植幕宵 (已易手) 新餐厅

尖沙咀漆咸道南的隱世拉麵小店，個醬油蝦拉麵好濃郁，啖啖湯都係鮮蝦味，個鮑魚爽到不得了，老闆仲有隱藏餐牌，到時可以親自問靚仔老闆🤫好有heart既小店，下次一定會再幫襯。

上星期六，經過韓國街附近，見到有間裝修鮮艷紅色的餐廳，店外貼上拉麵廣告牌，見都幾吸引，入去試吓。咁啱店內，有幾位人客，都係點拉麵，所以試咗個醬油蝦湯底拉麵。經店主講解，原來間鋪啱啱新開試業當中，所以暫時餐單少選擇。拉麵到，聞落去好香蝦味，賣相不錯，湯頭同出面食嘅味精湯唔同，感受到餐廳的誠意，份量不算大，但食得出鮮味。途中店主亦過嚟同我傾吓計，問吓味道如何，感覺有點像日本的居酒屋。下次會帶朋友嚟

行去做gym, 經過呢條小街, 有間新開拉麵店, 趁住未有人龍, 即刻衝去試咗先。。。成間舖暫時得一款麵, 貴精不貴多! 醬油蝦湯拉麵 - 超濃蝦湯 唔係龍蝦, 飲落完全無味精, 蝦勁新鮮🦐🦐🦐 一食就知係海蝦, 仲要聽到後面果枱都係咁讚新鮮, 絕對唔係之前果個講嘅雪蝦。。。同老細傾傾下先知, 個湯佢係用殼同肉ban 爛,完全冇加麵粉, 忍唔住飲哂 😋 唔講真係以為自己飲緊龍蝦湯🥣 個名應該叫 "濃蝦湯拉麵" 😝個蝦同雞蛋係我鐘意嘅醬油醃, 隻蛋係溏心蛋嚟㗎 🥚老細仲拎咗secret menu 醃漬海藻, 醬油鮑魚出嚟娛賓, 個鮑魚真係得啱啱好, 大隻又唔韌又夠入味 🤤Btw, 唯一間舖係坐得迫啲, 要坐high chair, 所以同老細多啲交流, 傾傾下發現老細對食材都有份執著同勁有heart, 再望真啲仲幾靚仔㖭 🤭期待老細嘅有新menu 多啲選擇, 但我覺得自己最終都係會叫返濃蝦湯 😊

醬油蝦濃湯拉麵，湯底以由甜蝦頭熬製，拉麵掛湯能力好好。食落有驚喜，原來師傅每日都會到街市選購廿斤新鮮蝦熬製湯底，所以食落完全冇頸渴冇任何味精。以大量蝦頭熬製的蝦濃湯拉麵，濃郁蝦香，湯鹹中帶甜，味道平衡剛好。另外環境好舒服，比到人一種好舒服溫暖嘅感覺。整體而言，油膩感比起一般拉麵低得多，清新的味道反而更開胃！言談當中得知原來餐廳老闆放棄咗穩定嘅職業開呢間舖頭，希望佢用心製作嘅味道會更加多人知佢道，祝你成功

經過看到這間新開的拉麵店正在試業中, 內裡的客人應該都是店主的朋友, 當天非常嘈吵但氣氛熱鬧. 點了一碗醬油蝦濃湯拉麵, 份量少得像開心樂園套餐似的. 只有麵和三隻蝦, 連半隻雞蛋也欠奉, 更不用說其他配料, 一碗過百完的拉麵, 普通成人大概應該要吃兩碗才足夠吧!蝦的質素很差, 內質不結實也不新鮮, 極像廉價的冰鮮貨包. 拉麵麵質普通, 而且煮過久. 這間餐廳似是店主用作招呼自己朋友聚餐的地方, 若想吃一頓美味晚餐, 這絕對不是一個好的地方!