樂園魚蛋粉

营业中

休息中

星期五的中午，當大家都在討論究竟新餐肉還是舊餐肉好味 、研究新餐肉有沒有15厘米厚的時候。。。星期五的中午，當大家都在用味蕾投票選「港式避風塘蒜香雞翼亅好味還是「文青玫瑰雞翼」好味的時候。。。我仍然情傾最傳統的地道美食。。。 港式魚蛋粉！。。。🦉正所謂：美食橋唔怕舊、最緊要食客受！趁著星期五小周末的中午， 我一個人溜了到尖沙咀， 做了一個快速的 lunch break workout。。。做完運動，零舍肚餓想食嘢！！ 見到之前金馬倫道 潮丸的鋪位，開了一間新的魚蛋粉小舖， 我二話不說，便立即衝入去叫了一碗「招牌作」來吃。做完運動，我最喜歡吃魚蛋粉， 貪它低脂、高澱粉，又飽肚， 可以幫助我增重。看見店家的menu，還有 秘製海南雞飯， 其實這我也是我的最愛之一， 不過這家餐廳叫樂園魚蛋粉 。。。第一次幫襯，當然是吃它的招牌魚蛋粉！！魚蛋 是我最喜歡的排裝白魚蛋，咬落去比想像中彈牙， 是我喜歡的口感， 而且吃落去魚肉有鮮味， 感覺粒魚蛋很新鮮、很 fresh，讚！魚片頭有三塊， 以斜角切， 看起來都幾有份量， 一囗咬下去，很爽口， 跟白魚蛋的口感是完全不同的， 但放在一起，卻能提供雙重口感

星期五夜晚一個人想係尖沙咀食飯真係好難搵位本想去快餐店食但已經打烊，行過呢間「樂園」見入面有大量座位，唔理咁多即刻入去坐低餐廳標榜崩沙腩係招牌貨好，一於試試佢!!我叫左雙併河粉，崩沙腩+墨魚丸崩沙腩份量幾多，一咬落開...嘩，肉質好鞋好韌以為係呢舊先咁衰啦...點知差唔多成份崩沙腩都係咁難咬我唔知崩沙腩有呢種質地係咪正常啦...呢份崩沙腩真係差到極點墨魚丸佢地標名係冠軍墨魚丸...以為好好食啦...點合同我係屋邨街市買既無分別，仲要得兩粒...另外我仲有叫一份炸魚皮店員送過黎時我真係呆左下...居然係呢D預先包裝既魚皮雖然我知唔係間間既炸魚皮都係即炸或者自家製但都唔好一副擺明「我係出面拎貨」既模樣丫...炸魚皮係大舊既...但又硬又重油溢味...我食左3分1就食唔落食物出事，估唔到連飲品都無一倖免凍檸茶贈送青蔥幾粒食完咁難食既一餐，又貴又唔飽肚...下次真係寧願返屋企煮麵食好過!!

星期日我本來一心想在「海港城」裡面，食一餐以迷你日本牛肉飯，加上迷你日本煎雞飯，還有甜味牛奶布丁雪糕芭菲甜品，組合成為的晚餐。可惜我始終感覺不是很飽，所以在尖沙咀裡面，尋找其他食到牛腩的食店。結果「皇天不負有心人」，我終於在現在香港疫情嚴峻的情況下，還在「金馬倫道」發現到一間潮州粉麵餐廳，餐廳的名稱叫做「樂園魚蛋粉」。「樂園魚蛋粉」裡面環境頗為寧靜，樓面沒有電視機之餘，牆身顏色也都十分純淨，是以純白色磚頭為主調顏色。利用模擬磚頭的物料產生磚牆裝飾效果。既然我在星期日享用不需要有「雞肉」的晚餐，所以甫進入「樂園魚蛋粉」餐廳範圍的一刻，一早已經鎖定目標享用食品在「牛腩」身上。但是「樂園魚蛋粉」的餐牌裡面，既有提供一般的潮州「牛腩粉」、「牛腩麵」，也意外地有製作和提供潮州「牛腩飯」，忽然令我一度陷入「選擇困難症」的困境裡面。加上「樂園魚蛋粉」裡面還有「海南雞飯」、「雪花肥牛飯」，還有比較高級的「崩沙牛腩飯」供食客選擇，對於一些對「牛肉」情有獨鍾的食客而言，在「樂園魚蛋粉」裡面選擇牛肉類食品，其實是頗為艱難的抉擇。結果我先決定了享用「牛腩飯」，然後在「樂園魚蛋粉」眾多的「牛肉」類食品裡面，選定

呢排好少出街，今日要同同事去尖沙咀有急務，於是同事提議去粉麵店到快快醫肚食野，之後仲要趕去做野。入到去同事照平時叫粉麵，但發現原來呢到係有海南雞飯食，基當然叫黎試下。海南雞飯(油飯)海南雞經已去骨，啖啖肉，皮薄肉厚之餘雞皮好爽而肉就好滑，仲好有雞嘅鮮味，食海南雞一定就係要配油飯，呢到嘅油飯就煮到好香，香茅味同雞湯精華入哂味，而且飯粒好煙韌，唔會煮到過哂火喉，誘出雞油香氣。紫菜湯出面飲一碗紫菜湯都唔平，而呢到就套餐包埋，紫菜幾清，味道幾鮮又無沙，又夠營養又好飲。但呢到食海南雞飯真係夠哂抵，都係$48，仲有紫菜湯飲，係尖沙咀食到呢個價錢真係好唔錯!桔仔冰（午餐加8元）生津解渴，入面仲有話梅，酸甜鹹味都好突出，清清涼涼，而家夏天飲就夠最適合不過，同鹹香惹味嘅海南雞飯好夾。基評分: 味道(基基基基基)**外貌*(基基基基基)**抵食(基基基基基)**服務(基基基基基)最後基言:港式的風味 , 貼地的價錢 , 又新淨舒服 , 食物質素好, 下次可以來試粉麵

放工好肚餓，於是快快地食完就番屋企，而家天氣好熱，入到去冷氣又夠，夠哂爽涼，悶焗感瞬間就無哂~呢到最出名就係丸同牛腩麵，我就叫左碗，牛腩米線$33(多蔥)，係尖沙咀食到呢個價錢，真係好貼地氣。好快手就黎左，見到都有多蔥花，好開心(利申:我係蔥蒜控)，最鍾意蔥花加埋湯一齊飲，腩汁湯有好濃牛腩味，幾清唔會好油膩，牛腩都幾多幾足料，有成六舊厚切，牛腩煮到好腍，好易咬又唔黐牙。米線滑LULU彈牙又唔會散收收，食完成杯都已經好飽。下次都可以黎食，又平又好食又貼地，而家係尖沙咀搵到呢啲小店已經好難得~

有時都鍾意食下魚蛋粉，貪在快靚正不過比較難搵D手打同質素好既粉麵檔今次係尖沙咀經過，有股衝動想幫襯下因為見到佢餐牌都幾得意，除左本身中文仲有埋日文同韓文，甚為少見後來知道原來樂園都幾出名下，係屋企樓下都有賣自家手打丸入去就食左招牌手打魚蛋，丸類就能知呢間野咩來路呢碗手打魚蛋有魚蛋片同魚蛋丸各3件首先佢地既魚蛋真係好彈牙，同埋係真魚肉味，唔係勁雪藏味個種，好食！同埋佢會落埋好多蔥比你，個人就鍾意再加埋佢D醬食，加曬分😋一碗先$29，高質又抵食！

呢日去尖沙咀睇牙同買野，見到有間粉麵小店價錢幾親民於是就去左食，而家個人大大下反而鍾意去啲小店食野，可能味道會更加好味又特別，唔會好死板。下午茶時間唔會好多人，所以一入到去就有位~估唔到粉麵小店都有去骨海南雞飯食，又幾特別喎，一於叫佢黎試下。去骨海南雞飯$48呢到嘅去骨海南雞飯都幾大碟，份量好足，海南雞去哂骨，皮爽肉嫩，啖啖肉，充滿馬來西亞阿羅街風味，仲有兩個醬汁可以點黎食，豉油醬食落甜甜地都幾開胃，辣椒醬食落好惹味，兩個醬我都好鍾意~ 海南雞飯精髓之一就你個油飯，飯粒粒粒分明仲好飽滿，而家仲有好香嘅雞油味。食海南雞飯仲附送紫菜湯，一啲都唔馬虎，有好多紫菜，味道清清地，同海南雞飯好夾。桔仔冰 下午茶+$8而家天氣又熱又焗，最岩叫杯凍飲消暑一下，我就叫左杯桔仔冰，貪佢酸酸甜甜夠哂開胃嘛~ 岩哂夏天呢啲悶熱嘅天氣飲。下午茶時段只係加$8，味道唔會好甜，清新鮮渴，而且仲有隻話梅點綴一下，好醒胃，正！除左食粉麵之外，絕對可以撈過界，整埋海南雞飯，價錢又唔貴，平靚正呀!