椰汁大王 (已結業)

星期六和媽媽家姐家庭樂，逛逛葵芳廣場+去工廠區買BB用品，佳因太耐冇黎到葵芳一見到椰汁大王立即停下來購買一大杯椰汁大王門面永遠都不會有任何改變，很容易認到，現在付款多了一個選擇-支付寶，還可以掃QR Code拎優惠卷購買，非常方便椰汁 $18 小 $22 大 $26樽 椰汁味道非常濃郁，配上了花奶 飲落很滑身，椰子汁對孕婦很好所以獨飲了一大杯，如果有熱飲就更加滿意，今次味道較為甜少少 但也很滿意 懷孕關係冇加$2 珍珠 涼粉 西米 紅豆味道 賣相 衞生 服務 抵食 推介

而家庶汁己經唔係咁常見，唔係周圍搵到。所以有時經過葵芳呢間椰汁大王，都忍唔住買黎試下。雖然佢叫椰汁大王，但我見大家通常都係同我一樣，黎買庶汁飲哈哈。呢到既庶汁都係現場即柞，不過唔係即買即柞，係姐姐會柞定ｄ擺入雪櫃，不過不時都會見到佢唔夠貨要再柞過。庶汁分幾個size，我買左$18細size，唔好睇細細杯，其實己經好夠，因為庶汁真係好甜，飲一杯己經覺得自己放縱，糖粉超標，不過飲落真係有細個返鄉下食庶既感覺！另外，大既size會用返有蓋膠杯裝，可以拎返屋企飲or 同人share！

食完野梗係要買返杯野飲，又唔想成日飲台式飲品，買杯椰汁飲下先，椰子味好重，排隊都聞到，飲落更重椰子味，好清甜，超正，仲食到微粒果肉，真材實料，一杯唔夠飲，想再飲多d

行左半日葵涌廣場 食嘢食到好口渴 諗緊飲咩之制 醒起椰汁大王好多人都大贊 但我居然冇飲過 趁呢個機會試試佢先 椰汁大王只有賣椰皇椰青椰汁和庶汁 但成日都會看到大排長龍 真係好想知道佢有幾好飲 心諗 咪又係椰汁一杯 廿蚊一大杯 平時買杯告白果x 都40幾蚊 所以椰汁大王都真係幾抵飲 兩個女仔Share arm arm好!! 其實我係唔鍾意飲椰青 所有椰我都唔飲 但呢杯嘢真係令我心心眼 啲味道唔會好假 超級香 味道係好濃 感覺好似食甜品咁。以後行葵芳廣場都會飲

星期六天氣炎熱，排隊買杯椰汁解喝，男店員動作非常快手，問完本人要什麼size,不消一會便製作一杯椰汁，之前曾經在其他分店飲過，所以買前有信心。。重椰味，gd taste😊😊will try again

黃昏的時侯去買蔗汁,排我前面有2位外國人,職員一面沖椰汁一面問我要甚麼,我說要蔗汁,然後她再繼續沖椰汁,兩位外國人走後,職員問我要大杯還是細杯,我說大杯,然後她拿了椰汁準備倒入大杯,我立刻說不是,自己叫的是大杯蔗汁,職員立刻變瞼,然後說: 你唔早講,你都冇叫。由於此職員態度太差,而且本人懶得同佢潑婦罵街,於是同佢講:算啦,唔買了。$20一杯蔗汁唔係D咩,但$20就可以睇到一間店鋪既所謂職員既態度,本人所講既野絕對屬實,歡迎當時人向背後瘋逛咀咒我,姐的論點是清者自稱。無任歡迎你咀咒。

平日真的好少飲即榨既椰汁，今天經過葵芳既椰汁大王，口又乾，天氣又熱，一於整番杯凍既鮮榨椰汁！有得加西米，紅豆，珍珠，加左怕"溜"都是原味的好！店員好有效率，奉上白雪雪既細size椰汁，盛惠十六蚊，新鮮既椰子果然味道濃郁，見到佢地加入花奶喎，椰子香亦有奶味，而且飲既時候仲有椰子碎，好味！

葵芳分店位於新都會來往葵涌廣場的天橋上，位置真的不是太好，人來人往，很容易被玻璃門撞到，溫度又一冷一暖的，不太好受，不過比起新開業時，現時購買的人流已少了很多，大部份時間也不用排隊等候椰汁紅豆冰 $16主要分成兩個大細，大杯$18、小杯 $14，買可+$2添加紅豆、涼粉及西米等. . .現時已不是即時打製，只是在雪櫃取出預先打好的椰汁加入冰塊再打碎。口感冰涼，椰香味甚消濃，入口香滑，但甜度實在過高，估計加入了不少花奶及沙糖，感覺有如稀釋椰漿般，已不是原汁原味的椰汁了. . . 然而紅豆粒煮至軟軟的，連同椰汁一起飲用，甜味得以中和，當成甜品般享用，感覺不錯，但小小的一杯需要$16. . 實在不太抵喝. . . 

呢間椰汁大王位置在新都會往葵涌廣場的天橋.由朝到晚也人來人往.幸好不用排隊,若要排隊每一秒也要避人.服務中等,有問有答,不會黑面,也不會熱情.椰汁大杯15元:加價很勁,我前二個月買才13元.飲品味道椰香味十足,冰粒也全溶.但椰汁仍然很冷.加上黑白奶令椰汁又滑又香,又不會過甜,其實純正椰汁是否不用加奶?我不知,但在香港而言買椰汁最好的出品,椰汁大王一定佔一席位,下一次去椰汁大王.我會選擇深水埗店.

炎炎夏日喝樽冰凍椰汁, 簡直透心涼。 $19雖然唔係睇住職員即榨, 但都見到佢地再落冰加花奶放入攪拌機攪一陣才入樽。呷一口, 清清的椰汁滑入喉嚨, 先感覺清涼, 再後來是輕輕的椰子味道。 可能花奶下得較多, 要差不多飲盡而嚐到絲絲椰絲才更加肯定自已飲的是椰汁。 我知道花奶有順滑椰液的功用, 但請小心會有喧賓奪主的壞後果。以前那位叔叔職員(今日我在深水埗分店見到佢)的製作準成度較高, 後生女要加把勁吧

店舖是在人來人往的商場門口, 排隊很不方便椰汁不算甜, 奶味很重, 原來是加了黑白牛奶, 令到整杯椰汁飲起來濃一點, 滑一點, 不錯.椰汁是帶有油性的, 飲得多是很油膩的, 小杯裝的份量是剛好的.

又係一個非常炎熱的下午, 在葵芳新都會與葵涌廣場的天橋連接處,有一間賣椰子汁的店舖, 被那兒新出的黑珍珠椰子汁所吸引, 我印象中這店舖已在這裡開了一段唔短的日子, 平時細杯椰子汁10 蚊一杯, 現在加珍珠就加多2蚊, 於是就唔唸咁多快快買了一杯細黑珍珠椰子汁試0下!椰子汁: 好香椰子味, 正!珍珠: 大大粒, 都好彈牙!份量: 其實細杯的份量都好夠啦, 因為椰子汁係好飽肚, 何況加埋D大大粒珍珠!

男朋友最喜歡椰汁，每次見到椰汁大王都要買，椰汁大王的椰汁很香很濃，好重椰汁味，好好味！

行過見冇人排隊就買杯飲吓，老公話呢度成日好多人買，應該都似樣﹗買左一杯細嘅，老公，阿仔同我３份飲，嘩。。。好甜呀，食得出好椰呀，成杯嘢仲有Ｄ椰子碎，真才實料，冇花冇假﹗不過可惜我對甜嘢冇好感，所以只飲了幾啖就投降了﹗如果你好鐘意甜，又鐘意冇加工的食物的話，相信你唔會錯過；我估亦都係點解成日咁多人幫襯的原因﹗

食完米線，朋友介紹下來了飲椰汁，$10小杯/$13大杯/$20支裝，與朋友每人來了杯小的。　天寒地凍之下，檔主仍然賣的是冰冷椰汁。朋友解釋，原來每杯椰汁都會加入冰碎急速攪拌，有時生意好起來冰碎未完全融和時，甚至會飲到少量冰碎。冰凍的口感，的確有助將椰汁獨有的清甜滋味發揮得淋漓盡致，今次又好彩未有冰碎，味道是滿意的。:不過天氣實在冷，後來越飲越凍，凍的程度比食HD更甚呢，還好只要了小杯!　還是等到回暖後，再來幫襯吧~