榮記粉麵

营业中

休息中

早幾日同kylie過中央溫書,lunch時間真係人山人海...咁就試左榮記la~我叫左 <<[$18]濃濃的湯+豬紅+蘿蔔冇得頂...下次唔應該叫麵筋,初初吃第一舊好好吃的~但吃得多...有點膩的感覺會再幫襯

車仔麵一向都是我心頭好, 今天行經銅鑼灣忽然心癢, 在「巷仔」和「榮記」之間, 我最終選擇了較近的榮記。點了豬紅蘿蔔豬腸油麵, 濃濃的湯底, 未吃已忍不住先喝上一口。蘿蔔還是一貫的清甜兼無渣, 豬腸的味道也不錯, 豬紅則只是一般貨色。一碗不俗的車仔麵, 美中不足的是沒有我比較喜歡的粗麵.....

D牛腩夠腍, 幾好味, 但係豬紅就無乜特別, 好就好在唔會一夾就散... 辣椒油好正, 情不自禁落左好多!!! 但係越辣越正! (唔食得辣ge要就住...)服務方面, 落order錯左, 但係好快都換返碗俾我地, OK啦; 不過佢地呢度唔肯俾水人飲, 要人地order佢D飲品, 就唔係咁好喇! 杯豆漿仲要唔夠甜, 都唔好味ge...! Anyway, 都幾抵食!

試過係糖街既榮記，因為要排長龍所以都無再第二次幫襯過。今日咁岩經過又見得兩個人等位，唔使點等就坐低叫咗個蘿蔔、大腸、豬紅、雞翼尖米粉。米粉係幼身既米粉，並唔係用排米，但係加上腩汁既湯就比排粉更加入味。蘿蔔無渣同好甜，好明顯係用糖水煑過。大腸洗得唔係咁乾淨，有少少味。豬紅好大件。雞翼尖唔錯，炆得幾腍。湯底係腩汁，好濃，唯一覺得值得再去既原因。22蚊四餸麵，唔係貴，而且都幾大碗。不過呢到同舊舖一樣，坐得好迫。

(29/10/05)姊姊在場,男友叫佢都同我們一起食o野。姊姊最愛哩間車仔麵,其實我麻麻咋。講下D餸,推介魚肉春卷、蘿蔔、牛類o野(牛肚,牛筋)。魚腐唔得,好濕泡泡的,又無味。湯底好濃味(味精?),幼麵入唔到味。佢地揀左油麵,反而入味喎。因為湯底已是腩汁味,要菜的話,不如揀雞汁或腐乳好D。如果唔係有人提議,我唔會來食o羅。唯一好是上層係非吸煙,無臭味。

5 點左右系度食左個雜麵$18--有豬紅,豬皮,牛肚,牛丸,通菜,要左油麵.份量吾算多,有4大舊豬紅,但自己吾食豬紅,豬皮牛肚頗腍而且入味,牛丸得一粒吾夠彈牙.油麵反而幾多而且彈牙.會再幫襯!^^

一直好想試下呢間咁多人排隊食既車仔麵店。星期六中午要黎銅鑼灣搞d私務﹐一於黎幫襯下﹐好在得一個人﹐都唔係都好難搵位。配料選擇比較少﹐麵食亦只可以揀米粉,河粉,油麵,幼麵同仲有一樣(唔記得咩lu)。叫左豬紅,蘿蔔,牛筋,魚腐拼米粉(本來想食西洋菜架,但點知無)。豬紅真係好滑同入味﹐蘿蔔亦甜而無渣,同新記不相伯仲。牛筋炆得好淋同入味。魚腐反而無乜特別﹐似係豆腐泡夾左少少魚肉多d ﹐相信係唔係自家出品。大大碗都只係22蚊﹐係抵食。可惜既係越食越鹹﹐食完飲左足足一支水﹐不過份量又不如之前d食家所講咁少喎。反而係好多好大碗。相信係同揀左咩料有關。服務都唔差呀﹐佢最初落單時寫錯左粉腸﹐但黎到時我話係要牛筋唔食粉腸﹐佢都好有禮貌咁不停話唔好意思﹐幫我換番。地方算乾淨﹐但真係太多人喇﹐所以好迫﹐我坐近梯口都好驚﹐因為一碗碗滿滿既麵係咁o係我後面經過﹐我十分擔心會唔會打瀉倒到我成身都係。

一入到去就要同人搭位坐,我地叫左雞翼尖、通菜、蘿蔔魚旦油麵,的確d汁又真係好濃,不過好多野都好似咸左少少,但整體上都不錯。

今次又黎呢度食車仔，都係叫左招牌雜米線，今次食覺得豬紅比上次滑,幾好食!不過豬皮就唔係太爽,有待改善.叫左炸魚皮，普通，不試也罷!! 今次最唔同就係d辣椒油,上次食d辣油好辣,就連店內都貼出提示食客的紙條,但係今次無曬d 紙條,d辣椒由都唔太辣,唔知係唔係再調過味呢!!!

呢間比糖街那家正店乾淨和企理﹐而且有飲品供應﹐味道我吃不出有什麼不同。我最鍾意吃西洋菜和豬紅﹐但嫌湯底太鹹。昨晚去吃﹐叫了西洋菜、豬紅、豬腸、牛腩米粉($22)﹐加埋飲品($12)共$34﹐都咪話平呀﹗我特登叫了走腩汁﹐個姐姐即刻話﹐你要牛腩﹐但係走腩汁﹖我都未答佢﹐佢已經自己話﹕哦﹐你怕鹹﹖醒目﹗如前一位食家所說﹐豬紅很好﹐很滑﹐不像其它食店"實的的"的口感﹐西洋菜亦是出奇的好味。

昨天到了銅鑼灣逛街,五點左右吃了下午茶,只想吃小小的晚餐,醒起姐姐說這裡的車仔麵不錯,便走來試試,聽說會有很多人等位,九點到逹,不多人不用搭抬,真是行運了.店舖細細,地方亦乾淨.雜米線($18/細)---有兩種丸子,豬紅,豬皮,牛肚,西洋菜等,當想落辣椒油時,待應說,很辣的,要小心落,本人只落了兩滴,已覺得有些辣味,真的想落多些,這樣會更好吃,可惜男友阻止,腩汁很夠味,合晒我口味,豬紅是最好,很滑,不像其它食店"實的的"的口感,另外西洋菜是出奇的好味,而其他食物便沒有特別.魚鮫豬大腸河($15)---魚鮫沒有特別,豬大腸不俗.看見雞翼尖好正,但太飽,沒有試,下次不會放過.總括,如想吃車仔麵,亦喜歡吃腩汁和喜愛吃勁辣的朋友,這裏是不錯的選擇.

第一次黎呢度食車仔，好好彩唔駛等位!當然要搭啦!坐得迫就在所難免,要求唔好咁高!我叫個招牌雜米線,同雞翼尖!招牌雜($18)様様都有d，有西洋菜、豬紅、豬皮.....個湯底係腩汁，好夠味!至於個豬紅又普通、雞翼尖($12)都唔錯!西洋菜又真係幾好味喎!!店內有提示提醒食客佢地d辣椒油好辣，落時要酌量!當我準備落辣椒油落碗米線時，發覺同的情侶不約而同望住我(我估佢地係望緊我會落幾多)，就係因為佢地呢個動，所以我落左三滴,冇錯,只係三滴!!食時已經感到辣味!!!如果嗜辣者就一定要試下呢度的辣椒油!!!服務就真係麻麻喇，尤其係果個細細粒兼帶眼鏡的男子!!不過都係果句，要求唔好咁高囉!!

開左分店０番，唔知多唔多人知道呢，又唔知總店仲係咪咁多人排隊呢？點都好，總之我來過呢度幾次都唔駛排隊。ｄ餸真係好味，魚腐、豬腸、豬紅尤其推介，八蚊碗菜都好大碗，不過ｄ汁真係好咸，飲完要狂灌水，建議識食而唔係盲目追求濃味０既老友，不論叫面定叫菜，都要清湯走腩汁。呢度好似仲有樓上一層，不過未見過佢開。

成日經過佢總店都要排隊, 好奇之下都想試試但又沒耐性等位, 咪去左分店試, 分店大間少少但都坐得唔舒服, d位好逼, 但又好彩次次都唔駛等位!佢d粉同埋材料其實真係好普通, 冇話特別好味定唔好味, 但勝在夠晒熱, 湯底腩汁好味濃, 加點辣椒油勁正~ 佢地舖頭推介既魚腐都係一時時好味, 要撞手神, 值得一讚佢d腩汁油菜, 真係好好味.....

服務- 上菜極慢味道- 主打籮蔔及豬紅差o左，分別係唔夠甜及唔夠滑(查實總店都差o左)，不過亦保持一貫的夠"熱"。環境- 呢樣比總店好喎!