極之好粥麵茶餐廳 (已結業)

上一次光顧極之好時, 還是到豉油街的分店, 想不到事隔不過數月, 豉油街的分店已結業了呢～害我這種路痴再想光顧極之好時, 還以為自己行錯路呢今次懂得找到來通菜街這間分店, 終於不用白行一趟呢～說回正"餐", 極之好光顧過好幾次, 都是吃它的乾炒一丁多(yummy), 今次就做點新嘗試, 試一下它的濕炒一丁, 不過連下單的時候伙計都提醒我"無乾炒咁好食架喎", 不過反正是新嘗試, 就一於勇字行頭吧!...而結論呢, 就是伙計他沒有騙我呢, 一丁本身好像沒有另外炸過不夠脆口, 而它打的"獻"亦不太入味, 有機會還是吃回它的乾炒一丁好了～而朋友點的蛋花蝦米煎腸粉, 個人覺得煎得不夠香口, 不過味道還算可以, 不過朋友就覺得好像比以前有點退步就是了～總括來說, 就是算可以一試啦

味道不俗，本人叫了淨餸加辣既冬菇，椒鹽豆腐，蘿白同牛柏葉，其實都好味，但係我問老闆，點解我個冬菇得一舊半既？老細答我，冬菇貴嘛，大粒冬菇就得一件半，細粒冬菇就三粒都會，我0個粒係大架喇！我就啊左一聲，當然都冇野講，但覺得冬菇都算係一個餸，得一隻半我覺得細既冬菇，好似唔係好得喎！我食人地0個D通常起碼都兩隻大冬菇。其實野味道都幾好味，椒鹽豆腐都好好味。我妹妹點左豬紅，魚蛋同牛腩，韮菜，都好味既！我諗如果加埋個粉面黎食都應該飽既！

我都好耐冇去呢間極之好度食野啦,咁岩行過,所以就去試下,入到去都ok啦!又有好多野食,我叫左碗車仔麵,d蘿白真係唔錯bo~其他大致都ok啦~我個fd呢就叫左個雞翼炒一丁,嘩~真係比想像中好味阿~自己係屋企都試過整黎食,都覺得ok阿,原來唔係咁簡單嫁...跟住佢細佬就叫左個西多餐,十幾蚊仲有野飲,抵阿~報告完畢!

好耐都冇黎過呢間食店食野, 咁啱今日好行過, 見到有下午茶餐, 加上勁肚餓所以就入左去食野!一坐底師傅即刻睇下有咩好食, 由於勁肚餓嘅關係, 所以師傅好想食飯, 於是就柯打左個炒粉麵飯餐, 要左一號仔黑椒牛扒飯同凍檸茶, 而友人就柯打左呢度嘅招牌炒麵皇同凍檸茶!等左一陣招牌炒麵皇先到, 師傅亦老實不客氣夾左少少黎試下, 發覺銀芽唔腥同埋好爽口, 而麵上嘅芝麻就散出陣陣香味, 加上麵身炒得一d都唔油, 係非常好味; 再試下個黑椒牛扒飯, 黑椒汁好香好辣, 不過牛扒就一d都唔似牛扒, 似牛肉多d, 但依然好鬆好入味, 都唔差; 而凍檸茶嘅茶底夠香夠濃, 檸檬又夠, 味道洽到好處, 真係好正!總括黎講食物質素幾好, 令人滿意, 環境一般, 服務令人滿意, 價錢都算相宜, 三十蚊個炒粉麵飯餐, 十蚊個招牌炒麵皇, 一d都唔算貴, 抵食; 其實呢間食店最出夠嘅係炒公仔麵同埋車仔麵, 下次有機會師傅一定會去試下; 呢個下午茶快食確實唔差, 所以笑臉值得一比! 後記: 呢間食店個地址好似唔啱, 應該係喺通菜街而唔係奶路臣街呀!

逛完金魚街，見到有蔡瀾的好評，所以就試一試。叫了招牌上的車仔面，一個炒腸粉，一個雞翼炒出前一丁。先上的車仔面，可以說是非常差，面煮得不夠熟，但配料牛肚卻不錯，湯當然是味精水啦。整體是非常失望。但跟著的炒腸粉和炒丁卻很夠鍋氣，腸粉不會干而且帶焦脆，炒丁又夠干，炒得一條一條的，色水味道都均勻，熱力四射，好功夫。埋單每人四十多，只要是不吃車仔面，我覺得是抵食的。

今日下午4點多同朋友去了金魚街呢間極之好~~食野我叫左個椒鹽骨飯食~~個椒鹽骨好好味~~但貴左D~要成40幾蚊但真係好好味我朋友就叫左個滑蛋蝦仁飯食~~佢都話幾好味的大至上D野都OK的~~係D啊姐服務唔係禁好

十時多才來dinner, 真餓得要命了! 經過金魚街, 看見2間出名燒味店打正對面鋪, 最後鎖定了...極之好提起極之好, 記得旺角豉油街那一間, 差想不到這裡也設了分店, 兩人進去找到卡位座, 位子相當闊落, 隨即點了店舖的招牌菜 - 炒丁面, 選了雞翼做配菜, 再加一煲魚片爽肚粥, 一熱茶另外加多杯凍茶少甜, 便是我倆的dinner.2茶很快速送上面前, 邊喝邊看兩旁的電視, 不久4隻雞翼炒出前一丁面出現, 拿拿淋拿筷子一手夾了雞翼再加一大撮麵落自己碗內, 熱辣辣地放入口中, 果然丁面爽口, 份量似成個面餅炒下去, 沒偷工減料, 不愧是招牌菜; 煲仔粥因即叫即滾, 煮沸需時, 剛好丁面完事便呈現眼前, 沸騰的粥還在不停滾動, 魚片新鮮, 粥的質地也很綿綿~不吃太飽了! 繼而還要再鎖定往甜品去~~