樂園魚蛋粉

营业中

休息中

招牌手打魚蛋河，$29，有三粒大魚旦同埋3魚片頭，$29嘅一碗魚蛋河來講，其實真係好抵食，份量好多，而且質素仲幾好。手打魚蛋，非常之彈牙，有咬口。喺尖沙咀嘅地區，呢碗魚蛋可應該係超值。無骨海南雞，$98，半隻。雞肉都算幾嫩滑，但係皮嘅部份就比較多，肉嘅位置就比較少，所以食落有啲肥膩，同埋$98得半隻雞，價錢就唔係話好抵啦。如果叫粉面嘅話，加$10就可以有蘿蔔或者油菜。蘿蔔炆得幾冧，但就唔算好甜好入味。

落左尖沙咀行街，無意中經過見到呢間魚蛋粉，裝修幾新潮，特別係俾佢個門鱔皮吸引左。加上係尖沙咀地區，價錢都平民化，所以就入去試下。。餐牌其實就唔算特別好多選擇，配料都係一樣，只係配邊款粉麵底或者飯。墨丸粗麵講到係冠軍，所以就試下啦😂一碗有4粒，咬入口真係有墨魚粒粒係入面。個粗麵食入口唔會一pat粉，爽口嘅，麵底真心好食！個湯就清左小小，葱花湯咁但唔油嘅。艇仔麵艇仔粥就成日食，艇仔麵就試下啦。入面有潮洲魚蛋，魚片，魚片頭同紫菜，材料都幾豐富。河粉就略嫌碎左小小，就無乜大驚喜酥炸門鱔皮炸魚皮就食得多，炸門鱔真係第一次試！好大條，食入口好脆！仲見到啲鱔骨咖，但都已經炸到脆卜卜，好特別。值得一試！點一份就會加埋一份湯，可以浸住食，我就中意就咁食。小心一咬脆到啲碎碎周圍都係😎😎個粉麵已經包埋餐飲，我地見外賣好多人嗌，不停有人叫，堂食就小啲啲人嘅。但價錢就唔貴，份量正常🤓

今日放工後係尖沙咀行左一陣，準備搭地鐵返屋企之際，見到呢間「樂園魚蛋粉」有不少人排隊買外賣，原來呢度魚蛋粉只係$29一碗，唔怪得知咁多人排隊啦！我都唔執輸，決定買外賣返屋企食！呢度粉麵有好多選擇，除咗有招牌手打魚蛋之外，佢哋個崩沙牛腩都好出名👍🏻👍🏻如果唔想食粉麵，都有海南雞飯等選擇！依家仲有抗疫價，加$1 就有碟油菜，超抵食😙牛筋米，份量甚多，有好多件牛筋，牛筋質地腍滑，膠質豐富，好正！魚蛋米線，魚蛋爽口彈牙，魚味甚濃，米線滑口👍🏻脆骨魚皮，超級推介，呢種魚皮唔係間間都有得食，食落比平時更脆口更有口感！加$1 叫左份蘿白，份量多，差唔多有成8-10 粒，仲要係超清甜冇渣😍😍😍總結：今晚買咗咁多嘢食先$102，簡直超抵食，估唔到尖沙咀都有咁平嘅魚蛋粉，仲要質素超高！

依家冬天凍冰冰，最啱就係食番d有湯又暖粒粒嘅嘢係尖沙咀食飯，除左連鎖餐廳，都冇乜邊間有平民嘢食，難得見到間魚蛋粉嘅舖頭，就入左去試下。叫左碗淨雲吞，29蚊，雖然唔係好大粒，但有6粒，價錢都等平。雲吞入邊有蝦同埋豬肉，都算彈牙，味道都唔錯同埋個湯都幾好飲，仲配左幾塊生菜添。依家堂食加$10就有一碟油菜，而外賣加兩蚊就有啦，超級抵。另外餐廳仲主打金錢展同埋海南雞，選擇比其他嘅魚蛋粉舖頭多。係尖沙咀想平平哋食一餐都可以試吓呢間。

如果要食碗麵，好多人會揀去食_仔或_哥。但其實中式粉麵都好出色。今日下午茶路過發現呢間，下午茶有優惠，喺尖咀比較少食中式粉麵就幫襯下。下午茶有優惠價，送飲品，加埋菜同脆骨魚皮都係75蚊。印象中嘅中式粉麵都係唔跟飲品，額外買要幾貴下而且味道一般，但呢杯鴛鴦有茶餐廳嘅質素，啡味濃郁，茶香喺入喉後慢慢回味出黎。炸好嘅魚皮用密實袋保存，唔會漏氣變軟。跟一碗湯可以點來吃。就咁吃很香脆，調味都好恰當，唔會好鹹。浸左湯會索埋湯嘅鮮味，但唔會好似打邊爐嘅響鈴咁即刻淋曬。芥蘭好大碟，我最鐘意芥蘭的莖夠爽脆同咬口。點蠔油係最滋味食法。主角嘅牛雜麵，有好多款牛雜，牛肺，牛肝，牛肚，牛腸，每種都唔同口感味道，呢個亦係我鐘意食牛雜麵嘅原因。一個選擇就有好多款餸，去譚x或三x一款餸真係又少又單調。牛肺爽口，而且好索湯。湯亦係有濃郁嘅腩汁，雖然好抵食，但絕對滿足到鐘意牛嘅人。好少肥膏又咬得開嘅牛腸都值得一讚。牛肚，睇圖都見到d格仔藏曬湯汁。咬落去又煙韌又爽脆完食圖，湯都清埋。收銀處仲有令人懷念嘅寶路薄荷糖，我諗只有80後會認得啦

又到聖誕，小胖都應下節外出去尖沙咀睇下燈飾，睇下睇下自然會餓😂小胖係到飯點要食嘢的人，所以小胖就一路行一路望下有咩餐廳好食，要係尖沙咀搵到性價比高的餐廳要花點心絲，畢竟係旅游景點😂 最後小胖入咗去呢間到食，因爲佢的價錢唔算貴，而且店內裝潢新淨整齊，重點係佢的選擇幾多樣化小胖和友人就分别叫了海南雞飯和崩沙牛腩河，胖友的海南雞飯有分油飯和白飯2款，因爲有d 朋友可能會食唔慣油飯又或者想減肥，所以店家貼心地俾大家自由選，不過胖友自然無懼熱量同埋海南雞飯就係要配油飯先正宗好食的選了油飯🤣 而且佢呢個價錢仲要包一碗紫菜湯和一杯飲品，真心抵佢的雞飯味道不錯而且因爲已去骨，所以進食時好方便，佢的紫菜亦沒有沙的問題，小胖好怕食紫菜湯會食到沙，洗唔乾淨的紫菜好容易會有沙的，但佢無小胖的崩沙牛腩河亦十分入味，香味十足，佢的牛腩肥瘦適中，啖啖肉，又唔 會過靭，而且佢的牛腩味道唔會過鹹佢的價錢適中，坐位又頗舒服和上菜速度超快，不錯，而且服務員好貼心，話説小胖食完忘記帶罩就走出店舖🤦，服務員哥哥溫心提醒了小胖未帶好，附近好多人會捉同埋要保護好自己😆呢間小店不錯食的説😉

放工喺尖沙咀街頭躊躇食咩，行吓行吓，經過金馬倫道，見你一間潮州粉麵店嘅餐牌寫住——「招牌魚蛋粉＄29」，「糧尾」嘅我一於試試，既然停晚市堂食，外賣返屋企慢慢食。店內燈光光猛，地板冇笠黐黐感覺。枱上放有即棄筷子，用即棄餐具👍餐牌提供潮州粉麵店必有嘅魚蛋粉、雲吞水餃麵、淨食；有多種牛肉部位嘅食品選擇。除咗「秘制牛腩飯」，對牛腩講究嘅，可以試吓「崩沙牛腩飯」，仲有「雪花肥牛飯」，啱哂牛魔王。餐牌仲有提供火鍋配料可買走，如手打丸類、雲吞水餃、潮州片頭扎肉。既然呢度嘅崩沙牛腩出名，就試吓。侍應姐姐十分熱情，介紹我試埋限量嘅「脆骨魚皮」；炸魚皮就食得多，有骨嘅未試過。等候食物期間，餐廳電話響個不停，好多外賣嘅同路人 😂侍應姐姐將牛腩同飯分別用外賣盒裝好，整齊企理。=========================崩沙牛腩飯 $58牛腩賣相不錯，肥瘦層層相間紋理分明，一份有十一、二塊；炆得軟腍，入口有油香，冇羶味（怕有肥嘅朋友可能唔鍾意🙈）白蘿蔔清甜冇渣，吸收牛腩汁嘅味道；白飯頗大碗，份量足夠我食兩餐 😅套餐送紫菜湯，返到屋企加熱返會好啲脆骨魚皮$32連骨一齊炸好特別！金黃色吸引，比平時炸魚皮厚身；

好耐冇食過牛腩粉，行開尖沙咀呢邊， 就決定喺度食午餐😋餐廳嘅設計比較現代化，但地板仍然保留傳統的階磚，整體就像傳統和創新合體的感覺，幾有新鮮感🥰可能因為喺遊客區嘅關係，餐牌亦都有不同語言介紹食物，整體設計都幾精美易睇😝叫咗一直好想食嘅崩沙腩同埋餐廳招牌墨魚丸河粉，仲加咗碟油菜令整體感覺健康一點😝😝筷子係即棄筷子，疫情期間唔使怕同人共用筷子，感覺幾衛生🥰崩沙腩墨魚丸河粉~崩沙腩份量好多，就好似一塊牛扒一樣鋪滿整碗麵，筋肉分明，一啖咬落去油香四溢，肉質厚實，連埋筋位一齊食更為爽脆，而且吸收晒牛腩湯精華，啖啖都嚐到香濃的牛肉味道，整體感覺更為juicy，啖啖肉非常滿足☺️☺️墨魚丸則十分爽彈，而且食到粒粒墨魚，每一粒都吸收左牛腩湯精華，使每一啖味道都很濃郁🥰口感很非常爽脆彈牙，貪心嘅我仲想食多幾粒😛😛蔥等配料可以按自己需要加入湯內，令整體味道層次更為豐富🥰油菜~油菜都好高質，啱啱洽起十分爽脆，煮得啱啱好，不會過林，而且一上碟閃令令的，觀感已經很吸引，點少少蠔油作為調味已經好正😋最後以一杯熱杏霜作結，感覺滑溜溜的，帶有淡淡的杏仁香氣，既暖身又養顏😛

最近晚市六點後就唔可以堂食，放工經過樂園，趕係尾班車之前試下佢地嘅晚餐。樂園都算新開，裝修好新，佢地嘅店面唔係好大但枱同枱都有距離，坐得幾舒服。▶️海南雞飯採用左好新鮮嘅星加坡地道海南雞，好嫩滑，雞味重，仲去埋骨，唔洗妹骨🤩油飯亦都好香，飯嘅軟硬度岩岩好，唔錯唔錯😋飯仲送一碗紫菜湯，清甜解油膩，我飲落覺得無咩味精，味道岩岩好。▶️招牌手打魚蛋河手打魚蛋好彈牙好滑，好味，同埋有勁多舊，夠哂份量😋河粉煮得岩岩好，加埋佢地嘅辣椒油，香香辣辣，好正，如果唔食飯可以叫呢個。我地加左碟油菜，蠔油配芥蘭一流，芥蘭唔苦亦都無渣。整體非常抵食，好有地道茶餐廳嘅風味，係尖沙咀呢個地段黎講算好平，份量好足，好適合打工仔嘅飯堂。推介！

係尖沙咀想平平地食個飯 唔係無可能既除左茶餐廳外 亦可以選擇地道啲既粉麵有別於一般既麵鋪呢度裝修同環境都好乾淨 舒服 同新潮除左粉麵 亦有飯 同火鍋配料價錢亦都好大眾化 唔會因為地段而不合理收費先黎既係朋友既豆漿 有得揀黑白之後就係脆骨魚皮一包大概有十幾塊會跟一碗湯可以浸魚皮用個湯係濃濃胡椒味既魚湯魚皮就咁食有啲硬 浸魚湯浸一陣都可以keep到脆唔會怕浸耐左淋左急住要食而且大大塊唔會碎濕濕潮式扎肉河粉唔同越南果款 呢種扎肉咬落去啖啖魚肉加豬肉咁外皮感覺似炸魚片咁 肉質無魚片咁彈牙但又唔係得豬肉味咁食落有驚喜 比越式好味河粉好滑 份量夠 枱面仲有醋 可以提高魚湯鮮味呢度嘅下午茶係包熱飲好開心呢度有茶走奶茶茶味夠亦都夠滑另外朋友叫咗一碗牛雜麵個麵好彈牙 牛蒡亦都冇腥味五香牛雜湯底濃郁 入邊有牛肚牛肺牛磅牛腸牛腸亦都洗得乾淨冇臭味好值得推薦嘅一間粉麵店抵食衛生好味道

你到尖沙咀買個外賣返屋企加餸 我會首選呢度樂園魚蛋粉的 崩沙牛腩呢度性價比高 門口貼住早餐才29蚊我叫咗一個牛腩 淨食 大大兜牛腩配上少少一兩嚿白蘿蔔首先講下牛腩全部都係淨牛腩 崩沙位 啖啖肉 肥瘦適中 牛腩味濃郁 牛腩炆到淋淋地 可口美味 牛腩汁用嚟送飯就最啱 整件牛腩都係大大件 係牛腩最靚的部位配合溫度淋淋入味的白蘿蔔 白蘿蔔吸收牛腩的牛腩汁非常非常之野味 食完一舊會想再食多一嚿白蘿蔔非常之爽口 脆卜卜 食落就知係新鮮蘿蔔呢味原味牛腩定 係冬天買去送飯首選

單看店名就知道這裡最有名的一定是魚蛋粉吧不過個人比較偏愛食牛肉所以一見到有牛腩就忍不住要食而且此店更註明是崩沙腩即是牛的橫膈膜連着少許的肉此部位的肥瘦剛剛好果然一上桌看起來賣相已不錯腩肉的紋理分明薄軟又有膠質的橫膈膜與肉相連清楚見到是膜而不是肥膏入口爽軟而不硬亦不會太腍配搭河粉同食果然不錯另一個令我感到驚喜的是脆骨魚皮因為太少地方可以食到連骨一齊炸的魚皮所以很想要試試看它上桌時是有透明膠袋獨立包裝應該是方便顧客外帶買走而小先袋裝好脆骨非常厚身,放湯中浸兩三秒然後再食入口鬆化酥脆可口而且沒有魚腥味喜歡吃辣的朋友可以醮些店家自家製的辣椒油同食味道亦挺不錯油菜份量不算很多對比較細食的我來說是剛剛好由於下午茶餐的崩沙腩河粉是包熱飲的所以亦叫了杯地道的茶餐廳熱奶茶享用好飽好飽呢!

Ordered delivery via foodpanda, Cuttlefish Ball with Noodle and added fish dumplings. Food came quickly and soup was separate from the noodles, so they were not soggy. However, I was disappointed with the fish dumplings - they were chewy and tasted overcooked, and were starting to get loose. They did not taste fresh. The cuttlefish balls tasted like they had a great deal of cartilage and some chewy pieces if that bothers you. They were fine, but not the freshest. Overall, I felt like $83 was a l

在尖沙咀找又便宜又好吃的好像不容易，但是，今晚我和男友吃到了一餐平靚正的，就在樂園魚蛋粉。餐牌上有好多選擇。我們第一次來，就吃吃看最有名的菜式吧！魚蛋、崩沙牛腩、鮮蝦雲吞和海南雞都是推介之選，就全吃吧！先來崩沙牛腩配魚蛋雙併米粉。魚蛋超大粒，崩沙牛腩看起來肥瘦適中。牛腩肉入口非常軟嫩，很易咬開，完全不黏牙。重點是中間屬於脂肪的部分入口即溶，卻沒有油膩感，在口中化開時還有甜味，跟肉內的牛味相輔相成，果然是premium beef brisket! 魚蛋是自家製的，爽口彈牙，每咬一下都能感受到，並不誇張。個人十分推薦配合也是自家製的辣椒醬一起吃。那個辣醬所用的食材甚多，相當足料，既香口又不太辣，還有得賣啊！38元一點也不貴。加十元就能配個蔬菜，選了腩汁生菜，清甜解辣。海南雞飯用的是油飯，所以入口充滿香味。雞肉全部已去骨，可以大口大口吃。雞皮薄不多肥膏，加上滑嫩的肉，也是入口不會感到邪惡的組合。加上附送的兩款醬汁吃也不錯。還附贈一碗紫菜湯，味道清清的，紫菜量不少。鮮蝦雲吞也很有驚喜。皮非常薄又滑，餡料有原隻鮮蝦，大大隻又鮮甜又爽口，是誠意之作。吃了那麼多，也只需140元而已！平靚正就是如此~

同男友在尖沙咀行完街就打算買野食回家吃今日正想食港式餐廳 行行下見到呢間魚蛋粉好似幾吸引 價錢又相宜 於是毫不猶豫咁入去外賣回家食我地點了 古法鮮蝦雲吞麵 去骨海南雞飯 以及我之前未見過既脆骨魚皮 🤤🤤1. 古法鮮蝦雲吞麵（$30）🍲就算外賣回家仍然新鮮滾熱騰騰 在冬天食就最溫暖不過 要讚下佢啲鮮蝦雲吞大大粒 總共有4粒 真係真材實料 非常鮮甜爽口 雲吞厚薄剛好 不會吃到厚厚麵粉味👍🏻同埋欣賞麵既湯底 完全唔會係味精 食完沒冇口乾既感覺 麵都冇鹼水味 $30 嚟講真係又平又高cp 值2. 去骨海南雞飯🐤 + 紫菜湯（$49）平時食開去骨海南雞飯都要$60/70 但呢到唔使$50已食到 簡直是我地呢啲街坊既恩物雖則佢咁平 但質素一啲都唔差 男友表示 海南雞很嫩滑而且 油飯很香 配埋惹味既醬汁真係想再encore 它既性價比同雲吞面一樣咁高🤤3. 脆骨魚皮 🐟（$32）見到脆骨魚皮真係好特別 平時食開淨炸魚皮 加埋脆骨都真係第一次食 但都會比到驚喜我呢個脆骨魚皮非常香口 脆卜卜 送湯又得 晚餐後作零食又可以 感覺比平時食既魚皮更脆更入味 平時怕骨既我食呢款脆骨魚皮完全冇問題