楓林小館 (已結業)

相約朋友到荃灣逛街，又想搵個地方可以慢慢坐和傾下計，最後選了楓林小館。預先有訂位，平日晚上人不太多，但2個人比較難點菜！ 我們決定選3個餸：點了啫啫雞煲、百合、山藥炒爽菜和梅子冰肉,其實味道和鑊氣十足，但略嫌油太多，啫啫雞煲內有豬潤，沒有腥味，雞亦很滑。最初不知什麼是爽菜，原來泛指一些爽既菜，例如：西芹和蓮藕等。配搭不錯，可惜油太多！ 梅子冰排骨反而有驚喜，味道不會太酸，甜甜的，很開胃。其實2樣餸都是下飯的好餸，但我們2人太飽了！ 整體來說，味道和服務都不錯。但略嫌價錢有點貴！

還記得兒時，每逢長輩生日或過時過節，都會到沙田的楓林小館吃晚飯慶祝。超過半過世紀的沙田老店於一七年結業後，再於一九年在灣仔重開，但長輩們都因為年事已高，行動不便，加上路途遙遠，往往因此而令他們卻步。最近得知楓林小館在荃灣廣場開了新店，從荃灣西鐵站或荃灣地鐵站都有行人天橋接駁直達，交通十分便捷，老友記們又可以重拾回憶的味道了！招牌紅燒乳鴿（HK$78)馳名的招牌沙田紅燒乳鴿，雖然地點已經不在沙田，但味道依舊。乳鴿皮脆肉香，肉汁還緊緊鎖在裡面，加埋七彩脆蝦片，兒時滿載的記憶，頓時擁上心頭。金磚豆腐粒（HK$52)除咗招牌乳鴿外，沙田的山水豆腐同樣出名，金磚豆腐粒都是必吃的。金黃香脆的外層包著雪白嫩滑的豆腐，外脆內軟，口感一流。楓林小炒皇（HK$138)小炒皇的材料十足，有韮菜花、腰果、蝦乾、菜甫、鮮蝦和魷魚，小炒的火喉到家，鑊氣十足。荷香煎藕餅（HK$128)材料雖然簡單，只有肉碎和蓮藕，但煎香了的藕餅，餸飯一流。蟹炒腸粉煲（HK$198)用砂鍋載著的蟹炒腸粉，未上到枱已聽到鍋內的吱吱聲音。原隻的鮮蟹跟腸粉同炒，蟹的鮮味混入腸粉內，十分惹味。蟹雖然不是太大隻，但有很多膏，肉質亦非常鮮甜。豐

是日沒有訂枱，一行6大3小，見到有位，所以揀咗呢間。門口姿客似乎唔係咁醒目，表達能力欠佳，都唔知入2得定唔入得，入到去，發現枱係坐唔到9個，最後都係分2枱坐。點心小食方面選擇都好多。特別款式有泥鯭粥，煮得夠味好味。 鮑汁紅燒伊面就相反，好似唔記得落味咁。其他點心就不過不失。 而紅燒乳鴿就幾大隻，同埋入味，亦炸得好脆。 椒鹽魚魷亦都好入味，睇黎啲熱氣野做得唔錯，又膽又入味。環境方面，都新淨乾淨4大1細，562蚊，都算正常價。

女性朋友要傾心事，緊係搵間餐廳冇限時架啦適逢之前有朋友介紹咗呢間中菜唔錯而且地點就近西鐵站，一個站就返到屋企7:00入座，人流唔算多，空間感都好大菜式選擇好多，花多眼亂賽螃蟹以蛋白模仿蟹肉水嫩嫩蛋白形態神髓相若伴鎮江醋享用一流紅燒乳鴿乳鴿吃起來像是比較嫩的鴨肉，非常香甜可口，外酥內嫩的口感真的很好吃啫啫雞煲上枱滋滋聲，鑊氣十足雞件夠乾身略嫌味道有少許偏鹹小炒皇整碟餸很香口及惹味侍應招呼有禮，適合與一眾朋友或親友食飯。

好耐冇去飲茶啦， 對飲茶有種情意結 今日就同媽咪嚟咗荃灣飲茶 。。。。。。。。。。。。。。。 酒樓嘅裝修寬敞， 走嘅係懷舊風有一種好舒服嘅感覺。 呢間酒樓最出名嘅就係炸乳鴿 梗係要試下啦； 乳鴿係即叫即炸 皮脆肉嫩 椒鹽白飯魚： 每一條都炸到好酥脆， 味道就偏淡少少， 蝦餃： 呢個去酒樓必叫之選； 晶瑩剔透， 皮比較薄， 不過佢比出面嘅酒樓份量大好多ヾ(*’Ｏ’*)/ 手拉滑腸， 佢呢度嘅腸粉比較大條， 因為媽咪 鍾意食 蒸腸粉所以就嗌咗呢一個， 味道都唔錯，唔會話太過粉 豉汁蒸鳳爪： 又係即叫即蒸架上到嚟嘅時候熱辣辣； 每一條鳳爪都好入味。 蘿蔔糕： 三大塊蘿蔔糕兩個人食啱啱好呢度係屬於高檔式嘅茶樓， 入咗之後就會有前菜， 今次佢係送蕎頭， 唔好睇佢細細兜咁呀， 媽咪話佢整得好入味幾好食 ****************************** 楓林小館 荃灣大壩街4-30號荃灣廣場6樓615-620號舖

好耐冇見嘅朋友終於有時間食餐生日飯 為咗就佢專登入到荃灣廣場 行咗陣見到有間酒樓 門面幾特別好有懷舊feel， 就入去坐低試下先， 見到餐牌 價錢 比出面酒樓貴少少 我哋就叫咗 ⭐古法雙冬羊腩煲連埋個爐上枱 羊腩炆得好林 而且好入味 根本唔使點醬汁 已經夠曬味⭐ 薑蔥焗大連鮮鮑魚(6隻)鐵鍋上， 拎到埋嚟闢啪啪嘅聲音 亦都感受到嘅香味🤭 咬落好淋 入曬味👍🏻👍🏻⭐ 上湯大蝦球伊麵 上湯 味道濃沃 大蝦大約有十隻左右 都好爽脆👍🏻伊麵冇黐住一舊舊條條分明👍🏻👍🏻 好食⭐ 椒鹽鮮魷( 小食) 條條肥嘟嘟脆卜卜 椒鹽味夠， 魷魚每一件都好厚肉👍🏻👍🏻整體食物質素 真係唔錯 呢個價錢抵畀嘅

荃灣廣場有幾間酒樓，其他都食過都是一般般，試過呢間中午食點心，食物唔差，係衛生差少少同埋無嘜服務，感覺還可以，於是決定試埋晚飯小菜，點知就出事。 平心而論，食物係ok的不過不失，價錢相比同區的酒樓算貴，但服務真係九流或然者可以講完成全無服務。不但落錯單，點菜後成個鐘都無得食，大堂四眼個位男經理，叫極都扮睇唔到，同佢投訴仲愛理不理，態度非常之惡劣，成間酒樓好似夾埋趕客咁，想你快啲走唔想做生意。

荃灣美食多就應該係人都知架啦不過要一時間係荃灣搵間食點心既鋪頭 又唔想幫襯啲大集團 會有啲咩選擇？今日就比我發現左-----楓林小館以前都唔係好覺眼見過呢間野 唔知係咪新開🤨🧐我地得兩條友仔 但職員比左張大檯我地唔通睇樣都知我地大食 要比張大啲既檯我放野食🙊🙊呢間係啲高檔式茶樓 入座就會有碟前菜---麻辣花生係檯面唔好睇小呢兜花生仔 我覺得佢好好味😂坐底睇左陣點餐紙就一口氣叫左一大堆野食上菜速度都幾快 所以我地選擇左等齊啲野食打個靚卡先開餐點餐紙上好多野都好想食 經歷左幾番既掙扎 最後決定到叫左以下既野食蝦仁燒賣皇燒賣係飲茶必點之菜亦因為係間間茶樓都一定會有既菜點心 呢一款點心會好影響我對間茶樓既印象咁當然呢一間既燒賣無令我失望啦大大隻蝦就好似幫粒燒賣加冕既皇冠咁放左係頂豬肉同蝦既比例岩岩好 唔會蒸過龍蘸少少辣椒油 簡直完美😋😋😋😋黃沙豬膶腸粉👑老實講 我係比「黃沙」兩個字吸引左我點佢最頂級既豬潤先可以稱之為黃沙豬膶豬膶未煮熟會有血水出 煮太耐又會硬左鞋口 好難食腸粉又係啲蒸太耐會爛既野食兩樣食物夾埋一齊蒸 時間真係好重要呢一碟就蒸得岩岩好👍🏻 豬膶係名副其實嘅黃沙豬膶 色澤黃黃地 無

楓林小館，今次係第二次去飲茶，整體食物質素唔錯，可以算係有水準，服務員服務很快，餐廳整體清潔，叉燒酥好食，泥鯭粥夠味個覺得鹹咗少少。已荃灣區酒樓飲茶呢間算係有水準，雖然價錢貴少少，但勝在人少，值得再去。

老友們相約今日午膳在荃灣「楓林小館」，皆因看見這份特價筵席套餐四位$880。香醋小雲耳，我沒有試。懷舊炸鮮奶~炸得略為老火，酥皮脆中略靭。花膠杏汁燉白肺~花膠頗大片，但湯水沒有杏汁燉白肺應有的柔滑豐厚質感。招牌燒乳鴿~乳鴿味道尚好的。清蒸海星斑~海星斑肉質嫩滑，尚好的。薑蔥焗鮑魚~尚算冶味，鮑魚肉質不賴。瑤王扒瓜脯~味道適合，瓜脯夠腍。欖角冰梅骨~冰梅骨炸得略過火，又是酥皮脆中略靭，但欖角淡而無味，粒粒欖角咀嚼間感覺像焦炭，我不敢下嚥。沙田滑雞粥~粥底綿密，滑雞從切口觀看，應該是用斬切好的白切雞放入粥底再上窩奉客。合時靚甜品~鴛鴦西米糕。評語~我們尚可接受衆多菜餚質素有少許參差，但對低服務水準有不吐不快之感，我祇反影兩件事情，第一，未上菜前，我拎起枱面一個有包裝的膠手套在自己枱面位置（吃燒乳鴿用），老友誤會以為少了一個，向穿西裝服的男侍應取回一個應用，男侍祇是抛下一句便離開：「夠啦！每人有一個架！」。老友幫忙代埋單，埋單前跟看賬目，才發覺甜品未上，女侍應回應：「你地都冇叫上！」？？？原來錯在我們沒叫上甜品！！！所以才沒才上甜品！！！午膳特價筵席套餐四位$880，加一位加多$240，連茶

在openrice預訂十分方便、八月28日去左荃灣楓林小館午餐、聽聞乳鴿做得吾錯、小菜也精緻、怎料去到未食已一肚氣'訂左11:00去到11:10分個知客話我遲到要等位、因為星期六開10:00、我問佢我訂11:00尼到11:10分當我遲到、好似吾多合理、後來爭取去11:25分入座、我覺得佢地D安排真係好吾得囉-今日叫左一隻乳鴿、一碟Xo醬蘿蔔糕、一份蒜蓉冇骨魚,、食物都算ok、但服務真係要改善'尤其接待處

見佢有個原價1xxxx,現6xx 的4人套餐。好似好抵咁，所以就同朋友一起去試食。前菜: 拍青瓜- 味道正常，但覺得放左好奈感覺 炸鮮奶- 外皮偏黑同厚白肺湯- 夠熱 ，ok的乳鴿- ok, 但唔夠脆雞粥- 正常 冇咩特別咕嚕肉- 炸粉太厚， 冇咩肉龍躉球- 味道唔錯， 如果多d 就好啦蒸柚皮- 唔知食緊咩，太淋，唔識欣賞甜品- 紅豆糕 ( 埋單發現有， 佢冇上，記得對單)總結: 實付9xx, 因 加1 係用正價計。食完覺得如果接近千完食這樣質素，個人覺得唔值。 唯一讚 上菜幾快， 但食得慢就好快涼哂6xx 4 個人可以接受，飽的。 但實付就。。。。。 唔 建議try.buy the way, 朋友說，食過普通點心，一般.所以呢 吹水地方可以，食物質素唔好好抱高期望啦

楓林小館荃灣新店，是一家食比較舊式的小炒有好多小菜都比較不常見，例如鵝腸炒通菜，可惜是當天一早售罄，聽菜名都覺得肥美一行四人，叫了2隻乳鴿，炸蠔，蒜香無骨魚，蓮藕餅，涼瓜斑腩，蝦米粉絲煲乳鴿，即炸，皮脆肉嫩炸蠔，大隻，肥美，雖不算最好食，合格無骨魚，原來是炸九棍魚脆卜卜，滿口蒜味，酥炸口感，外脆內軟蓮藕餅，手工野，不過不失涼瓜斑腩，涼瓜入味，大家搶住食煲仔菜，蝦米，尢魚乾爆到好香再加上米粉，正正正

星期日去飲茶，未夠4點已經趕人走，尤其是一個金毛紮馬尾既女人，不停話要收工清潔，茶水都收埋人，態度惡劣，十分趕客，成個收數佬咁。另外，以一般茶樓來比較，價錢偏中上，食物質素一般，豬膶腸粉好腥，泥鰍粥味道尚可。哩個價錢有更多好選擇，飲茶想食得舒服，嘆下，卻來趕喉趕命既服務，大家嚟之前要諗清楚，當食快餐可以嚟一試另外，前菜收18蚊咁貴，比一碟花生/蕎頭，而且無得唔要，茶錢午市15蚊，都係偏貴的。坦白講，價錢貴唔緊要，比返啲正常服務我就得，而不是女人破口大罵，趕客走。

睇雜誌介紹，九道經典菜套餐$686/4人（7月特價），價錢吸引，呼朋喚友去試吓。外圍裝修古色古香，坐位安排都幾逼🙅🏻‍♀️杏汁燉白肺（位上）～有件小花膠和豬肺，呈奶白色的湯比較清淡，嚐不到杏仁味碧綠龍躉球～魚件新鮮😄懷舊脆鮮奶～好耐冇食過，唔太甜，包裹的粉漿夠脆夠薄紅燒乳鴿兩隻～今晚主角之一，表皮炸得夠香脆，皮脆肉嫩，開邊手撕嚟食好滋味。配角炸蝦片都好脆。招牌生炒骨～正，甜酸比例恰到好處。蝦籽柚皮～一碟2件，我食咗其中一件的一小塊，勉強吞下。朋友最愛吃柚皮，即食即吐，話未食過咁難食嘅柚皮😳有澀味，放棄🙅🏻‍♀️🙅🏻‍♀️沙田滑雞粥一窩～雞件幾滑，只不過攪多2下就水。合時甜品🍮椰汁紅豆糕～甜得啱啱好，略嫌紅豆太少，多少少更好前菜：手拍青瓜～爽脆不太酸麻辣花生～花生飽滿帶麻香連前菜茶芥加一，$915，中規中矩。