極尚大瀛喜日本料理 (已結業)

平日大多會食晚市放題好少會中午時間食今日公司收1點就同同事試下食午市放題，午市同晚市相比無咁多人一入就有位無咁多人又唔會咁焗促。落單好放便只要用電話掃一下就可以點單又有紀錄唔會好似以前咁漏單又揾唔返自己點左咩。首輪當然要上刺身同壽司油甘魚同帶子，油甘魚新鮮食落口帶油甘香色澤光鮮唔會食到重雪味而帶子爽甘甜，刺身赤蝦大大隻肉鮮甜一啖咬完口裏有回甘。香蔥吞拿魚蓉軍艦既吞拿魚蓉香而不腥外層紫菜好脆咬落口卜卜聲，香蔥深海池魚王壽司池魚雖然簿簿一片但都好有鮮味，黑松露系列有海蝦同魚腩壽司黑松露同刺身配搭比想像中合襯食落十分不錯。燒蝦大大隻蝦殼同蝦肉容易分開証明蝦肉唔霉新鮮食落有蝦味驚喜。天婦羅外層炸裝十分簿又唔會油淋淋無油益味蟹柳大大條。清酒煮蜆蜆肉雖然唔大但吸晒清酒味而且再加上本身海水咸味鮮而香。估唔到日式放題都有避風塘炸魷魚鬚而且仲十分有水準炸得脆口又唔油避風塘味香帶少少微辣十分惹味。

到年三十晚準備收爐當然要食返一餐慶祝先準備新一年既開始,午市既放題一向都覺得十分扺食一來時間長d又比較平又可以有全日慢慢消化唔似夜晚咁食得太滯.同朋友黎到銅鑼灣大瀛喜食放題環境十分舒服又有卡位坐為環保出一份力餐廳改為電子落單只要download app或者用微住scan個2Dbar code就可以落又快又簡單.一黎就點左一大round先有幾款火炙壽司,燒物,炸物等既途中再係外面拎少少熟食沙律前菜同甜品.整體壽司類做得水準以上比好多市面上日式餐廳好壽司飯粒夾起唔散之餘又唔會過實,細細舊唔會令你食幾件就好飽,蟹柳芝士火炙壽司芝士燒到半溶咬開做到拉絲效果,左口魚油甘香而不膩.燒牛舌雖然唔係厚切但入口爽脆牛脂味香加少少黑椒更香.雞軟骨唔乾,饟餃子雞翼好香食到入面原來都饟左芝士好香.龍蝦沙律棋子用厚切嗚門卷做底上面鋪滿小龍蝦沙律小龍蝦沙律有好多龍蝦肉呢個配搭幾新鮮.薯角同章魚小丸子係外面有得拎薯角拎返去仲暖仲有炸魚柳好脆又乾身食完唔會成口油.小丸子大大粒又唔會太多粉令你滯.甜品食左現時越食越少既橡皮糖有唔同款色,朱古力布朗尼香朱古力味帶濕潤唔會乾到好鬆散,三重朱古力慕絲上層黑朱古力大層牛奶朱古力

雖然自助餐豐富過放題，不過輪價錢放題相對很便宜，起碼相差三倍價錢，所以放題亦很受大眾歡迎，難怪港九新界都遍佈大大小小的放題餐廳，而位於銅鑼灣的這家放題餐廳，我吃過幾次只因感覺良好，所以逢生日吃飯都是十大選擇之列。餐廳採用電子下單形式，需要先下載程式才可下單，不過亦可要求他們畀食物紙下單，兩者皆可，我本人就覺得用電子形式較為方便，因為可以在裏面查看點了什麼食物，有什麼漏了單亦可以一目了然，相對傳統的下單方式要麻煩服務員查，相對上較為迂迴，所以我覺得電子方式相對較好。除了電子下單形式外，在外面也設了食物吧，有不同的食物供應，例如沙律類別如西生菜、青瓜絲、蕃茄、粟米，還有不同的醬汁，例如 千島醬、胡麻醬、凱撒醬等，這些蔬菜頗為新鮮清爽 脆口，配上沙律醬酸酸味味很醒神，可以作為正式食物之前的熱身吧。另外亦有海帶、泰式鳳爪和韓式泡菜等小食，夠晒開胃。還有一啲炸物，好似薯仔及魚柳，驚喜有章魚丸，章魚丸咬落去很鬆軟而裏面粒章魚煙靭很有口感，不錯。除了食物外，稍為意外的是那陣容鼎盛的飲品，三個雪櫃裝滿了不同形式的飲品應有盡有，若然凍飲唔啱，亦可以有熱菊花蜜及熱柑桔，更有日式清酒，如果都唔啱 可以選擇飲

第一次食依間放題，一入到去地方好寬趟，我地book左食中午，唔算多人，但食物質數唔差，上菜speed very fast, 野食新鮮，個燒鰻魚好食，仲有個榴槤炸彈。。。外脆內軟。。。會再黎

炸生蠔唔好食，吞拿魚超難食，清酒煮蜆得返啲殼冇肉，梅酒冇冰，冇Häagen-Dazs雪糕，其他嘢只係普通貨色，想食放題下次我唔會再來呢間，仲有個蟹粥喊到冇朋友！

為慶祝朋友生日所以相約此間放題餐廳，我印象中放題來來去去的食物種類差不多，而這間也是一樣，也是大堆頭樣樣有，百多種選擇令人花多眼亂，那就要看食物質素了，這的刺身夠鮮味，吞拿魚、赤貝、甘蝦等，不會將價就貨，只要大胃口的任食唔嬲。除了刺身，蟹粥是原隻上也夠鮮甜，粥綿滑，好想食多碗，不過諗諗下不要食太多以免頂住個肚食唔到其他嘢。做個精明食客，我會分配想食的份量比例，因為最後要留肚食甜點，這裡甜品夠多，好像泡芙、蛋糕、馬卡龍、雪糕等等，唔好話食幾多件，就算每款食一件都好飽又足夠滿足。兩百多一位食到挺住個肚，夠化算。

放題就是要食到盡，今天和朋友到這家餐廳食放題，餐廳的佈置簡約舒適，每張枱坐到四個人仍有足夠空間尚算舒服。點餐方面，需要下載他們指定的apps，然後在apps下單，點幾多食幾多，仲可以翻查返點餐紀錄十分方便。食物種類方面，種類頗多，刺身、壽司、天婦羅、串燒 、熱食等等，這裏中午的放題時間由中午十二點至到三點鐘食足三小時，時間較長可以慢慢食。食物質素方面，整體端來的食物質素保持唔錯的水準，我最欣賞是炸物，因為吃得出剛剛炸起仍很鬆脆，炸榴槤的饀流出榴槤蓉，還飄出一陣陣榴槤香，一口氣吃了幾粒很滿足。餐廳沒有走單很有效率，而且服務員觸覺很好，清碟快，所以感覺整體上是不錯，值得再來。

喺銅鑼灣行街行到肚餓跟住去咗呢度食咗個晚市放題之前食過幾間都係位於銅鑼灣嘅放題水準都係差唔多但反而呢間有驚喜飲品種類食品種類都係比其他幾多而且佢雪糕種類有六至七款真係任君選擇不過可惜嘅係，只係有雀巢牛奶公司雪糕喇刺身嘅擺盤呢亦都係十分之唔馬虎味道都係好新鮮好味嘅但唯一缺點嘅就係枱太細張如果要坐六七個人嘅話就唔會比我迫大部份位置都係卡位好難容納到多人不過間中一兩次都係可以接受嘅晚膳輪候時間都唔算長去到就有位所以喺銅鑼灣來講唔使等位嘅餐廳真係百年一遇

臨近收爐決定同朋友鬆一鬆去食返餐好嘅，黎到發現座位闊落，坐得十分舒適！下單方面都十分環保，用咗電子下單嘅方法，餐廳仲提供免費wifi等客人更加方便暢通無阻咁download個應用程式下單。野食都有唔少選擇，岀面嘅位置有得拎老火湯、前菜、甜品同野飲等。前菜中最標青嘅莫過於芝麻八爪魚！每一舊都勁大隻又爽口！刺身方面有好幾款蝦嘅選擇，岩哂我呢啲蝦嘅愛好者，有虎蝦、甜蝦同珍寶大赤蝦！每款都好新鮮又肥美！可以無限encore!熟食都有好多種類，有燉花膠、蒲燒鰻魚、燒雞翼、天婦羅等等！當中我覺得蒲燒鰻魚係必叫嘅！燒得勁入味又細細舊，一定唔會食滯！最後甜品方面，雪條、雪糕、糯米滋任君選擇，不過多數都係雀巢公司嘅產品～

難得星期五dayoff 約friend一齊去維園係去迫年宵之前要食飯個肚先所以lunch食日式放題自助bar有好多野揀螺肉好野味八爪魚超級無敵咁大隻仲有章魚小丸子皮薄饀又多！炸物都好正刺身好厚切！先叫左挪威三文魚、北寄貝、北海道帶子、俄羅斯甜蝦、珍寶大赤蝦、虎蝦刺身、甜玉子好新鮮！蒜香牛油燒赤蝦醬燒帝皇蟹棒味道幾特別食落有陣微微嘅火炙味蒜香汁炒牛柳粒炒到好入味牛柳粒炒到火喉啱啱好肉質幾嫩清酒煮大蜆蜆肉鮮甜重點係有沙！泰式蝦餅酸酸甜甜芝麻雞翼外皮脆 內裡雞肉嫩蒲燒鰻魚肥美鮮甜又冇咩細骨花之戀、辣汁燒穴子雙重芝士鰻魚卷真係好邪惡蟹籽軍艦同北寄貝沙律軍艦係encore必選忌廉麻菇釀雞翼好好味！黃金燒帆立貝帆立貝好彈牙炸蝦天婦羅好大隻即叫即炸熱辣辣甜品選擇都唔少有韓國嘅蜜瓜雪條！午市放題$188 平過夜晚好多！

Lunch 黎講好似豐富左少少，炒珊瑚蚌、燴花膠、片皮鴨、炸鮮奶 ，味道好正，連片皮鴨都有真係意外之喜，食材唔會省，會再食。但可能lunch時段人手不足，好似冇咩人收碟咁

近排忙到好冇心機，一於食餐勁嘅黎慰勞下自己！約埋朋友去極尚大瀛喜日本料理放肆吓 首先揀嘢飲，好多選擇啊，有大路嘅汽水同茶，連韓式飲品都有！ 跟住就開始重點嘅魚生啦。上枱已經擺得好靚，放晒乾冰有曬煙咁。魚生都好新鮮，三文魚紋理分明，劍魚腩色澤紅潤，蝦都好大隻鮮甜！熱食方面叫咗燒牛舌、炸生蠔、炸榴槤丸，好好食呀！全部上枱都熱辣辣，明顯係新鮮整，正！甜品都好多選擇，有雪糕雪條，有我最愛嘅榴槤雪條啊！ 仲有mini MAGA食！總括嚟講呢間放題絕對物有所值，一定要試！

Weekend同fd去CWB 行街，有人話好耐冇食放題喎😼，好啦我病病地有兩聲咳都陪你食🙈 聽講極尚大瀛喜好正，食物質素不錯，招呼又好。一出𨋢就見到好多人等位，我地立刻登記😎 入面全部卡位，地方整潔，坐得幾舒適。依度高質素既刺身係回本首選，我就食左少少姐😂 Fd話三文魚厚切又大片，魚油甘香。仲有原粒帆立貝好大粒，新鮮又鮮甜。天婦羅炸得啱岩好， 唔會滴晒d油， 好香脆，都係唔錯嘅選擇！我仲叫咗個黑松露炒雜菇、燒牛舌😎 熱食for我自己的🤣 質素比得上出面餐廳嘅日本料理！估唔到有蟹粥😗 ，一鍋咁黎，仲有成隻蟹，味道超鮮甜！我幾乎一個人食晒lol 本身想叫多個牛肉鍋，但已經好飽了😂軟殼蟹牛油果倦應該幾正，我fd叫左幾次😯 上面加左沙律醬同蟹籽，睇落都好美味！下次再黎我要食多d刺身...... 等我病好先😂😂😂

成日話想食日本野，但揀黎揀去都未諗到🙈，最後就決定食放題，貪佢咩都有得食ma😂😂 我都係第一次黎極尚大瀛喜，係銅鑼灣廣場，地址上係幾方便既👍🏻識食一定係lunch time黎，12點開始食足3個鐘，但價錢平過夜晚好多，好抵食😎😎依度既自助區好大，沙律小食飲品甜品甚至糖果應有盡有～ 估唔到仲有雞湯飲，食野之前梗係要拎返碗滋補一下🤩仲竟然有章魚小丸子lol 一大盤好吸引，有超多沙律醬！不嬲係我中意食既食物之一🤤 拎左兩粒，同你share一粒，睇下我對你幾好哈哈可能食得太多小食，刺身同壽司反而唔係食好多😹😹好似依盤刺身，每樣叫咗小小咁😂 比較有印象嘅係燒鰻魚，高質！🙃 壽司都有好多款，有一款係有牛油果係上面的，健康之選～ 其他都唔錯！臨走拎多幾款甜品，食飽就可以shopping了😜😜

個日係放工突發想食放題, 就上網查搵到呢間幾多人推薦就上左去食。當日係星期二, 人多唔算多, 地方環境都算大, 台同台之間唔會格太近。由於太肚餓一坐底就緊係去熟食吧睇睇有咩食先。 熟食吧食物種類都幾多, 冷盤離唔開味付螺肉, 中華沙律, 蟹子沙律個d。 熱食個d就有人蔘雞湯, 小丸子, 同d煎作野。 我自己就拎左幾粒小丸子同兩件類似沙律卷既野番位頂住肚先。 小丸子食落ok, 唔係一般街邊小食質素, 至於個兩件類似沙律卷既野幾得意, 佢似係一舊蝦膠包住一塊生菜再上粉作, 食落唔太肥膩。 其實佢吧台仲有好多小食供應, 不過呢d小食食小小好啦, 廢事咁快就用灑食放題既quota。點野食, 我地頭round基本上每張紙每款食物都點一兩件試試。食物種類都算多但唔特別, 都係食放題應該有既野。 特別要講既係, 見到佢天婦羅張紙有個叫 "生蠔天婦羅"。 平時吉列生蠔就食得多, 整天婦羅就真係未試過, 一於試試佢。上菜方面, 可能平日少客, d食物比完order紙5分鐘後就開始黎, 而且黎得都幾齊。我有d期待既"生蠔天婦羅", 好大隻下, 唔係一般廣島蠔size。壽司方面佢地雖然舊飯偏細做成一口既si