榮記粉麵

营业中

休息中

食過2次每次尼都幾多人可能因為幾抵食23元可以揀幾樣送既粉麵!!個腩汁湯底真係幾好味但係食完會口乾因為味道非常濃,應該有落味精食就唔錯,但係個度做野d人真係麻麻地幾個女人內閧口戰好嘈好嘈...食完野再汽水飲點知有個女伙記以為我地未哎野食用d超唔好既態度咁問"你地叫左野未呀?"我地俾張單佢睇表示我地食完野佢個嘴臉即克唔同哂唉=_=態度差到暈...不過食平價粉麵都係咁嫁喇...

行完山頂後好夜先食飯, 諗左一陣都唔知食咩好, 又唔係好肚餓, 不過都要食d野, 點知女友又話不如黎呢度食好唔好呀? 我又即刻諗係喎, 呢間d野咁好味, 點解我諗唔到呢? 於是乎就黎呢度食野!被伙計安排坐樓上, 感覺仲好, 因為師傅覺得冷氣夠d! 好於是乎決定叫一碗牛肋, 豬紅同埋豬腸米, 另一碗要魚蛋, 豬皮同埋牛肚淨食, 一碗油菜同埋一枝可樂!先講下個湯底, 好濃腩汁, 好甜好入味, 淨係睇到已經想飲喇, 好正; 牛肋好腍, 好入味; 豬紅好滑但唔會一夾就散, 而且都幾入味; 豬腸幾腍好大舊下; 魚蛋好爽好彈牙, 有魚味而且冇碎骨; 豬皮好入味好爽口, 不過就細塊左少少; 而牛肚又係好腍; 至於米粉就索左d湯, 所以又係好好味, 落少少辣椒油, 好正呀; 而碗米粉裡面仲有少少菜, 係通菜; 另外再叫油菜又係通菜, 要左腐乳, 腐乳好多都幾咸下, 不過碗菜份量都唔細架, 而通菜就好嫩下一d都唔老, 都抵食!總括黎講, 呢度d野食又係好得, 師傅覺得銅鑼灣區都係咁價錢都真係抵食架, 雖然就加左價喇, 以前叫三個都係$18, 而家要$19喇, 但都仲好抵食囉!

行過見到呢間車仔麵咁多人, 於是就走入去試下... 叫左個三餸米粉:豬紅,牛肚,墨魚頭; 真係要讚下個墨魚頭, 非常爽口又唔黐牙, 好有墨魚味, 超正!個豬紅就要少少味咁,但質地好正!碗麵仲有幾條通菜,$19的確抵食!

哩間同唔同糖街果間呢？一ｄ人就話哩間係正鋪，我就話係兩個唔同既老細啦！果間幾咁多人，不過就好迫．．．尋晚去食，叫咗碗魚腐冬菇幼麵－幾鹹！大跌眼鏡，不比以前好．

星期六lunch叫外賣, 兩碗車仔麵+ 一客炸魚皮.我叫左魚蛋蘿蔔豬紅米線–魚蛋有魚味, 唔會過份爽, 蘿蔔好甜, 米線爽唔會淋到爛, 有幾多西洋菜墊底.薑餅人叫左雞翼尖豬大腸牛筋河粉–豬大腸好香淋, 牛筋過淋無咬口, 薑餅人讚翼尖夠入味.辣椒油幾香, 炸魚皮薄而無味.

見到15比零的食評,經過此店,見不用等位,又怎會錯過.叫了蘿蔔,豬紅,西洋菜,雞翼尖,油麵,加杯豆漿.蘿蔔夠淋,又甜,是甜到入蘿蔔心種甜法,好食!豬紅夠滑;雞翼尖夠淋.西洋菜不懂得形容,只曉得好食.豆漿不太甜,好!此店店員招呼又好.真係好惦!

記得多年前食過呢度嘅蘿蔔及豬紅，驚為天人。每次之後路過想再食之際，都俾門口條人龍嚇到唔敢入。今日又路過此地，赫然見到冇乜人，就走入去食個very late tea....餐牌都唔使望就叫個豬紅、蘿蔔及豬腸三拼油麵。湯底加咗腩汁後好濃，味道甜甜，唔錯；豬紅依舊滑不溜口，跟外面食嗰D一拼就知輸嬴；蘿蔔全然冇渣，甜度剛好，自己覺得呢度嘅蘿蔔比車品品嗰D更對自己口味；豬腸鹵得夠味，但可惜洗得唔夠乾淨，食落有少少異味...依舊平、靚、正...

四個$22好抵又好味，但分量比以前少。今次食米粉+魚皮餃+墨魚九+牛什+大腸(各2件)

基本上, 次次都會叫蘿蔔魚腐豬紅加牛肚特別推介:辣椒油!!!絕對不能錯過..辣得要命,但非常香濃門口可以暫時泊車,時間剛剛好唔會俾人抄

試過係糖街既榮記，因為要排長龍，所以都無再等，等左幾次都係咁多人．第二次幫襯哩一間，鋪頭負責人話佢地唔係同一個老細，但係我就覺得一樣喇．某幾次咁岩經過又見得唔係咁多人等位，唔使點等就坐低叫左個蘿蔔、冬菇、魚腐幼麵/河粉，濃郁的湯底，使食物更香，更美味．多ｄ人食會叫菜，雞奕尖加豆漿．

早幾日同kylie過中央溫書,lunch時間真係人山人海...咁就試左榮記la~我叫左 <<[$18]濃濃的湯+豬紅+蘿蔔冇得頂...下次唔應該叫麵筋,初初吃第一舊好好吃的~但吃得多...有點膩的感覺會再幫襯

車仔麵一向都是我心頭好, 今天行經銅鑼灣忽然心癢, 在「巷仔」和「榮記」之間, 我最終選擇了較近的榮記。點了豬紅蘿蔔豬腸油麵, 濃濃的湯底, 未吃已忍不住先喝上一口。蘿蔔還是一貫的清甜兼無渣, 豬腸的味道也不錯, 豬紅則只是一般貨色。一碗不俗的車仔麵, 美中不足的是沒有我比較喜歡的粗麵.....

D牛腩夠腍, 幾好味, 但係豬紅就無乜特別, 好就好在唔會一夾就散... 辣椒油好正, 情不自禁落左好多!!! 但係越辣越正! (唔食得辣ge要就住...)服務方面, 落order錯左, 但係好快都換返碗俾我地, OK啦; 不過佢地呢度唔肯俾水人飲, 要人地order佢D飲品, 就唔係咁好喇! 杯豆漿仲要唔夠甜, 都唔好味ge...! Anyway, 都幾抵食!

試過係糖街既榮記，因為要排長龍所以都無再第二次幫襯過。今日咁岩經過又見得兩個人等位，唔使點等就坐低叫咗個蘿蔔、大腸、豬紅、雞翼尖米粉。米粉係幼身既米粉，並唔係用排米，但係加上腩汁既湯就比排粉更加入味。蘿蔔無渣同好甜，好明顯係用糖水煑過。大腸洗得唔係咁乾淨，有少少味。豬紅好大件。雞翼尖唔錯，炆得幾腍。湯底係腩汁，好濃，唯一覺得值得再去既原因。22蚊四餸麵，唔係貴，而且都幾大碗。不過呢到同舊舖一樣，坐得好迫。

(29/10/05)姊姊在場,男友叫佢都同我們一起食o野。姊姊最愛哩間車仔麵,其實我麻麻咋。講下D餸,推介魚肉春卷、蘿蔔、牛類o野(牛肚,牛筋)。魚腐唔得,好濕泡泡的,又無味。湯底好濃味(味精?),幼麵入唔到味。佢地揀左油麵,反而入味喎。因為湯底已是腩汁味,要菜的話,不如揀雞汁或腐乳好D。如果唔係有人提議,我唔會來食o羅。唯一好是上層係非吸煙,無臭味。