樂園魚蛋粉

营业中

休息中

偶爾到尖沙咀附近，想食平少少就同朋友入左依間粉麵店見佢門面比起普通既中式麵店乾淨企理 就同友人入左去lu一坐低就見到餐廳推出左一啲特式餐牌不過我地都係叫左傳統啲既粉麵黎醫醫肚魚旦粉一碗～魚旦係切到方方正正既潮式魚旦，味道會爽口啲無咁軟淋淋，食落都有魚鮮味，調味幾好，係一碗合格有餘既魚旦粉呢牛雜麵朋友叫既牛雜麵份量都好充足由於友人好鐘意食牛膀見到大大塊既牛膀 食落又無腥味就好滿足了其他既牛雜呢 牛肚算係爽口既 牛肺就mf過不失啦油菜（跟餐+$10蚊）唔會黃感感，食落幾甜 同埋無黑點 兩個字 收貨啦！凍檸茶兩杯茶味幾香 略嫌檸檬唔太酸 鐘意飲甜味重既檸茶的話 應該會幾岩飲總結：買單100蚊有找，有麵有菜有野飲無得挑剔了 而且依加疫情期間乾淨企理絕對有加分啦

繼續尖沙咀覓食，今日同朋友食港式粉麵。見到呢度外賣仲有優惠，真係抵，平民恩物！我地揀左秘製牛腩幼麵同埋金牌豬手粗麵，炸魚皮，凍檸茶同凍鴛鴦。好快就有得食，可以見到都幾多牛腩，有大約7/8舊，牛腩唔會太肥，又肥又有瘦，食落口好稔，有層次。幼麵值得一讚，好彈牙，唔會太多梘水味，太苦，湯汁都好下次要加埋雲呑！朋友話豬手都好入味！呢度仲好貼心，俾埋個兜兜我地裝骨。魚皮係一包咁樣上，份量好多咖，仲好脆吖，唔會太鹹，輕輕點一點湯汁，配埋牛腩麵食，正!

約左朋友係附近揀禮物但其中一個遲放工 我地就諗住先速食個晚餐 今晚再屈佢大食一餐 見對面有呢間粉麵店開正係大路 位置咁方便就試下佢檯上放左個膠片貼有黃金墨魚春卷圖 非常吸引朋友就叫呢個搭配崩沙牛腩我就特別啲 見呢間餐廳有海南雞油飯跟埋紫菜湯先＄48就決定試下 朋友個米粉嚟先 嘩 賣相好得 墨魚春卷金黃 足料漲卜卜 入面墨魚肉有粒粒咬口 好食牛腩連埋少少脂肪位睇起嚟好光滑 佢讚咬落去夠淋又入味之餘 牛味都幾濃 而且份量唔少 超值至於我個海南雞估唔到咁好味 平時我都好少食皮 但呢個雞皮非常之有雞油香 唔可以放過佢 而且雞肉都非常滑溜 配埋油飯都係必選而且有紫菜湯飲好過平時海南雞飯嗰種湯 飲起嚟唔會覺得好鹹味精湯咁 滿足

好耐冇食過魚蛋粉嗰d, 今日見自己一個人食就決定食依間。餐牌好精美圖文並茂，應該係因為方便遊客睇啦。今日想食得豪氣d點咗個雙拼嘅牛雜牛筋麵, 都冇令我失望。葱用咗隻匙羹另外放，一見到碗麵都已經覺得佢好足料啊。牛雜同埋牛筋嘅份量超多，一個女仔食有少少食唔晒嘅感覺。最好食嘅我覺得係牛肚，因為整得好軟同入味，其他牛雜都正正常常，比街邊檔嘅牛雜好食。幼麵煮得啱啱好，冇鹼水味。另外見到佢有個數量限定嘅酥炸門鱔皮都好似幾特別，唔知係咪同平時食開嘅魚皮唔同呢所以就叫嚟試吓。佢係一包咁樣上，仲有埋碗湯一齊。不過個人覺得點牛腩湯汁會好食啲所以就冇點佢提供嘅湯啦。魚皮浸咗落牛腩湯度好入味，可能因為佢係門鱔皮嘅緣故， 佢比一般嘅魚皮硬身，所以即使浸咗一段時間都唔會太冧， 仲保持到卜卜脆嘅感覺。最後叫咗杯香奶奶茶作結，好滿足呀。

爽腩、坑腩成日都食啦係咪.....崩沙腩? 咩黎, 叫黎試吓! 呢個就係崩沙腩.....上枱眼望非常靚仔，第一印象超好．食落真係唔得掂，我真係未食過咁正既牛腩。。。。。。佢係＂香啦＂，＂滑啦＂，＂爽啦"，仲竟然＂唔黏牙＂，我點會咁遲先知有呢樣嘢架?？味道真係好好，好夠牛味既，佢最勁係嬴埋口感，比１００個讚呀！🤤🤤朋友食咗水餃米， 都好正呀，足料皮薄，湯底夠味唔會淡如水。我哋叫咗個小食，酥炸門鱔皮， 都好值得食。因為佢比魚皮厚身，食落脆卜卜，絕無膉味。佢教食前浸湯數秒更好，我都有跟佢做，不過我覺得浸唔浸都好食😋

呢日去完尖沙咀做野就入咗呢間食碗魚蛋粉，同事唔係好肚餓就要咗碗淨雲吞。見到佢有炸魚皮，當然要試下佢啦。其實佢menu都幾多選擇，飯麵同小食都有，價錢都幾平，$29到三十幾都有。招牌手打魚蛋麵佢一碗大概有三粒魚蛋同三塊魚片，魚蛋真係幾彈牙，又有魚味，係尖沙咀$29一碗真係幾抵食。淨雲吞雲吞粒粒都好飽滿，蝦同豬肉既比例都剛剛好，佢每一碗湯麵都有一跟好香既蔥蒜，加埋就味道豐富啲。炸魚皮佢一包都幾大包，仲有碟仔做俾你倒出黎食，魚皮脆卜卜，就咁食就得，加入湯送麵都得！檸杧可樂同熱檸茶

一場嚟到尖沙咀， 想食下港式風味的粉麵。就去到金馬倫道 找嘢食 見到呢間樂園魚蛋粉。 地方四四正正， 就入去坐低 E下個肚.呢度啲魚片頭好出名 所以我就嗌咗個 四寶 定食. 四寶淨食 有兩粒魚皮餃 魚皮餃好 新 鮮 足料.兩粒手打魚蛋 純 白色 咬落彈牙 爽脆嫩滑, 食得出有魚的鮮味, 之後仲有兩片魚片頭 同樣爽口彈牙. 配魚骨湯底 仲有兩篇田園草味的生菜.唔夠飽再叫多咗一碗雲吞 淨 食, 雲吞的蝦肉紮實 大大粒 總共有六粒. 冇 鹼水味 皮薄餡靚. 醃蝦爽口彈牙.

古法鮮蝦雲吞米粉 $29價錢認真抵食，雲吞有成4粒。如果唔係堂食, 外賣嘅話揀米粉好啲，就算索水都無太大影響口感。湯底OK～唔好太濃味似味精。但咬開雲吞，都隱約見到完整一隻蝦肉，感覺唔錯。加生菜 $10菜嘅份量唔算係超級多，但感覺OK夠做啦。照正常跟蠔油無骨海南雞飯 $48幾欣賞呢個海南雞飯，飯都幾鬆軟，唔會好油膩。雞肉就真係無骨嘅，送兩個醬汁，一個酸辣、一個微甜的醬油，襯埋成件事都好食。凍豆漿 +$8因為係成枝裝，所以就擺左係雪櫃放住，就無熱嘅。飲落唔會偏甜過甜，香港製造都啱返香港人口味。養顏紫菜湯 原來晚巿係無奶茶飲，但食飯就送紫菜湯。朋友覺得個湯偏醎，但我覺得係正常嘅湯味。外賣🥡雖然我自己帶左飯盒，但餐廳都算肯幫手入飯盒，一齊減塑。

星期六自己一個食晏晝，揀咗呢間粉麵店，食咗一餐十分滿足，令到週末好開心嘅一餐 😋叫咗一碗崩沙牛腩河，見到好多客人都揀呢個 😜 仲見到有酥炸門鱔皮，平時食炸魚皮食得多，但係未食過炸門鱔皮，好奇所以都叫咗黎試吓。首先黎左炸門鱔皮（$32）平時食炸魚皮，我鍾意浸落湯一兩秒就即刻食，但係食呢個炸門鱔魚皮，真係要浸係湯耐啲。因為佢係比平時嘅魚皮厚實，浸落湯耐d可以幫助去除炸物嘅油膩感，同時間絕對唔會令到魚皮淋左，食落口都仲係卜卜脆。推介大家同朋友嚟食，又鍾意食炸魚皮嘅話，可以share試吓 👍👍 有啲炸門鱔魚皮好大塊，浸唔哂落碗湯度 🤣 正呀！好快崩沙牛腩河粉（$46）都黎左好好食呀 😍😍 之前無食過崩沙牛腩，原來崩沙牛腩係「位於橫膈膜附近、牛肚兩邊腩位，腩上有薄膜」。好有牛味，肉質鮮嫩，有層薄膜令到口感更豐富，唔係筋黎，所以唔會鞋口。樂園煮得好好食，同個湯底好夾！我覺得係樂園必食，大家一定要試下 ☺️☺️

尖沙咀食肆一向也不便宜，有時來行街睇戲，想到食飯也會櫈荷包肉赤。想不到在今時今日的香港地，仍然有20幾蚊一碗魚蛋河這支歌仔唱，真是難得呀！就是這間環境充滿了香港特色的餐廳，很有懷舊香港的風味。「四寶丸」女仔吃不到這麼大碗麵，就點了四寶丸，第一粒吃的是魚皮餃，那個皮真的是用魚皮來做的，吃得出魚味很濃，而且質地非常煙銀，魚皮餃非常大隻又很足料，很久也沒有吃過這麼有質素的魚皮餃。「牛腩米」牛腩很淋，肥瘦均勻，口感很好，肉味濃郁，腩汁也很香，米粉分量很多，男仔也夠飽👍🏻「炸魚皮」這個抵叫！大大包先十幾蚊！用密封袋獨立包裝，一定唔會通風，入口非常之脆，大大包我地食唔曬，仲可以拎番屋企下餐食！😋總結：在尖沙咀勝價比極高的餐廳！

星期六喺尖沙咀想食早餐，經過金馬倫道街頭，竟然比我見到有魚蛋粉食，門口仲寫住撐港人有外賣優惠，咁有良心，即刻拉住個friend衝入去！舖頭環境好似舊式粉麵店，好local，勁有街坊feel，價錢公道，食碗粉都唔使$50 ，喺尖沙咀嚟講都算便宜！小朋友才做選擇，我就叫咗碗最多餸嘅四寶米，跟餐加油菜同凍啡。朋友就叫碗牛雜米同凍檸茶。四寶米魚皮餃、魚蛋、豬肉丸同埋墨魚丸，估唔到魚皮餃同魚蛋都有兩粒，性價比絕對高！魚皮餃食落煙銀蛋牙，魚蛋就係潮州白魚蛋，淋身果隻！跟餐加個碟生菜都好大碟，同朋友share食都食唔晒！買單仲唔使$90 ，真係好抵！

星期六七點好好彩唔駛等位，經過俾佢個崩沙牛腩吸引咗入嚟，所以就試下！！但係鋪頭叫到名魚蛋粉，點可以唔食魚蛋呢～～所以我叫左雙併崩沙牛腩魚蛋河 ，加$10有碟菜，而且仲可以揀通菜，生菜定蘿蔔，全走（走蠔油 走豉油）餐飲就諗左陣，唔想又飲熱檸水，最後新嘗試叫左熱杏霜走奶 等左五分鐘都唔洗就有得食菜同野飲，好有效率 菜係正常份量，正餐前先食菜會快啲有飽肚感 等多陣主菜終於黎啦 嘩！有好多崩沙牛腩！係隻碗既直徑咁多！最少一定有八件，牛肉唔韌，林既易入口牛腩湯配河粉好match😆 魚蛋有兩大粒，彈牙白魚蛋，河粉既份量正常 第一次飲熱杏霜，原來超重杏仁味，杏仁既fans應該係大愛！ 越飲越好飲😃😃😃 最後走先見到menu原來有酥炸門鱔皮，可惜已經好飽，下次！

今日同朋友出尖沙咀做嘢，突然好想食粉麵😋之前朋友介紹過樂園魚蛋粉🥳所以今日就食啦1.魚蛋魚片河🥰好足料，份量好足，魚蛋同魚片都好彈牙😋爽口😜唔會有腥味，河粉夾起唔會散同碎👍🏻呢個價錢合理，抵食！魚蛋同魚片好好味！2.去骨海南雞飯😋好大份，好多肉又有隻雞翼😋係雞油飯嚟😋仲會送埋碗紫菜湯😋🥰星加坡風味如果唔想食麵就可以試呢個飯👍🏻😋新鮮雞👍🏻特別好味👍🏻👍🏻👍🏻👍🏻👍🏻👍🏻肉質鮮嫩唔錯😋熱辣辣送上枱好好味😚另外加左名$8 要左一杯凍檸茶同凍檸水👍🏻👍🏻👍🏻同埋本身我都係一個蘿蔔控😍😍所以加左$10 要一碗清湯籮蔔！好好食，好入味，好冧👍🏻💕份量仲要好多👍🏻👍🏻👍🏻建議大家去開尖沙咀可以食呢間！

今天工作來到尖沙咀，因為時間緊迫，只能和同事簡單食碗粉麵醫肚，想不到位於金馬倫道的「樂園粉麵」能帶來驚喜。《崩沙腩河粉》$46崩沙腩位於橫隔膜附近，肚皮兩邊的腩位，它有一塊薄膜和豐富的膠質，爽軟不硬，所以比一般的牛腩貴。46元有6大舊崩沙腩，真是超值，崩沙腩肥瘦剛剛好，煙煙靭靭唔黐牙，很有肉味。《牛筋河粉》$33牛筋煮得非常軟腍，但有嚼勁，牛筋含豐富的膠原蛋白，不含膽固醇，有強筋壯骨之效，也能延緩皮膚衰老，這是很多女士愛吃的原因，我當然也不例外。牛腩配河粉，簡直是絕配，加上沒有味精的真材實料清湯，食一碗好像不太夠。下次如有充足的時間，一定會再Encore。加8元有飲品

哇，係正尖沙咀黃金地帶，竟然可以咁平，真係打個和😻$3x一個晚餐除咗粉麵類，仲有星加坡無骨海南雞亦有火鍋配料🍲可以買番去加料👍🏻😋店舖主打: 招牌手打魚蛋😆將葱花用匙羹上，十分細心，葱花令整碗麵更香🥳大約有3粒手打魚蛋和3塊大魚片魚蛋十分彈牙😍食到仲有少少魚味🐟真材實料麵類可選: 河粉、幼/粗麵、米粉、米線🍜唔記得加腩汁🤦🏻‍♀️店員好好人，額外俾一小碗我💛😆而且唔洗加錢，腩汁令湯底更濃味😻正秘制牛腩🐮入味，有大約6-7中塊，肥瘦岩岩好額外再加一碗淨古法鮮蝦上湯雲吞 $29有3塊生菜🥬大約6件雲吞每舊雲吞都兩隻蝦🦐十分推薦加$10 菜，有生菜🥬蘿白、通菜、菜心選擇成餐十分豐富，先$101，超抵☺️