楓 (已結業)

驚喜發現旺角有家日本餐廳有外賣甜品，似涼還熱的天氣，不得不吃杯至愛乳酪雪糕降溫一下。先說紫米和麻薯粒粒，糯軟交集，不失咬口，加上少脆開心果碎，突顯咬口，喜歡朱古力醬的脆皮，好甜女生會喜歡。雪糕不會很易溶化，在口腔中散發酸甜酸甜的冰感，大大口夾配料吃，既軟又脆，份外有層次，口感再加倍。蜂蜜蘆薈帶天然甜香，感覺健康少罪惡感。紅豆挺大，香糯美味，加入玄米茶脆粒增添嚼勁，選了Homemade小山圓培茶醬蠻富茶香😍款色較經典日式。兩杯都要了布朗尼蛋糕，外脆內軟，挺甜的，建議最後菜式，那就不會破壞雪糕的乳酪味道。打卡不錯，配搭不少，口味不太甜，少少酸，飯前吃很開胃，飯後吃也消濟，吃乳酪雪糕總有無限理由。食後感：定價合理，吃乳酪雪糕又多一個新選擇，我和摰友打算常常去幫襯😇

章魚大阪燒(88hkd)佢嘅章魚真係！好多多架！😍大推呢個👍🏻高麗菜🥬嘅比例唔多，更多嘅係章魚🐙、菇🍄😍好真材實料，落料完全唔手軟，cp值幾高🤩慢煮炙燒雞叉燒咖喱湯烏冬(68hkd)一開始見餐牌有雞叉燒都有少少黑人問號❓但一咬真係有啲驚艷，炙燒得好均勻，好有誠意同幾細心，聞落已經好香，雞肉🐓滑而不柴，好厚肉，咖喱係近似汁嗰種，好濃😍意大利可可榛子醬烤蛋糕(138hkd)榛子醬畀得好大方，好濃厚嘅醬，蛋糕有氣孔得嚟幾厚實嘅口感，蛋糕體好濕潤，勁有飽足感，雖然好飽但都清哂🫣即刻肥咗，顏值與實力兼備嘅甜點鳳梨檸檬梳打(+19hkd)係梳打水加鳳梨🍍檸檬🍋醬，鳳梨味道比較突出，撈完都唔會太甜，食完蛋糕🍰refresh下又幾好☺️#foodiblum日式

行過見到個宣傳牌寫買一送一就吸引左我過嚟😆係廣華街仁安大廈，簡單日系裝修的小店，除左雪糕，佢哋仲有日式大阪燒、烏龍麵等。買一送一優惠只限外賣，乳酪雪糕可以自選3 款配料+1款醬汁，我哋揀左：🧡草莓脆片、麻薯粒粒、芒果爆珠 +焦糖醬🧡💚開心果碎、抹茶蕨餅、蜜味紅豆+抹茶醬💚乳酪雪糕幾滑唔會太甜，中間啲配料麻薯同埋蕨餅都幾煙靭，我自己最鍾意個芒果爆珠，一咬落去會爆汁。（行行下食緊先發現有杯開心果碎原來冇落到😜不過唔緊要啦）

這間店主要售賣烏龍麵、大阪燒、烤蛋糕、乳酪雪糕、刨冰同窩夫烏龍麵可選蕃薯湯和咖喱湯，和配菜：虎蝦/雞叉燒/和牛漢堡大阪燒主要有4款: 蜆、章魚、蝦、帶子份量很足，上面鋪滿了鹹香的木魚絲，啖啖都可以食到章魚粒。烤蛋糕主要有4款醬可選: 榛子醬、芝麻醬、抹茶醬、焙茶醬雖然餐牌話係2人份量，但4個人分先啱啱好食得曬，份量好大，用料好足，有3款水果一齊上，d醬多大漏出嚟，又唔會太甜乳酪雪糕的話，依家外賣有買一送一優惠，可以食完晚飯之後，外賣帶走🫢配料同醬都可以自由組合依家夜晚食烏龍麵仲有晚市優惠，透過OpenRice book枱有全單85折

見廣華醫院對面新開了間日式甜品店，有唔少人食，見到有希臘乳酪雪糕做$58買一送一優惠，可以選擇3款配料&1款醬汁，二話不說就選擇了配料主要分成兩類選擇-餅乾&脆脆類及QQ煙韌類，兩邊大約各有10款選擇⭐️希臘乳酪雪糕（草莓脆片、麻薯粒粒、芒果爆爆珠、榛子醬)乳酪雪糕柔滑，帶點微酸，芒果爆爆珠好正爆哂芒果🥭汁出嚟⭐️希臘乳酪雪糕（開心果碎、蜜味紅豆、蜂蜜蘆薈、脆皮朱古力醬)呢款有蜜味紅豆🫘&蜂蜜🍯蘆薈，所以比上者更甜下次可以試下其他甜品

【楓Kaede ｜久違的乳酪雪糕🍦】最近需要多點甜，捉咗朋友陪我食雪糕，因為($58)買一送一😇。今次係希臘乳酪雪糕，唔算好甜，開心食，食完再減啦！今次呢間日式小店，好出名烤蛋糕同大板燒，不過時間關係，我哋食兩杯雪糕外賣食，下次再堂食啦！食咗咩🍵抹茶醬、蕨餅、紅豆🫘，開心果碎碎。🍫朱古力、Oreo cookie 碎碎、麻薯粒粒。🍁楓 (旺角)📍旺角廣華街1號仁安大廈地下32B-D號舖#楓kaede #旺角美食 #希臘乳酪 #雪糕 #日式甜品

11月天氣都仲係好熱，喺旺角行咗咁耐街，想搵返個雪糕食吓，但係雪糕食得多都會肥行行吓俾我見到呢間有得食乳酪！即刻落去食返杯入到舖頭係日式風格，位置都算闊落。一杯yoga可以揀三樣配料，我就揀咗Oreo碎，麻糬粒粒同埋白玉丸子。配搭埋抹茶醬。嚟到樣貌已經好吸引，配料都比得好足。食落酸酸甜甜勁開胃，抹茶醬亦都好香，但係又唔會太過苦建議食到一半就可以撈勻啲再食，如果唔係去到個底會剩返好多醬，食完成杯已經幾飽下，好滿足。

之前試過呢間隱世小店嘅日式烤蛋糕同大阪燒 早排經過見到新推出咗𝔽𝕣𝕠𝕪𝕠～買左兩杯試試(*ﾟｰﾟ)ゞ♥ 希臘乳酪雪糕 $⑤⑧｜3款配料 + 1款醬汁♡ 𝘖𝘳𝘦𝘰餅碎 // 白玉丸子 // 麻糬粒粒 // 抹茶醬♡ 開心果碎 // 抹茶蕨餅 // 蜜紅豆 // 焙茶醬原來都幾大杯🍨𝓎𝑜𝑔𝓊𝓇𝓉酸甜味突出 所以唔似一般雪糕咁厚重 反而幾開胃 兩款茶醬都係自家製 配上乳酪隱約滲透茶香配料有脆口餅碎同𝙘𝙝𝙚𝙬𝙮類別～建議叫齊幾款 可以有哂唔同口感(‘ε’)麻糬蕨餅呢啲就建議盡快食啦 以免喺低溫擺太耐會變得更韌

出開旺角行街，行行下口痕想食下小食或者甜品，點知行過見到呢一間日系和風小店，眼見有希臘乳酪雪糕做緊優惠，好似幾抵食就入去買左。抹茶餅乾碎+抹茶蕨餅+白玉丸子配Homemade小山園焙茶醬杯乳酪雪糕好大杯！好豐富！好抵食！因為無諗到原來咁大杯，差d食唔晒！個乳酪雪糕幾夠硬身，味道夠酸，d醬汁勁多勁濃味個焙茶味勁出，不過d醬汁係個底到就要d技巧先可以食到。Oreo餅乾碎+麻糬粒粒+白玉丸子配脆皮朱古力醬d配料係落得好多，唔會因為有3款配料就比好少，所以絕對可以邊食乳酪邊食到配料，唔洗慳住食。白玉丸子好好食，煙煙韌韌加埋d醬同雪糕好好食。

前排喺油麻地開咗間新店，主打多款日式輕食，有大阪燒、大大個軟綿烤蛋糕、FROYO雪糕、刨冰，最近更加入烏冬主食，食物款式多元化，價錢又合理，下午茶去就最適合不過了😍呢度嘅招牌菜係烤蛋糕，一坐底就好叫啦，因為即叫即整，等候時間都要20分鐘左右，有四款口味選擇，義大利可可、芝麻、焙茶同抹茶，感覺前兩者較普通，後兩者更帶日式風味，見隔離附近都係點後面嗰兩款口味😆上枱時真係嚇親，估唔到蛋糕咁大個，質感鬆軟，帶點咬口，上面塗上滿滿嘅homemade焙茶醬，完全唔甜，而且可以加醬，旁邊仲有水果、紅豆、白玉丸子、蕨餅等，整體口感豐富，作為飯後甜品就最適合不過了，不過建議多人share，唔係嘅話真係會飽死😂淨係食甜嘢難免會覺得膩，所以叫埋個大阪燒中和返，即叫即整，材料滿滿，餡料豐富，椰菜、木魚、粟米、沙律醬同大阪燒醬，鹹中帶甜、配料有得選擇蜆、章魚、蝦或帶子，帶子出面未見過，幾有特色，大大粒，鮮甜可口，可以一試！飲品方面有好多選擇，可惜芝麻豆乳賣曬，要咗焙茶同抹茶口味，豆乳比茶味更突出，所以絕對唔苦，茶底味都幾香，大人小朋友都適合！整體感覺唔錯，仲播住日本音樂好有feel呀🧡

楓 (旺角)旺角廣華街1號仁安大廈地下32B-D號舖。雖然已經秋天，但係下晝天氣仲係成日都好熱 🫠 。熱辣辣最好就係食凍野～ 😌 但要食d健康d一杯凍乳酪就係最好嘅選擇 🥰。呢度嘅乳酪可以自選唔同配料、醬汁，配合唔同人口味。乳酪味道無咩甜真係好健康～ 焙茶醬汁好濃，抹茶蕨餅煙靭，完全係我最喜歡嘅組合，食完之後涼浸浸舒服曬 ❤️ 。呢度仲有其他甜品同主食，下次要試埋先。@kaede_dessert 。#gpigmk

體驗極差1. 經OpenRice 訂坐, 但無reserved 坐位。好彩剛好有枱走，不用等太耐可以入坐。2. 7:30pm晚市只有一個妹妹做樓面，已經QRcode自助落單，但抹不到枱，斟唔切水，上唔切菜，開唔切QRcode.。加上妹妹手腳極慢，每次只可以拎一份餐具，或者只可以拎一杯水。送餐但唔送餐具，送雪糕但係冇俾匙羹，食完唔識執枱。3. Menu 近乎無野揀， 全版蛋糕只得返一款，全版窩夫無，全版刨冰無，烏冬連雞都無，星期五晚市乜都無？！4.選了章魚大阪燒和焙茶蛋糕，大阪燒好不好吃不評論，本人是覺得同我認知的大阪燒有出入，不是難吃，就是不是那一回事。蛋糕等了半小時才說爐壞，沒有蛋糕！5.點了買一送一乳酪雪糕，就那麼2杯，出單出4杯！乳酪雪糕不用煮吧，但又係無限等，終於等到了，好甜，任何配料的味也吃不到，就只有死甜！6. 埋單又係無限輪迴的計錯數，錯完又錯。問可否收Mastercard，話收卡啊，轉頭又話唔收Mastercard。改visa埋單。7.客觀事實，只要你一入門口就知成個setting 好有問題。system panel 係最入面，但開新QRcode俾客係最出面，每開一枱新

這間日本餐廳位於旺角，鄰近油麻地站廣華醫院，主打一系統的地道日式料理，其中巨型日系烤蛋糕和大阪燒更是招牌菜。店內環境以簡約的木材為主，裝潢充滿日式洋食屋的格調，適合約會或多人聚會。飛驒和牛漢堡扒蕃茄湯烏龍麵 - $108超大塊和牛漢堡厚度適中，煎得略帶焦脆，肉味濃郁及肉汁極度豐富；自家餚製鮮蕃茄濃湯極濃稠，酸酸甜甜有一粒粒鮮蕃茄肉，煙韌彈牙的烏冬好掛湯；更有半熟糖心蛋、嗚門卷、香甜栗米粒及紫菜作配料，十分豐富。炙燒慢煮雞叉燒咖喱湯烏龍麵 - $78四件雞叉燒外焦內嫩，慢煮保留最大程度的肉汁，毫不乾柴；自家餚製咖喱湯同樣濃稠，有著香甜的日式咖喱香，同樣有豐富配料。帶子大阪燒 - $98淋滿紫菜粉、蛋黃醬及醬汁，再鋪上大量柴魚片，好吸引；外脆內嫩的大阪燒，有著柔軟的麵粉，內有爽脆的椰菜絲，更有一粒粒雪白的帶子仔爽滑彈牙。蜂蜜柚子梳打 +$19酸酸甜甜的柚子帶香甜的蜂蜜味，有碳酸氣泡的清爽。西柚烏龍茶 +$19清新的烏龍茶帶濃厚香甜的西柚果香。

再訪廣華街打卡Cafe 楓，今次有新品刨冰同蕃茄烏冬晏晝1:00開，坐左15分鐘已經滿座，可以睇得出人氣爆棚慢煮燒雞蕃茄湯烏冬叫咗個蕃茄湯烏冬，蕃茄湯底非常之濃郁燒雞肉質鮮嫩，上面鋪左少少照燒汁，甜甜地帶子大阪燒呢個係健康版嘅大阪燒，裏面夾咗勁多椰菜口感比較煙I’m，唔會食到成口粉開心果刨冰開心果醬甜甜哋，食落唔會太Heavy焙茶牛奶 芝麻牛奶用咗3.6牛乳，味道香醇濃郁芝麻牛奶好飲啲，厚厚一層芝麻醬，香得來唔會太甜

這天朋友在這裡買桌遊，需要慢慢挑選，所以我們在附近外賣乳酪雪糕食住慢慢等。這裡的乳酪雪糕質地很細滑，味道酸酸甜甜的，很滋味。第一杯選了朱古力醬，而配料則是開心果脆脆、紫米及麻薯。我覺得紫米很特別，味道不甜膩，而麻薯則是煙煙靭靭的，是我喜歡的口感。第二杯的醬汁選了抹茶醬，配搭草莓脆片、白玉丸子及抹茶蕨餅。香脆的草莓脆片跟軟滑的乳酪很合襯。蕨餅質地偏硬，而丸子味道則比較清淡。整體來說，這裡的乳酪雪糕味道很不錯，而且份量十足，我吃得非常滿足！