榮發餐廳餅店 (已結業)

經常都是路過, 今次第一次試酥皮蛋撻~常以為茶記的菠蘿油、蛋撻會有一定的水準, 加上有相當的年資仍屹立不倒, 味道應該不差吧~但今次終於打破我的想法了........蛋撻放在玻璃櫥窗, 只是微暖, 酥皮是非常實淨的, 一點也不似酥皮, 有曲奇皮的外表, 但沒有牛油香.....蛋心只是淺黃色的, 蛋味不夠, 好在都幾滑同不太甜~記得以前這裡的蛋撻是有清清楚楚的酥皮, 今天的, 既縮水, 連酥皮的層次也不見了, 唯一不變的是價錢($2.5)......... p.s.這裡的面包好似較好賣~

人來人往的街上,一些細微細眼的事情,好多時沒多加留意,過目必忘.在黃金一帶打滾近廿年的小弟,近日才發現高登對面,在欽州街的榮發茶餐廳,其舖位是霸佔兩棟樓.一邊是大約樓齡四十多年的大廈,一邊是戰前舊樓,頂樓外牆寫到明是1932年,計落都有七十多年歷史.戰前舊樓往往令人引起一些"另類"幻想,這些留待遲下小弟的鴛鴦飯店食評再詳談.回到現代的欽州街,當踏進戰前樓的一邊,樓底比隔離的高.感覺當然更舊.出爐麵包應是這老店的主打,晨早流流,要個早餐加蛋撻.是日早餐為奶茶加沙爹牛肉飽.吃蛋撻一向是新鮮出爐的為佳,榮發的蛋撻是酥皮系,酥皮出奇沒有味,蛋漿又是出奇地味淡,非常離奇.其奶茶水準麻麻,先茶後奶,兩者涇渭分明.自然不算是一杯有水準的奶茶.不想千篇一律的雙蛋餐包火腿通,以沙爹牛包代替.可惜亦好不多少,沙爹味不濃厚,牛肉更被梳打粉折磨到不似牛形.要說的,就是個餐包夠熱,吃落鬆軟.望著極高的天花,心裏暗想:{如果是但一邊拆,會係點樣?好像同連體嬰分割手術?}都話人在在戰前樓,總會有一些"另類"想法湧上心頭.

** 此食肆的第五個OK **8-3-2008(Sat)同媽媽去完醫院探人,到4:00pm走,只有一條線o既小巴到長沙灣同深水(土步),而我又冇食晏肚餓,呢架小巴o岩我喇,可以o黎呢o度食tea喇.等車等o左好耐,約4:43pm到o黎,見到有蛋撻同雞批,我就唔理咁多,叫o左熱杏霜同雞批.媽就叫腿蛋治唔諗住叫o野飲,但亞叔揭開餐牌畀我o地睇,提醒我o地有三文治餐,單拼三文治餐$20.00,雙拼$22.00.媽媽就叫杯熱華田走糖.我無無聊聊咁揭餐牌o黎睇,原來好似由2:00pm-4:30pm叫飲品加$2.50送蛋撻,加$4.50送各式凍餅或雞批等.我o地o岩o岩過o左時間,唔知係咪咁計呢?好快,食物o黎到,雞批唔大個,皮鬆仍算脆,味道OK.杏霜好熱.,不過冇奶味.本來想叫埋蛋撻食,不過媽食o左半件三文治就話唔食,叫我食,噢!件腿蛋治o既蛋仍好蛋汁,我鍾意,不過好似冇落鹽,唔夠味.服務:依然幾好,冇咩問題.埋單$41.00,即係我o既餐要成$19.00其實味道係2.5分,抵食係1.5分

門口裝修望落幾懷舊咁..於是又入去試試~一去前已經俾門口個賣麵包西餅0既櫃台吸引.. 看見好多好舊式0既西餅!坐低人地要試下豬潤牛通..話要同附近維記比較下.. 然後再要多個火腿西多士, 雞批, 同芒果凍餅。結果論分量同味道, 呢度豬潤牛通當然同維記冇得比.. 個湯底係普通個d湯底..不過都算ok0既~個火腿多士淨係覺得好油好滯...早知唔好聽人地講..最好味係雞批同芒果凍餅!! 雞批雖然已經唔熱,但個批皮食落仲幾好味~ 個芒果凍餅望落去只是普通卷蛋加cream加數片芒果，但食落個種蛋糕質感同味道，係細個食蛋糕好舊式個種..硬硬地身咁..好味!!期待下次再黎食佢d餅~~

攞住部Wii去整同揸住舊Wii Fit, 一抽二"lun" 行出黃金. 不行, 要找地方坐坐, 飲番杯野一出去, 看見MM, 唔想入, 看見對面馬路有茶餐廳, 便盲頭烏蠅的入去坐低飲杯野.看見有附有餅店便叫了蛋撻+奶茶一所老牌茶餐廳, 沖的奶茶不錯, 蛋撻凍了, 不然會更好.下次行黃金高登, 想舒服坐低食少少野, 以後又多個地方啦! 起碼人少!

21-7-2007 (Sat)1:30pm同朋友V逛街及做義工前o黎食個lunch先.卡位full o左,於是侍應招呼我o地坐圓枱先,冷氣夠大,我叫o左$25.00 o既常餐,有牛油餐飽,火腿奄列,雪菜肉絲通粉,凍檸水.V要支凍鮮奶同豬膶米.之後有卡位,侍應主動同我o地講同掉位.食物好快到喇,火腿奄列內o既火腿唔多,牛油餐飽裡面只揩o左一吓牛油,真係少得可憐.雪菜肉絲通粉,雪菜肉絲得好少,而雪菜亦好鹹.基本上係普通偏差.V o既豬膶米到o左,不過佢食鍾意食熟透o既豬膶,但一時唔記得講,於是硬著頭皮請佢o地再煮過,侍應都冇咩o野.好,返出o黎喇,係熟透o左,不過佢話唔好食,佢知熟透o左豬膶會好’鞋’,但唔好食o既原因係米粉.就係咁,佢就成碗都冇食到.服務唔錯,亦好快手.,抵讚o既,不過食物就真係麻麻地.又殘忍地畀個喊面.唔知V食o左幾錢,所以只計我自己食o既價錢.

雖然未吃午飯，肚子打鼓，不過已到下午茶時間，就只簡單的吃個沙爹牛肉包，加杯熱啡算數。等了一段時間，沙爹牛肉包才到。就算不是肚餓，也得三扒兩撥的吞食，因為沙爹汁相當多，未食已經漏了不少出來，都吃得幾狼狽，味道則一般。不過麵包已烘熱，夾着的牛肉又不少，作為小食都算交足功課。

行過，又啱啱肚餓，嚟個三點三先....忽然好想食沙嗲牛飽...食係有得食嘞，但水準普通到極--- 沙嗲既唔香亦唔濃，牛肉亦係梳打牛，唯獨包焗得夠熱及幾脆口...奶茶反而幾好--- 幾滑又唔太澀...不過唔會再嚟 la..

探完老友後，順道落深水步食個lunch。我同老公都要了個午餐，今次個午餐同幾日前東方冰室的午餐款式及份量差不多，大致上都係麵、餐包、奄烈同咖啡茶，但係呢度要收$24，貴了7蚊之多。雖然佢個餐包細細個，又唔係新鮮出爐，但係質感唔錯，仲係好軟熟。奶茶就非常唔掂，完全無茶味，我公司canteen的茶仲好飲過佢10陪。

lunch 吃了煙肉炒蛋、豬扒通粉及熱華田。熱華田淡得黎帶點甜，不太好喝。煙肉係一條長長既，唔係切成一小條果d，勁好！炒蛋好滑，好好食。豬扒最好味！！！雖然有少少"un"，但整得好好味！其他人既碟頭飯好大碟！！這裡很多choice，會多來。外面左好多蛋撻、紙包蛋糕等等野食，一定要搵機會試～～

踢三場波，一勝兩和，要嬴就無份，但以一班平均年齡四張，又周身舊患的老鬼，已算是超額完成。懷著開心的心情，去呢頭會合太座，再去朋友家吃飯。行過這裡，見雞批新鮮熱辣的成盤出爐，當然不會放過，坐了入來整番件先。呢度係本地茶記格局，人手一份馬報在刨馬，當然又有少少煙霧瀰漫的。叫了凍奶茶及熱咖啡，另外酥皮蛋撻及雞批各一件。當然先分吃雞批，這裡的牛油酥皮不算厚，甜甜的，新鮮出爐，當然熱辣辣又鬆化又好味，喝淡咖啡吃口酥皮雞批，確是人生一樂也。不過太座就嫌牛油酥皮太薄，雞肉餡還多過牛油酥皮，她喜歡吃厚厚的；蛋撻也是熱熱的，酥皮都算鬆化，不過就不及檀島的多層，我們都覺得酥皮要越多層才越鬆化好味的。蛋餡有點實實的，不算很好，還是吃雞批好過，而咖啡奶茶都有水準。埋單27蚊，都幾經濟。