棋哥燒鵝 (已結業)

燒味@棋哥燒鵝地址：尖沙咀加拿分道40-46號香檳大廈地下2號舖燒味應列為香港的偉大美食發明之一，把肉類食醃得入味，再用火燒得香噴噴小時晚餐媽媽會買來加餸，加隻蛋已是人間美味，淋上汁在白飯上已可輕易食兩碗以燒鵝為主角，在銅鑼灣返工已時常幫襯lunch。今日出Tsim sha tsui 又見列新分店。剛好未食lunch 一個人但求簡簡單單。$128 燒味雙拼，要了燒腩仔，因為芝麻片香脆，加上一層肉一層脂肪的五花腩位，食落富油香又有油脂滋潤不乾身，點些mustard ，美妙之極第二樣要了燻嘴，皮位彈牙重膠質，點白醋同食，補就collagen 之物指定叫燒味就萬無一失，出品有水準平均值以上（不過價錢一定比屋企樓下的燒味檔略貴啦）油菜 一碟 麵或飯食了很多肉，唔點飯都夠曬飽呀

.祺哥燒鵝📍 尖沙咀加拿分道40-46號香檳大廈地下2號舖2人套餐$248包燒鵝例牌，任撰燒味一款，油菜，白飯/瀨粉或米粉兩碗，凍熱飲品或例湯兩杯。燒鵝太肥，肉質唔夠鬆化，有煙燻香。豉油雞肥瘦適中，夠入味。餐廳地下好油，感覺唔太好。

恭喜*棋哥燒鵝*旗艦店新開張🎊🎊🎊要品嚐香港地道燒味、非「棋哥」莫屬，燒鵝皮整得非常脆皮，燒腩仔肉亦都係招牌菜式！不過食完好有罪惡咁！因為好肥美多汁！食唔停口，直頭上癮😁香港地道野唔少得中式湯，我今日飲呢碗係眉豆花生雞腳湯，材料十足，去其他地方都好少有咁足料，飲埋碗中湯即刻飽晒。經過尖沙咀一定要來「棋哥燒鵝」餐廳試吓由於開張關係，梗係星光熠熠啦！難得地俾我有幸見到兩位前輩😊祝賀棋哥燒鵝生意興隆#棋哥燒鵝旗艦店 #中秋斬料#尖沙咀 #旗艦店#荔枝木 #煙燻香味

這並不是我第一次光顧棋哥燒鵝，之前也曾經去過天后和灣仔的分店。今天去到尖沙咀加拿分道，原來這𥚃也有一間新開的分店，看到門面掛滿一隻隻新鮮出爐的燒鵝，光是看著已令我口水直流, 心動不如行動，一於入去吃過飽。餐牌除了散叫外，亦有款套餐，分別有一人、二人、四人及六人套餐，價錢由$128-$638。二人套餐 （$248)套餐包括：棋哥燒鵝-例牌，自選單拼燒味-例牌，郊外油菜，白飯/瀨粉/米粉2碗，老火靚湯/冷熱飲品2份棋哥燒鵝👍👍👍👍👍煷鵝用了獨特的煙燻技術，並帶有陣陣荔枝柴的煙燻香氣，用了黑棕母鵝並配以獨門醃製配方和秘製醬汁，令到燒鵝做到皮脆肉嫩的效果，配上酸梅醬的甜酸味，除了解膩外，亦令風味倍添。單拼燒味-叉燒👍👍👍👍套餐還可以自選一款燒味，我們選擇了叉燒。叉燒帶點肥肉，入口稔香，並帶有甜甜的蜜汁味道。郊外油菜👍👍👍👍吃了那麼多肉，配以一碟白灼菜心配蠔油，可以吃得健康一點。白飯👍👍👍👍套餐除了白飯，還可以選擇瀬粉或米粉。老火靚湯👍👍👍👍👍老火湯很足料，味道濃郁，份量也很大。龍鳯檸七👍👍👍👍如果不想選擇老火湯，亦可選擇冷或熱飲品。門面內在環境餐牌

上次路過天后時, 已經知道這家棋哥. 今天在尖沙咀又見到, 所以就想試一試. 入內堂就座後, 大家商量最重要的問題:點菜!  燒鵝店, 當然要點燒鵝, 再加個米粉白飯, 就是我倆的晚餐了. 棋哥燒鵝 半邊   視覺: 門口吊著多隻燒鵝,  鵝身較細, 似鴨, 但看到鵝頭有髻, 就是真鵝的證明了!  半隻燒鵝碟上之時, 份量是細. 啡紅色鵝皮光滑, 没有破損. 而皮下有白色脂肪. 鵝肉粉嫩, 有光澤, 視覺上就是正常的燒鵝.   手感: 筷子篤一篤燒鵝皮, 已感到皮夠硬夠脆.    口感和味道:  鵝皮脆, 但不厚身, 脆皮水份量不太足夠.   鵝肉嫩滑, 似乳鴿! 而鵝味也不太濃.  另外鵝肚部位也不太鹹, 碟底没有太多燒鵝汁. 總之跟平常的巨大燒鵝肉有明顯分別.  開始懷疑:這碟特別的燒鵝, 是使用了妙齡鵝, 加上醃料汁不鹹, 所以鵝肉有老! 食到最尾果啖, 鵝皮都係脆脆的!    所以棋哥燒鵝, 果然有出奇之處. 另外, 點了油雞拼叉燒. 叉燒很鬆化. 

棋哥個名就聽得多 黑洞都係第一次食👻最近係尖沙咀開旗艦店🎊就腳好多二人套餐（$248）精明眼黑洞計過數 套餐抵過散叫🤗細食既朋友仔可以3個人分添🤣-🔹棋哥燒鵝（例牌）一上菜見到隻燒鵝髀都流晒口水🤤鵝肉帶點脂肪 忍吾住所有皮食晒落肚🤭值得一讚‼️呢到既燒鵝係用荔枝木煙燻同出面食既好吾同 入口陣陣幽香💕例牌份量都吾少✔️黑洞食得好滿足-🔹燒腩仔（例牌）平時酒樓食燒腩仔一碟得嗰幾舊呢到可以盡情食😆每件燒腩仔個皮都脆卜卜 配芥辣醬一流😋-🔹跟餐配兩碗白飯/瀨粉/米粉一碟菜 同兩碗湯/飲品黑洞私心推介揀瀨粉🙊燒鵝瀨勁正🔹加多隻咸蛋（$10）夠晒放縱🤪

去到尖沙咀做完嘢無意間發現這間棋哥燒鵝餐室，因為太肚餓嘅關係就同朋友入咗去一齊食晚飯。結果發現依間燒味店質素同性價比都相當高，幫襯完今次之後都會有再食嘅衝動。入到去環境相當舒適，而且店員服務都相當周到，餐牌種類都是主要燒味為主。燒鵝髀飯燒鵝髀相當大隻，真係份量十足。而且燒鵝做到皮脆肉嫩，食時更散發出一陣煙燻香味，每味道更多一種層次。乳豬拼叉燒飯呢個又一推介，個人超鍾意呢個乳豬，乳豬皮鬆脆可口，沾上乳豬醬真是回味無窮。叉燒則恰到好處，整體真係味道相當好，值得再試。油菜最後再點多個油菜就相當滿足了。

被櫥窗內的叉燒燒鵝吸引這是一家主打燒鵝的餐室打開餐牌有各種燒臘各式常餐這裡還有燒鵝的二人餐四人餐等我們有選擇困難症就決定點二人餐先上老火例湯很好很足料雞腳瘦肉眉豆絕不欺場燒腩仔皮香脆五層肉肥瘦相間入口非常甘香有種邪惡的快感套餐可選白飯瀬粉米粉等瀬粉超大碗至差點滿瀉主角燒鵝是我最愛的下庄鵝脾肉肥美鵝油味超甘香吃罷三四件開始有點油膩感套餐包括蠔油菜心一碟正好抵消一下肉食的罪惡感今晚吃得滿足下次有緣再聚

貪心仔既我，叫左兩碟燒味雙拼，咁就一次過可以食哂，最想食的4款燒味，而且另外叫的份量比較多，加多碗飯，兩人一齊食都超飽乳豬+燒鵝飯其實好少可，有乳豬食，仲有皇牌的燒鵝，乳豬的皮當然脆卜卜，肉都十分的肥美，燒鵝就選擇了鵝脾，除左啖啖肉之外，味道燒得超入味，果然係皇牌。棋哥叉燒+燒楠仔食燒味又點少得代表作叉燒，叉燒半肥瘦剛剛好，肥美又有口感，入口蜜棗咁甜，超好食，而燒楠仔的外皮，脆到薯片咁，係口中咬都輕鬆聽到卜卜聲，好正。

今日同朋友二人係尖沙咀美麗華行街，行到咁上下見有啲肚餓，一出去就見到棋哥個招牌！其實之前已經係天后食過一次，確實令人回味！我同朋友分別單點咗燒鵝瀨粉及 雙併飯(燒肉及叉燒)燒鵝瀨粉點餐果陣我叫咗走胸，結果最後係脾位呢！好開心佢塊皮有少少炭燒既味道，一咬落去D油脂味滲哂出黎！另外加埋佢既調味醬，真係好惹味！！鵝既肉質又唔鞋口，唔會痴牙。抵讚！而瀨粉恰到好處，唔會太淋太硬，好彈牙！另外朋友點咗燒肉及叉燒雙併飯，見到叉燒半肥瘦，燒肉食落去，chok chok 聲，皮脆！如果下次黎到尖沙咀唔知食咩，推薦棋哥！

棋哥燒鵝剛在尖沙咀開了分店，以後唔駛過海都可以嘆到優質靚燒鵝。餐廳裝修光猛，四處掛上美食掛晝，而且座位寬闊，一點壓迫感都冇， 坐得好自在。嚟到梗係要食燒鵝啦～我哋叫咗二人套餐，有燒鵝例牌及單拼燒味例牌，(可選擇叉燒、燒腩仔、切雞、豉油雞、熏蹄及紅腸)，到最後我同朋友揀咗叉燒。套餐包時令郊外油菜、白飯/瀬粉及米粉，餐飲可選老火靚湯或冷熱飲品。主角出場，燒鵝例牌下裝，有靚鵝脾，皮脆肉嫩，惹味十足。燒鵝配瀬粉，係我心目中最好配搭，瀬粉份量十足，湯底夠清，粉質滑溜。叉燒好優質，是瘦叉燒，一點肥膏都有，肉質腍嫩，入口香糖美味，燒烤味十足，好正!朋友話食叉燒一定要配白飯，白飯有米香，亦很軟綿，不錯。至於郊外油菜，今次是菜心， 菜梗及菜葉分開，有菜味，而且沒渣。每日老火靚湯係花生雞腳湯， 火喉十足， 湯料豐富，飲到啖啖靚湯。

近日去左一趟尖沙咀既激安潮聖之後黎到呢間好出名既燒味店：棋哥燒鵝 食晚飯餐廳入面都近乎滿座同男友叫左個2人套餐:⭐️燒鵝例牌⭐️單拼燒味例牌，我地揀左 “燒腩仔”⭐️油菜🥬⭐️白飯🍚同米粉🍜各一, 本來想食瀨粉的但賣哂了😢⭐️老火靚湯🍲同凍檸茶🍋各一老火湯好足料 湯仲好濃郁👍🏻燒腩仔 皮好脆 點上少少芥末 好好食燒鵝 份量好多 件件都好大件鵝皮薄脆 咬落去鵝油出哂黎肉嫰肥美 有鵝味 仲有荔枝柴燒過既煙熏香味

最近見到尖沙咀新開咗間燒味餐廳，望落幾光猛，都幾搶眼，所以就入嚟試下，聽同事講呢間係cwb好好食！即管試試~叫咗二人餐，唔駛諗食咩。套餐包咗一碟馳名燒鵝，仲有一碟自選燒味、油菜、麵飯類同飲品。燒鵝例牌，食落皮脆不特止，仲有陣陣煙燻嘅香味，食落好好食，比平時食開嘅燒鵝唔係好同，正正就係因為多咗一陣煙燻香味，相信絕對拍得住深井嗰啲！而且燒鵝唔會好肥，啖啖肉！燒肉，肥瘦分明，皮亦夠脆，但仍然被燒鵝風頭蓋過整體份量偏大份，同媽媽嚟食都食到好飽，不過值得一讚燒味真係幾出色！

見啊哥最近成日send燒鵝相出黎，好似食上癮咁！原來去棋哥，今日真係想爲一碟燒鵝飯寫食評。今次第一次食，所以貪心d叫左碟5寶飯！燒腩仔做得出色夠哂脆身！但個燒鵝先係靈魂，分唔分究竟係炭燒定香薰味，無論食/聞都有陣陣香味！未試過既你一定要試！！

奔走食燒鵝第二擊！！！ 門面光鮮有別一般舊式燒味檔！！大愛！！叫左個2人餐！份量都幾多！！應該係夠3個人食！！第一讚 張坐椅 好軟 好舒服！！！（行完tst腳都攰啦 回復體力！）第二讚 碗例湯 好濃 爆火喉！入口濃濃架骨膠原！！！！！！必叫！！（女仕們必須點）第三讚 燒鵝 皮脆 肉香 仲有淡淡比煙燻過慨味道！！必點！！！！第4讚 叉燒 肥瘦岩岩好 ！！很有街坊的味道！！！可以叫！！！菜心！冇渣！！ok慨上湯瀨粉！用個隻瀨 粉幾煙韌 唔會一夾就斷開！！（秘笈。淋d叉燒汁落去 成碗野即刻升lv)