樂園魚蛋粉

营业中

休息中

尖沙咀向來食嘢都唔平，因為係遊客區，食親都要$60-$70，今次同朋友食呢間地道又平嘅魚蛋粉，全日都係$29 ，真係良心價。下午茶時間都咁多人食。佢哋嘅菜式選擇都幾多，飯裏都有白款，最特別係魚蛋粉竟然有海南雞飯，梗係要試吓佢嘅海南雞嘅質素，另外再叫多咗個崩沙腩飯試吓。但係因為疫情關係，我哋選擇咗外賣返屋企食。佢一個set有飯、有紫菜湯仲有一杯嘢飲，都係$50左右，好抵食。仲要佢嘅份量都唔少。啲海南雞飯新鮮拆肉，入口軟綿綿，配埋海南雞醬食一流，啲雞肉好嫩滑，啲飯加埋雞油一齊食好正。崩沙腩半肥瘦，好香濃，啲牛腩整得好淋，一絲絲咁咬開，蘿蔔冇渣，好好食！

臨近新年，呢幾日都食咗好多好Heavy嘅嘢，今日嘅午餐想輕怡d~ 路過見到呢間餐廳望落幾新淨，兼且20幾蚊就有碗魚蛋粉，下午茶時間仲送熱飲添~ 好似好抵食咁，就一於決定試吓~ 由於我唔想食咁多澱粉質，就叫咗淨魚蛋同魚片頭雙拼，加碟油菜，清清地就一餐~ 魚蛋果然完全冇令我失望好爽口好彈牙! 食得出冇乜點溝粉，建議大家嚟到一定要嗌! 我覺得佢質素完全不輸九龍城好多人排隊嗰間德x魚蛋粉，所以根本就唔洗花費太多時間去同人逼至於魚片頭嘅調味就重過魚蛋少少，食落好夠味，加埋個辣椒油(食落有dd似XO醬)就更加正見到餐牌上面除咗有平時成日見嘅炸魚皮之外, 仲有一個好特別嘅炸魚骨! 其實好想試吓，不過又唔想再食太多肥膩野, 下次來一定會試試

本身一心諗住黎食個海南雞飯 但！！ 點知賣晒😭😭 然後就轉左食佢個秘制牛腩飯！ 點知有驚喜！ 份量大大份 而且好好食 ！ 我地2個叫左 2個飯 加一個油菜 盛為$103 勁抵食！ Ps. 多謝政府 我地要係海旁食飯🙂🙂🙂一個飯重跟一碗紫菜湯😵 以為係細細碗 得幾條紫菜 但係事實上係勁大碗 同埋勁多料！ 1 D都唔hea!! 正！ 油菜跟餐只係加$10！ 重可以揀 菜心定係蘿蔔！ 其實2個都好想食 但驚食唔晒所以就叫左菜心份量岩岩好夠2個人 - 雪花肥牛飯 $45超多肥牛！ 好味 好入味同好夠牛味！ 一d都唔鞋！ 一大碗 （最後都係食唔哂 食淨左半碗 ） 重有2粒蘿白 蘿蔔超甜😍 好正-秘製牛腩飯 $45超推介！ 肥牛已經好好食 呢個重好食！ 我朋友唔食牛腩都食左幾舊！ 又係超大份量！ 重有一兩粒蘿白！ 飯係滿滿既2碗 大家要叫少飯 一碗有2碗既份量😂 真係好足料環境 乾淨企理開明

不知大家係唔係無乜節目，我所上的麵包堂日日full，好耐都報唔到上堂，嗚嗚嗚….經一番努力後，我和朋友今日終於一齊報到整麵包堂啦! 大家覺得整得靚唔靚?雖然整了麵包，但當然唔會用它來做晚餐。6:00pm後仍然禁堂食，所以我倆就在附近買外賣回家開心share，今晚就揀了食粉麵。小店用燈色的門框，仲有燈光招牌，都幾搶眼。而最吸引我們是「撐港人：外賣自取粉麵加$1一碟是日靚菜」，超抵! 岩晒我倆無菜不歡的人。地方不算大，座位分左右兩邊，約有十枱，整齊企理。牆身鑲上菜式的相片，枱上亦放齊用具和調味料，挺齊備。細看外賣菜單，主打粉麵，亦有幾款飯類、淨食類、飲品類，還有一些火鍋配料。我們今晚就點了一碗雙拼麵、一碗淨食、兩款蔬菜和一杯飲品，都好夠食。**************牛筋金黃片頭雙拼麵($33+$7)份量挺足。我地揀了粗麵，雖然湯和麵沒有分開盛載，但並沒有索晒湯，亦不會太腍身，亦有咬口，煮得剛好，帶有腩汁湯底的鹹香，不錯! 約有五大件牛筋，每件均夾雜少許肥膏，腍滑中帶爽，富有膠質，味道幾香；兩大件金黃片頭外表微微金黃，相當彈牙，又有魚香，口感和味道都討我喜歡，推介!************

傍晚去尖沙咀覆診之後，買外賣晚餐回家和先生一起吃。這晚的選擇是樂園魚蛋粉。舖頭設計簡潔，內裡光猛。一共買了兩碗麵，加$2即可享用時菜！還點了一份酥炸門膳皮。回家路途有點遙遠，餐廳特意把湯底和麵分開盛載，避免麵條發漲，非常細心。崩沙牛河是其中一個招牌菜。牛腩肉肥美豐厚，湯底充滿著牛腩餘香。配搭份量充足河粉，口感也不錯。另一款招牌菜是魚蛋，配搭了粗麵。魚蛋彈牙而軟滑，非常過癮的口感，咸淡得宜，食過翻尋味。兩款時菜是蘿蔔和芥蘭，兩者既軟腍又清甜，而且非常抵食，不可錯過！酥炸門膳皮由香港工場自家製造，比坊間所買的一般魚皮較硬，可延長浸湯的時間。如喜歡比較堅韌的感覺，一定要試。

老字號確係唔同d🍜喺尖沙咀想食魚蛋粉，喺金馬倫道行過呢間好似聽過個名。尖沙咀黎講30幾蚊食到碗麵，仲有嘢飲而且幾好味真係好抵食！!魚蛋牛雜麵呢種魚蛋真係好好食，特別彈牙牛雜方面，牛肚竟然煮得好淋非常入味，不過牛肺就有少少腥但整體來講都係非常高質素👍🏻👍🏻另外試咗一份獨家炸魚皮比一般魚皮厚，都算幾好食不過有少少硬呢杯檸檬茶，茶味非常濃郁要飲真正港式檸檬茶，真係要去返古舊嘅餐廳先飲到😂😂

今日喺尖沙咀上完堂諗住買外賣返屋企食，路經金馬倫道見到呢間「樂園魚蛋粉」嘅招牌魚蛋粉都只係$29，一碗麵$30都唔使，下午茶仲要包熱飲招牌手打魚蛋河 $29招牌魚蛋粉除左有手打魚蛋之外，仲有幾片魚片，$29就嘆到大大碗嘅雙拼河粉，真係超值！手打魚蛋好彈牙而且每粒嘅形狀都唔一樣，真係喺手工製造👍🏻去骨海南雞飯 $48 唔好睇佢細細地一碗咁，其實份量都唔少嫁，仲可以揀油飯定白飯，識食嘅就梗係揀油飯配滑嫩海南雞，雞件斬到細細件而且已經去骨，啖啖肉就啱哂懶人小妹酥炸魚皮 $18哩到有兩款炸魚皮，今次就試一試普通款嘅酥炸魚皮，另一款係比較少見嘅連骨款。$18大大包，塊塊都炸得酥脆可口，每一口都食到「索索」聲，好鬼過癮，搞到你食到停唔到口

難得有個空閒既星期三🤣黎尖沙咀行陣街同朋友仔整返碗麵食下啦☺️招牌手打魚蛋河粒粒每片手打爽口彈牙既魚蛋魚片🤤🐟更係呢度既招牌貨色😋😜🐟爆蔥伴食是基本野🤤🤤🤤配以煮得夠爽口唔會一夾就散既河粉一絕🍜😆🐟五香牛筋河牛筋夠哂爽口之餘煮得夠腍嫩🤤😋🐮食落富彈牙有膠質既口感滿滿牛香亦是一絕😋🤤🐮同樣地煮得夠爽口唔會一夾就散既河粉🍜😆配合充斥牛香既腩汁拌食更是絕配🐮🤤🤩

疫情嚴重，而家都甚少出去出邊食，通常都係叫外賣。今次呢間樂園魚蛋粉，係第一次食，位置係尖沙咀馬路邊，唔使上樓。見到門口招牌寫住主打牛筋牛腩魚蛋粉雲吞麵等等，港式風味，門面橙色都幾矚目。餐廳面積唔算好大，由於限制措施，所以冇堂食。因為晚餐想飽肚啲，點左飯。飯嘅款式都幾多，有牛腩飯牛筋飯牛雜飯肥牛飯等等，不過我就點左海南雞飯。海南雞飯係去骨，採用星加坡海南雞。雞嘅份量都幾多，香嫩，感覺唔算太肥膩，配埋個香口油飯加特製醬汁，食落都幾開胃。朋友就點左崩沙牛腩飯，牛腩有咀嚼感得黎又好林，配埋白飯就冇感寡。另外加咗蘿蔔湯，係加$10就可以，作為飯後或者飯前濕下個口都唔錯。另外再有紫菜湯送，幾抵。

除左成日食泰菜之外 最近都食唔少海南雞飯😍😍 去骨海南雞飯 $48套餐送養顏紫菜湯雞食落香口嫰滑 唔乾柴👍配2款醬汁 一個係甜醬油 另一個係比較酸嘅辣醬油飯賣相冇其他個d咁黃 應該係清雞油飯 食落有香香嘅雞油味😋😋雙併魚蛋古法鮮蝦雲吞 $29 加$7魚蛋彈牙 唔太咸 (出面好多都落好多味精 咸到冇哂魚味古法鮮蝦雲吞皮好薄 唔散 蝦又算大粒 唔錯!最鍾意係個辣椒油 夠香辣 值得一試!所有餐另外加錢有野飲

好耐都冇食過魚蛋粉麪,今日癮起就即刻去食啦~~朋友食去骨海南雞飯 ($48)講明去骨,啱晒好似朋友咁懶嘅人~佢話啲雞肉好嫰滑仲有碗養顏紫菜湯，好香紫菜味!! 搞到我都忍唔住喝咗幾啖~而我就叫咗雙併：魚片再加古法鮮蝦雲吞米 $29 (雙併加$7)魚片好彈，好爽個鮮蝦雲吞皮薄餡靚~同埋呢到有枝裝可樂!!!唔知點解覺得枝裝嘅特別好飲~~宜家買少見少，下次可以再嚟encore~Recommendation rating (out of five):

之前同事食晏話尖沙咀有間好好食既魚蛋粉舖頭，今晚收工又唔想煮，一於買返去屋企試下先！見門口餐牌寫住話除左魚蛋粉之外，仲有每日限量供應既崩砂腩，岩嗮牛魔王既我，一於黎個崩沙腩拼墨魚丸米粉！魚蛋粉可以算是港人其中一款comfort food。配料看上好似好簡單，其實製作過程同用料都需要一定既功力同技巧先可以完美。打開個碗，一排崩砂腩向我招手，急不及待立即夾入口，一咬成個口腔充滿濃濃甘香既肉汁，肉質爽口唔膩，抵讚👍🏻👍🏻👍🏻墨魚丸裡啖啖墨魚肉粒，果然係真材實料，爽口彈牙！另外，仲叫左一碗四寶丸米粉，裡面包括有魚蛋，魚皮餃，墨魚丸和豬肉丸！特別想讚下豬肉丸，質地彈牙，又好juicy !蘿蔔清甜多汁，唔會好似有啲舖頭咁食到成口渣!重點只係加$1 份量仲要好多！正！酥炸門鱔魚皮($18)，分量大，放入湯中秒浸即刻傳來霹靂啪啦既聲音，咬落超級香脆。呢度除左魚蛋周邊既湯類食物做主打外，仲有多款飯餐提供，有新加坡海南雞、豬手、牛筋，另加送紫菜湯，下次一定會再來試試。宜家做緊抗疫優惠$1加一碟是日油菜，真係睇得出老闆既用心！😍😍😍

呢個疫情大家都減少堂食，我也不 例外，呢間樂園算新開業，又近我工作地方，所以有時都收工直接買外賣回家，佢嘅粉麵都真係幾好，我自己都幫襯過幾次，今日又再嗌左牛雜河同魚蛋河。各有特色，老公就愛牛雜河，佢份量好多，價錢又合理，真係平靚正架，老公一向大食，食完都夠飽，佢話味道夠，湯又鮮，佢食左幾次了。我嘅魚蛋河今次先試，都幾好食，有2種魚蛋，不知道係分別咩魚呢，不過好新鮮同彈牙，同樣份量都好多，我都食吾晒！另外每次都必嗌嘅脆骨魚皮都重點推介！連骨炸魚皮好正！特別有咬口，又香脆，就算拎返屋企食都好正，係限量發售，有得買記得買丫！呢間真係幾好，價錢又公道，係疫市下開業，加油支持！

沒有晚市又要開工，唯有食外賣，尖沙咀區價廉物美的餐廳不多，真心推介樂園魚蛋粉，以前多遊客時要排隊入，現在不用排當然要食。雲吞米：米粉二十幾元一碗，相當大份，我一個女孩子吃不完。雲吞內的蝦有很多隻，而且很有鮮味，非常彈牙，質感吃得出是用新鮮蝦。特別欣賞蔥和菜脯有調味過，配粉麵一起吃令味道更豐富，不會只有雲吞跟麵的味。炸醬麵：配一碗湯，湯超級鮮味，是用雞湯，還是一大碗，很用心。炸醬甜甜的很好吃，肉絲不會乾柴。餐廳的辣椒醬也很出色，加在醬一起吃不會搶了炸醬的甜味，又更加開胃。韮菜餃：這個湯跟炸醬麵的有點不一樣，多了蝦的鮮味。咬開餃子，裡面滿滿都是韮菜，味道香濃，喜歡韮菜味的我超級喜歡這個。雖然是外賣，店員還是用心包好食物，又提醒我怎樣拿才好，很貼心喔。

凍冰冰的天氣令我地好想食熱湯嘅野，另外我哋都好耐冇出去食地道的粉麵店😊 這天去左這間樂園魚蛋粉食午餐😊喺呢一區來講呢度食物嘅價錢都幾抵😊 最平一碗粉都係廿幾蚊魚蛋好彈牙，墨魚丸都幾爽滑，依個雙拼可以令我地食到兩種喜愛的丸類😊 面底都幾好味，軟硬度適中。湯底都幾清香，加少少辣椒油更令成碗麵味道昇華。崩沙牛腩河一上枱賣商相好靚，係好味兼分量足的崩沙腩😊 味道幾香濃，肉嘅口感幾爽口，一啖崩沙腩加埋河粉連蔥花食超滿足😊點粉都後可加十蚊點一碟油菜，我哋叫咗菜心，加腩汁。冬天菜心都幾好味，水份多d林d甜d, 加埋腩汁好夠味。店內午市人流多幾旺，座無虛席。聽到好多食客都點海南雞飯，估唔到粉面店有海南雞飯，下次有機會試吓😊