極尚大喜屋

营业中

休息中

旺角深夜其實都多選擇 ! 但想坐得舒舒服 又想多種野食選擇，真係首選揀放題同朋友行完朗豪坊，想搵d夜場放題食下，朋友介紹去雅蘭＜極尚大喜屋＞試下，仲可以行埋樓下間運動用品店上到去可能係＂第2輪＂，所以都無咩人等位，一去到就已經入得去。仲有四人檯安排到比我地2個人坐，太肚餓既關係，一坐低就掃qr code嗌野食，刺身，炸物，壽司一定走唔甩。我比較鍾意佢外面有個開放式既食物放題區，有蝦同青口食！真係keep住refill，呢樣我係欣賞的。加上鋪面既職員禮貌好好，有次我自己拎漏左飲品，佢都會好好咁提我，見我無手拎，仲主動幫我😘食物款式確實好多:最想介紹既係，🔅鵝肝多士多士超脆卜卜，面頭既醬汁配鵝肝真係啖啖肉，想講一D都無偷工減料🔅特色玉子蛋玉子蛋雖然好普通，但中間有層夾芯沙律醬，配面頭既彩色粒粒，口感好特別！ 試完勁想帶埋囡囡過來食，佢一定勁鍾意！🔅椰汁燉蛋白燕窩一個份量唔太多，好滑夠熱👍最緊要係食完都仲可以食到其他甜品🔅魚子帶子壽司帶子刺身fans😊 好大粒同新鮮，配魚子係面，味道口感都👌🔅蒜香扇貝蒜蓉係炒過的，加埋粉絲同扇貝😋😋不得了

一段時間無來lu，朋友們聚會，最後來呢度，menu upgrade左之餘，質素仲好左，連係外面拎嘅麻辣魚皮同雞腎小食都有驚喜。厚切鵝肝，池魚王薄切，鮑魚，乳鴿，爆鱔球，羊架，蒜蓉扇貝，生蠔，比目魚⋯通通任食，唔洗就住就住，食得好放😋嘢飲方面，清酒，燒酒，啤酒，梅酒又係任飲⋯⋯仲有我好中意嘅熱維他奶飲👍雪糕方面，除左有本地品牌，歐洲品牌，韓國品牌，當然haagen dazs都係任食，但本人不太好甜品，所以無影😂P.S. 所有相片都係原圖直出，無修圖，人均$361。

一坐低已經叫咗刺身同埋其他壽司熟食等等，點知上晒所有壽司同埋熟食一條刺身都冇見到，吹過幾次話幫我睇睇都冇人理，等咗好耐都係冇刺身上，食晒啲壽司同熟食飽飽地啲刺身都仲未到，忍唔住再問人就同我哋講話頭先部機壞咗要依家再落過單，咁我就口頭同個工作人員落單個工作人員都有用紙筆記低，其實我只係嗌咗好少刺身因為已經食到飽晒冇咩肚食好多刺身，結果都係上唔齊，叫咗六塊赤背嚟得四塊，全部嘢都少兩份。。。體驗好差唔會再嚟

榴連控的我說真是食極榴連不會厭💕 可惜天氣開始轉涼， 榴連快完，呢排趁仲有榴連最後一擊，我拉埋朋友一齊到了旺角的極尚大喜過望品嚐放題！而其實除了榴連， 我更要食均所有菜式🥳其中新款都好吸引：魚籽柚子醬池魚王薄切🐟魚子醬鵝肝多🦑🦐香煎Black Tiger Prawn伴黑松露忌廉汁等等菜式熱食生食甜品都有，🍮感覺應有盡有，使人大滿足呢！極尚大喜屋 旺角彌敦道639號雅蘭中心4樓（旺角地鐵站E1出口）

🚩旺角雅蘭中心🚩最近想食好多唔同既野，今日同朋友去左食日式放題，位於旺角核心地區，總會有一間放題係左近，今次去左雅蘭中心4/F既極尚大喜屋🥰🔥極品金枕頭榴槤燒特別之處係佢將榴槤燒過，令榴槤原本既香甜味道更突出☺️☺️🐠刺身： 極品大赤蝦🦐、馬刀貝、北寄貝、北海道鮮帶子、三文魚、油甘魚等，所有既刺身一食落口就知好新鮮☺️🐟西京燒比目魚烤比目魚配合西京燒醬，做到外脆內嫩，唔會太乾身，仲每一啖都好Juicy🤤🤤🥚極尚椰皇燕窩燉蛋白幸運地係日式放題都會有椰皇燉蛋白，仲要真係半殼咁上🤤仲熱辣辣咁拎出黎，陣陣既椰皇香味，滑嘟嘟既蛋白😋🍍燒溫室甜菠蘿每舊菠蘿都好燒到好清甜，暖暖既口感，食到好飽既時候食返啖都可以解一解膩😚🫕芝士蟹籽玉子燒雙層玉子燒，中間夾住一層蟹籽，鋪面仲有一陣烤既芝士🧀🧀🧀🪿鵝肝多士香噴噴既鵝肝配上脆卜卜既多士🥖，鵝肝口感細緻綿密，有滑膩且入口即溶既感覺😉😉🍹飲品種類極多，有自家製冷泡茶、各款既汽水、紙包飲品、啤酒，仲有提供凍同熱既清酒梅酒😱仲可以去自助區拎返少少冷盤送酒食🤣🍧甜品在自助局設有甜品雪櫃，有泡芙、布丁🍮、啫喱、Tiramisu、乳酪同埋仲有巴斯克芝士餅🥹除此之外，甜品唔少得

近排心思思，好想食啲正嘢，於是嚟咗呢間旺角分店嘅極尚大喜屋，真心好正，環境闊落，而且食物選擇係極級多❗️首先刺身方面選擇多籮籮，叫咗三文魚、甜蝦、帶子、希靈魚等等，最鍾意三文魚，厚身而且夠鮮甜，真係食落好滋味😆佢熟食選擇都好多，特別係啲串燒，叫咗個牛舌、雞軟骨、燒雞翼，個人覺得牛舌最出色，燒得都唔會過乾，又鹹鹹香香好好食😋鮑魚燉花膠都幾好食，仲另外嗌咗煲蟹粥，都幾唔錯，選擇真係多到食唔晒😆另外自助區嘅選擇都好多，有凍嘅熟蝦同青口，熟蝦方面太高質啦，encore咗幾碟；另外仲有好多湯去選擇，例如豬肺湯等等，非常之高質素，而且仲有啲燒賣、小丸子、廚師推介嘅菜式等等，飲品方面都係選擇有超過20樣以上，多到試唔晒❤️

小妹妹下屬幫公司做了2年工平時都係請佢食飯今日終於大個女要請nana食飯喇小妹妹揀咗位於旺角嘅日式放題《大喜屋》佢話揀呢一間日式放題係因為知道nana10分喜愛食榴槤知道呢一間放題做緊任食榴槤所以就帶nana黎喇去到餐廳已經爆場見到都有好多冷盤同熱盤食物嘅選擇餐廳係用QR code落單二話不說差唔多全部都嗌咗少少試下榴槤每人食咗4-5件各款刺身都encore咗2-3次壽司中鵝肝壽司應該每人食左有7-8件小妹妹食量驚人仲叫咗一個牛肉鍋同酸菜魚酸菜魚既魚肉驚喜地好滑味道又好仲有乳鴿、小龍蝦同花膠甜品都有唔少嘅選擇榴槤雪條高質埋單先係每人二百尾2個飽到捧住個肚

大喜屋算係最多款食物，佢哋有刺身、壽司、炸物、飯、湯麵、熱食，仲有自助區。咩都有，$400有找。地方夠大，但太多人，服務員幫我地收碟吾太主動，唯一需要改善嘅地方。食物質素唔好期望咁高，刺身算可以接受，冇問題。

今日喺旺角行完街，諗咗好耐去邊度食飯好。個朋友就提議不如去食放題啦，想食咩就叫咩，想飲咩就攞咩。諗起又幾爽🤭🤭。之後我哋就去咗我地成日去既極尚大喜屋。一黎梗係要食刺身先，除咗有油甘魚，三文魚，北寄貝，帶子，赤蝦，甜蝦，虎蝦刺身之外重有松葉蟹腳。全部新鮮到爆💥💥💥。另外店入面既飲品櫃一睇就嚇親你😱😱，足足有八個大櫃，特別係我哋依d好酒🍶🍺🍻之人真係飲唔停。呢度重有幾樣比較特別嘅中式美食，就係燒乳鴿王，金蒜蓉粉絲蒸扇貝，避風塘軟殼蟹同川燒珍寶鮮蠔。估唔到放題都食到中式酒家嘅水準。絕對值得一試。另外必點嘅當然有海膽壽司啦，海膽鮮甜到不得了😋😋。牛舌串燒，雞軟骨串同芝麻雞翼都係配搭🍻🍺🍶既必選小食。最後我重食咗三杯雪糕，真係大滿足😊。所以如果當你喺旺角重煩惱緊要食d咩，一於黎極尚大喜屋啦。

極尚大喜屋 旺角雅蘭 好少可會自己一個出省城自從搬左去屯門之後少左好多外出但係區內又冇好質素放題所以就唯有出市區食大喜屋以前多數都會特登出去尖沙咀食順便行下街因應食放題出錢又出命之後總係要散下步消食不過疫情之後好多地方鋪頭都吉晒尖咀已經冇乜特別好行咁轉而黎左旺角食反正屋苑樓下就有巴士可以直接出到黎大約一個鐘左右不過去到雅蘭就一頭煙原來3同4樓係有專用電梯上響大門口左手邊但係入口係冇好明顯ga指示要差唔多去到電梯口先見到大大隻大喜屋廣告終於都上到去但係行入去味道好大感覺唔多清潔飲品 雪糕款式出名多食物質素都係咁多年保持到真係開心呢間重有厚厚鵝肝食本來我地都好開心不過一試食落去係冇乜味好似唔知食左d乜野入口咁最爽都係狂食刺身Btw 作戰左兩個鐘捧住個肚走了食放題不二之選

♡ 高性價比任食放題始祖｜極尚大喜屋♡-最鍾意就係去極尚大喜屋任飲任食♥️8:30 後入座 價錢都係$298 一位‼️真係好抵食🤣 而且食物多樣化 佢仲會久唔久就會update下自己嘅菜式今期仲有金枕頭榴槤 真係好正🫰- ♡ 刺身 ♡ 今次我叫左三文魚、油甘魚、池魚王同希靈魚。三文魚有淡淡嘅脂香，而油甘魚則帶有濃郁嘅鮮味。池魚王嘅口感緊實彈牙，希靈魚則帶有甜味。北海道鮮帶子偏細粒，但都好好味🤤極品大赤蝦 真係唔錯鮮味濃郁😋 -♡ 避風塘軟殼蟹 ♡ 避風塘軟殼蟹嘅口感香脆多汁，每一口都能夠咬到蟹肉嘅鮮甜味道。-♡ 金蒜蓉粉絲蒸扇貝 ♡ 扇貝鮮嫩多汁，蒜蓉同粉絲份量都幾足夠。-♡ 川味燒鮮蠔 ♡ 呢個真係冇諗到咁好食🫰川味燒鮮蠔帶有辣味同鮮甜嘅蠔肉互相融合♥️-♡ 極品金枕頭榴蓮燒 ♡ 極品金枕頭榴蓮燒絕對係我呢啲榴蓮愛好者嘅天堂！燒得好香😋每一口都有濃郁嘅榴蓮香氣 呢個真係忍唔住encore咗兩次。-♡ 鹽燒雞翼 ♡ 外皮金黃酥脆，內裡多汁嫩滑。-♡ 炸物類 ♡ 最鍾意就係食呢兩款炸物🤤炸香芋紫薯丸外層酥脆，內裡綿密香甜，炸鮮奶則是外脆內軟，一咬就流晒汁鮮奶的香味在口中散開。-♡

食物質素係唔差，刺身同炸物都好食，但120分鐘放題我等左45分鐘都未出到野俾我就講唔過囉！一夠鐘就走過嚟收走你啲野，仲有1/3刺身俾服務員拎去回收盤（三文魚好貴嫁），其實出面冇人等枱，係咪咁緊張即刻要收走晒啲野？ 第一：你出野慢！第二：啲野未食晒，我地連拎走食嘅機會都冇！第三：出面冇人，比多少少時間我地自己清野都唔得？最後，每人加一服務費$360一位係食唔飽嘅，說好香港故事啊⋯⋯香港物價貴冇計啦，但其實可以俾返好啲服務質素嘅……如果旺角分店經理見到，可以train up 下啲服務員，同埋俾得限時放題你都係限制返你出餐時間，謝謝🙏🏻

前幾日，突然間想食放題，同朋友去雅蘭呢間食，居然吾駛排隊，入座時間6點20分，接過張落order個QR code，行去自己張檯度坐低就開始叫野食，食左一陣幾個字，就有職員攞單簿黎叫埋單，一睇，點解三百幾蚊位既？吾係288咩？出面寫5點半至7點半288。即係要準時5點半入座先係呢個價錢？過左就變自選？吾緊要，你收得人自選兩小時呢個價錢，係咪應該比番足夠兩小時既時間比客人呢？如果你要限定時間交檯，按道理吾係收人時段裡面既價錢？仲要全程冇人收碟，想再落野價都冇位擺，要去到7點半7點九點先係咁過黎問邊啲吾食收走

近年放題嘅質素好咗好多，有時唔知食咩好都會揀吓食放題～～今次就幫襯旺角嘅大喜屋，平日夜晚入座每位$298，價錢幾合理，食物質素都唔錯！🌟推薦🔸池魚王刺身🔸魚籽柚子醬池魚王薄切🔸極品金枕頭榴蓮燒🔸泰風味龍蝦海鮮冬陰功🔸金湯慢煮鮑魚花膠盛🔸極尚椰皇燕窩燉蛋白整體食物質素幾好，最推介係食池魚王刺身！平時叫一碟池魚刺身都過百蚊，放題有得食真係好抵！池魚王刺身爽口清甜，薄切就口感更軟腍，兩款都係必食推介👍🏻另外，好推介食金枕頭榴蓮燒～ 榴蓮肉軟綿綿，燒過味道更香濃可口！龍蝦海鮮冬陰功都幾好味，叫時以為係普通冬陰功，估唔到有兩舊龍蝦同好多蜆，幾濃味！松葉蟹腳、象拔蚌、特色卷物、鮑魚花膠、椰皇燉蛋白等等嘅味道都好唔錯，食物選擇又多，有埋點心燒賣同粉菓食😂 最後用Haagen-Dazs雪糕作結，大滿足😋

日式放題店😍 餐廳裝潢華麗，非常闊落，環境乾淨企理，自取區整齊衛生，座位寬敞舒適，晚市時間人流多，好受歡迎🥰食物質素很不錯，款式豐富，性價比高👍🏻 用QR Code下單，上菜速度快，店員服務態度很好🥰 餐廳氣氛好熱鬧，適合家庭或一班朋友聚會🍻🍽️兩小時晚市放題 ($288/位)💖💖💖 食評 💖💖💖這家日式放題店裝潢華麗，環境乾淨整齊，座位寬敞舒適。使用QR Code點餐，上菜速度快，服務態度良好。晚市時段人流眾多，非常受歡迎。💟特別推薦刺身，新鮮度一流，尤其是三文魚、赤貝、大赤蝦和松葉蟹腳💟壽司也非常美味，配搭創新，海膽壽司和XO瑤柱蟹蒜牛肉卷是必試的💟熟食選擇豐富，有串燒、炸物、天婦羅、煮物和燒物。西京燒比目魚、牛肉湯烏冬、脆皮炸鮮奶、芝麻雞翼和蒲燒鰻魚等等💟自取區有各種小食、海鮮冷盤、中式點心和湯品，品質上乘💟甜品方面提供各種糕點、乳酪、雪條和Häagen-Dazs雪糕