。最後的驚喜是流心芝士蛋， 煙肉包著與及蛋， 如一朵花， 綻放著朝氣。 柔軟嫩滑的蛋黃，配着同樣滑樓的魚，想不到樓上cafe， 也有如此考心機菜式短短的一個晚上， 最繁忙的就是店員， 穿梭在各個客人當中， 熱情又服務周到。 當晚很多客人生日， 店員一一為生日來賓關燈， 送上特大雪糕芭菲(怪獸雪糕) , 下次很想試下。此處cafe不愧是一個樂園， 雖然食物款式不算很多， 但款款精心炮製， 而且氣氛很好。booking 要提早一星期，早一天book未必book 到。

尖沙咀的樓上cafe眾多，第一次到樂園，太驚喜。地點方便，服務好。野食唔貴仲好得，星期六仲要無限時，一定再來先來個小食拼盤：會計師朋友計過又抵食又可以試幾款。配埋花茶慢慢girls talk, 就係揀樓上cafe的原因第一款明太子雞翼，以為細左啲，但食落好好味，份量唔大仲可以食埋其他野。繼續小食之後主菜：米睇呢個雞粒炒飯好似咁細碟，食落啱啱好，仲軟硬適中朋友是愛貓之人但今晚有點失望，因只有一隻貓，全晚熟睡，無得玩玩

The Peking rd is an old street the rent is high But upstairs is okay this restaurant has style they have a special tasty dinner 🍴 168$But I have interest in the Angus steak 208$my sister chose half spring chicken 🍗 my steak is delicious and well done I love ❤️ 70%It's very good for me I shared sister 's chicken 🍗 leg our birthday couple friend had the grand dinner setDelicious 😋 Need some spaghetti 🍝 after trying Can seeing fun in the eyes 👀

環境好warm，氣氛都唔錯，不過店面唔算特別大店內仲有隻貓貓，坐正係我地張凳隔離個牛肉飯d醬汁好好味特別係個牛油帆立貝，一口食落去多汁又鮮嫩不過小食拼盤略嫌有點貴，而飲品賣相味道都幾好。1個主菜，1個小食拼盤，2杯飲品，2個人食大概400左右，呢個價錢雖然有d貴，不過我覺得對得起d野食質素。仲有店內有d遊戲可以玩大富翁之類嘅卡牌遊戲，同朋友黎聚會氣氛會好熱鬧，店內唔限時任坐聚會真係一流，有機會會再去。

黎到尖沙咀當然要去下好耐冇黎既樂園，我覺得呢度嘅氣氛好好，而且好近iSquare又就腳，所以決定再同朋友來呢度啦。每次嚟到呢度，我都覺得好有家嘅感覺，因為裏面係open kitchen，而且有個獨立廁所喺店裏面，唔使行出店外。我哋叫咗個煙腩蛋芝士意粉，其實即係卡邦尼意粉，一間店舖嘅水準去到邊度，通常都可以由呢一個意粉嗰度睇得到。佢用咗好多芝士來做汁，而且個麵條硬度剛剛好。我地都覺得不過不失。至於其他食物唔知係咪廚房太忙，所以整得耐咗，我哋就不斷飲水飲到好飽啦。之後我哋食咗個西冷牛扒五成熟，厚度剛剛好，冇乜血水流出，但係個肉質幾好食。而且側邊仲有少少薯仔角作伴，又可以點芥末同埋蕃茄漿，所以都好唔錯。再次食呢一個鵝肝意大利飯，真係好好食，鵝肝整到啱啱好，少少金黃色，有少少肥汁流出來，伴埋硬度乾好的飯粒，即刻個胃暖返晒。最後講埋呢一個帆立貝，一共有3隻，啲帆立貝好新鮮，連殼上，都好入味。少少哋咁每人過下口癮，有少少沙律菜夾埋一起吃，不錯呢。每人食咗二百幾蚊食咗咁多款餸，都可以叫做抵嘅。