楓 (已結業)

今晚經過旺角見到易拉架話有7折，所以就嚟試吓，點知嚟到門口先知冇做折，都算啦，一場嚟到就入去試吓。首先叫咗一個蜆肉大阪燒同2個章魚大阪燒。點知半個鐘頭後先上第一個大阪燒，再過10分鐘先上埋另外2個。成間餐廳得我地一枱客都搞咁耐。預咗佢慢，所以第一個大阪燒上咗之後，我地就叫定蛋糕做甜品。到我地食哂啦，又再等。點知又再等咗30分鐘，個侍應走過嚟話個蛋糕焗衰咗，話而家馬上焗返個新嘅俾我地，但係要等多20分鐘。嗰陣我地已經坐咗成1.5小時，所以決定唔食蛋糕走人。啲大阪燒係幾好食嘅，但要等太耐啦，又掛個舊嘅易拉架出嚟，有欺騙之嫌。個蛋糕其實係焗衰咗定漏單，我地唔知，只知到呢餐飯食咗好耐。

最近好多人去食既日式蛋糕店, 特別既係佢地巨形日式烤蛋糕, 夠兩個人食有突呀。呢間小店位好景後面既商場巷行到尾位就見到, 店面同裡面係係行日式小店路線,好舒服。章魚大阪燒 $78主要目的係食蛋糕, 但係都要點樣主食墊一墊, 大阪燒即叫即整, 夠新鮮, 感覺佢既麵粉唔算多, 反而係蛋係比例會多d, 食到好香既蛋味, 仲要好多章魚粒, 好食。丸久小山園焙茶醬烤蛋糕$138到最期待既環節啦, 一黎到我同朋友都嘩左聲, 因為真係好大份。面頭仲有滿滿既焙茶醬, 焙茶醬唔係好流質醬, 咁先唔會令蛋糕體咁快濕哂, 同埋又多左一重口感。切開就見到面頭既焙茶醬有幾厚。伴碟仲有藍莓, 士多啤莉,焦糖香蕉, 白玉團子同蕨餅 (唔好講笑, 堅好食呀舊蕨餅)焙茶豆乳$58有驚喜, 焙茶味好出, 但唔係甘苦個類抹茶豆乳$58正正常常既抹茶豆乳

見呢間新店有焙茶就好快bookmark左😆新開張仲做緊7折! 裝修木系風, 好日式~ 大阪燒同烤蛋糕都好好食💕不過注意餐廳只收現金同八達通! .章魚大阪燒 $78勁多章魚粒🐙唔會太多麵粉漿~ 不過一個人食可能會太飽！丸久小山園焙茶醬烤蛋糕 $138即叫即做,所以預等候時間會耐少少~ 烤蛋糕係2人份量~配料有日式蕨餅、丸子、藍莓、草莓同焦糖香蕉! 烤蛋糕好鬆軟,都唔會食到勁滯食唔晒咁😆焙茶豆乳 $58自家製焙茶醬加豆乳🥛味道剛剛好,唔會過甜~蜂蜜柚子烏龍茶 $38正常發揮😆💕

旺角新開日式木系Cafe 🪵 - 楓 🍂Cafe 嘅裝修 好有日本嘅feel ❤️主打大阪燒同日式烤蛋糕 🍰章魚大阪燒 🐙 $78大阪燒即叫即做就咁目測都已經見到好多章魚肉🐙😍每一啖都好香好滿足🤤 而且整得好香脆添加埋適量嘅蔬菜同粟米 食落更加冇咁膩配埋香蔥 木魚 蛋黃醬 紫菜碎 同埋 醬汁食落味道 同 口感都更正😎丸久小山園焙茶醬烤蛋糕 🍰 $138超級大嘅烤蛋糕 足夠兩至三人食手工烤蛋糕上面淋滿焙茶醬☺️ 係自家製嘅焙茶醬 食落幼滑 唔會好濟 又唔會好苦烤蛋糕超鬆軟 充滿蛋香 😋😋配料都好豐富 有焦糖香蕉🍌 京都蕨餅 白玉士多啤梨🍓 藍莓🫐 等等抹茶豆乳 $58Cafe 係用左日本進口嘅豆乳飲落抹茶味香濃 加埋豆乳飲落味道更豐富得黎✨仲好香添鳳梨檸檬梳打 $38鳳梨檸檬酸酸甜甜 好開胃啱哂各位朋友仔 食完開胃😎繼續食👍🏻仲好涼爽嫁

今日去咗旺角行街 竟然落起滂沱大雨🥺 但係呢場雨令我我同有人搵到呢一間新開嘅甜品店😮 新開張期間仲有七折㗎 章魚大阪燒呢個大阪燒質地唔算話好實 但係就真係落足料嘅 入面有粟米 椰菜絲 蟹柳 仲有超級多章魚🐙 真係好真材實料 特別鍾意面頭嘅木魚碎 係大阪燒嘅精髓之一😙丸久小山園焙茶醬烤蛋糕每款日式烤蛋糕都配有京都蕨餅 白玉丸子 焦糖香蕉 士多啤梨 藍莓🫐 我最鍾意就係個白玉丸子🍡 丸久小山園焙茶醬非常出色 本來望落仲覺得個醬太多 但係食嘅時候不忘要點多幾下 所以食完成份蛋糕啲醬汁都係啱啱好咋🤣 烤蛋糕嘅質地唔算太空氣 但係都幾軟熟🧁芝麻豆乳本來烤蛋糕都諗緊要芝麻醬定係焙茶醬好㗎啦 最後有人揀咗焙茶醬 但係我又好想試呢度嘅芝麻 所以就係飲品方面揀咗呢一杯豆乳🙈 入面有好厚嘅芝麻醬 味道非常濃郁 我諗配蛋糕都好好食鳳梨檸檬梳打呢杯就酸酸甜甜 鳳梨嘅味道突出 夏天熱辣辣飲杯有氣嘅梳打水就啱晒🍍 撈勻晒糖漿嚟飲 唔會覺得味道太淡整體嚟講 我好欣賞呢度嘅焙茶醬🍵 因為個味道真係好濃郁 不過因為蛋糕係即叫即制 所以都要預啲時間等待 製作需時呀⏳

旺角登打士街新開嘅 @kaede_dessert，主打大阪燒及日系烤蛋糕，餐廳以木系裝潢為主，燈光柔和，有昭和時代感覺～🍭タコ大阪燒（章魚）$78絕對係我喺香港食過最好食嘅大阪燒🥹 之前食嗰啲都覺得口感好麵粉，淋身，實質嘅配料好少～ 但呢個係相反，配料超級多，啖啖都食到香甜嘅粟米粒同蔬菜絲，章魚份量都相當足夠，好好味！🍭丸久小山園焙茶醬烤蛋糕 $118店內另一特色茶式就係即製的手工日系烤蛋糕！份量真是超級大，可以2-3人吃！自家製丸久小山園焙茶超幼滑，淋遍整件蛋糕！蛋糕體鬆軟綿密，富蛋香～ 伴碟有黃豆粉蕨餅、小丸子同時令生果，口感相當豐富！🍭西柚梳打 $38飲品我地揀咗西柚梳打，西柚味出，飲落舒服清新！

木系Cafe「楓Kaede」，餐廳以木系設計風格，滿滿平靜沉穩的氛圍。餐廳特別嘅地方係，佢哋只供應2款食物，主打大大份，一款係大阪燒，另一款係日式手工烤蛋糕。大阪燒（章魚）估唔到大阪燒都可以有咁多款海鮮口味選擇，除咗章魚，仲有帶子、蜆同蝦。不過我都係揀咗最愛嘅章魚，大阪燒粉漿有椰菜絲、香菇粒、粟米粒、木魚、蔥花、蟹柳、章魚粒，非常豐富，食落蛋香十足，仲好惹味。丸久小山園抹茶醬烤蛋糕蛋糕上滿到瀉的抹茶醬，仲有蕨餅、白玉丸子、紅豆、焦糖香蕉、士多啤梨伴碟，蛋糕食落口感濕潤棉密，份量足夠2-3人享用。飲品抹茶豆乳抹茶味道濃厚，豆乳口感順滑。鳳梨檸檬梳打酸酸甜甜，非常清新。

最近開業的木系日式餐廳 楓位於仁安大廈地下小巷的尾端店面積不大 呈長方形 只有一條窄窄走道主打餐點只有兩款 大阪燒跟日系烤蛋糕以及各式豆乳跟梳打飲品𓋪 テープ大阪燒 這邊大阪燒的選擇有四款 ( 蜆 / 章魚 / 蝦 / 帶子 ) 小帶子粒混入麵糊中煎成常見的圓形狀鬆軟之餘 餡料中的椰菜增加不少口感上面淋上醬汁跟柴魚片 略嫌太少美乃滋了而且面頭大量的蔥粒 (?) 有點出戲呢 ... 𓋪 丸久小山園焙茶醬烤蛋糕即點即製關係 等候時間很長 要有心理準備啊熱騰騰享用口感鬆軟 濃郁蛋香味 也不會太甜膩ᴛᴏᴘᴘɪɴɢs 淋上了自家製的焙茶醬跟焙茶粉旁邊配上各式日系配料 像蕨餅 小丸子等但份量有點大 女生分享的話未必能 ᴋ.ᴏ.醬料淋上去後才端上 也看不清蛋糕的美貌食物呈現方面也許有改善的空間𓎺 焙茶豆乳𓎺 抹茶豆乳兩款入口都有淡淡茶香跟豆乳味道 也沒有卡粉情況但 ǫʀ 下單的關係 無法特別要求少冰喝到後面味道也許會漸漸地淡期待之後會有更多的餐點選擇而且餐點準備時間也期望有所改善

最近旺角新開咗間日式甜品店😁新張期間仲有7折優惠☺️全程手機落單，主打大阪燒同日系烤蛋糕😛意大利可可榛子醬烤蛋糕🍰$138 (7折$97)由於係手工烤製嘅蛋糕🎂所以要預返時間製作☺都真係幾大碟，份量足夠2-3人食😌可可榛子醬完全鋪滿整個蛋糕🤤每一口都充滿着濃濃嘅朱古力香味🍫另外配料更有京都蕨餅、白玉圓子😛仲有士多啤梨、藍莓同焦糖香蕉😋夾住蛋糕一齊食，味道更加豐富同惹味😇タコ大阪燒(章魚)🐙$78 (7折$55)大阪燒即叫即造，夠曬新鮮熱辣辣😋用料十足，啖啖都品嚐到美味嘅章魚肉😌口感鬆軟，配料同麵粉亦恰到好處😌加上大阪燒汁、蛋黃醬、海苔碎等😇整體味道同質感都好吸引，值得一試👍巨峰梳打🍇$38 (7折$27)味道清新，消暑解渴😉水蜜桃梳打🍑$38 (7折$27)濃郁香氣，唔會太甜😚楓 (旺角)旺角廣華街1號仁安大廈地下32B-D號舖 旺角

係openrice見到呢間新開既甜品舖，好似幾好食，滿心歡喜就沖去食，門口見到仲有77折，一入去就即刻落單，甜品正常20-30分鐘乜都上到枱啦～傾計傾到口乾，又俾冷氣吹到有d凍，望下個鐘，原來已經等左半個鐘，唯有追下單啦，問下仲要等幾耐，職員話要等多 半 個 鐘……下！半 個 鐘！！我地已經等左半個鐘，仲要等多半個鐘！！望真d有冇睇錯落單時間？唔係麻...食件pancake要等1個鐘，呢間舖得大阪燒同pancake，都要整1個鐘，好失望呀！浪費時間！最後無等到，乜都無食到，就起身走人。走果陣，發現隔離幾枱同我地差唔多時間坐低，張枱都係無野食....如果大家要食，入去之前問下要等幾耐先好入去坐啦...唉…

位於旺角全新木系Cafe 🏮▪️大阪燒系列～工匕大阪燒（蝦）大阪燒麵糊伴入大量蔬菜，粟米，蟹柳，蝦一個煎香，麵糊和配料份量剛好，底部仲有少少焦脆，面部灑上大蔥，香蔥，木魚，配上甜中帶鹹的濃厚特製醬汁，沙律醬亦是經過特調，好正宗嘅日本風味，好好味，推薦👍🏻🍰▪️日系烤蛋糕（2人份量）手工烤蛋糕配上不同自家配制醬料及配料我揀咗丸久小山園焙茶醬烤蛋糕，蛋糕烘至外微脆，內鬆軟綿密，而且充滿蛋香，淋上滿滿濃而不膩既焙茶醬，入口柔潤，好美味，仲配有京都蕨餅、白王圓子 、焦糖香蕉、士多啤梨、藍莓，滿滿材料，好幸福的甜品😋🥛▪️豆乳系列(選用日木進口豆乳）抹茶豆乳，濃濃豆奶香味，伴上日本抹茶粉，味道唔太甜帶點甘香，配合蛋糕好適合😊新張期內所有食品仲有七折優惠，非常抵食優惠期有限，大家快啲去試吓啦😋

🇭🇰✨旺角新開木系日式Cafe🇯🇵🍁主打大阪燒、日式烤蛋糕🍵最近成日都係IG見到呢個日式烤蛋糕嘅蹤影，梗係唔執輸要試埋一份🫣Cafe行原木系路線，裝修骨子，由於啱啱開業，仲帶輕微油漆裝修味。食物打卡able之類，味道都唔錯，好似由一個識煮嘢食嘅朋友好用心整出嚟嗰種味道🤣🫶🏻而家新店開張，仲有7折優惠添啊！① 丸久小山園抹茶醬烤蛋糕 $158🔹抹茶醬用咗丸久小山園粉，抹茶味香濃，甜度適中👍🏻🔹烤蛋糕雞蛋味濃郁，蛋糕綿密實在，有啲似以前喺屋企整嘅電飯煲版雞蛋糕🤣🔹配料豐富，有帶薄荷味嘅京都蕨餅、白玉丸子、蜜紅豆、焦糖香蕉、新鮮士多啤梨及藍莓🫐② 章魚大阪燒 🦑 $78🔹章魚份量好多，基本上每一啖都有，而且口感爽彈👍🏻🦑🔹大阪燒裏面仲有粟米、蟹柳、椰菜等配料，口感豐富，而且好飽肚🤣🔹連埋大阪燒醬、鰹魚碎、蔥花一齊食好滿足😋③ 柚子梳打、蜂蜜柚子梳打 🍹$38/杯🔹正常發揮，甜度比較適合螞蟻人📍 楓 (旺角)旺角廣華街1號仁安大廈地下32B-D號舖

旺角真係好多嘢食，大阪燒想坐係到食，原來都有選擇🐙大阪燒（章魚）$78-蛋漿混合洋蔥、椰菜及章魚粒然後煎香 再淋上沙律醬、芥茉漿、味增醬 調味恰到好處 非常惹味 微脆口感🍵丸久小山園抹茶醬烤蛋糕 $158-小山園抹茶醬味道似奶蓋 濃香回甘嘅抹茶味 蛋糕好足料 相當有份量 配碟有同搽茶最夾嘅紅豆、小丸子、蕨餅 仲有焦糖香蕉 好飽肚嘅甜品◻️芝麻豆乳 $58-黑芝麻磨成蓉再抹係杯邊 有潑墨之感嘅一杯乳製品 唔會太甜 有黑芝麻香🟠西柚綠茶 $38-西柚綠茶較甜 加入西柚味糖水總括嚟講，一間唔錯嘅小店，好食

有時忙起上嚟會同世界脫節，不過對於食，就唔會🙊 最近成日見到澎湃嘅烤蛋糕🍰 就去咗試吓😆白色x木為主嘅裝修，營造咗日式小店嘅風格🇯🇵 講吓重點先💁🏽‍♀️➿ 丸久小山園焙茶醬烤蛋糕 ($138)大大塊金黃色嘅烤蛋糕糕體濕潤，好有蛋香🥚焙茶醬茶味突出，甜度適中～ 伴碟嘅配料都相當豐富呢🥰 有外皮均勻焦既焦糖香蕉🍌 黃豆粉蕨餅、丸子🍡 仲有士多啤梨🍓藍莓🫐 大滿足啊！➿ タコ大阪燒 *章魚 ($78)以前得閒都會鍾意自己整大阪燒，不過因為驚形成咭到圓餅型/ 翻唔到，所以會唔覺意整到重麵團感😛 而呢度嘅大阪燒唔會，啖啖都食到幾豐富嘅配料，章魚粒🐙份量慷慨，亦都少見地加咗粟米粒🌽豐富口感～➿ 芝麻豆乳 ($58)芝麻同豆腐呢個配搭向來都係絕配！芝麻味都幾香～ 用上日本豆乳，特別濃厚😆 ➿ 西柚烏龍茶 ($38)夏日炎炎特別需要一杯果茶🍹呢杯夠晒大杯！比想像中甜一點，可能因為我冇定時攪拌😛

最近旺角新開咗間打卡Cafe!!😍新開業仲有7折👍🏻Cafe帶昭和氣息，整個氛圍都好放鬆。我係開店時入座，就可以爭取時間影相📷✪ 大阪燒 （章魚） ⌫ 💲78揀咗章魚做餡料，份量都好多。入面有粟米、蟹柳絲、蔬菜等，口感好豐富。章魚咬落彈牙。上面加咗蔥花同柴魚絲，更加香口惹味🔥✪ 丸久小山園抹茶醬烤蛋糕 ⌫ 💲158二人份嘅蛋糕，睇落都好大份！蛋糕口感鬆軟濕潤，加上抹茶醬，少少甘甜，好好味！旁邊仲有紅豆白玉、抺茶茨餅、焦糖香蕉，食到好滿足❤️✪ 水蜜桃梳打 ⌫ 💲38甜甜的味道，解渴。✪ 鳳梨檸檬梳打 ⌫ 💲38微酸，清新開胃。【 楓 】📌旺角廣華街1號仁安大廈地下32B-D嘅舖