極之好粥麵茶餐廳 (已結業)

曾經嚐過很好的餐廳和食物，隔了許久，有時真不知道還要不要再去試。如果發現味道敵不過時間，真的會很失落，有時情願避而不試，讓它永遠是回憶中的好味道。是日在赤柱提早收攤來到旺角，探完老虎，突然很想來到闊別十多年的極之好，以前曾經在旺角花園餐廳對面開店，搬到現址已經有許多年了。在店內找不到車仔麵的點菜紙，隣檯剛入座的客人跟我們似乎有同一疑問，難道車仔麵王不賣車仔麵了？原來店員把它收起來了。以前最喜歡點冬菇牛肚河粉，今日一定要再試同樣的。店員很快把一大碗車仔麵端來，呷一口湯，嚐到濃濃腩汁味，熬製時加入蘿蔔，甜甜的後勁帶點辣，層次感很豐富。河粉幼幼扁扁的，浸在湯汁之中不一會已經變成入味的淡啡色，吃起來份外美味。冬菇的size比回憶中的小很多，不變的是又腍又香的美味，幸好小小的也有四隻。店方對於配角的菜心也不馬虎，每棵都綠油油，而且又爽又脆。牛肚腍嫩，口感出色，牛筋軟軟的，像吃下滿滿的膠質。雖然今餐點菜下單時有點錯漏，不過能抓住回憶中的味道，蠻令人感動的。極之好，是四月最愛的車仔麵店哦。

這天剛好路經過金魚街，看見旺角極之好茶餐廳招牌，而且已經有一段時間没有食車仔麵，反正要午飯，所以盡管試試。這間店子在8、9年前左右，以炒公仔麵打响名堂，車仔麵的水準也不差，記憶中，當時在旺角共有2、3间分店，每間店經常滿座，當時我和男友 (現在變成老公) 也偶有光顧，味道也真的不差。幾年下来，似乎只剩下這一間店子，其他分店或原本的總店已關門，是敵不住高昂的租金嗎？或是質素原因？唯獨店內墙上仍然貼上當年獲獎的大型海報式照片，照片已經發黄，顯然店舖多年來從未裝修，我甚至懷疑照片中領取獎座的老闆娘是否已經賣盤。車仔麵的點單方式與之前相同，從一張小單自選组合配搭，可選走辣/麻辣/沙爹，但每款餸菜粉麵的單價已由5/6元提價至9/10元！不足十年，加價接近一倍。點選了豬紅、豬腸、冬菇、牛肚及油麵，共價49元。莫非物價真的飛漲得如斯厲害？麵端上來，一看後心中哇了一聲，這些下欄食物(除了冬菇並非下欄，但也只是非常細隻的平價冬菇，每款只有三、四件！之後同老公談及這碗車仔麵，他說小時候的車仔麵真的是車仔檔，可能加幾張摺枱、摺櫈，每款餸只須五毫一元，一碗麵只須四、五元已經大大碗，又有五、六款餸。說回這碗車仔

行金魚街行到攰，就搵間野食啦，見到寫住車仔面又好耐無食，就入去啦，坐低之後，已經寫左兩碗面同野飲，要等20分鐘以上既車仔面我真係未試過，之後我同個姐姐講話好耐喎，佢就話係要等架啦，第一次都算啦，心諗茶餐廳既人係比較粗魯就算，面到左啦，但係兩碗都無比沙爹我，我同佢講番又話即比我，點知又等勁耐同埋係5記得左，我已經黑面，之後到左又要淨比一碗沙爹，得一句吾好意思！又無禮貌！之後我男朋友個碗個麻辣花枝丸原來另上，但佢食完碗面都未上啦，之後追先叫人炸最重要係沙爹湯底吾好味，牛根吾好味，我個炸豆腐都係炸但又吾會另上，浸到吸哂d湯，吾好味，佢仲要問我地飲吾飲野，埋單先知野飲另計，$17@1杯囉，又貴又吾好食

天氣轉涼，自然想吃點可是暖肚的時令美食。 「秋風起，食臘味」，用上大量臘味烹調的生炒糯米飯就成了首選。 在旺角繞了個圈，來到位於金魚街的極之好。 雖然已經來過好幾次，但卻不知道原來這裡是有樓上雅座的。 剛坐下就有熱情的嬸嬸招呼我們，生怕會虧待客人。 二話不說先要了一客生炒糯米飯，然後再要一個薑蔥魚腩煲。 注重健康的我每頓飯都必需要有蔬菜，但又不想另外再多點一個小菜，於是就問嬸嬸可否在魚腩煲裡加生菜。 於是好人的嬸嬸又頻頻撲撲的走到下層問廚房，又再上來回覆我們，加10元就可以加生菜，實在麻煩嬸嬸了。糯米飯的份量比想像中少了一點，不過卻非常足料。 每一口都可以嚐到臘腸、潤腸、臘肉、蝦米和花生等材料。 選用的臘味偏瘦，沒有太多肥膏，適合注重健康的都市人。 糯米飯粒粒分明，沒有多餘的水分，果然是生炒。 剛吃完糯米飯，就聽到後方傳來「滋滋」聲，也就是說魚腩煲到了。 還冒著煙的魚腩煲吸引了不少客人的目光，嬸嬸亦順道賣了一下廣告。 煲內大概有6件魚腩，煎得很香，肉質也很鮮嫩。 煲內有大量的薑和蔥，薑怕太辣不敢吃，所以只試了蔥，一試之下發現非常美味，結果連蔥也吃個精光。 另外加的生菜置於煲底，完全吸收

逢星期五晚係旺角上完堂就會去呢度食飯, 有時自己食, 有時同同學一切食.食左咁多次, 都要俾下意見既.就求其搵次黎講, 上星期五晚食左既北菇雞煲仔飯.同兩個同學去食, 俾阿姐點晒相, 一入門就打晒招呼,阿叔阿姐好鬼好中氣, 我簡直可以用唱山歌式招呼黎介定佢地既叫嗌!不過又好鬼有親切感囉, 成間餐廳D客望過黎, 好鬼有VIP既感覺, 有冇收埋CAM呀?坐底, 不過大風, 換座? 阿叔話冇問題啦, X, 自己屋企嘛!!佢地門口用明火煲煲仔飯, 唔會差得過廟街煲仔飯, 但叫煲阿仔飯就要留意以下聲明：係要等架!一坐底好嗌左先, 等佢地再慢慢諗啦~一個叫左個海鮮蛋白炒西蘭花, 另一個叫車仔麵.其實我都唔知佢D餐點計法, 但可能熟客仔, 你話要湯就俾湯, 要飯就俾飯, 好鬼盞過盞鬼.我個煲仔飯,真係無乜得頂, 雞味好濃, 北菇夠鮮, 又彈牙.個好勞嘈既阿姐例牌問你叫左幾多個煲仔飯, 豉油愛唔愛辣, 真係好鬼死細心架姐, 阿姐!佢個豉油又係要讚, 咸甜適中, 買乜牌子架你?!不過朋友個海鮮西蘭花就話D獅子狗同蟹柳有少少怪味, 之前食過都係咁, 應該係用雜乜牌子~但多料多份量,抵食架另一個碗車仔麵就好

計我話啲大集團邊好食丫，依家又貴喎，食左極之好咁多年，真係又好食又有人情味...車仔麵湯底够哂濃，尤其啲蘿蔔好入味(估佢可能用胡椒淹過)，炒野好有鑊氣，啲料够哂足，我個friend食個普通嘅炒烏冬都超飽，食港式野都係地道茶餐廳最好味！！仲要大年初一都要開，真係唔讚下唔得！支持呀！！

這天又到旺角shopping~行街前當然要先醫肚~突然發現, 原來極之好搬了去金魚街我們立即二話不說就進這間店了~回想年少時常在旺角店吃他們的炒出前一丁~不經不覺應該有十年沒吃過了, 很懷念喔~進店後上了閣樓, 鋪內環境及食客狀況已不及從前...我們點了招牌黃金雞翼炒一丁及 XO醬花枝片炒一丁招牌黃金雞翼依然一如以往, 外皮卜卜脆, 很香口出前一丁炒得很乾身入味~明顯夠鑊氣~但XO醬花枝片就略為遜色...不太吃到XO醬味, 而且花枝片淡而冇味...跟麵底的味道有很大的對比...吃那麼熱氣的食物就要點一杯咸檸七下一下火~ 但咸檸不太夠咸~炒一丁現在加價到$50大元一碟, 飲品再要另外再點, 如果有套餐會經濟一點~

今日一早同左個朋友一齊食早餐~原先諗住搵地方飲茶食點心,唔知點解行左半條通菜街都冇,我地又餓又冇咩耐性,行過呢間茶餐廳,見佢有中式粥同西餐,個樣仲好似好多野食,就決定入去一試!入到去地方唔大,但好大冷氣~我地搵左個冇咁凍的位坐底舖頭四邊貼左好多好精美既美食相,非常吸引!侍應阿姐就熱情地比餐牌我地睇,又好迫切咁問我地要咩,話晒我地都係第一次黎,咁睇多陣,諗多陣都唔係過份姐.打發左佢兩三次,可能佢覺得好冇引,所以唔再理我地,.到我地想落單嗰陣,仲冇人過黎理我地TIM! ~_~ oh my god~我本身都諗住飲茶,所以叫左個中式早餐,見佢炸两係招牌之一,所以即使唔係套餐包埋都叫左客,但係佢居然話冇貨~!(心諗,先8點几就話冇貨~係咪做早茶生意架~)咁再叫第二樣潮州粉果,叫埋蒸魚肉燒賣...諗主呢D唔洗技巧實冇死~點知佢居然都係同我講未有呢D..(吓~唔係呀化,,...呢D已經係好保守囉喎~咁都冇~咁咩有先?!)咁問佢而家冇乜野,阿姐話而家有粥類腸粉同炒面..於是朋友叫左個楠瓜排骨粥配炒面楠瓜排骨粥入面有好多楠瓜肉,感覺好健康,但排骨得几粒,似肉粹多D~炒面唔係太得~炒得好油,感覺好肥膩,食

突然間想食粥 又係旺魚 於是就去金魚街果頭睇下有咩岩食睇到呢間有粥有麵 就入去試下 一來既印象係熱情既款待 心情都好D揀左個魚腩粥 朋友就揀左滑蛋牛肉煲仔飯 之後啊姐推介炒貝不過想食避風唐炒軟殼蟹 佢又叫我地加個菜 芥蘭靚 於是就順佢意果然冇介紹錯 菜油左小小但好香口好甜 蒜香正蟹都好有風味 蒜炒到勁香 小小SPICY 正 有4大舊 兩個人岩岩好粥都幾甜 唔咸 夠綿 仲好多魚而飯就普通D 加左腸就幾野味 同埋有飯焦!$212 4樣野 好合理 唔錯

以前在旺角吃過車仔麵, 記得很好吃. 今次就再次光臨, 但十分失望.正值下午餐時間, 一坐下, 侍應就給我們幾個餐牌(唯獨沒有下午茶餐牌), 唔通當我們是游客?? 有新加坡朋友來過吃早餐, 又是沒有給早餐餐牌.先叫了一個車仔麵(共$37): 米粉($8) + 豬腸($8) + 釀青椒($8) + 煎魚腐($7) +紫菜($6) 清湯走辣: 但湯就很油淋淋米粉: 用快子一夾,就只得一撮咁大把豬腸: 好梗同無味釀青椒: 得兩件,就已收$8.魚腐: 梗而無味紫菜: 一般再叫了一個下午茶餐 西多士+熱檸水 ($18)餐牌個西多士圖明明是一塊大正方型的方包. 怎麼上枱只得三個小正方型方包. 另外個1/4剩下來去了那裡去呢???吃西多士, 侍應都只係給刀, 沒給叉..... 服務真係.......bad....吃完仍然肚餓.....

行完寵物度想揾個地方食飯, 見到呢度出面有廚師煮緊煲仔飯幾吸引, 就入左去. 我地兩個人叫左生炒糯米飯, 煲仔飯, 半隻雞, 一個燉湯個雞就少啲肉, 但係其他野樣樣都好食. 糯米飯真係生炒, 唔係煲既. 煲仔飯有飯焦!!!　個燉湯無影相, 但係好多料, 不過當然唔係平啦, 成$48一個, 不過真係好多雞, 紅棗等等... 係一個可以再黎既地方! 餐牌上仲有好多野可以叫~

晚上，我和朋友一起GO TO極之好估不到極之好相當好! 好一個椒盬豬扒飯! 食之前一直覺得好普通，估唔到一食落去就覺得好惹味! 就好似小時候O係樓下大排檔果種風味...飲品方面，我叫左凍奶茶...味道OK! 茶味濃郁...唔太甜唔太(容)老闆娘對我地都好親切! 會問下我地D野食好唔好味! 感覺唔錯!

大家還記得曾經，極之好呢間餐廳係旺角，差唔多每條街都有一間。係我心目中佢仲係香港第一間發明炒一丁同埋最好食既炒一丁餐廳！但唔知幾時開始，所有分店都唔見晒，仲要行到去金魚街先有一間細細地兩層既鋪。夜晚行旺角好少會行到呢個位置，一來花園街好早就收檔，二來鄙人没有養金魚。當日終於的起心肝行去食好耐冇食既炒一丁！一入到去，以往爽快大聲既男待應全部冇晒，連車仔麵都係阿姐煮理，樓面阿姐多阿叔少，感覺似少了一份活力以往點炒一丁都會叫走雜菜 = 炒一丁＋餸 (只是我一個古怪既習慣)，但今次與友同行，為免被歧視所以無作此古怪要求明顯地細碟咗好多，當年我叫走雜菜都會大碟過佢；而且好油，好似食緊撈面咁，底果啲麵係油浸住咁，我明炒一丁係要多油，但太多了，炒麵變到好濕友叫的是車仔麵麵紙和車仔麵樣貌依舊以前好似冇打冷，現在有了，友叫了一個細蠔餅。我唔食蠔餅的，但見到都feel到味道一般的。背面還是青色的呢～全晚最滿意的是這檸底可樂在旺角只剩一鋪的極之好，現址地下的鋪面頗細，有二樓的，但唔知有幾大，食物水準下降了不少，份量也少了，難道是因為.......................

六月五日 (星期日)近排和老公仔愛上到金魚街睇龜睇睇下又想買了是日又再次來到旺角,我倆都想買不同款式的龜仔冷靜坐下談談再決定吧!這家店子一直都想試試門口是煲仔飯專家的格局點了個窩蛋牛肉煲仔飯和蠔仔肉碎粥蠔仔粥先上蠔仔數量多,而且頗大粒但是不太新鮮,有腥味和沙只靠濃濃的胡椒味來掩蓋有點失望呢等了十分鐘左右就來上面的是一般的免治牛肉味道不錯,很稔很鮮嫰蛋就自己撈下面的飯比較硬,我喜歡豉油方面則比較淡了整體來說有點失望會議結果:兩款都買!!!

試左豪餅,,,剪出黎既樣第1. 隆左...第2.好似d班click咁煎到.咬口超不爽...原全及唔上潮式豪餅10分1...豪都好小下...搵笨分爆燈..再試埋煎腸粉...38$又係..又係得個差字...同普通煎腸粉豪無分別..扣哂分..自己就食左 椒鹽豬扒飯..好一般..普通料..份量適中...豬扒比較骨多...抵食分扣哂..要成36$..