極之好粥麵茶餐廳 (已結業)

尋日朋友見到門口有廣告牌標榜打冷美食, 見蠔餅好吸引, 所以就入去試試, 點知真係後悔~~坐低叫$28蠔餅, 點知個阿姐話$28果隻淨係食粉冇蠔, 加$10先多d蠔食...咁都得? 無啦啦加價? 門口唔寫清楚要加$10!!! 都算..因為都想食..再加一個干牛河..等嘅期間, 聽到果個阿姐又同另一檯客sell樣嘢..態度好差...人哋問佢唔係$38某一樣食物, 佢話大排檔呀? $38冇可能食到..要$68..問下都唔得..擺明趕客等食物途中係冇水&餐具..dry等..食物嚟之後個位阿姐話轉頭比位你哋. 一轉唔知去咗邊..咁食物要趁熱食..叫咗另一個阿哥攞餐具啦..個阿姐居然話我哋唔應該再叫一次....點知你去咗邊到架..有嘢又食唔到..唔知想點干牛河咸到冇朋友又有好多豉油係底..真係食完狂飲水..蠔餅又冇咩味..食完背脊骨落..又要受氣..又唔好味, 又唔平..一定冇下次..10個喊呀~~

同細姨要去攝太歲，先到旺角食嘢，細姨帶我去極之好食車仔麵，佢 2000 年幫襯到而家。以前係兩層舖位，搬遷之後縮咗水。不過有點趕客，食得好急！食到我成身汗！我叫咗：蝦條 $5 + 炸豆腐 $6 + 米線 $7 ：$19被店員有金三角之稱嘅炸豆腐，有兩件，加上麵包糠炸，炸得金黃，豆腐好滑呀！蝦條只得一條，實在太少！ 加咗不少粉，感覺麻麻地。湯底幾好味，唔肯定係咪加牛腩咗汁，可惜比較油！ 米線有點煙韌，份量一般！有兩條菜點綴！細姨叫咗：豆卜 $5 + 豬紅 $5 + 豬皮 $5 + 辣蘿蔔 $6 + 粗麵 $7 ：$28佢俾咗豆卜及豬皮我食，豆卜釀了鯪魚肉，吸收湯汁好惹味！ 豬皮發得夠泡，腍得嚟又入味！佢話之前辣蘿蔔仲辣，而家失水準，無咁辣。另外，佢叫咗凍檸茶 +$8；我飲水就夠。最後，我埋單 $55。

尋日夜晚經過, 本來諗住食另一間嘅, 但係比佢係門口嘅煲仔飯, 煎蠔餅吸引入去, 入到去, 個姐姐係咁講佢地食物有幾好幾好咁...ok, 我地2個人, 點咗 : 雞翼炒公仔麵(佢話係皇牌), 蠔仔粥, 煎蠔餅, 熱杏霜, 凍奶茶.ok, 講下d食物先：1. 雞翼炒公仔麵：麻麻地, 冇乜味, 一d都食唔出係皇牌2. 蠔仔粥：中規中舉, 再去可以唔揀3. 煎蠔餅：份量好細, $38, (個阿姐仲話佢地d蠔餅係用足料, 又話因為樣樣都加價, 所以咁嘅份量係應該) (不過最好笑, 係蠔餅上枱個陣, 應該係跟一碟魚露, 但係佢地比咗d白醋我地, 仲話, : 呢碟咪魚露囉, 我地已經"吓? 酸架咊..." 我地都冇同佢嘈, 因為好想快d食完走)***幾年前, 佢係旺角個陣都幾好味嘅, 而家.....食物一般啦, d員工又有d趕人走feel, 我地都明, 而家生意難做, 但唔係做到咁囉.....好難有番頭客咊***

上星期去吃早餐，點了南瓜粥早晨套餐，等了十多分鐘還沒煮好，全場只有五、六位客人，比我遲來的都吃完走了，因為趕上班，便叫樓面阿哥催促，怎料廚房阿姐竟大呼：催咩催，催就唔好食喇！今時今日竟還有這種服務態度，事頭婆怎樣勤快也徒勞。

一直都想試佢哋嘅招牌車仔麵，叫咗個雞翼尖+雞腎+辣蘿蔔+油麵。雞翼尖：好入味，有5-6隻。雞腎：麻麻哋，切到好鬼薄。辣蘿蔔：好味，好入味，唔覺辣。湯底同麵底都唔錯，湯底夠濃又甜，D餸又足料。

第一次去果時已經覺得麻麻地叫車仔麵餸又少又唔熱,麻辣花枝丸冇乜特別6蚊得果2粒杯凍檸茶淡到飲緊水咁好,今日俾多次機會佢!試多次老細勁sell既車仔麵是次配搭 - 魚蛋+炸魚腐+米線(走辣)魚蛋 - 好林,浸左好耐咁,一D味都冇炸魚腐 -算係3樣入面最OK,但冇味,我以為自己圈左2次魚蛋....米線 - 好少,份量好似俾人食左半碗咁!完全未煮林,仲有D係硬TIM!湯 - 走辣清湯都成碗油最"安全"既配搭都搞成咁,收人18蚊。拎獎?咪搞笑啦~列入Bad List! Bye~~~~

深宵的旺角,要找吃的真是一點也不難,總有一間在附近,大概是舖租貴,不能不延長營業時間吧世界杯期間,多了次數在深夜徘徊,翠華,民園等麵食檔就最啱心意,樂園的昆蟲牛丸河之後,朋友尚在路上,反正仲有點餓,試試都好.只看餐牌,已經有幾份,一如其他港式餐廳,有粥粉麵飯供應外,更主打車仔麵,午夜時段,另有宵夜粥餐,一碗粥配炒麵或油菜,亦只不過二十六蚊,算平宜了.艇仔粥 : 雖然極之好並非真正粥店,但是出品卻是比人家認真,至少配料不單有常見的魷魚絲,碎牛肉,更加有鯇魚片及少許薄脆片,粥底是加了腐皮同煲,夠綿又夠香,相信單以白粥食,水準亦不會差.豉油皇炒麵 : 即叫即炒是天荒夜談,但總算熱辣辣,而且夠乾身,油份不多,可惜香味欠奉,份量亦偏少.p.s 雖是午夜時份,依然有六七成客,廿四小時營業,所賺的還不是通通跑到業主手內! 減低成本,不是要剝削伙計薪金,而是減租呀!

今日得一個食lunch，於是去咗食車仔麵。好耐無黎極之好了，以前黎得密d。好多料都加咗價。食開ge牛膀都加咗$1。要了牛膀豬皮河粉。好快就有得食！份量適中。牛膀有3-4片，豬皮就有5-6片。河粉好幼身，好滑，不過較易碎。牛膀雖未至於入口即化，但都算炆得淋，好軟身。豬皮入味又彈牙。湯底無咩特別香味，不過無味精。枱上面有辣菜圃，好好食，辣辣咸咸。

好夜了, 有時一過了12點, 仍在街上的我, 始終都有個癮去增肥. 半夜係旺角街頭. 找地方食野, 梗有的, 係紅van站附近一找, 便有多間在眼前.宵夜, 不宣大食, 簡單為主. 入到黎呢間茶餐廳. 名叫極之好. 而且是什麼出前一丁大獎得主. 當我叫野食時, 選擇范圍縮細了, 因為既然炒一丁是名物, 當然炒返個一丁啦.叫了一個干炒蝦球出前一丁. 夜晚, 再叫多一個奶茶, 提一提神. 奶茶雖不是這兒的主打. 但做得茶餐廳. 固然有佢應有既水準. 炒面, 份量不太大, 剛剛好的. 平炒嘛, 味道濃郁, 用洋蔥爆到香哂. 未已經嗅出香味. 心想, 呢個出前一丁獎, 應該是實至名歸的. 收得我$42, 用料方面, 亦感覺上值回少少票價. 叫得蝦球, 都係亳無花假, 大大隻蝦碌, 而且鮮味非常. 一丁就是那些剛熟, 帶少少脆口那種, 再用濃汁干少一番, 麵條更加入味濃郁, 而且是否隔油隔得好, 干粉一向既弊端, 就是會搞到碟底成砵油. 呢度完全沒有. 呢個炒一丁, 果然極好, 抵你有個一丁獎.

極之好－我食左好多年了，以前讀大學的時候行旺角為左快同平同好食都會來的，車仔麵好食，特別是用了余均益辣椒醬，布誠意，正！這幾年都不時幫襯，不過前一排行人專用區那邊那間消失了，後來才發現現在三間只剩下一間在花園街。上星期吃過明苑，今天一個人想吃煲仔飯，男友話之前食過覺得好食過明苑，於是去試下。叫了個蜡腸田雞飯，$4X元，加8元凍奶茶。杯奶茶有茶味，幾好飲。田雞飯俾錯普通鼓油，原來辣鼓油好精彩的，有莞茜又有辣椒。D飯焦冇明苑咁好吃，不過飯粒就幾香，但好快就林冇左咬口。蜡腸好味過明苑，都不錯，有三截TIM，有幾好味的冬姑同薑絲。田雞唔算多，但幾大隻同埋好味的，有5-6件左右，除左飯焦外好味過明苑。我見大家都多數吃煲仔飯。值得一提，呢度幾市井的，以前來吃飯D男店員好似好口花花咁不過玩姐，因為佢好食所以地踎D我都冇所謂。而家覺得佢地依舊好有HEART，係粗聲氣D，但幻誠懇，亦唔會睇唔起客。感覺上佢地好似風光不再似的，以前成日拎獎又有三間店，而家D食物係跌左少少，但依然好食架，亦依然有HEART，唔知當中有咩內情呢？問過阿姐佢話那邊收樓第日睇情況開番喎，希望啦

天氣凍, 想食煲仔飯~係太子唔知邊間好食,經過見到呢間好似好正咁, 就食呢間…叫左窩蛋牛肉煲仔飯..好難食..隻蛋有9成熟..豉油無味..牛肉咬不開..飯還是濕的. 不夠乾..條菜只有膿味…blacklist 左了!!!

還是真喜歡吃它的炒出前一丁，不知怎的，感覺是比乾炒牛河好吃好多，雖然都只是一樣的炒法，一樣的味道，但這樣油的一碟炒物，還是有彈性可以令整碟食物質感增加好多。也許拿獎真是沒錯的，自家炒出前一丁真的做不了這個感覺，炒過以後面質依然保持彈性，我們吃的是炒豬頸肉出前一丁，辣辣的，好惹味。再叫了一個鱔既煲仔飯，都要等成廿五分鐘，鱔唔太入味，超多骨，要食得好小心。也許是選料的問題吧！大大舊既鱔唔易焗得入味。也算是我吃過的最多骨的一次。當然加了辣豉油也是很香的飯味，只是由於要小心奕奕的吃，沒有過癮的感覺，還頗掃興。再叫了一個車仔面的淨餸，料選了炸豆腐(這店有名的)，腸仔，魚蛋！湯的味道還不錯。侍應態度又幾良好添，不錯的選擇。

手術後的第五天...我開始復活啦....趁著下午有點時間就陪弟弟來到旺角買東西...來到旺角...肚子開始感到有點餓就找找周圍有什麼吃~看到新開的極之好粥麵茶餐廳出面貼了很多名人相...好像很受歡迎!就試試吧~這次我又吃粥...今天換一換口味...吃瘦肉粥...再加一碟大蝦炒米...名字很長,不記得了...(有蝦、蛋、火腿、肉、紅蘿白絲、青椒、洋蔥等....)瘦肉粥 - 粥很入味~綿綿地....但肉比較少....炒米 - 賣相很吸引,忍不住吃了幾口....我算是偷食禁果吧~醫院還叫我暫時不能吃剌激既東西住...但辣辣地很好味...材料又多!還不錯嘛~不過這個下午茶餐也算貴了點點....

下午茶時間同老友搵間就腳餐廳食野, 見呢度門面ok就入去坐啦, 叫左兩個車仔面同兩杯凍檸茶, 其實食物方面中規中舉啦...呢個價錢, 又咪車仔面一個...不過個杯凍檸茶就不敢恭維啦.... 飲左兩啖...依??點解對面老友個杯檸茶咁濁既??? 睇真d...嘩 個底有一粒粒黑色野, 仲有好杰既沉澱物質 起晒潺喎...望真d..原本我個杯都係咁喎.....咪問下事頭婆咩料啦...點知佢話: 我同朋友即刻 O 晒咀... 完全唔識反應... 飲左30幾年茶餐廳凍檸茶...呢一杯係最珍奇到O咀既檸茶... 你有膽量想挑戰自己生命就一定要去試下!!!

2009-6-13(星期六)我叫咗$7米粉、豬紅新鮮好味$5、紅腸吾硬好味$5、魚蛋$5有雪藏味。埋單$22，沙爹湯底濃夠入味，下次一定會再黎。