楓 (已結業)

喺旺角食完飯．經過廣華街呢間店見到好多人排隊原來乳酪雪糕 買一送一我地都唔輸蝕揀兩杯自選口味試下▫️Froyo希臘乳酪雪糕加入乳酪嘅雪糕．幼滑又冰凍酸酸甜甜．好Creamy唔怪得咁多人啦✨Oreo碎碎．阿華田餅碎．麻糬粒粒脆卜卜嘅口感配上脆皮朱古力醬味道唔會太甜✨開心果脆脆．蜜味紅豆．抺茶蕨餅抺茶同紅豆係完美嘅配搭加上Homemade嘅小山園焙茶醬食到停唔到口下次再嚟旺角行街可以坐低堂食試下刨冰 同 大阪燒

【楓🍁｜日系咖啡店】Café最近新推出咗日式刨冰🍧, 即刻試吓先 ̋(๑˃́ꇴ˂̀๑)♡🍧小山園抹茶かき氷有濃濃嘅抺茶味🍵, 裏面仲加入奶蓋同煙韌白玉小丸子🍡, 整體唔會太甜🥣香煎虎蝦咖哩湯烏龍麵湯咖喱味道濃郁, 有微辣口感; 虎蝦咬落新鮮爽彈🦐; 烏龍麵Q彈, 亦相當掛湯🐙章魚大阪燒 即叫即製, 表面鋪滿木魚碎、海苔粉、蔥花、美乃滋, 大阪燒內裏濕潤蓬鬆, 中間夾住粟米粒🌽、高麗菜、洋蔥🧅、章魚粒等等, 配上御好燒醬汁, 味道層次豐富！🖤黑芝麻豆乳黑芝麻醬配上日本豆乳🥛, 口感順滑, 黑芝麻味好濃呢！

餐廳空間好細，得一個人做樓面明明係自助落單但又要收加一最大問題係出菜時間超級無敵爆炸耐，我同朋友比較細食，就淨係叫咗一個烤蛋糕，menu寫話係兩人份量，要等20分鐘，結果等咗成粒鐘先嚟，唔單止我地枱，其他枱都一樣，見隔離叫個啲熟食好似會快少少嚟，但座底半粒鐘味道一般，無乜特別，我係屋企用電飯煲整蒸蛋糕嘅蛋香味都勁過佢，完全對唔住佢嘅價錢同等待時間，而且份量比想像中細，兩個細食人唔洗8分鐘就清哂碟（都有可能係因為我地等得太耐餓親）目測廚房好似淨係得兩個人？有時樓面會走入去幫手，搞到鋪面空咗，見到有客人要等佢搞一陣出嚟先至埋到單完全唔建議嚟呢間餐廳，除非你嘅priority係想揾地方瘋狂吹水＞影相打卡＞食嘢

之前係社交平台 碌到 被個蛋糕深深吸引左今日終於到我品嘗😋😌🌮大阪燒 $98有四個口味選擇 \\蜆 / 章魚 / 蝦 / 帶子//我地揀左帶子係有厚度嘅 超多醬 大阪燒 😋😋配料全部切到細細粒 同餅底混合成一體每啖都可以 食齊咁多款配料不過今日火喉過左啲 有1/3餅底燶到帶小小苦味😢🍜炙燒慢煮雞叉燒蕃茄湯鳥龍麵原來叉燒係指 將雞條扎到卷狀 個樣變左日式叉燒咁😂呢個炙燒慢煮雞叉燒 好出色👍🏻有少少炭燒咁口感 好正😋個蕃茄湯超燶 帶少少酸味 好味到 我忍唔住飲哂啲湯🫢🍰丸久小山園焙茶醬烤蛋糕主角出場喇💃🏻💃🏻💃🏻單係賣相就已經一百分💯燶燶嘅焙茶醬 香而不澀 配埋重蛋味ge蛋糕🍰再有🫐🍓🍌陪襯 甜而不滯一啖接一啖 兩個爭住食西柚梳打巨峰梳打好滿足😌 食到飽飽 加埋一平均每人$204.5抱住個肚腩 去行街街👫🏻

我叫左抹茶蛋糕，差唔多等左45分鐘，賣相普通，蛋糕只係普通海綿蛋糕，抹茶醬都係好普通，價錢昂貴，唔值，唔推薦。仲點左章魚大板燒，都係一般，大板燒好軟身，夾唔起。食物貴，等侯用餐時間長，坐低左等左十分鐘仲要不斷舉手叫待應，十分鐘後先有人行開黎問我地有冇訂枱。 好差，唔會再幫襯

*✲ﾟ*。 🎌旺角大阪燒x甜品店🍧
呢度有好多款甜品都好吸引😙有日系烤蛋糕 窩夫 乳酪雪糕 日式刨冰🍧當日外賣乳酪雪糕仲有買一送一😳不過天氣太熱我最後都揀左堂食🤣乳酪雪糕有好多配料 可以自己mix & match🙆🏻‍♀️我揀左焙茶醬 配料推介白玉 好煙韌😍巨型日系烤蛋糕夠2-3個人Share🤣蛋糕體非常鬆軟 上面滿滿抹茶醬💚伴碟仲有紅豆 蕨餅 白玉 藍莓 士多啤梨同焦糖香蕉 大滿足🤤大阪燒都有幾款 我揀左配章魚 🐙即叫即整 好食😋p.s. 可以上 @openrice_hk book 位同買現金卷 即時有88折抵好多🤭-
✨ 乳酪雪糕 ($58)✨ 丸久小山園抹茶醬烤蛋糕 ($158)✨ 大阪燒 (章魚) ($88)+10% service charge-📍 楓 @kaede_dessert旺角廣華街1號仁安大廈地下32B-D舖

楓，位於旺角廣華街1號仁安大廈地下32B-D號舖。店內以木系裝修為主，餐廳主打大阪燒和日式手工烤蛋糕， 我當然要品嚐一下😊，大阪燒(帶子)$98、丸久小山園抹茶醬烤蛋糕$158、可可豆乳$29、抹茶豆乳$29。 📍大阪燒(帶子) ～ 即叫即蒸的大阪燒口感鬆化， 惹味飽肚， 有四款口味可供選擇。 📍丸久小山園抹茶醬烤蛋糕 ～ 大大的一份烤蛋糕，帶有濃厚的抹茶香味，蛋糕口感軟腍，充滿蛋香，配上白玉丸子、蕨餅、紅豆蓉和雜果，滿滿的抹茶醬，絕對是抹茶控首選。 📍可可豆乳 ～ 豆乳濃厚滑順， 配上可可，更添風味。 📍抹茶豆乳 ～ 抹茶味突出，微甜好飲。 推介大阪燒和日式烤蛋糕！🏷️溫馨提示～ 整個用餐體驗均屬個人分享意見， 只作參考😊。

我同一位朋友去左楓食晚餐，原本期望有一個愉快用餐體驗但卻極度失望。從頭到尾，餐廳管理好混亂同服務極不佳。我地預訂左一張晚上7:15嘅兩人枱，但只有一名女侍應負責成個餐廳嘅樓面安排，導致大量延遲同對客人需求嘅忽視。係晚上7:30我地點左一份大阪燒同一份芝麻蛋糕，跟餐有兩杯野飲。但等左大約30分鐘後，我地只收到飲品。大阪燒終於係晚上8:15送黎，但已經煎燶晒，味道難聞，根本無法食用。坐係我地隔離嘅另一枱客話比我地知，佢地都等咗一個鐘都仲未有蛋糕，佢地後來點嘅雪糕竟然又等左額外20分鐘先到。我同朋友等咗差唔多個半鐘決定唔再等諗住走，所以叫埋單。埋單果陣我問侍應係咪咁啱今日唔夠人，個侍應出乎意料地將問題歸咎於廚房缺乏煎pan，話入面得兩個煎pan煮野喎…今次嘅經歷真係令我絕對唔會推介依間餐廳比人。

帶朋友去完位於旺角煙廠街嘅韓國店買我超鍾意嘅紫菜牛肉飯卷之後，經過見到呢間日系店，專賣 大阪燒 同 烤蛋糕，朋友話不如試試Order 咗個”大阪燒”開心share🔸大阪燒(蝦)大阪燒可揀 蜆、章魚、蝦 或 帶子 做配料我哋呢日揀咗🦐🦐由於係即叫即做，落單後大概等廿分鐘左右，熱辣辣嘅大阪燒上枱喇，呢個時候最鍾意見到啲木魚絲郁吓郁吓～ 💃🏻🕺🏻賣相相當吸引，鋪滿木魚絲 同 蔥粒 (香蔥係one of my favourite 配料)入口蛋味香濃，大阪醬汁調較得啱啱好，材料豐富，除咗主角蝦蝦🦐，仲有椰菜絲、洋蔥粒、粟米、蟹柳；食落味道同口感都非常豐富👍🏻🔸抹茶豆乳 & 焙茶豆乳兩杯飲品嘅茶味香濃，甜度適中席間見到唔少人order ”日式手烤蛋糕”，賣相非常吸引，份量睇落好大份😯，我同朋友呢晚嘅戰鬥力應該KO唔哂，下次要搵多2個朋友嚟幫口先得，仲要試埋其他口味嘅大阪燒添 😋大阪燒一向唔係我鍾情嘅item，無意間發現呢間坐落喺油麻地嘅隱蔽小店，大阪燒足料美味，無油膩感，真心推介🫶🏻

即叫即做日系小店🌸夕つ大阪燒（章魚）🌟🌟🌟🌟底層鋪滿章魚粒，表面蛋粉漿，再灑大蔥係面，配搭濃郁大阪燒醬。味道濃郁章魚粒彈牙。🌸丸久小山園抹茶醬蛋糕🌟🌟🌟🌟🌟大大個鬆軟蛋糕，濃郁抹茶醬，配料有軟綿紅豆蓉、凍抹茶糕、煙靭小丸、新鮮藍莓及士多啤梨、焦糖香蕉。🌸芝麻豆乳🌟🌟🌟🌟🌟濃郁黑芝麻味，日本豆乳香濃，豆味十足。🌸焙茶豆乳🌟🌟🌟🌟🌟濃郁焙茶，茶味甚濃但唔會帶苦，日本豆乳香濃，豆味十足。======詳情======楓 (旺角)旺角廣華街1號仁安大廈地下32B-D號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #旺角美食 #旺角好去處 #香港美食探店 #香港探店 #我是吃貨 #打卡熱點 #打卡美食 #著數報料 #夏日打卡日常 #日本豆乳 #芝麻豆乳 #焙茶豆乳 #大阪燒 #日式蛋糕 #丸久小山園 #抹茶醬 #廣華街 #仁安大廈 #楓

大家記得早d去了小編weekend tea time去食坐低已經見到好多sold out .《丸久小山園焙茶醬窩夫🧇》窩夫外層酥脆 內裹鬆軟 淋上杰身小山園焙茶醬 帶黎濃郁既茶香韻味仲有香蕉🍌、士多啤梨🍓、藍莓🫐夾埋冰凍雲呢拿同朱古力雪糕 以及whipped cream好豐富 好飽滿.《丸久小山園焙茶醬烤蛋糕🥞》每枱都有叫烤蛋糕 質感鬆軟 味道帶甜外層被一層厚厚既小山園焙茶醬封印左 茶香濃郁本身嗌抹茶醬㗎 不過唔知點解又嚟咗焙茶 🙊加上又係個d生果 所以好似有d重複如果大家黎 記住揀下其他味道 試下唔同既野會好d.《芝麻豆乳☕️🥛》豆乳應該係植物奶個d 口感滑順黑芝麻混合物味道香濃 比豆味突出如果有得揀少冰會更好《抹茶豆乳🍵🥛》抹茶香醇 同豆乳結合 都唔會好甜

✔️大阪燒（章魚）$88呢個有驚喜～ 材料真係好足 基本上每啖都會食到彈牙嘅章魚粒🐙 仲有蟹柳、粟米同大量木魚 完全唔會好似食麵粉咁🥰 不過個大阪燒醬講唔停覺得鹹咗啲 所以相對會比較重口味🙈✔️意大利可可榛子醬烤蛋糕 $138呢嗰個份量真係好大 蛋糕偏向實淨少少嗰種🤔而榛子醬十分濃郁 再加埋朱古力碎🍫幾好食而且超級邪惡 不過始終會比較膩 最好三至四個人share👯‍♀️✔️自選乳酪雪糕 $43聽聞呢個雪糕都係啱啱推出 講唔停覺得好高質✨ 乳酪雪糕唔會太酸/太甜 質感軟滑🤤而配料同醬料都有十幾款揀 超推薦開心果脆脆 個焦糖醬都正 香得來唔會太甜👍🏻✔️鳳梨檸檬梳打 $19✔️芝麻豆乳 $29

作為一個甜品控，蛋糕係我其中一樣最鍾意嘅嘢食！呢幾排見到有有間餐廳嘅蛋糕賣相超級吸引，今日終於有機會來試一試！講緊嘅就係呢間喺旺角嘅「楓」，我最想試嘅時候係佢嘅烤蛋糕！佢嘅味道選擇超級多，我喺度糾結究竟要焙茶定係抹茶好，最終叫咗一個⭐️丸久小山園抹茶醬烤蛋糕。蛋糕即叫即整大約要等20分鐘，但啲20分鐘絕對值得等待！蛋糕一上到枱，真係令我流晒口水，抹茶醬非常之澎湃，但更加重要嘅係蛋糕嘅口感非常之正！可能係我食過最蛋香味嘅蛋糕，佢裏面比較濕潤，再加埋佢嘅抹茶醬同埋其他配料，係超級之豐富！唔單止有紅豆香蕉士多啤梨藍莓仲有麻糬～有機會嘅話我都想試埋其他，但係食咗一個之後已經好友飽足感😍喺等緊嘅同時我仲叫咗佢嘅⭐️大阪燒，揀咗章魚嘅味道！呢個都非常之有驚喜，大阪燒醬好好味，而且佢佢用料好足，差唔多食到口口既章魚🐙。另外我仲叫咗兩杯嘢飲，包括係可可豆乳同埋焙茶豆乳。味道都幾夾幾香濃～總嚟講呢度嘅大阪燒同埋蛋糕超級推介！📍楓 (旺角)旺角廣華街1號仁安大廈地下32B-D號舖

˜”*°•.˜”*°• 楓。•°*”˜.•°*”˜🔆旺角區❂ 大阪燒 （章魚）💵 HK$88佢地嘅大阪燒得好出色❤️我覺得超好食首先佢既用料真係非常有誠意大大份😙八爪魚既份量都蠻多的大大粒😌好有口勁✨上面鋪滿左勁多木魚絲同香蔥而且佢嘅粉漿好有蛋香同軟綿得黎亦帶有口感🤤呢個大阪燒絕對係必食😎❂ 意大利可可榛子醬烤蛋糕 💵 HK$138呢個榛子醬烤蛋糕真係非常大😂大個我塊面😙到枱時既賣相都幾驚艷🤪朱古力嘅味道食落去有啲似Kitkat🤣小小偏甜😋如果蛋糕既質感可以再鬆軟啲就更Perfect啦😘❂ 芝麻豆乳 💵 HK$58芝麻豆乳勁香濃嘅芝麻味🤤豆乳質感都好滑好好飲❤️

油麻地日式木系cafe🇯🇵 見佢既巨型烤蛋糕款式夠曬吸引想試😳🍰丸久小山園焙茶醬烤蛋糕 $158呢個烤蛋糕製作需時 等左近半個鐘終於新鮮出爐 相當巨型 兩個人當飯後甜品真係幾飽肚😳面頭舖滿濃郁既焙茶醬 包裹住溫熱既海綿蛋糕 非常鬆軟濕潤 有陣陣蛋香 唔會太甜 底下有少少朱古力碎 伴碟有蕨餅 白玉 焦糖香蕉等水果 令整體感覺較豐富😌🧇帶子大阪燒 $98餡料十足 充滿勁多帶子 蟹柳 菇粒 粟米等等 面頭仲有大阪燒醬同木魚 但大量生葱花味道有點太霸道 絕對係非一般既大阪燒🤣粉漿算軟綿 但可能太多料關係 感覺正中間差少少未完全熟透😅飲品可以以半價加配 試左抹茶豆乳同巨峰梳打兩款 味道岩岩好唔會太甜