樂園 (已搬遷) 新店位置

上次同朋友黎食過覺得唔錯，今次黎到尖沙咀再黎回味下，今次黎到唔見左猫猫🤔可能訓左覺，所以同男朋友一路食一路玩broad game。黑松露香煎鵝肝意大利飯鵝肝勁厚勁大舊，煎得好香好甘口，仲要煎到外皮小小脆，食落外脆內香嫩，好鬼正😋意大利飯方面配料十足，軟硬度適中，松露味都幾香，食起上嚟好入味，吾會太過咸。燒安格斯肉眼扒一黎到真係大塊到嚇左一跳, 牛扒燒得剛剛好, 肉香濃厚,充滿肉汁, 肉質富咬口無筋，唔錯！薯角炸得香脆不油膩,薯角大大件厚切，外脆內軟，加上茄醬，味道提升不少。青蘋果綠茶淡淡的綠茶，絲絲青蘋果既甜，飲落好清新